بسم الله الرحمن الرحيم و السلام عليكم ورحمة الله وبركاته المقادير :
5 مطيشات ناضجات مزيان مقشرين ومنقيين من الزريعة ومقطعين _3 بصلات خضاريين _ زلافة جلبانة _ قزبر ومعدنوس _ 5بيضات _ نصف كاس زيت الزيتون _ إبزار _ كامون _ تحميرة _ ملح الطريقة : في طاجين نديرو البصلة والزيت غير تهبط شوية ونزيدو مطيشة و جلبانة والربيع مقصص و العطرية شوية من كل حاجة ونسدو الطاجين ونخليوه يطيب بالمهل وملي جلبانة تطيب نفقص عليه البيض ونسدو الطاجين ونخليه يطيب على خاطرو وعلى نار مهيلة ومانديروش الماء لأن ماء البصل ومطيشة كافي وهاهو وجد في وقت قليل ورشو عيه من الفوق شوية كامون ونزينوه حسب الدوق .
