طفلة في الثامنة من عمرها تفقد والديها في حادث مروري وهي تتحدث عن نفسها :
انا بقولكم قصتي من البدايه انا لمار عمري ١٠ سنوات من السعودية اول شي لما كنت في صف ثاني يعني عمري ٩ ما ادري ك كان عمري بالضبط بس اذكر اني كنت في ثاني ابتدائي كنت في بيت خالي علشان بنت خالي و امي وأبوي كانو برا البيت قالولي قبل ما يطلعون انهم بيسوون لي مفاجاه و انا ببيت خالي كنت مره فرحانه ومتحمسه و كنت اكلم امي بجهاز خالي وكانت تكلمني عن الموت وتقول اذا مت لا تبكين وأرسلت لي صوره وفجأه انقطع التواصل بيننا ، كان ذلك الوقت رحيل امي
بس ما كنت اعرف انها ماتت لانو كنت احسب النت انقطع عند ماما وبابا وبعد يومين اشوف خالي حزين وخالاتي كلهم حزينين وعماتي وكانت جدتي تبكي وانا ما اعرف ليه وكنت انتضر امي بفارغ الصبر قعدت أسبوع ونصف ما اعرف ايش السالفة بعد كذا قال لي خالي انو امي وأبوي صار لهم حادث وماتو اصلا انا كان على بالي انه يمزح ولما عرفت انو حقيقه قعدت ابكي وابكي وخالي يقولي خلاص ويهاوشني لاني ابكي يقول صار لهم أسبوع ما يصلح تبكين وانا كنت توني اعرف ما قالولي
والى الحين وانا ابكي عليهم وأحس ان المفاجاه الي انتضرتها هي هذي ! موت امي وأبوي يعني فجاه كنت مدلـله بشكل غير طبيعي لاني وحيده بالبيت ما عندي اخوان ولا أخوات والحين ــآ حس اني مضلومه بالنسبه لعيشتي مع ماما وبابا وأحيانا انتقل لبيت احد من خالاتي او عماتي لانو خالي كثير يسافر فيوديني عند احد من خالاتي او عماتي - صرت احس مالي مكان في هذي الدنيا كل شوي اتنقل من مكان لمكان ولا عندي صديقات في المدرسة وولا شي
صحيح انو خوالي وخلاتي وعماتي ما يقصرون معايا أبد بس ما احد يصير مقام الام مهما كان وما عمري حسيت بالحنان معهم كثر ما كنت احس بالحنان مع ماما وبابا فقدتهم كذا مره وحده !! ادعولهم بالرحمه والمغفرة
