السلام عليكم ورحمة الله وبركآته
شخباركن جميع؟. اتمنى الكِل يكون بخير
....
أول ماأستلمت هدية نجاحي وكانت عبارة عن لابتوب
وقتها كان عمري ١٢ سنهه، تعرفت ع المنتديات وغيرها
ومن ضمنها منتديات احلى بنات، سجلت فيه
واعجبني كثير، كونت صداقات ع طول وادمنت عليه
وبفضل البنات اللي كانوا فيه ذيك الفترة، صرنا جدا كلوز
ندخل علبة الدردشة يوميا، نفضفض ونضحك مع بعض
وياكثر الهوشات اللي تصير من بعض البنات
واذكر مرة كنا في علبة الدردشةة وصار في تفكير
كنت وقتها مشرفة عامّة، تعلمت كيف استخدم الفوتوشوب
تعلمت كيف أصمم، لين صرت افتح مواضيع لطلبات التصميم
صار عندي شغف كثير بالفوتوشوب والفلاتر ومواضيعي تشهد
كنت اسولف واكتب مواضيع كثير بالمنتدى ذا
ومرت السنين وكبرت وكبروا صديقاااتي
وكلن انشغل ف دنياهه، صرنا ماندخل كثيير
وزادت القطاعه بحجه الدراسة وغيرها
والاغلب انسحب وودّع ربعه الي ههنا
البعض خذا ارقام بعض والبعض م كان عنده جوال وقتها
وشوي شوي تطورت تطبيقات السوشال ميديا
لدرجه التهينا عن المنتديات ..
....
واليوم اكلمكم وانا عُمري ٢٠ سنه
ادرس سنه ثالثة بالكُليةة
خطرتوا ع بالي وقلت ادخل هنا واسيّر عليكم
وطبعا صارلي ساعه أدور ايش اسم عضويتي هنا
...
صديقاتي الغائبات: شيماء اسيل ميلاف سهاري أبرار
حفصة ملاك حنان حنين سارة وريم وغيرهن اللي ماشاءالله
مو متذكرة الاسامي بس اذكر اني كنت ولازلت احبكّن
ووجودكن في مرحلة من حياتي كان جدًا مُهم
...
زميلاتي الجديدات: اقصد البنات الي انضموا لمنتديات
احلى بنات بهالثلاث سنين، استفيدوا من المنتدى
خذوا منه منافع ودروس، كونوا ايد وحدة وكونوا
صديقات، اغلبكم الحين مُراهقات انبسطوا وفلوها
ديروا بالكم ع انفسكُم وانتبهوا لقلوبكم
...
احبكم جميع، كانت معكم طيف
.
