لسلام عليكم ورحمة الله تعالى وبركاته
عزيزاتي
اليوم جبت لكم بسكوي كوكيز كيجي رائع والد من ديال الزنقة انا مكيعجبنيش كيجيني ميدم بزاف هدا كيجي لديد ومقرمش وكيعجب الكبار والصغار
يالله نخليكم مع المقادير
حاجتنا
معالق كبار زبدة بدرجة حرارة المطبخ كاس لاروب سكر بني يلا مكانش نكتفيو بسنيدة ونص كاس سنيدة ملح معلقة خميرة الحلوى بيضة
معالق كبار حليب وشكلاط خاص بكوكيز فورص حسب الخليط
كنخدمو الزبدة والسكر حتى كتولي عندنا كريمة
كنضيفو الفورص مع الخمارة حتى الخصول على عجينة لينة مقاسحة مجارية
نشكل كويرات ونبسطوها باليد انا دخلت شوية فليمول دالسليكون وعاد ستفت الشكلاط من الفوق باش كيبقى باين وكيعطي منظر زوين والباقي درتو فلاطة نسيت مصورتهاش كناخدو كويرات صغار ونبسطوهم
ونستفوهم فالاطة ونزوقو بالشكلاط وندخلوهم للفران حتى يطيبو ويبداو ياخدو اللون ميتحمروش يجيو قاسحين وبيني وبينكم دياول الاطة جاو احسن من السليكون حيت تنفخو وجاو غلاض شوية يعني كانت تجربة مغانعاودهاش كثرة الفهامة وصافي
وهاهو بالصحة والراحة جربوه وانا متاكدة انه غادي يعجبكوم
وعيد مبارك سعيد بالصحة والسلامة وكل مكتمناو
