ما تعلمنا نكون اقسى من اشباه البشر

ماتعلمنا نكون اقسى مـن أشبـاه البشـر
لوتعلّمنا عرفنا كيف هــ الدنيا تدور

القلوب الممكنـه تـنبـض حسافـات وقهـر
والقلـوب المستحيلـه ماتعيـش الاّ تـبـور

ليه هالعالم يموووت الـف مـره يابشـر
يوم حسد ويوم بغض ويوم كـره ويـوم زور

ليه مانقدر نسامح من غلـط أو نعتـذر
ليه اكثرنا يجرّح في بعضنـا بْكـل سـرور

ليه مانسعى الـى حـل النـزاع المنتظـر
ليه من أجل المصالح نشتهي حب الظهـور

هي حكايتنـا حكايـه او حكايتنـا قـدر
هو قدرنـا هـو قدرنـا او تعوّدنـا نثـور

ليـه يسبقنـا الحديـث مانفكّـر بالأمـر
نستمـر بكـل قسـوه اتّـأزم هـالأمـور

يابني آدم كبير الظلم وأوهامـك أمَـر
اخلص النيّه وجمّـل كلمتـك بيـن الحضـور

باكـر تْغيـب الليالـي عـن ملـذات العمـر
وانت غارق في ظنونك ماتعديت الشرور

كف حواء لو تمده لـك يوميـن و شهـر
يمكن تكون الصديقه والاّ الاخت الغيور

كلنا كنّا ملامـح نـاس مـن غيـر الشعـر
أو شعر يرسم ملامح غير عن كـل الحضـور

كلنـا كنّـا ضحيّـة حلـم ظـالـم مـاقـدر
يصدق بكل المعاني حلم مايملـك شعـور

ماتعودنـا نصـارح فـي سوالفنـا ونـقِـر
نعتقد مُمكن بـأن اللـي يصارحنـا يجـور

فينا واحد كان قاسي وفينا واحد ماشعَـر
فينا من خان المآآآسي وفينا من خان الشعور

فينا من يحلم يطييييير فوق اغصان الشجـر
وفينا من يغتال ضحكة طفل باحـلام الطيـور

فينا من يشهق حنينه بيـن روحـه و النظـر
وفينا من يعجز يقول كلمه مابين السطـور

فينا من يشعر بقيمـة نفـس اغناهـا الفقـر
وفينا من يدفن وجوده بين اشـلاء القصـور

كم فينا !!
ماعرفنا وكم نحتاج لـصَور
كم حنّا !!
مافهمنا كم حطّمنـا الغـرور

هذا حنّا كـل منّـا مافهـم حكـم القـدر
والنصيب اللـي يودّينـا الـى درب القبـور

بس لايمكن نكون اقسى من أشباه البشـر
لوشربنا من قساها باكـر الدنيـا تـدور

يعطيك العافيه
موضوع جميل يتكلم على الواقع بالضبط

» لمــــاذا لا نكون كما نكون في رمضـــان !
» الدنـــــيا تعلمنا الحـــــــــكم
» اقسى اللحظات.
» ماذا تعلمنا من صداقة المنتديات؟؟؟
» قلوب اقسى من الحجر سبحان الله