بسم الله الرحمن الرحيم
اليوم جايبه لكم قصه عن الخيانة
راح أتكلم على لسان ضحية الخيانة هند
أعرفكم على إفراد القصة:
الزوج:خالد شاب وسيم طويل جسمه حلو ومعضل قمحي بشرته بوضيفه مرموقه صاحب شركه صغيره على قده عمره 35 سنه يعني أي بنت تتمناه
الزوجة: هندطالبه جامعيه جميله جدا جدا ملامحها ملامح طفله نعومه وهاديه وطيبه لدرجة الغباء عمره 23 سنه بيضاء البشره عيونه عسليات
صاحبة المشغل: عفاف مطلقه عمره 28 سنه جذابة كشخه عنده أموال وأملاك بيضاء جسمه خوقاقي<<يعني يخقق
الابن الكبير: عبدا لله عمره 8 سنوات بثاني ابتدائي مملوح بوه ملامح من أبوه
الابن المتوسط: محمد بأول ابتدائي يشبه أموه كثير عمره 6 سنوات
البنت : غلا بنت قمة بالجمال صغيره تشبه أبوها ((خشمه سلت سيف مثل أبوه وشفته صغار مثله كمان))
......................
أبداء القصة على لسان هند:
عشت مع زوجي حياه سعيدة هاديه مثل مكنت اتمنا قبل الزواج حبيته وحبني وفيت له من كل قلبي كان مايشوف غيري ((على كلامه بداية زواجنا))
كان مايتأخر عن البيت رمنسي بطبعه أي شي يبدر منه ويحس انه غلط يأخذني برا البيت ويجيب لي هديه و يبدأ يتعذر من الغلط لو مكنت زعلانه
بعد زواجنا ماكمل السنة العاشرة كنا نحب بعض مثل أول يوم شفته فيه
المهم جاء يوم احد حتى التاريخ مانسيته كان 12\3\؟4هـ
جاء من الدوم معصب ومو طايق نفسه قلت خلودي قال هلا قلبي قلت وش فيك؟؟
قال اليوم بالدوام جتني وحده تبي تخلص اوراق تخصه ((ثم تنهد وقال استغفر الله العضيم))
قلت وش فيك كمل ايوه
كمل تخيلي ياهند ماخلت عطر ماحطتوه ومابقاء مكياج ماحطتوه على وجهه ولابسه عبايه مخصره جسمه ولفتت نضر كل اللي بالدائره
قاطعته وقلت خالد انت مو من عوايدك تتكلم بأعراض الناس خالد حنا عندانا بنت وخوات ما انبي نتكلم بأحد
وعلى طول غير الموضوع
ابتسم له وقلت يالله ماودك تتغداء ابتسم وقال وربي ما ارتاح الا ان شفتك
ومرة الأيام..
وتغير خالد صار ينام برا البيت و يعصب من أي شي مايتحمل عياله ومايعطينن أي شي صار على أي شي يطلع برا البيت وينام برا
المهم جاء مره يبي يطلعني للسوق وقف عند البقاله قال تبين شي قلت ايوا ابي ماء
المهم لما نزل للبقاله طاحت عيني على ورقه تحت الكرسي اللي يجلس عليه السواق ومن حب الأستطلاع((الشفايه)) اخذت الورقه وقريتها
كانت الورقه فاتوره طقم ذهب بـ10000 ريال استانست وقلت بقلبي وه ياخلودي تبي تسوي لي مفاجئه وتبي تراضيني واخذت الورقه وخبيته معي بالشنطه
ولما رجعنا للبيت انتضرت انو يفتح معي موضوع الهديه بس ماقال شي استغربت قلت يمكن يتكلم بكرا او بعدوه
المهم بعد مرور ثلاث ايام انا قمت وفاتحتوه بالموضوع وقلت خلودي قال عيونه قلت انت بتهديني شي ونسيت ؟؟
قال لا ليش
قلت امممممممممم اكيد
قال ايوه اكيد
قلت طيب انا قبل ثلاث ايام لقيت فاتوره ذهب بسيارتك بالقيمه الفلانيه وفجأه وقف وقام يخانق ويصارخ انتي ماتستحين انتي مدري ايش وانتي وانتي هذي الفاتوره مو لي هذي لواحد صاحبي كان معي ونساه بالسياره
قلت طيب مدامه مو لك ليش تصارخ وتخانق؟؟
((خالد لاصار يكذب يوضح عليه حتى مايقدر يحط عينوه بعيني))
قلت خالد انت تكذب اصلا انت متغير من لك فتره متغير صاير تزعل وماتتحمل مني أي شي سكت فتره ثم انفجر بالصياح
وقال هند سامحيني ياهند سامحيني
قلت:وش اسامحك عليه؟؟
قال:هند انا خطبت وحده واهله موافقين وزواجنا بعد شهر
انصدمت واحس اني ما اسمع شي ومرت قدامي حياتي كله معه طول هالعشر سنيت بخمس دقايق وبدون شعور طردته برا الغرفه ودخلت دوره المياه وجلست ابكي وابكي وفتحت الماء وجلست اوضي ومن غزارة دموعي احس انه اكثر من الماء
وطلعت وجلست اصلي وماحسيت بنفسي الا والخدامه تطق باب الغرفه
الخدامه:مداام بابا فيه يتصل يقول شوفي مداد هند اتصل عليه وماترد فيها شي رديت عليه من طرف خشمي وقلت لا مافيني شي
وراحت قمت ورحت لعيالي الا واهم نايمين ماداومو
قلت مو مشكله يوم راحه
جاء بعد الدوام وجلس ينادي هند هند
استغربت قلت نعم جاء وجلس بجنبي وحط يدينه على خدودي وقال هند انا ماراح اتزوج علشانه نقص فيك او عيب لا بالعكس انتي ماخليتي علي ناقص
بس انا رجال احب التعدد وابي بزران
قلت: انا عمري قلت لك ما ابي عيال عمرك قلت لي احملي وعييت انت اساسا ناكر للمعروف
قال: انا ماراح اغصبك تبقين على ذمتي كيفك تبين تجلسين معي وهذا اللي انا ابيه البيت بيتك واذا ماتبين براحتك ما اجبرك على حاجه
سكتت وقمت من عنده وجلست افكر بعيالي وقات دامه يقول مو نقص فيني ولا عيب ليش اهدم بيتي بيدي وعيالي اهم شي بحياتي حرام اشتتهم وهما صغار
رجعت له بعد ساعه وقلت خالد انا موافقه اجلس عندك وما ابي اتطلق
قال عز الله انك اخت رجال وهذا الحشم فيك ياهند وقام وباس جبيني
وقال شوفي ياهند انا راح اعدل بينكم أي شي اسويه لك اسويه له واي شي اسويه له اسويه لك
حتى ليله زواجي انا وياه راح اخذك مثله قبل زواجي بليله واحجز لنا جناح واشري لك فتسان ابيض واودي عيالنا عند اهلك واحجز لك مسكت ورد وو وو وو من هالكلام
المهم وطول هالشهر واانا ابكي دم من القهر وكل ماقرب الموعد حسيت ان الموت قرب
وقبل زواجه بليله جا وجاء لي ونفذ وعده ودا عيالي لاهلي وخذاني لصالون وجاب لي فتسان ابيض ومسكه ورد
المهم لما خلصت دقيت عليه وجاء واهو مستاجر سياره لموزين وسواق وفتح لي الباب وركبني وجلس جنبي وكان لابس بشت وكانه معرس جلس وابتسم وقال مبروك عليك انا ياهند وكنت شوي وابكي من القهر اهو كان يتكلم وانا اقول يعني بكرا بيصير له مثلي
المهم اول ماوصلنا الفندق كان حاجز فرقه طق حجازيه من باب الفندق لحد مادخلوني الجناح واول ماسكرنا باب الجناح رحت بوجهي على طول للحمام((اكرمكم الله)) وجلست ابكي وابكي واغسل وجهي وابكي لحد ماحسيت اني تعبت من البكاء وماحسيت ان الوقت مشاء ولما ناضرت للساعه الا لي ثلاث ساعات وانا اطلع الا القاه جالس يتابع فلم جلست جنبوه وحط راسه على كتفي ونام وجلست اتابع الفلم وماحسيت بنفسي ونمت ولما جت الساعه 6:00 ص
قام خالد وقومني وقال هند قومي ولما فتحت عيوني لقيتني لسا على الكنب واهو جنبي قال قومي يالله نورح للبيت رحنا للبيت وبدت حياتي الجديده
رجعنا للبيت وبداء يجهز للزواج ودخل غرفته مالقا له ملابس نضيفه قال اانا طالع للمغسله تبين شي
قلت خالد تعال انا اغسل الملابس جاء وقرب مني وقال بحياتي ماندمت اني تزوجتك
بيوم وعطاها الملابس ودخل يتروش
ولما دخل على طول رحت وطلعت بشتوه((اللي شراه مخصوص للزواج وثوبه وشماغه وعقاله ))وبخرتهم وخذيت الملابس الوسخه ودخلتهم الغسالة وغسلتهم وكويتهم وحطيتهم بالشنطه وجلست عند عيالي وهو بهالوقت يكون جهز ولبس ملابسه وبشته والشماغ والعقال وتعطر ولبس الجزمات((أكرمكم الله)) وطلع يسحب الشنطه تخيلو كان مبتسم ولا حتى قال مع السلامه كنت جالسه مع عيالي ونتابع افلام كرتون وناكل فيشار ولما طلع وسكر الباب ضميت عيالي و بكيييت بدون صوت ودخلت العيال ينامون ودخلت الفراش بنام وماصحيت الا الساعه 5:34 ص على جوالي يدق ويدق رفعت الجوال وانا فيني نووووم الا مكتوب
ابو عبدالله يتصل بك
رديت قلت الوو قال هند اشتقت لك قلت ايوا طيب وبعدين قال انتهي لعيالك ولك
قلت تبي شي قال لا
وانا اقفل الجوال
وانام
وجلس اسبوع مادق ولا جاء لي وبعد اسبوع من زواجه دق وقال اليوم انا بجيك
قمت ونضفت البيت وغسلت عيالي ولبستهم وبخرت البيت وغيرت المفرش وحفضت عيالي انشودة عن الأب
ولبست فستان ناعم فوق الركبه لونه اخضر عشبي وعليه ورد ازرق سوفت بشكل مو طبيعي
ولما دخل راحو يركضون له العيال وضموه وانشدو له الانشوده
و قف وقرب لي وانا بعدت قال تصدقين مالقيت به الي لقيتوه فيك
ومضت الأيام وتزوج اخو خالد وحضرت الزواج
وجلست مع بنت عم زوجي قالت كيفك ياهند مع جارتك قلت والله ماعمري شفته
قالت تخيلي يقولون انه مايخليها تطلع مع غيره ويلبسها قفازات وشرابات وعبايه واسعه وغطوه يعني ماتلبس نقاب((كانت تتكلم وانا كنت اقول بقلبي كل هذا غيره عليها ))
قالت وش تعرفين عنه
قلت والله ماعرف عنه شي بنت الناس بس يقول خالد انه دكتوه وصغيره وماتزوجت من قبل
وضحكت ضحكه كل اللي بالقاعه سمع ضحكته وطب طبت على ظهري وقالت ياحليك ياهند ضحكتيني
هذي عفاف طليقت منصور اللي له المشغل
قامت تتكلم وانا احس اني ببحر لحالي
قمت واخذت عيالي وطلعت للبيت ودقيت عليه قلت الحين تجي
جاء لي وقلت ليييييييييييييييش لييييييييييييييييش انا وش قصرت فيه انا كل شي تبيه اعطيك اياه وش هالسخافه بالذمه عمري قصرت عليك بشي رد علي
قال هند وش فيك؟؟
قلت الحين انا تاخذ علي هذي تاخذ علي عفاف نسيت نسيت لما كنت تجي وتقول لي هذي ماتستحي وهذي وهذي وهذي
قال هند اسمعيني شوي
هند انا غلطت معه وماحبيت تفضحني انا عندي بنت وعندي خوات ما ابي احد يتكلم عليهن
اخذت عيالي وقلت له ودني لأهلي
وبعد فتره رحت للمستشفى واخذت معي البطاقه التأمين الصحي ولما دخلت على الدكتوره قالت انتي قبل شهرين تعورتي بتوأم سبع شهور ((قلت بنفسي ياحرام تؤام كان خالد دايم يتمنا توأم)) بس اللي قطع تفكيري انه قالت سبع شهور وخالد ماله سبع شهور يعني حامل قبل مايتزوجها علشان كذا تزوج واهله مو موجودين وعجل بالزواج بشهر تزوج وفكره توديني وفكره تجيبني انا تعبت نفسيا ما ادري
الحين متردده بين اني ابقاء معه او يطلقني افيدوني..
تحياتي شذاء الورد
((تكلمت على لسان هند))
