2)

_في بيت ابو تركي العم فهد ابو تركي

( طبعا هذا العم كان عصبي شديد بس رحيم بنفس الوقت وإذا عصب مايرحم لدرجه انه يتخذ اي قرار لو كان ذبح احد عياله)
0 0 0
..الهدوء يسكن البيت........
أميرة كانت تقرا راوية ومشغله سلو ميوزك خاشه جو..
فجاءه خشت داليا عليها خاطرها منكسر..
أميرة ما انتبهت وظلت تقرا فجاءه لمحت دمعة دلو
أميرة رمت الكتاب : حبيتي دلو وراك ؟ وش فيك ؟
دلو: مافي شي.
اميرة: يو يو ياساتر حتى البزارين صاروا يخبون .
دلو: بخجل وابتسامه ولا شي بس أنا متضايقه يختي أنت اربع وعشرين ساعه بهالروايات ونسرين قليل تزورنا ليه ؟ ياليت كل اخواني بنات عشان احس اني فعلا بجو حلو
اميرة: دلو هين أنا بكبري مش قد المقام...
دلو: انت تحبين تقرين بجنون الظاهر والله اعلم انك مومعنا بهالعالم.
اميرة: شوفي أنا عطيتك وجه لأني لمحتك تبكين بس الظاهر انك ماتنعطين وجه.. يلله قومي شرفي و..
.دلو :بس خلاص فهمنا بطس.. ((دلو واهي طالعه قالت بنفسها بستقعد لأميرة))
داليا : أميرة تبين اطلع .
اميرة: أيييه ياعلك العافية ياليت تسوين خير وانا ختك
داليا : بشر ط. اختاري يإما آخذ اللاب توب أو عطرك اللي اشتريتيه أمس من دولتشي آند جابانا
وهذي جلسة (وتتكي على الصوفه تتربع..)
اميرة أخذت كلبسه ولمت شعرها البني الناعم وقالت : لا ذا ولا ذا وش برأسك ؟ تبين تأخذين اللاب توب عشان تلعبين باام الملفات كالعادة
العم سعود واقف على الباب: عجـــــــــــيب ....... اميره شهقت وهي ترجع لوراء.
دلو : مساك سكر بابا..<< -- بايعتها
الوالد بهيبة وشموخ: وش ذا الفوضى وين حنا فيه بشارع أنت وأياها..
أميرة: آسفه يبه بس..
دلو قاطعت: بابا وش نسوي ماحد غيرنا وقلنا نتطاق مع بعض.
الوالد شد أذن دلو و قال : أنت ياشيطونة مصدر الفوضى.
((.دلو بكت لأنها دلوعه البيت))
الوالد : اميرة
أميره : سم يبه لبيه،
الوالد : وين أمك ؟
اميرة : في بيت خالتي يبه الدورية عندها اليوم.
الوالد ناظر لدلو وشافها تبكي بتصنع وينقال له بيجاريها
وقال: أعوذ بالله كأن ميت لها أحد..
أميرة: الدلع يبه مايروح هدر.
راح ابو تركي لدلو وضمها قال :يالله عاد هذا أنا بقول لأحد العيال يعشيكم برى...
دلو نطت بقوه : واااااااااو يحيا العدل كل يوم ببكي اذا الدعوه فيها طلعة برى وناسة
الله يخليك لنا يا بابا
الوالد يمسح دموعها بطرف شماغه خلاص : لا يالنصابة اثاريك تمثلين..( وعشان مايزعلها منه ) قال : عاد رضا وراضيتك يالله تجهزوا عشان تروحون ..
اميرة: يبه ليش ما تتعشى معنا ؟
الوالد : لا يمه ماقدر بنام .... (اميرة كلمه ،يمه، وقعت بنفسها كثير ودمعت خصوصا وأن اخوانها يسمونها دميعة لأان دموعها جاهزة في أي لحظة ..)
أميرة : نوم العافية يبه تبي شي قبل نطلع...؟
الوالد : ديري بالك لك ولأختك.
أميرة: ابشر يبه..
(طبعا سوء الحظ ينطر بندر كان توه جاي من الاستراحه شماغه على كتفه ويغني بينه وبين نفسه حبيتك تنسيت النوم ياخوفي تنساني حابسني ...)
فجاءه لمح ابوه ..
بندر انلخم : العذر والسموحة يبه ماشفتك مساك الله بالخير،
اميرة ودلو كاتمات الضحك شافهم بندر وعداها واهو يناظرهن بعيون حقد
قاله الوالد : يالله يابندر ابيك تعشي خواتك باي مطعم
دلو : بابا نبي الريف اللبناني او فور سيزونز او الضوء الخافت ،
بندر وجهه تغير : سم يبه على راسي بس بقولهن من الحين بكره عندي استلام بدري يعني حدهن الساعه١٢ الوالد: عين العقل توكلوا على الله. ..(الوالد راح لغرفه المكتب)
داليا : ايه يا بندر لو أنها زوجتك كان ما رجعت إلا متى بس الشكوى لله؟
بندر: أكيد وأنت بتحطين نفسك زي زوجتي هههههههه ما يبي لها شك يالنتفه أنت
أميرة تصفق بايدينها : اهي وين بس طلعوها أنت اخطب اول وبعدين تكلم..!
بندر : اقول بلا كثرة خرط بسرعه معكم عشر دقايق أنا بالسيارة..
--سيارته بي أم دبليو سوداء--
ركبت أميرة بعد معركه مع دلو قدام و قرر بندر يركبهم كلهم وراء بس حس إن شكله غلط و خلى اميره قدام ..
بندر يتمتع بجاذبية رائعة و عليه عيون تجنن تعذب سوداء وواسعه ، وطول مذهل وجسم خيالي (يعني جنتل) كثيرا مايسوي ديري فيس ... طلع النظارة السوداء من" جورجيو أرماني " وريحه عطره من"بورباري" وكان يسوق بروية ، شغل ابو نورة (سريت ليل الهوى ليل انبلج نوره..امشي مع الجدي و تسامرني القمرا..)

((3))

في بيت العم أبو محمد
كانت الاجواء صارخة و فوضوية نوعا ما و ذلك ببساطة يعود لــ:
هشام يلعب بلاي ستيشن مع اعيال اخوه الكبير محمد والبيت كله صراخ وفوضى لأن هشام فوضوي واهو مدرس تربية بدنية بنفس مدرسة سعود وسعد عيال محمد..
دخل سلمان وانهبل .....
سلمان يبتسم : يا كثركم ماشاءالله كل ها لبزران لنا ماشاءالله اللهم زد وبارك..
هشوم : هههههههههه على يدك يالله تزوج واشتغل وشد حيلك ....
سلمان : ههههههه يالمعفن ودي بس أنت وراسك عقبه هذا كبرها بوجهي تزوج فكنا منك عشان تفتح لنا الدرب
هشوم قصر صوته : أنا مابي سعودية السعوديات اكبر مابالوحده كرشتها قدام وفوق ذا كله ماتشوف احد شيء
سلمان: اخو العيال اقول تلايط يابن افليك عاد من زينك انت وخشيشتك ..
هشام: ههههههااي والله اني ابرك منه.
سلمان: ايه مايخالف اصلا من يوم اشوفك مدرس فنية غسلت يدي.
هشام: يا ليل الناس الجاهلة ياخي كم مرة قلت لك مدرس بدنية ههههههههه
دق جوال سلمان: اهلا عبدالله ازايك ..؟ تمام عندي هشام والله انا بجي ان شالله بس بطلبك فكنا من هشام لاتعزمه ..
هشام : ياقليبي أنا بسافر عندي سفره فري امبارتنت تو ايجبت
سلمان : صادق او تستهبل!
هشوم : صادق الواحد يبي يغير جو قبل الكتمه والقرف ..!
((طبعا كان حجرف موجود طول الوقت بس بصمت))
حجرف يقرا الجريدة : بإذن اللي ماتنام عينه قايل قايل لامي تزوجك
هشام : اخيرا نطقت احسبك على الصامت غريبه وراك مسكت مو عادتك !
حجرف : كركركر يامصلك ضحكتني ينقالك تخفف دمك...
هشام :آخ بس لو تعطيني خشتك بس وقت السفره.
سلمان : استغفر الله يارب لا تؤاخذنا على مايقول السفهاء منا ...
(( طبعا حجرف يشبه لـ تاراكان بس متعقد من اسمه)
(-- يشبه لـ تاركان اكيد ملك جمال وجاذبية ---)
-
-
في هالوقت دخلت وردة
وردة اول مالمحوها هشام و حجرف يستهبلون بصوت واحد يغنون :
مثل القمر دايم تغير وصوفه مره...قمر.... و مره...... بدر( بتركيز على اسم بدر) ومره.... هلال ويكررون الاغنية ..!
انحرجت مره حمرت خدودها
وردة : وينكم ماطليتوا اليوم؟
هشام الملكع: وردة وش فيك محلوة يلعن شكل ابليسك وش مسوية بعمرك.. بس تدرين عاد بدر مايستاهلك !
((وقعدوا ثلاثتهم يتريقون علي بدر)).
هشام: اما شخصيته يا وردة كنها ستارة مصاريه ساكنين بشقة بالنسيم .
حجرف: ههههلا ا وإلا بياضه بياض فلسطيني كاشت مو يم سالفة
سلمان : وش فيكم على الجالية العربية اخخخخخ
وعلى ذا الحال حتى زعلت وراحت
سلمان : تعالي خلاص بدر احسن واحد بالعالم
هشوم و حجرف : هههههه
وزعلت طلعت لغرفتها ولقت امها جالسة في الصالون
وردة : شوفي أعيالك ما يستحون ولا يعرفون الحياء بس يحرجوني !
امها : ههههه يمزحون معاك بس ماتتحملين شي..
-
-

سلمان طلع برى ركب سيارته ولبس نظارته فجاءه لمح صوفيا اخته بتطلع نزل من سيارته قال : على وين !
صوفيا و هي ماشيه : مالك شغل....
( هنا طارت جنون سلمان ) ...سلمان : ما في طلعه لو على جثتي هي فوضي البيت ما في رجال تأخذين إذنهم
صوفيا : أنا حره ....يا أخي كل إنسان حر ومسئول عن نفسه...
سلمان ارتفع ضغطة وشدها مع شعرها.
سلمان : ذا يا عيون أمك مش هنا فاهمة حنا نخاف الله وما بقى إلا أنت بآخر عمرنا تجين تشوهين سمعة العائلة كيف بتطلعين بهالشكل ...!
سلمان قال ماتروح يعني ماتروح خصوصا وإنها متبرجة للغاية تطلع في عباية مادري وش تبي
صوفيا راحت تبكي وتشكي لأمها المغربية اللي معروفه بمشاكساتها للعائلة...

(4)

-- في مكتبة العبيكان ---

كانت زينة ثاني سنه أدب انجليزي في المكتبه تشتري كتب Poetry ‎‎_ ‎‏
اهي بقسم الكتب الانجليزية اخذت الكتب المطلوبه باقي لها كتاب As you like it‏ لوليام شكسبير...
دورت ما لقت سألت المشرف.....
المشرف : باقي كتاب واحد على الرف الأيسر من "Sonnet Shakespeare"
راحت تسابق الخطى واهي تلوم نفسها وشلون ماشافت الكتاب واهي ماره من عنده صدق غبية فرحت لأنها ما تشوف احد قريب للمكان يعني محد آخذ المسرحية..
وأخيرا أخذت الكتاب مسكته بطرف إصبعها وارتاحت.......
قالت بينها وبين نفسها : اشوى الحمدلله.
فجاءه جاها صوت.... وصوت مش أي صوت قريب حيــــــــــــــــل عند اذنها
(( لو سمحت الكتاب محجوز لي من فترة !... ))
زينة ناظرت وراء وانصعقت مو معقول هااللي تشوف ياربي !
سكتت...... ثم .....نزلت الكتاب..... و......راحت لأن اهي بطبعها تخاف مره من هالحركات خصوصا وانه لوحدها لو امها معاها كان تشجعت وردت على ذاك الشخص واستردت الكتاب ،
طلعت وقلبها يرجف..( دق دق دق دق دق ) .
اول مره تشوف واحد جمال " تركي " بزي سعودي.... لا وقريب لها..!! وش البياض ّ وش الطول والرزة ..وش العيون الكحيلة ...؟
بعد كذا ضرب قلبها ذاك اليوم بشكل غريب من الخوف حتى انها زين اللي سيطرت على نفسها وحاسبت عن الكتب وطلعت
( اخذت تكلم نفسها أنا دايم قوية وش معنى هالمره احس بخوف ياما...و.... ياما رحت باريس ولندن وروما شفت ناس حلوين بس ماقد صارلي زي هالخوف..يمكن لانه سعودي..! أي يمكن
كل هالخرابيط محاولات من زينه لنفسها عشان تقنع ذاتها بخفقان قلبها )
و مازالت تواصل حبل أفكارها ..؟
سعودي حلو غريبه...! ذز از قريت ميراكل ..^_^ .
مزجت هالفكره بإبتسامة ريحتها شوي بعدين فكرت الشيطان ملعون حريص اعوذ بالله من الشيطان
استمرت تتعوذ من الشيطان..،
اعتقد عرفتوا من ذاك الشخص...
ايه اهو....؟؟؟؟
عرفتوه ..
اللي اخته أميرة تموت بشكسبير...
نعم هو........... الوسيم......الجذاب ....المزيون
بنــــــــــــــــــــــــــــــــــــــــدر
سبحان الله وشلون بس يازينة ماتعرفين شكل ولد عمك..؟
من الطـــــرف الآخـــــــــــــر
بندر شعر بإرتباك زينه اللي مايدري انها بنت عمه وزولها ماغاب عن باله يوم ناظرت ونزلت الكتاب بكل ادب وذوق
استغرب انها ما قالت شي خصوصا وانه تعود على حركات البنات دوم مناشبينه واهو مايحاكيهم ولا يقرب لهم استغرب هالبنت كلمها والكتاب معها ونزلته بثقل ولا حتى فكرت تقزه او تبين انه حلو مثل ماتعود من البنات ،
بندر قال بنفسه : مستحيل ماأعجبت فيني إلا بحاله وحده اكيد مرتبطه وتحب خطيبها و وافية له لكذا ماتهتم لاي شخص لو كان بجاذبية جورج كلوني.. اي بس الانثى بطبعها تحب القز لو انها عجوز..
ناظر الكتاب وحس انه يعني له شي هاي كلاس
مسكه شم بقايا عطرها من (فرساتشي).... وتغلغل جواته إحساس راقي..
بعدين ضحك على نفسه وتعوذ من الشيطان وقال انا اكبر من هالتفاهات ألف وحدة تتمناني البنات كثيرات ويركضون ورا ظلي ..
وقف عند اشارة التخصصي كان مشغل ( بين ايديه وأحس انك غريب ..ذوب بأحضاني مثل قطعه جليد)
ضغط بأصبعه.....( تك ) وطفى الأغنية...
وقال بنفسه صدق المهندس رائد الأغنية الرومانسية..!!
مشى وكانت دلو كل شوي توصيه هات لي برينقز أحمر طالع يمين يسار الحمدلله ذا هايبر بندة قدامه وقف ومشي باتجاه المدخل وكان لافت أنظار كل الموجودين خصوصا النساء برزته و طوله دخل بثقل واتجه واخذ لدلو اغراض
(( فجاءه))
واهو يشتري................ لمح زول ماغاب عن باله انصدم وقال وشذا الصدفه؟
معقوله هي صاحبه الكتاب عرف شنطتها من قوتشي جلد وردي ..ا
اتجه صوبها قال بتأكد اهي اولا.. دفعه الفضول الموجود في قلب كل شاب سعودي ... حس بقلبه سبحان الله ! فعلا طلعت زينة وكانت بقسم الحلويات (لانها تموت بالكنافة ) جاها صوت من الخلف وكان قريب لها حيل عند أذنها
بندر يبتسم برقة : (( عفوا الكنافة محجوزة من فترة؟ )))
شهقت زينة وناظرت و طاح غطاها من الصدمة
بندر كأن احد صفقه كف من اللي لمح انبهر بجمالها..... ( يعني صحيح لمحها بنظره خاطفه بس واضحه انها حلوة و موت بعد) ..
الخوف سيطر عليها المسكينة...اخذت تقرا اذكارها وترددهم..
وطاح من عينها وطنشته وراحت تقول بنفسها صدق سعودي زيه زي غيره سبحان خلفيتهم وحده تعبانين مدري متى بيتركون المغازل..!
واهي تمشي..... مشي الحمام بكل ثقل و رزة ..
(( كانت ماسكه خط تفكر....... في الموقف اللي تكرر معاها ..؟ معقولة الصدفة وحدها لعبت دور .. أو ذالشاب تتبعها ... عادي يسوونها بعض الشباب الاغبياء وبدأ الشيطان يلعب براسها ياويلك اكيد ناظر لوحة السيارة ومن هالوساوس ))
-----------------مفاجأة-----------------------
صدمت عربيتها بعربيته
زينة تلقائيا صرخت : خير ماتشو ف
انصدم لانه طلعها من مخه مو في باله يتبعها... عشان يبين لها انه مو قصده يغازلها تأفف و رفع حاجب وقال: اوووووف لحووول انت اللي ما تشوفين الظاهر انك عمياء من يوم اشوفك طاقة النظارة " نظارتها من شانيل " آسف أختي بس الظاهر بعد أن هالمكان محجوز لي من فترة ؟ ((قالها واهو يبتسم ))
ومر كمل طريقة..
زينة ( رومانسية وحساسه مره) خطر في بالها انها اهي بطلة المسرحية ( Rosalind) واهو البطل الرائع
( Orlando)
سرحت زينة تفكر كيف اورلاندو ساعد روزاليند يوم كانوا في غابة أردن .. وكيف قدرت روزاليند تخفي شكلها على انها ولد ... راحت وخشت جو مع شكسبير << -- معذبتها المشاعر اخخخ
"
"
راح بندر بكل ثقل ولا همه شي أخذ اغراضه وطلع طبعا كان وراءه كم هائل من المغازلجيات ولكنه يعجبنا بثقله وتطنيشه لهن..لأنه يدرك انهن يهتمن بالمظاهر فقط..
واهو ماشي كان موقف سيارته بعيد وقف بجنبه همر اسود كتم من كل الأطراف
انفتح الشباك الخلفي
إذا بوحده عيونها ذباحه طاقه لثمه
قال بندر واهو يناظرها : اي خدمه ؟
قالت بصوت مصطنع الغنج والدلع : اييييه ، أحنا كنا في الخبر ودوبنا ساكنين هنا ، أحنا ساكنين في البديعه وأنا ماادل ولا السايق كمان ممكن تدلينا.
بندر بدون نفس بدا يوصف للسايق مع انو لاحظ ان نظرات البنت ماقارقته ابد ..
قالت : اسمي مروه ، وأنت؟ قال : بندر
بندر بإبتسامة : هاه اختي وضح الوصف !
قالت : لا وش رايك تتفضل معايا بالسيارة اسهل للوصف؟
بندر : ( تحسف لأن عنده دوام اخخخ ) آسف يااخت مروة عن أذنك
. وراح..واهو يقول بنفسه مادري متى الاهالي بيحسون ببناتهم والله حرام كل ذا الحرية..
واللي يعجبنا في بندر انه مهما نشوف من تصرفاته آلا انه مرجعه الديني والاخلاقي اوكي...
فتح باب السيارة......... طلع صوت السيارة اول ما تفتح ( دن ن دن )
دخل المفتاح في السيارة ورفع راسه ( طبعا كان مشخص كاشخ الرجال )
وناظر قدامه شاف البنت اللي شافها اكثر من مرة هاليوم
بندر ابتسم لها : سبحان الله سبحانه من خلق وفرق في بنات يجبرون الشاب غصب يحترمهم و يغض البصر عنهم و في بنات أعوذ بالله يبلون الواحد غصب يكحل عيونه فيهم...
( زينة الرزينة كان في شي قابض على صدرها مضايقها بس ماتدري وش؟ يمكن المواقف اللي تكررت لها مع نفس الشخص )
( طول الطريق واهي كل ماسرحت تلقي صورته بعيونها... قالت بنفسها ماأقول إلا انه جريء بس بإحترام
زينة بينها وبين نفسها تضحك سبحان الله بجد حطم معنوياتي عز الله مانيب لاقيه زيه شكلي بضرب عن الزواج )
يوم وصلت البيت دخلت
زينة : السلام ياعباد الله ..! بيبول اوف ذا هاوس
بدر : ههههه وعليكم السلام..
زينة مدت البوز : يو يو وشذا على وين
بدر : وش تشوفين يعني ألعب مصاقيل انا هههه وش يعني آضبط شناطي الاجازة وخلصت..
زينة: صحيح ان دمك ثقيل .......
((بعدين قلبت جدية )) زينة : تكفى طنش استنسنا معك احس البيت في اكشن وانت هنا .
بدر : بس ذي مشكلتك حطي2 mbc‏ ويقولون فتحت اكشن بعد .
زينة: واهي تبكي الله يخليك تكفى لا تروح ..
بدر :مو بيدي ياوخيتي من ورا خشمي ذا مستقبلي يعني اربع سنين وانا ابني والحين ماقدر اطنش .
زينة : أمي مسافرة بكرة ايطاليا عند ابوي عندك خبر ؟
بدر: ابوي قالي ..اهم شي تجين عشان تطلعون لي كندا وامشيك زين..
زينة: بدر امنيتي نقعد بالسعودية مع بعض شهر واحد..
بدر : هذا واقعنا وهذا نصيبنا ولن يصيبنا إلا ماكتب الله لنا ابوي ذا شغله وخبرك منصبه صعب
زينة: الله يصبرنا بس... ويلم الشمل
دق جوال بدر.. ( نغمة نوكيا )...: . هلا بندر شلونك ؟ انا بخير أخبار الاهل يلا احتريك توصلني المطار..
زينة: خلاص يعني من غير شر بتروح .... دير بالك لنفسك والله الله بصلاتك امانة معك ..
بدر: ابشري يمه لاتوصين حريص..
طلعت زينة لغرفتها وكان قلبها مليان هموم...راحت تسترخي على الصوفة
واضغطت التلفزيون حطت ام بي سي اف ام وسمعت
((على خير أشوفك
..كان حنا من الحيين.
.مصير الليالي تجمع الحي مع حيه.))
.امتلات عيونها دمووووع ...
وطلعت الصيحه اللي كاتمتها من فترة...واللي كمل عليها دق جوالها وكانت نغمته
(( ودعتك الله يا نظر عيني ..بأمانة اللي ماغفت عينه.. ما ودي تترك يديك يديني ... فرقى الحبايب يابعدي شيني ))
طبعا ماردت على ابتهال لانها تبكي بحرقه لسفر اخوها الوحيد بدر...