بسسسممٌ اللههٌ الرحمنٌ الرححيمٌ
السسلامم ُععليكممٌ ورحمههٌ اللههٌ وبركأآتهه
اليؤممً ققررتً انققلً هالروأأيههٌ للكأتبهٌ [ًَعششقً الذكريآآت ]ُ
قراءةةُ ممتعههُ
نبدأءُ بالششخخصصيآآت
ابو محمد _ بدر_
وعنده يارا وعاليه فتون ومرام وهنوف وعنده محمد وعادل وسلمان
يارا عمرها 30 متزوجه وعندها ثلاث عيال طويله بيضا ومره حبوبه وطيبه وزوجها هشام يحبها كثير
عاليه عمرها 28 متزوجه وعندها ولدين وزوجها مازن وتزجو عن حب طويله وبيضا مليانه شوي وجمالها يجمع بين الهندي والاروبي طيوبه حييل
فتون عمرها 24 متزوجه قريب وتزوجت واحد من برى العايله عكس خواتها قصيره وبيضا جمالها اوربي شوي ماخذته من جدتها
ومرام جامعيه مره حلوه وحنطيه جمالها هندي جمالها ماله مثيل دلوعه وعلى ذلك مخها كبير واكبر من عمرها كبيرعمرها21
هنوف ((بطله الروايه )) عمرها 16 اول ثانوي حبوبه تحب تنكت كثير مرجوجه بس حيل طيوبه
حنطيه طويله وعيونها وساع وبنيه شعرها طويل واسود انفه كانه السيف كانت ملامجها اقرب للجمال الهندي
محمد عمره 31 متزوج من سمر نعومه وحلوه كثير وعنده ولدين طويل ولونه حنطي وجذاب وعيونه البني مع ملامحه الحاده وشخصيته مخليه له هيبه كبيره بالبيت
عادل طيب وحبوب ومره حنون ورومانسي متزوج من نوره وعنده بنت طويل عادل لايقل جاذبيه عن محمد لكنه ابيض بعيونه البنيه
سلمان حيل مرجوج ونكتي وحبوب عمره 14 طويل حنطي وعيونه سودا وملامحه مثل عادل
عايله ابو طلال _ بندر_
وعنده طلال ولده البكر وهيا وسامر ومحمد
طلال عمره مثل عمر محمد ولد ابو محمد شخصيه قويه وجذاب لكنه مغرور كثيير طويل حنطي اللون وعيونه العسليه مع شعره اللي واصل لاكتافه يشتغل بشركه ابوه
هيا عمرها 20 حبووبه كثير وطيوبه بيضا ونحيفه وعيونها العسليه مع شعرها البني اللي قاصته قصه فكتوريا معطيتها شكل طفولي وبرائه تميزها
سامر ومحمد توام مرجوجين وهم اصغر من هيا عمرهم 18 لايختلفون عن بعضهم كثير ويشبهو اختهم هيا
عايله ابو خالد _سامي_
وعنده سوسن وهلا وغلا وخالد
سوسن عمرها 30 متزوجه بس ماعندها عيال ربي مارزقها للحين هيه وزوجها فيصل حلووه كثير عيونها رمادي وشعرها اشقر واهي نحيفه لانها تحاول ان جسمها مايخرب
هلا بسن الهنوف وهم مرره صحبات وبنفس المدرسه تاخذ من اختها سوسن بالوصف
وغلا عمرها 5 سنوات تزنن ومواصفاتها مثل خواتها وع فكره اخذو هذي الصفات من امهم اللي اخذت صفاتها من امها الفرنسيه لكن ابوها كان سعودي
وخالد عمره25 شخصيه غير كذا جماله الصارخ بعيونه الرماديه مثل خاله وبياضه الصارخ بس دايم كان يسوي تسمير عشان يكون مثل ابوه واللي يزيده اللون الحنطي جمال
وفي شخصيات راح اذكرها خلال الروايه .....
البارت الاول
دخلت هنوف وكالعاده ياهووو ياعالم وينكم انا جيت
وسمعت صوت موب غريب عليها وبطنازه واذا جيتي تبينا نصفق لك ولا نفرش لك الارض ورود
هنوف : ههاي محد طلب رايك سخيييف وين امي وابوي
سلمان قاعد يدور بجيبه ويقول: لحظه خليني اطلعهم لك
هنوف طالعته بنص عين وقالت سخيف وطلعت فوق
حصلت مرام ترتب اغراضها وطالعتها بنص عين وانتي وش قاعده تسوين
ومنغير ماتلفت عليها : بهاجر
هنوف: احسن نفتك منك
مرام قالت لايكثر جهزي اغراضك لان ورانا جمعه وبنروح اليوم
هنوف قالت لامن جدك انتي ولاتمزحي قالت مرام لاجد
هنوف نطت عندها وعيال عمي سامي جايين قالت ايه عمامي كلهم بيجون
هنوف نطت وقالت ونااااسه بجلس مع هلااا
طالعتها مرام بنص عين وقالت : ماكانها معاك بنفس المدرسه قالت لابس هنااك بنفلها
مرام تهز راسها باسف
هنوف راحت تركض لغرفه امها وفتحت الباب من غير ماتدق امها اخترعت وقالت: بسم الله انتي ماتعرفين تدقين الباب
قالت يمه صح حنا بنروح وعيال عمي سامي وعمي بندر قالت ايه صح وروحي تجهزي لاننا ساعتين وبنروح
قالت الهنوف : طيران يامامتي وامها قعدت تضحك ع شكلها وتقول الله يهديك
في جهه ثانيه هلاا مستانسه ع الخبر الللي سمعته وتدق ع توام روحها الهنوف
وعيال ابو طلال كمان متجهزين ماعدا طلال اللي استاذن ابوه وقال مايقدر يجي عشان شغله
وبعد ساعه توجهن السيارات لمكان الاستراحه وبعد ساعتين وصلو لانها كانت تبعد عن الرياض بكثير كانت الاستراحه كلها خضرا مزوعه شكل جميل وتنسيقها كان روعه ومقسومه من النص نص للرجال ونص للحريم وكان بالخلف غرف خارجيه كانت بسس للمتزوجين وداخل كل قسم مسبح كبير ووحده من الجدران كانت زجاج من النوع العاكس اللي في الصباح اللي داخل المسبح مايشوف اللي وراه كانت الاستراحه بتصميم ايطالي فاخر كانت قمه غير الشرفه اللي بكل غرفه وتطل ع الحديق المزروعه بشكل جميل والنوافير وشكلها الخلاب ...
الكل كان تعبان من الخط الا الهنوف وهلا قعدو يصارخون يوم شافو بعض ام محمد وام خالد يطالعون بعض ويضحكون ويقولون موكنكم كنتو مع بعض اليوم قالت الهنوف الا ياخاله بسس وحشتني لي خمس ساعات ماشفتها وقعدو يضضحكون .. ومرام وهيا قعدو مع بعض ويسولفون بعد ماسلم الكل ع بعض قالو لسوينتا تجيب لهم القهوة وكملو سواليف اما الهنوف وهلا طلعو برى يسولفون
وعند الرجال كانو قاعدين يسولفون ويتقهون وكانت اغلب سوالفهم عن الشركه والعمل
والشباب راحو لاسطبل الخيل عشان يتسابقون كالعاده . اما سامر ومحمد كانو يلعبون باعصاب الشباب عشان يفرقون ويعرفون من سامر ومن محمد وجا محمد ولد عمهم بدر ومسك كل واحد من عند رقبته وهو معروف بحدته وقال اقولكم من سامر ومن محمد ؟
سامر بخوف :/ اناا ... سامر
وناظر لمحمد ورد عليه : لاا عاد ياسمي اكيد عد عرفتني انا محمد وبابتسامه تدل ع الخوف
والشباب فاطسين ضحك ع اشكالهم
خالد : اقول خلك منهم وتعال نركب الخيل الحين سلمان وعادل بينزلون
محمد طالع في خالد وقاله ماعرفتنا
خالد اوهو و:: هذا خويي احمد صاحب شركه ....
محمد بدهشه : اها ا هلا والله وغلا اكيد شركه ..... معروفه ومد يده
احمد وهو يصافحه : هلا وغلا فيك يالطيب
وخالد يصرخ شبااااااااااااب يلا ماودكم تنزل انت وهيه رد سلمان : عني ماراح انزل لو يطق لك عرق اما عادل قال: الحين اجي بس اهزم البزر ذا ورد عليه سلمان نشوف من البزر
وعند الحديقه الخاررجيه لقسم الحريم كانت الضحكات تعلو هنوف وهلا .هنوف: هههههه الله يقطع شرك ههههههه خساره ليتني شفتها هههههههه اخ بطني
وهلا : ههههههه وربي شكلها كان تحووفه كل المدرسه كانت تضحك ع شكلها
هنوف احسن خليها تستاهل ليش ما تناظر عند رجلها بس رافعه راسها
هلا : لا ابشرك اليوم نزل راسها للارض هههههههههههاااااي
هنوف : ههههه ااا هههه لل هه لااا هههه خلالالاص حراا ههههه اام اخاف ربي يعاقبنا ع شماتتنا
وقطع عليهم سولفهم جيت مرام وهيا
مراام : خير خير وش ذا الضحك
هنوف نطت عندها وقالت : تتذكرين مزون اللي قد حكيت لك عنها
مرام : ايه مزون بنت ال....
هلا: ايه ماغيرها
مرام وش فيها
هنوف قامت تضحك وحكت لهم هلا وقالت : اليوم كانت تهزا وحده وتلف بكل كبر وشوي ماندري الا وهي طرااااااااااااااااااااخ ههههههههههههههاي هههههه ههههه كل ههههه ماتذكر شكلها ههههه بطني
وجلسو مرام وهيا يضحكون ع السالفه ويضحكون ع اشكال هنوف وهلا وهم متسدحين من الضحك
هيا : الله كل ذا شماته ههههههههه
هنوف وهلا بصوت واحد : اللهم لاااااااااااا شماته هههههههههههههههههههه
وشوي جت سونيتا يلا مدام عشاء
هنوف وهلا ومرام وهيا بققو عيونهم وقالو مدام بعينك حنا انسات
سونيتا :تيب مد..انسات وابتسمت وجاتها هلا وتقرصها وتبوسها انتي كذا مره كويس سونيتا هزت راسها بالايجاب وقامو البنات للعشاء والشباب كانو يلعبون ورق لما جاء عمهم بدر وقال يلاا للعشا يارجال
وبعد العشاء كملو الشباب لعب والبنات راحو للمسبح وانتهى اليوم .. وراح الكل لغرفته ينام وعادل وتركي للغرف اللي برى مع زوجتهم والشباب العزابيه بغرفهم والبنات برضه بغرفهم ...
