صينية حلويات مشكلة من عجينة واحدة

زائر

المقادير : 250 غ زبدة ( زبدة خاصة بالحلويات )

كاس صغير زيت

كاس عنبة سكر

1 بيضة

فاني

الدقيق حسب الخليط

مفيهاش الخميرة

للتزيين : سكر بودرة + مربى المشماش + لوز إفيلي + نباج + زبدة الكاوكاو + زنجلان + شعرية الشكلاط + مربى الفريز

نخدم الزبدة والسكر وفاني ونضيف الزيت

نخدمها ونضيف البيضة

نخدمها مزيان ونبدا نضيف الدقيق شوية بشوية غير تجمع مزيان نوقف ومندلكهاش العجينة ديال الزبدة كل ما دلكتها غادي تطلب الدقيق أكثر

باقي المراحل مشروحة بالصور

بالنسبة لهاد الشكل باش نقطع الدائرة لي فالوسط كنقطعها بالبواطة ديال دوليبران مغسولة مزيان قياسها نفس قياس الدائرة لي فالمرشم

المربى كنعملها تسخن مع م ك سكر ونخليها تغلي وحد الشوية باش تتعلك وتبقا الحلوى لاصقة فبعضها