*ღ منتديات احلى بنات للبنات فقط ღ*
*ღ منتديات احلى بنات للبنات فقط ღ*
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

*ღ منتديات احلى بنات للبنات فقط ღ*

.
 
الرئيسيةس .و .جبحـثالأعضاءالتسجيلدخول

 

 طريقة عمل الكبة السورية

اذهب الى الأسفل 
3 مشترك
كاتب الموضوعرسالة
طفلة كول
خمس نجوم
خمس نجوم
طفلة كول


مسآهمـآتــيً $ : : 790
عُمّرـيً * : : 24
تقييمــيً % : : 45156
سُمّعتــيً بالمّنتـدىً : : 32
أنضمآمـيً للمنتـدىً : : 10/04/2012

طريقة عمل الكبة السورية Empty
مُساهمةموضوع: طريقة عمل الكبة السورية   طريقة عمل الكبة السورية Empty19/4/2012, 10:17 pm

بسم الله الرحمن الرحيم

هلأ ان شاء الله لح بعطيكم طريقة الكبة يلي نحنا بنعملها
واغلب الناس بيعملوها بسورية
بس بدكم تركزوا منيح معي وتكونوا عيونكم مفتحين وذهنكم تمام اوكي
so
نبدأ بالمقادير
مقادير عجينة الكبة
- كيلو برغل ناعم
- نصف كيلو لحمة مفرومة ناعمة
- بصلة صغيرة
- ( بهارات + كمون + ملح خفيف )
والملح الخفيف لانو احيانا بيبقى البرغل اصلو مملح

الآن مقادير الحشوة
- كيلو لحمة ( إما ناعمة مفرومة أو ناعمة فقط على السيخ )
- صنوبر
- لوز
- جوز
- سمنة
- بصلة

=======================
نبدأ الآن بتحضير العجينة تبع الكبة
شوفوا
كل كيلو برغل ناعم بدو نصف كيلو لحمة ناعمة مفرومة على الماكينة
اوكي
هلأ بتجيبي البرغل فقط
وبتنقعيه بماء بحدود الثلاث ساعات ((( والزمن بيرجع لنوعية البرغل )))
يعني مو تكتريلو مي
انتبهي يعني تتبيل
حتى فقط البرغلة تصير طرية ومو تبقى خشنة وصلبة

----------------------
هلأ بعد مو مضو الثلاث ساعات تبع البرغل
انتي لح بتلاقي انو البرغل صار طري
بتجيبي البصلة وبتفرميها ناعم جدا ( أو بتبرشيها )
وبعدين بتجيبي البرغل وبتخلطي البصلة معاه
وبتحطيه بالماكينة الخاصة للكبة
واللي هي مو موجودة عندي للاسف
وبتفرميه
بيطلع عندك متل العجينة طرية
هلأ
بتاخدي العجينة وبتضيفي عليهم التوابل المذكورة بالمقادير
وبتظبطي ملحهم كويس
لانو سبق وقلت لك انو احيانا بيجي البرغل من اصلو مملح
وبتعجني كويس بايدك
بتعجني بتعجني بتعجني
حتى لو تعبتي اتحملي
وبعدين غطي العجينة حتى مو تنشف
هيك خلصنا من العجينة وارتحنا

======================
هلأ بنعمل الحشوة
واكيد الحشوة لازم تكوني عاملتيها بالوقت يلي بيكون البرغل فيه منقوع
الحشوة
بتفرمي البصلة ناعم كتير
وبتهوسيها على الغاز حتى تحمر بسمنة
وبتضيفي عليها اللحمة وبتبقي عم تهوسي حتى تستوي اللحمة
هلأ صارت اللحمة جاهزة اوكي
بتجيبي الصنوبر وبتقليه وبتهوسيه حتى يشقر
واللوز نفس الشئ
اما الجوز بتخليه ناشف بدون تهويس
أو اذا بتحبي هوسيه
بس نحنا بنخليه ناشف
هلأ ضيفي كل اللحمة فقط فقط فقط
وبتحطيها بداخل مصفاة
حتى فقط تصفي كل السمنة يلي فيها
لسبب ؟؟
واللي هو ( انو اذا بقت السمنة بقلب اللحمة لح تخلي الكبة تفلش وتخرب
)
هلأ بعد مو صفت اللحمة كل سمنتها
واكيد اكيد بتكون اللحمة سخنة مو باردة لما صفيتيها
صارت اللحمة جاهزة بدون سمنة بتضيفي عليها اللوز والصنوبر والجوز
وبتحطي البهارات يلي بدك ياها وبتظبطي ملحها كويس
وبتحطي الها ملعقتان كبيرتان دبس رمان
((( هذا بيعطيها طعمة حامضة )))
وعلى حسب مو بتحبي الحمض حطي
يعني 2 ملعقة او اكتر حسب االي بتحبيه
هلأ صارت الحشوة ولله الحمد جاهزة وتمام التمام
=====================



صار وقت الكبكبة
بتكوري القرص وبتحشه بالحشوة
ولازم كل فترة وفترة تغسلي ايديكي
وادهني باطن كفك بماء مضاف اليه نشاء
حتى يتماسك قرص الكبة
ومن بعدها اقلي الكبات
بزيت يكون حار جدا جدافي البداية
بعد مو تحطي القرص بالزيت بعد بشوية نوصي الغاز
حتى مو تستوي الكبة من برا وتبقى من جوه نية
ولا تكتري بالمقلاة عدد كبير
يعني خليهم من اثنين الى ثلاث كبات
=========================
ملاحظة
1- لازم العجينة تكون كل فترة عمل الكبة مغطاية حتى مو تنشف
2- والكبات يلي كورتيهم حطيهم بصينية وغطيها بكيس نايلون من بداية الصينية
يعني مو تعرضيهم للهواء ابدا
حتى مو ينشف القرص ويفلش بالقلي لاسمح الله
3-اذا حسيتي انو القرص قبل مو تحطيه بالزيت مفلش شوي
ظبطيه بايدك وتكون مبلولة بماء نشاء عادي
وبيركز وحطيه بالزيت
==================================
أما الكبة المشوية
فقط الحشوة تبعها هي لية
وبتشويها على المنقل
واكيد طريقة تكويرها بتختلف
========================
تعبتوا مو هيكي
هي الكبة بدها شغل كتير
ومشهورين نحنا السوريين بمساواتها
على كل الف صحة وهنا
ويا رب تكونوا فهمتوا كويس عليي
--------------
واي سؤال جاهزة بالرد
لانو الطريقة هي طريقتنا ومو منقولة
وهيكي كلنا بنعملها
ويا رب الكل يستفيد
وادعولي
بالتيسير وتحقيق يلي في بالي بما يرضي الله
وهلا فيكم

:......: :طعام1: طريقة عمل الكبة السورية 2134950462 :بيتزا:
الرجوع الى أعلى الصفحة اذهب الى الأسفل
بنوتة ^^
كبار الشخصيات VIP
كبار الشخصيات VIP
بنوتة ^^


مسآهمـآتــيً $ : : 1243
عُمّرـيً * : : 24
تقييمــيً % : : 49292
سُمّعتــيً بالمّنتـدىً : : 16
أنضمآمـيً للمنتـدىً : : 06/05/2011

طريقة عمل الكبة السورية Empty
مُساهمةموضوع: رد: طريقة عمل الكبة السورية   طريقة عمل الكبة السورية Empty20/4/2012, 12:08 pm

مششكووؤوؤره ع الطريقه والله شهيتيني
الرجوع الى أعلى الصفحة اذهب الى الأسفل
Tsukumo
كبار الشخصيات VIP
كبار الشخصيات VIP
avatar


مسآهمـآتــيً $ : : 4992
عُمّرـيً * : : 26
تقييمــيً % : : 54791
سُمّعتــيً بالمّنتـدىً : : 229
أنضمآمـيً للمنتـدىً : : 06/02/2012

طريقة عمل الكبة السورية Empty
مُساهمةموضوع: رد: طريقة عمل الكبة السورية   طريقة عمل الكبة السورية Empty21/4/2012, 3:29 pm

يم يم

اكله لذيذه

وبتشهي يمي يمي

يسلموا ي عسل ع الموضوع الحلو

واصلي ابداعك ي قمووورهه

تحياتي
الرجوع الى أعلى الصفحة اذهب الى الأسفل
 
طريقة عمل الكبة السورية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
*ღ منتديات احلى بنات للبنات فقط ღ*  :: ~►♥ حـيـاتـي الـخـاصـة ♥◄~ :: التغذية الصحية ،والرياضة.-
انتقل الى: