ماهوالمنتدى ؟!! المنتدى هو بيتك الثاني وفية صديقاتك واخواتك يشاركون معك في المعرفة وفي المزح ويزعلون لزعلك ويفرحون لفرحك
وفي هالوقت كثرت المنتديات وصار هناك سباق للمنتديات وكل عضوه تتمنى أن منتداها هو الأفضل وتتفاخر بين صديقاتها بهذا الشئ
فكيف نجعل منتدانا هو الأفضل ؟؟
الحل بسيط
اول شي (( تشجيع الأعضاء الجدد )) هذي هي البداية وأنتي أكيد تتذكرين أول يوم جيتي فية للمنتدى وكتبتي موضوع وكم تمنيتي يرد علية الكل وبتشجيعنا للأعضاء الجدد فنحن نحثهم على الأبداع فمنهم سيخرج لنا كتاب رائعين في الأدب والشعر وكتاب متميزين في الصرقعه أو في أي مجالات آخرى والعضوه الي دايم تكون الأولى في الترحيب " حبيبه وقلبها طيب "
ثاني شي : (( قبل لا تكتبين أي موضوع في أي قسم معين لازم تردين على موضوعين اوثلاث او اكثر )) وهذا شئ مهم مررره .. لأن هذا تواصل بين الأعضاء وتشجيع لهم وأي عضوه تفرح بكل رد على موضوعك وتحثينها على الأبداع أكثر فاكثر وأنتي أذا رديتي على مواضيعهم الكل بيرد على موضوعك إذا كان يستحق . والعضوه الي دايم ترد على المواضيع تسمى " محبوبه الكل "
ثالث شي : (( تشجيع المواضيع اللي يكتبها اصحابها ))
أن تكتبين أنتي موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هي صاحبه الموضوع اللي كتبته بجهدها ولأنه الموضوع حلو فالكل ينسخه وينشره في كل المنتديات ..أكتب فكره أو معلومه أو انقليه من كتاب او مجلة اللي يستاهل النشر
وهي أنك تكتبين كلمة ( شكرا على هذا الموضوع ) كلمات شوية ماراح تتعبك او تنقص من قدرك او كبريائك المزيف .. كثير مانشوف مواضيع عدد قرائها فوق السبعين او الثمانين ومن هذولي فقد يرد على صاحبه الموضوع واحده او ثنتين وأكثر الأحيان تجد الموضوع ما فيه أي رد ..!!
يعني أنتي تبين الكل يرد على موضوعك وأنتي يابعدي ماتكلفتي على عمرك وتجاملي صاحبه الموضوع .. اجل وشوله تشاركين وتتعبين عمرك وتسمى العضوه الي دايم تشارك ويحث الاعضاء على المشاركه " ياحبي لها "
خامساً : (( محاربة الشلل ))
وهذا أكبر خطر يهدد أي منتدى وكثير من المنتديات هرب منها اعضائها لهذا السبب والحمد الله ان منتدانا مافيه .. وشلل هي أنو يتفق الأعضاء ويقولون ( احنا والله شله ارتحنا لبعض ومانبي وحده جديده تدخل بيننا .. والاتفاق هو ترد على موضوعي ارد على موضوعك ) وتروح فيها الضعيفه ( العضوه الجديده ) مايعطونها وجه لين تمل وتنسحب من المنتدى .. وخلاص انتهى المنتدى وصار ممل والاصرف انه يتقفل والحمد لله منتدى ان شاء الله مافيه شــلل ...
سادس شي : (( التواصل بين الأعضاء ))
التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريضه او مسافره حتى أهلك مادروا عنك .. وتجي للمنتدى ولكل مشتاقين لك ويسألون عنك .. أكيد بتشققين من الفرحه ومحد قدك )
ويسمى العضوه الي دايم تسأل عن الاعضاء .....طيبة القلب.....
سابع شي : (( التقليل من المواضيع المنقولة ))
بعض الموضيع مهمه ويجب أن تنقل وتنتشر في كل المنتديات .. لكن مسألة انك تشوفين اي موضوع يعجبك وتنقلينه لا ويمكن تكتب عشر مواضيع في اليوم ( تخصص قص ولصق ) هذي شئ يطفش ويجيب العمى والصمرقع ( وشوله اشترك في منتدى !! .. اجل اقرا جريده او مجله او اتابع الاخبار في التلفزيون اصرف )
ميرسيييييييييييييييييييي حبيبتي بصراحه موووووضوووووووعك كتيييييييير مهم ومميييييييييييييييييييز بس بصراحه في كتيييييييييير مواضيع مع انها مهمه وكتيييييير حلوه بس مع الاسف المشاهدات 10 او 11 بالكتير والردود 1 او 0
