عشقتك من ضمير ٍ ما يساوم فيك ويخونـك
كثر ماضاقت الدنيا عليّ وصـرت مجنونـك
تعلّقـت بهـواكي وجيـت هايـم لاتخلينـي
ليا ناديتك اقربي .. لا تزوّدي غـلّ مفتونـك
تعالي ولمّيني وان نمـت تكفـىن لاتصحينـي
تفنّنتي بغرامك والغلا هـو سيّـد فنونـك
تمكّنتي بغلاك وصرتي تمشـي فـي شرايينـي
وش اللي صار فالدنيا ليا ناظـرتي بعيونـك
انا في حلم ولا علم!!.. ياللي شافتك عينـي
غرقت فـموج بحرك ما وصلت لسر مكنونك
تساهلتك مع انك صعب وانتي اللي معنّينـي
عشقتك من ضمير ٍ ما يساوم فيك ويخونـك
رغم كل الظروف اللي تجي مابينـك وبينـي
وعاهدتك عهد ماغيرك احدٍ يقرب حصونك
معك طـال الزمن والاّ قصر ياشمعـة سنينـي
عسى الله مايوريني فراقك واعطش مزونـك
تحريتك تجي فـي يـوم تنعشينـي وتروينـي
عليك الله وأمانه كيف اعيش العمر من دونك
وانا اللي لا تذكرتك نسيت اللـي يحاكينـي
( أحبّك ) كلمةٍ تكشف غلاك وتطرد ظنونك
وترضي خاطرك واللي يجيني منـك يرضينـي
تقرّبي من (نديمك)والعـواذل لا يهمّونـك
وانا لا همني غيـرك ,, ولا غيـرك بيعنينـي
مدام انّك ملكتي قبل(النديم)وعروقـه يلبّونـك
تمخطري بالحشا ( لبّى ) حشاي وكل مافينـي
