وعلاش الحيرة والتفكير مادام ربي في تدبير
الدنيا عمرها إقصير غدو اليوم إصير واليوم البارح إسير يبقى ذكرى ولا يتنسا خيرو
وعلاش الحيرة والتفكير مادام ربي في تدبير
الدنيا مازالها ابخير مدام الشمس مازالها اتنير
والقمر إضوي الليل ونجوم اتسهر العين
مادامت السما بالماء تمطر به تحيا الدنيا وتزهر
ولهوى صافي امعطر بروايح ازهور و عنبر
مادامت لارض تعطي و تزيد من ذي خضرة وفواكه وقمح وشعير ..........
كل هذا النعمة وعلاش اتحير........؟
وعلاش الحيرة والتفكير مادام ربي في تدبير
مدام الصحة والرجل اتسير والعين اتشوف الزين والشين
والقلب عامر بالخير وحب الغير
وعلاش الحيرة والتفكير مادام ربي في تدبير
عيش حياتك مثل الطير يوم تشبع ويوم اتجوع
يوم تفرح ويوم اتهوم ......ولاتخلي في قلبك اهموم
ولاتكثر على روحك اللوم .....اخرتها قطعة وشبر
ومعيشة في ظلمة لقبور ...عيش في دنيا صبور
والمكتوب هو لكون ومدام في طريق ربي اتسير
عمرك ماتنكب ولا تخيب
وعلاش الحيرة والتفكير مادام ربي في تدبير
