بعد 3 أيــام من الاحداث السابقة ....


(( بيت ابو بندر ))

( الساعة 11 الصباح )


طلعت دانة من غرفتها ... نزلت تحت .. شافت امها قاعدة ف الصالة ...
دانة ابتسمت : صبااااح الخير يا قمر.....
ام بندر : هلا حبيبتي صباح النووور ...

دانة : وين ثااامر وبندر ...؟؟
ام بندر : نايمين .. تعرفينهم ما يناموون الا الفجر ...
دانة : شكله الجو برى حلووو ...
ام بندر : والله ..؟؟ يللا زين .. خلينا نشم ريحة الهوا شوي .. كل يوم رطووبة برطووبة ما صاارت ...!!!!

فتحت دانة باب البيت ... وطلعت للحوش .. وقامت تتمشى شوي ... ويوم وصلت عند الباب الخارجي ... لمحت ظرف وردي ...
دانة : ظرف..؟؟ ايش هذا...؟؟

اخذت الظرف الوردي وفتحته ..... حصلت داخله CD
ومعاه ورقة مكتوووب عليها ...

>> الحين صار المفروووض تسألين نفسك
عن السبب اللي جاب هالصور عندي .. وغيرها الكثير من الصور

(( بيت ابو غاده ))

( الساعة 7 المسا )

ابو غادة : يانورة وين البنات..؟؟
ام غادة : فوووق قاعدين يشوفون مسلسل ف الصالة
ابو غادة : طيب .. انا بطلع شوي بروح اشوووف بو ناصر شوي .. اشرب معاه فنجان شاهي وارجع ...
ام غادة : بتجي للعشا..؟؟
ابو غادة : أي اكيد ..

جا ابو غادة بيقووم .. بس ما قدر ورجع قعد وهو يحس بالالم ....
ابو غادة : آآآآآآآآآه ....
ام غادة خافت : ابراهيم بسم الله عليك شفييييييك ..؟؟
ابو غادة : آآي مدري ... جيت بقوووم وشي عورني ف خصري...
ام غادة : اجيب لك كاسة موية تشربها ...
ابو غادة قام وهو يحبس الالم : مافيني شي .. ماعليك انتي... يللا توصين على شي..؟؟

ام غادة خايفة عليه : سلامتك .. انتبه على نفسك .. واذا ما خف الالم رووح المستشفى شوووف وش القصة ...
ابو غادة وهو طالع : ما يحتاج لا تكبري الموضوووع ...



@@@@@@@@@@@@@@@@@@@@@@@@@@@@@@@@@@@@@


(( اليوم اللي بعده .. يوم الأربعاء .. شقة سعود ودلع ))

( الساعة 7 الصباح )

دلع : يللا سعود قوووووووووووووووووووووووووووووووووم
سعود : افففففففففف خليني شوي...!!
دلع : مافي شوي .. قوووم بتتاخر ما بقى غير نص ساعة على دوامك ...

انقلب سعود على الجهة الثانية : طيب ... شوي بس..
دلع : مافي .. يللا قوووم .. خلي الفلم اللي امس سهرت تشوووفه ينفعك الحين ... وخلي الشقرا اللي تمثل فيه ... واللي فالحة تتنقل بين رجال وثاني تنفعك ... يللا قوووم ....
سعود قام وهو يضحك : هههههههههههااااااااااي ...
دلع حطت يدها على خصرها : وش اللي يضحك الحين ..؟؟ تحرك ... البس عشان تمشي.....
سعود : الحين انتي للحين منقهرة عشان ذيك الشقرا ...؟؟ ليش لانها احلى منك يعني...؟؟؟
دلع انقهرت : طيب .. طيب ... وريني مين اللي بيسويلك اكل الحين.....
سعود قام ووقف بسرعة : لا خلاص .. تعالي تعالي .. والله آسف .. والله انها من كوكب القروووود وع شينة مافيها حلا.... تعالي بس... لاتزعلين ....


___________________________________
(( بيت ابو بندر ))

( الساعة 3 العصر )

ام بندر : اقووول محمد .. ترى بكرة الغدا ف بيت امي..
ابو بندر وهو ياكل : مو مشكلة ...
بندر حط الملعقة : يما .. بعد اذنك انا ما اقدر اروووح

انتبه ثامر للي يقوله بندر ووقف اكل ..

ام بندر : ليش...؟؟
بندر : ا... و .. واحد من ربعي طايح ف المستشفى ولازم ازووره ..
ثامر : مين هو..؟؟
بندر طالعه بحقد وقال :واحد ما تعرفه ...
ثامر : متاكد..؟؟ لاني اعرف كل ربعك .. تراهم ربعي بعد ...
بندر تضااايق : اففف ... انت لازم تتلزق ف كل مكان .. واحد ما تعرفه وش دخلك..؟؟
ثامر : طيب مو مشكلة نتعرف ......
بندر قام من الاكل متضايق : يووووووه ... وش هالحياة هذي..؟!؟!؟

ترك الاكل وطلع للدور اللي فوق وسط العيون اللي كانت تطالعه مستغربة ...
ام بندر : بسم الله .. وش فيه الولد ..؟؟
ابو بندر : انت كم مرة قلت لك خل عنك دمك الثقيل هذا..؟؟ لازم تضايق اخوك يعني..؟
ثامر : الحين انا وش سويت .. كنت اكلمه بهدوووء ...
دانة : فعلا بابا ... ما قال له شي.. ما له حق يعصب ويقوم كذا ...!!!
ام بندر : الولد متغير هاليومين .. مدري وش فيه ....

ثامر قام من على الاكل : عن اذنكم ....
ام بندر : وين ما اكلت ...
ثامر وهو طالع فوق : شبعت ...
ابو بندر : تعال هنا لا تروح تضايق اخوك .. خليه يروق شوي...
ثامر : بتروش بسرعة وبطلع .... ماني مكلمه ...

..... ويوم وصل للغرفة فتح الباب ودخل .. وسكره وراه ...
ثامر مستغرب : انت ممكن تفهمني ايش قصتك بالضبط ...؟؟؟ لا تقول لي اسكت ومالك دخل ومن الفاظك هذي ... كلمني زي ما انا اكلمك ... لاتقول بنت خالتك ومدري ايش .. السالفة مو سالفة اني كلمت البنت .... لانك دريت من اول وما قلت شي .. ممكن تفهمني الحين ليش عصبت ..؟؟ وتراني لحين ما حاسبتك على الضرب اللي اكلته منك ذاك اليوم .. بخليه لمرة ثانية ......

بندر اللي كان منسدح على السرير : اطلع برى ما ابغى اكلمك ولا كلمة .. وماني مستعد افسرلك ولا شي.....
ثامر جا وقعد على السرير بهدوووء : لأ ماني طالع ... هالمرة راح تقول لي ... ماني طرطووور كل ما جيت اكلمك تهزئني وتمسح كرامتي بالارض .... احنا اخوان واذا صارت مشكلة ... نقعد نتفاهم لين ما نحلها .....
بندر : اففففففففف ... انت ما تفهم ... اقووولك مافيني شي .. والحين لو سمحت .. اتركني بحالي ... ولا تتوقع اني بسامحك على اللي سويته ....
ثامر : واللي هو...؟؟
بندر : ا... ا.. انت تعرف...
ثامر : لا ما اعرف ... الحين بتقووول لي انا وش سويت ...؟؟

بندر : انت من متى تعرفها..؟؟؟
ثامر : مين هي..؟؟
بندر عصب : لا تستهبل..؟؟ من متى تعرف خلود ...؟؟
ثامر : وانت ليش تتكلم عنها وكانك تعرفها...؟؟ وليش هامك الموضوووع لهالدرجة .. ؟؟
بندر : مو شغلك .. تكلم وقووول ..
ثامر : ا... من حوالي شهر ونص ...

بندر حمر وجهه عصبية : شلون عرفتها...؟؟
ثامر استغرب : ليش عصبت ..؟؟
بندر غمض عيووونه منقهر مرررة : شلووون عرفتها ..؟
ثامر : بتصدقني..؟؟
بندر : على حسب اللي تقوووله
ثامر : انا ما بكذب عليك .. بس انت بعد لازم تصاارحني وتفهمني اللي يصير ...
بندر عصب : ثامر ... انت قول لي كل شي .. وانا اوعدك بفهمك السالفة ف الوقت المناسب....
ثامر : ط..طيب .. ذاك اليوم بعد ما رجعنا من بيت امي مزنة .. دقت علي ...
بندر : دقت عليك ...!!! ومن وين جابت رقمك ..؟؟
ثامر : ما ادري... كل اللي اعرفه انها جابته ودقت علي ....
بندر رفع حاجب مستغرب : طيب ...؟؟

ثامر : بس...
بندر : طيب وش قالت لك ..؟؟
ثامر : ما قالت شي غريب .. قالت انها شافتني واقف معاك انت ويوووسف او راكان ما اتذكر والله وقت الصلاة .. واني عجبتها وقالت انها لازم تكلمني ......
بندر عصب بزياااده " معقووولة كل هذا منك..؟؟ " : تدري انك ثامر ...
ثامر مستغرب : أي تدري ... اكيد
بندر : تدري اني اخوك ...؟؟ التوأم..؟؟
ثامر : تدري عن كل شي .. تصدق هالبنات ما يفوتهم شي....
بندر واعصااابه تلفانه : وما قالت لك شي عني ..؟؟
ثامر استغرب : شي عنك..؟؟ ليش تعرفك ...؟؟

بندر سكت .........

ثامر طالع ف بندر مستغرب بعدين فتح عيونه الثنتين ع الاخير : ل... لا تقوووول .. لا تقووول انك تعرفها ... وانها تعرفك ... وان .. انكم .....
بندر قام وجا بيطلع من الغرفة : بس خلاص قفل الموضوع ....
ثامر وقف يبغى يلحقه : تعال فهمني ...

بس بندر طلع من البيت متجاهل ثااامر تماما ... يفكر بللي صار ...
" ما عمري توقعتها كذا ..!! ابداً "


___________________________________


(( بيت ابو رائد ))

( الساعة 5 العصر )

تركت الستارة الكبيرة اللي كانت رافعتها وتراقب الحوش ....

تنهدت وهي تقعد على الكنب الفخم : هــــ ياريبي.... باقي يومين ويصيرلي شهر ما شفته ... اففففف وينه ..؟؟؟

مدت يدها وشغلت الستيريو الكبير اللي جنبها ...
وارتفع الصوووت ف الصالة الكبيرة مسببا رعشة ف داخلها ...

انا لما شفتك يا حبيبي أصااد عينيااا
حسيت كاني ملكت كل الدنيا دياااا
نظرة عينيك .. هزت مشاعري خدتني ليك
وانا بين ايديييييييييييييييك

بصيت لإيت جوايا حضن نساني نفسي
بتهجا اسمك حرف حرف كأنه اسمي
ملكتني ملكت فيااا أهم شيء ..
إحساسي بيييييييييييك

معاااك عشت الحياة وكأني عمري ما عشتها
مديت ايدي لهواك طلت النجووم ولمستها
ولئيت روووحي ف ايديك .. وحياتي ليك .. أدمتهااا


انا عشت بحلم يا حبيبي تكون معاااايااا
وتعيش بحضني ألف عمر ومش كفااااياا
شوف أد ايه .. محتاجة ألبي يعيش هواه
ويكون معاااااااااااااااااااك

انســى خلا...

التفتت مستغربة وشافت ابوها وااقف عند الستيريوووو : ريم ليش الصوووت عالي كذا....؟؟
ريم وعيووونها كلها دموووع : سوووري...
ابو رائد استغرب وقعد جنبها : شفيك حبيبتي..؟؟
ريم مسحت دموووعها وابتسمت : مافيني شي....
ابو رائد : علي....؟؟ اكذبي على كل الناس بس مو علي انا....
ريم حضنت ابووووها : تعبااااانة ....

ابو رائد باس راسها : سلامتك ... اوديك المستشفى ...
ريم رفعت راسها : لا ما فيني شي ...
ابو رائد : اجل شلوون تعبااانة ...؟؟
ريم : بابا انا تعبانة نفسيا مو جسميا....!!!

ابو رائد ضحك : هههههه اوديك دكتوور نفسي...؟؟
ريم ابتسمت : يبغااالي ...
ابو رائد : طيب قوليلي وش فيك ..؟؟ تخيلي اني دكتوور نفسي ...
ريم : انت ما بتفهم ...
ابو رائد : جربي .. ما بتخسرين شي...
ريم تذكرت وابتسمت منتصرة : بابا ... ا.. انت ما عندك شغل ..؟؟

ابو رائد : لااا .. خلصته ...
ريم : مو اول كنت العصر تقعد تشتغل ف المكتب .. مدري ايش تراجع مع احمد ...
ابو رائد بحزن : مسكين احمد .. ما عاد فيه شدة حيل للشغل .. دومه يلملم حياته من جديد ...
ريم بحزن : مسكيييييين ...
ابو رائد : طيب وش دخل احمد ف السالفة ..؟؟
ريم : ها..؟؟ لا احمد ماله دخل .. بس انا كنت استفسر لانه انت ماقعدت ف مكتبك اليوم .. يعني غير العادة ... يكون ما عندك شي العصر ...

ابو رائد : ولمدة اسبووووع بعد ...
ريم مسوية فرحانة " اسبوووع ..!! ليش يا بابا .. اسبوووع زيادة .. يعني شهر واسبوووع .. اففففففففففففففففففففففف " : واااااااو وناااسة .. يعني بتكون فاضيلي..
ابو رائد : كلي لك .. انتي بس آمري
ريم : أي صح بابا .. وين بنروح ف هذي الـvacation..؟؟
ابو رائد : ممم .. وين تبغين تروحين..؟؟
ريم : أي مكان .. بليز قوووول اسبانيا بليــــــــــــــز ....
ابو رائد : بس... امك تبغى تروح جدة ...
ريم : نروح جدة بعدين نروح اسبانيا الله يخليك يا بابا ....
ابو رائد : بس .. حبيبتي انا عندي شغل ف الشركة .. ما اقدر .. ورائد وراه عرس...نسيتي.. انتي للحين ما جهزتي شي...
ريم ضحكت : افااا عليك .. انا ما يفوتني شي .. الفستان جاهز من يوم فصلت فستان الملكة بعد ....!!!
ابو رائد : شووووف .. ماعندك وقت والله ...
ريم : دايما جاهزة .. يللا ماعندك حجة .. بعد عرس رائد نسااافر ..
ابو رائد : سوري حبيبتي والله قلت لك مشغوووول ..
ريم : اففف يعني بجلس هنا لوحدي كالعادة ... لا ورائد بيروووح بعد .. شي حلوو .. خليني .. آخرتها صدق بتودني لدكتووور نفسي ...
ابو رائد : طيب روحي مع امك ... مو هي بتروووح جدة .. خلاص روحوا جدة بعدين روحوا لكم اسبانيا اسبوعين او ثلاثة ... غيروا جو
ريم بونااسة : والله...؟؟
ابو رائد : أي والله ...
ريم : ما بتزعل لانك بتقعد لوحدك ...
ابو رائد : لا حبيبتي ... اصلا ما عندي وقت عشان ازعل ..الشغل واصلني لفوووق راسي ....
ريم باسته على خده وهي متحمسة : ثانكيوووووو دااااااادي .... بروح اقوووول لماما ..

راحت ريم تركض وخلت ابو رائد قاعد يضحك عليها وعلى هبالتها : هههههه الله يهديك وتعقلين انشالله ... والله منتي هينة.. احمد مرة وحدة ...!!!! ههههههه يا حليلك يا ريم...............!!!!!!!!!!!!

___________________________________
(( شقة سعود ودلع ))

( الساعة 7 المسا )


كان سعود قاعد ف الصالة يوم جات دلع وقعدت جنبه...
دلع : سعووود ...

لف سعود عليها: هلا...
دلع : وصلك هذا امس .. بس .. نسيت اقوولك .. آسفة ..
سعود استغرب : ايش هذا..؟؟
دلع : مدري .. جا واحد وعطاني اياه ..

اخذ منها سعود الظرف ... فتحه وعيون دلع تراقب الوضع ...

طلع ورقة بيضا مخططة ومكتوووب فيها شي....
سعود ابتسم : مين بيرسل لي رسالة بريد عام 2008 ....؟؟
دلع : ههههه كل شي جايز ... !!!

فتح سعود الورقة وقام يقرا ... [/COLOR]

سعود ..
كيف حالك ..؟؟ وشلون حياتك..؟؟ سمعت انك تزوجت .. اكيد بنت خالتك .. عساك بس فرحان وعايش متهني ...؟؟
انا صارلي مدة هنا ... وما ادري متى اطلع .. الجو هنا تصدق مو مرة سيء
صح اول فترة كنت كاره الوضع .. وخصوصا انه خبر موت ابوي وصلني ... حزنت كثير.. مرة يا سعوود .. كرهت عمري لانه مات وهو زعلان علي ... الندم مغطيني من فوووقي لتحتي .. ندمت على كل اللي كنا نسويه ....... بس .. هذا قضاء ربك ...
بس الحين تعودت .. تقبلت الموضوووع ...

سعود .. بغيت اقوولك هالكلام شخصيا .. بس .. ما شفتك من دخلت هنا ..
عشان كذا قررت اكتبلك لانه الموضوووع مرة ضروووري .. سعود .. يمكن انت مشغووول الحين بحياااتك .. بس .. ما اتوقع انه لو كل اسبوووع مريت على بيت اهلي وتطمنت عليهم بيضرك ... وانا ما حصلت احسن منك يسوي هالشي لانك خويي من انا وصغير .. صدقني اشتقتلك واشتقت لايامنا .. بس مو بيدي والله .. ادري انه اخوي وليد موجود .. بس محد يدري وش ممكن يصير .... تكفى لاترد لي هالطلب .. ودير بالك على اهلي يا سعوووود ...

اخوك ... خالد ..


سكر سعود الورقة وقعد سرحاااااااااااااان ونظرة الالم على عيووووونه ...
دلع خافت : سعووود .. سعووود شفيك ...؟
سعود التفت عليها : ها..؟؟ هذي من خالد ...
دلع مستغربة : خالد..؟؟ مين خالد ..؟
سعود : خالد اخوووي اللي ما جابته امي ... كان وياااي من احنا وصغااار .. زي سالم وفيصل بالضبط ...
دلع : شفيه ....؟؟
سعود : يوم تورطت بذيك القضية ... كان هو بعد متورط ... ابوي حصل لي واسطة قوية وطلعني بدون فضااايح تقريبا .. بس هو .. انمسك .. ودخل السجن .. وهو الحين هنااك .. ابوووه كان زعلان عليه ... ومات .. والحين هو يبغاني اتطمن كل اسبوووع على اهله..

(( بيت ابو بندر ))

( الساعة 10 ونص )

ردت دانة على رائد بسرعة : الو...
رائد مستااانس: اووه.... في ناس مشتاقين لي حيل وقاعدين ينتظروني عند الجوال على احر من الجمر ....
دانة ابتسمت : رائد لازم نتكلم ...
رائد : شفيك حبيبتي..؟؟ خير...؟؟
دانة : رائد .. الموضوع جد ....
رائد استغرب : قولي شفيك ..؟؟

دانة : رائد .. يوم عزا جدتي... وصلني بوكيه ورد كبير مرة ...
رائد : بوكيه..؟؟ من مين ..؟؟
دانة : ما ادري.. وكان عليها بطاقة مكتووب عليها ( فرحت لانه تاحل عرسك .. كذا بيكون لك فرصة عشان تعرفين ماضي وحقيقة زوجك ) .. ممكن تفهمني ايش يعني..؟؟

رائد انصدم " سوتها بنت الكلب...!!! " :...........................
دانة : رائد لاتسكت ...
رائد : ها..؟؟ حبيبتي ايش يعني.؟؟ حتى انا ما فهمت ...
دانة : واول امس .. وصلني CD مكتوب عليه (الحين صار المفروووض تسألين نفسك
عن السبب اللي جاب هالصور عندي .. وغيرها الكثير من الصور ) ... ممكن تفهمني ايش قاعد يصير.. لاني بصراحة ماني عارفة وش السالفة ...؟؟

رائد "لا حول ولا قوة الا بالله .. الحين شلون افهمها هذي...............؟؟"


___________________________________
نهاية الجزء الـ22

الاحداث قاعدة تتعقد وتتشبك وتتربط

ا

لجزء الثالث والعشرون ( ثلاثة وعشرين ) :.


(( بيت ابو بندر ))

( الساعة 10 ونص )

ردت دانة على رائد بسرعة : الو...
رائد مستااانس: اووه.... في ناس مشتاقين لي حيل وقاعدين ينتظروني عند الجوال على احر من الجمر ....
دانة ابتسمت : رائد لازم نتكلم ...
رائد : شفيك حبيبتي..؟؟ خير...؟؟
دانة : رائد .. الموضوع جد ....
رائد استغرب : قولي شفيك ..؟؟

دانة : رائد .. يوم عزا جدتي... وصلني بوكيه ورد كبير مرة ...
رائد : بوكيه..؟؟ من مين ..؟؟
دانة : ما ادري.. وكان عليها بطاقة مكتووب عليها ( فرحت لانه تاحل عرسك .. كذا بيكون لك فرصة عشان تعرفين ماضي وحقيقة زوجك ) .. ممكن تفهمني ايش يعني..؟؟

رائد انصدم " سوتها بنت الكلب...!!! " :...........................
دانة : رائد لاتسكت ...
رائد : ها..؟؟ حبيبتي ايش يعني.؟؟ حتى انا ما فهمت ...
دانة : واول امس .. وصلني CD مكتوب عليه (الحين صار المفروووض تسألين نفسك
عن السبب اللي جاب هالصور عندي .. وغيرها الكثير من الصور ) ... ممكن تفهمني ايش قاعد يصير.. لاني بصراحة ماني عارفة وش السالفة ...؟؟

رائد "لا حول ولا قوة الا بالله .. الحين شلون افهمها هذي...............؟؟"

دانة بلهجة جدية تماما : رائد الحين بتفهمني .. ما ابغى اكون زي الاطرش ف الزفة ..
رائد : حبيبتي وش تقولين ..؟؟ انا زيك بالضبط ماني فاهم شي .. بعدين الوقت تاخر الحين ... روحي نامي وارتاحي.. وبكرة نتفاهم ...

دانة قاطعته : صدقني ما عندي أي مشكلة حتى لو كانت الساعة 3 الفجر .. انا اهم شي ابغى اعرف السالفة كلها .. يا تجي يا بلبس عبايتي صدقني وبروح لبيتكم .. وساعتها بتصير فضيحة ...!!!

رائد تنهد يهدي نفسه عشان ما ينفعل ف وجهها : افففف ... دانه .. يا روحي انتي اهدي شوي.. خيني اكلمك ...
قاطعته : ماني هادية ... ولاني مستعدة اتكلم على التليفون ...
رائد : طيـــ....

..... : طوط طوط طوط

طالع رائد الجوال مستغرب : شفيها هذي...؟؟ الله يعدي هالليلة على خير....

ركب سيارته وشغل المكيف وتسند : الحين وش اقول لها..؟؟ كيف اشرحلها..؟؟ المشكلة ما اعرف وش قالت لها وجه البلا هتون هذي...!!! اقووولكم وش بسوي..؟؟ ادري بتقولون غبي .. بس ماني رايح لها اليوم ... خليها تهدى شوي.... !!


@@@@@@@@@@@@@@@@@@@@@@@@@@@@@@@@@@@@@


(( اليوم اللي بعده .. يوم السبت .. بيت ابو رائد ))

( الساعة 8 الصباح )

رن المنبه ف غرفة رائد .. ومد يده بكل كسل وطفاه ...

رائد " اففف.. الله يهديك يا دانة .. ما خليتيني انام من كثر ما تدقين علي ...!! "

قام وهو يمدد جسمه ف كل الجهات : آآآه .. شكلي برجع اروووح الجيم .. بدت لياقتي تروووح ... لازم ارجعها قبل العرس .. ( ضحك باستهزاء ) ههه الله يستر من هالعرس..!!

رن جواله للمرة المليووون

رائد منزعج : افففففففف .. ماني راد عليك كيفك ... دقي لين ما تتعبين ...!!


___________________________________


(( بيت ابو بندر ))

( نفس الوقت )


رمت جوالها معصبة على السرير : افففف... طيب يا رائد انا اوريك .. كذا انت قاعد تثبت لي انه صدق في شي يصير وانت مخبيه عني ... بس وين بتروح..؟؟ وراك وراك .. وعرس مافي لين اعرف القصة كلها ....!!


___________________________________


(( في نفس المكان ))

( بعد ساعة ونص )


دخلت ام بندر الغرفة مو عارفة وش تسوي : ثامر .. بندر ...
بندر :....... ما رد
ثامر : .................ما رد ..

ام بندر : يوووه ... دقيقة بس جاوبوني بعدين ارجعوا ناموا....

بندر فتح عيووونه بتعب : ها..؟؟
ام بندر بخوف : بندر انت شفت احمد..؟؟ ما جا من امس...!!
بندر يحك عيونه : دقيتي عليه...؟؟

قام ثامر بتعب وهو يحك راسه : استريحي .. تحصلينه نايم ف السيارة كالعادة ...

ام بندر مستغربة : ف السيارة..!؟!؟!؟ ليش..؟؟

بندر التفت على ثامر ....

ثامر انتبه انهم يطالعون فيه مترقبين منه تفسير : لاتطالعوووني كذا ؟؟؟ روحوا واسالووه بنفسكم ....

ام بندر : اففف ... صدق ما منك فايدة ...
ثامر بكسل : يما... لا قمت وش بتسوين لي فطوووور ..؟؟
ام بندر دفته وخلته ينسدح : نام نام ... نومك بركة علينا...

بندر قام : انا بنزل بشووووفه ...
ام بندر : قوووم حبيبي ... شوووفه لايكون فيه شي...

نزل بندر بالبيجاما اللي لابسها ...
وطلع للحوش... وشاف سيارة احمد واقفة ...

حط يده على عيونه من قوة الشمس ....
ومشى للسيارة ... وبالفعل ... شاف احمد قاعد .. او بالاحرى .. نايم فيها...

دق عليه القزاز ..... لين انتبه وقام ...

احمد فتح الباب ونزل" استغفر الله ... وش اقووول له الحين...؟؟ "
بندر تسند على السيارة : ايوه ابو الشباب..؟؟ اتوقع لازم يكون عندك تفسير لنوومتك ف السيارة .. ومو اول مرة ...

احمد مسح وجهه بيدينه الثنتين : مافيني شي.. كنت ارتب الملفات ف السيارة... ويوم خلصت .. قعدت شوي ارتاح .. ما حصلت الا وانا نايم ....

بندر مسك وجهه بيده : وممكن تفهمني سبب هالسواد الي تحت عينك ...؟؟
احمد وخر يد بندر عنه ومشى : مافيني شي ... لاتشغل بالك .. شوية تعب من الشغل ....

بندر لف ولحقه : على حد علمي انك ف اجازة...؟؟
احمد وقف وتنهد بتعب : هـــ .. بندر .. الله يخليك وخر عني.. كلره عمري بما فيه الكفاية ....

جا بندر بيتكلم.. بس سكت ... عرف انه احمد للحين يتالم.. وحياته متلخبطة وقايمة فوووق وتحت ... " الله يعينك ... "
___________________________________

(( بيت ابو رائد ))

( الساعة 11 ونص الصباح )

ام رائد : طيب يا منى .. انا فاهمة والله .. بس اجازتي بتبدا بعد 3 ايام ومدتها شهر ونص بس.. ما اقدر انتظرك .. بتضيع علي الاجازة ... طيب شوفي صالح .. يمكن يرضى .. كلميه وقوليله... لانه انا بصراحة ما اقدر... وخلاص بروح بكرة احجز ... طيب .. طيب .. خلاص انتظرك اوكي... يللا مع السلامة .. سلمي على اروى... باي..

سكرت ام رائد وقعدت على الكنب جنب ريم ...
ريم : يا حلوة شفييييييك ..؟؟
ام رائد التفت عليها وابتسمت : هذي منى ...
ريم : شفيها خالتووو ...؟؟
ام رائد : تقول انه عمك صالح مشغووول عالايام .. وما يقدروا يروحون جدة .. وتبغاني أأجل الروحة عشان نروح سوا .. وانا ما اقدر .. لانه اجازتي شهر ونص وتبدا بعد 3 ايام ..

ريم : طيب ماما..احم .. انا كلمت بابا امس بموضوع واخذت موافقته ... وباقي انتي .. بليز don’t اخذل me .... !!
ام رائد : همممم...؟؟

ريم : ماما انا ودي نروح اسبانيا هذا الصيف ....
ام رائد بحسرة : حتى انا ودي .. بس بوك ما خلص شغله للحين .. ورائد عرسه ما بقاله شي....
ريم : طيب ... كم بقى لعرس رائد ..؟؟
ام رائد : ما بقى غير اسبوعين على حد علمي .. هذا آخر شي اتفقوا عليه دانة واخوك.....

ريم : طيب .. نروح بعد العرس جدة زي ما تقولين ... وبعدها .. نروح لنا اسبوع او 10 ايام لاسبانيا .... بليييييييييييييييييز ...
ام رائد بتفكير : والله ما ادري يا ريم .... سفرة لاوروبا بدون ابوك ..!! ما اتوقع تكون حلوة .. بدين بيزعل ....
ريم : لا ما بيزعل .. انا امس قلت له .. قال لي روحوا .. وبعدين فكري فيها .. انا وياك وبس .. رحلة بنااااات ... مررررة ونااااااسة ...

ام رائد : خليني اشوووف ابووك واتفاهم معاه ....



___________________________________


(( شقة سعود ودلع ))

( الساعة 3 )
تنهد سعود وهو يمسك الظرف حق خالد .. فتحه وتامل الرسالة من جديد .. وتانيب الضمير مع كل حرف يذبحه ...

سعود سند راسه " كله مني..! انا اللي خليتك تصير كذا وتمشي ف هالطريق .. انا اللي دفيتك عشان تدخل ف هالخرابيط ....!!!!!! "

ترك الظرف ونزل من السيارة والندم مغطيه من فووووقه لتحته ....



___________________________________


(( بيت ابو فيصل ))

( نفس الوقت )


دخل فيصل البيت بحماااااس وصراخه ف كل مكاااااان ...

نسايم جات بتعب : هلا فيصل ....
فيصل نقز بونااسة :حصلته حصلته حصلته ...

نسايم مستغربة : حصلته..؟؟ مين هو..؟؟
فيصل شاق الحلق : الشغل .. الشغل اللي قال ابو سعود بيحصل لي اياه ... حصل لي وظيفة .....
نسايم : طيب وين..؟؟ وايش هي..؟؟

وقف فيصل لحظة محتااار يفكر : تصدقين ما ادري... حتى ما سالته ..!!!!
نسايم كتمت ضحكتها : ههههه طيب والجامعة يا ذكي..؟؟

فيصل : الجامعة.. قدمت طلبات على جامعة فيصل وجامعة الملك فهد للبترول والمعادن ... وانتظر الرد ......

نسايم ابتسمت : الله يوفقك انشالله .. طيب يا استااااذ ... تعال عشان تتغدى .. وامسك شوووق عني .. والله بموووت من التعب .... جننتني ...!!
فيصل : شفيك ..؟؟
نسايم مسكن بطنها اللي بدا يكبر : قاعدة اتوحم .. والوحام مرة يتعب ...
فيصل حزن عليها : الله يعينك ... ا..نسايم انا عندي اقتراح...
نسايم : ها..؟؟
فيصل : شرايك تنزلين الولد وتفتكين ...؟؟
نسايم حطت يدها على قلبها وشهقت : هييييييي ...!! انتا ايش تقول..؟؟ من جدك..؟؟ هذا ولدي يا مجنوووون .. تبغاني اذبح ولدي..؟؟!!

فيصل : خلاص خلاص .. لا تصارخين كذا ... يعني بس كان اقتراح ...
نسايم دفته قدامها : امشي .. امشي قدامي وانتا ساكت .. بلا اقتراحاتك هذي ..
فيصل : هههه لا حووول .. ما تتقبلون الاقتراحات انتوا .....!؟!؟!؟


___________________________________


(( بيت ابو عوض ))

( الساعة 6 المغرب )


منى : ا.. صالح ... بغيتك بموضوع
التفت عليها صالح : نعم..؟؟

منى : احنا تكلمنا من اول عن روحتي لجدة صح ...؟؟
صالح : احنا تكلمنا عن روحتنا لجدة ....

ابتسمت منى : أي صح .. بس .. صار شوية تغيير ... اختي ما تقدر تاجل الروحة لانه اجازتها تبدا بعد 3 ايام ... وعرس ولدها بعد اسبوعين .. وتبغى تروح بعد العرس على طول ....
صالح : مو مشكلة .. نحجز لنا معاهم ....
منى ابتسمت بوناسة : والله تقدر..؟؟
صالح : أي ليش ما اقدر...؟؟

منى : امس قلت لي انه ما تقدر تاخذ اجازة الا ف آخر شهر من الاجازة ..
صالح تذكر : يووووه .. أي والله نسيت .. طيب .. شوفي .. عطيني فرصة بكرة اشوووف الشغل وظروووفي واردلك خبر انشالله ....

منى قربت وباست راسه : الله لا يحرمنا منك انشالله ...



@@@@@@@@@@@@@@@@@@@@@@@@@@@@@@@@@@@@@
(( بعد يومين .. شقة سعود ودلع ))

( الساعة 10 الصباح )

ابتسمت وهي تبخ العطر على ثوبه الابيض النظيف بعناية : وكذا نكون خلصنا ...

سعود بخوف : يا ويلي ... هونت ما ابغى ارووووح
دلع : ليييييييش...؟؟
سعود : لو اخذوووني وسجنوووني انا بعد ...؟؟؟!!
دلع شحكت : هههه وليش يسجنوونك ...؟؟ لا تخاف ما راح ياخذووونك هههه .. روح بس يللا .. صارلك يومين تبغى تروح .. والحين يوم اخذت الاذن صرت ما تبغى ..؟!؟!

سعود مرعوووب : خلاص خلاص .. الحين المفروووض تهديلي اعصااابي ... مو تهاوشيني وتعطيني زفة....!!!

دلع مسكته وسحبته للصالة لعند الباب : يللا بس بلا دلع .. اشوفك تعودت ... عطيناك وجه زيادة ....

سعود مسك يد الباب وتسند عليه وعطاها غمزة سريعة : خلاص ولا يهمك ... لارجعت بدلعك زي ما تدلعيني......
دلع ضحكت وهي تاشر على الباب : ههههه .. طيب ... الحين لو سمحت .. برى من غير مطروووود ....... !!!!

رمالها سعود بوسة ف الهوى وطلع من الشقة والخوف راح من قلبه .. والفرحة غامرته " الله لايغير علينا ابد ......! "


دلع اللي كانت ورى الباب مبتسمة والوناسة مو سايعتها " الله يخليك لي...!! "


___________________________________


(( بيت ابو رائد ))

( الساعة 11 الصباح )

دخلت ام رائد البيت الكبير .... وهي تطقطق بكعبها العالي .. شالت الغطا اللي كان على وجهها : افففففففف ... ياربي ارحمنا .... ايش هذا الحر...؟؟؟!!

جات الشغالة : هاي مدام ....
ام رائد : وين ريم...؟؟
الشغالة : ريم في مسبح ...

ام رائد استغربت : المسبح ...؟؟ ممنوع السب في المنتدى هذي..؟؟ احد يسبح تحت هالشمس ...!؟!؟ على هالحالة بتصير تكرووونية .... ( التفتت للشغالة اللي واقفة ) خلاص روحي كملي شغلك وانا بروح اشوووفها ...

فصخت ام رائد عبايتها ... وطلعت من الباب اللي ورى للمسبح ... وشافت ريم قاعدة تسبح ف الموية وهي مسترخية وفرحانة......

ام رائد : مشتهية اعرف شلون متحملة تقعدين تحت هالشمس الحريقة دقيقة وحدة..

التفتت ريم وشافتها واقفة : هااااااااااي ... متى جيتي...؟؟
ام رائد : توني من شوي ....

طلعت ريم من المسبح بالمايوووه الشووورت اللي لابسته : الموية حلوة ... مرررة باردة...!!! تبرد القلب ....!!!
ام رائد مستغربة : باردة ..؟؟ ف هالحر الموية باردة ...!؟!؟!؟

ريم ضحكت بفخر : ههههههه بنتك الذكية خلتها باردة ..
ام رائد : وكيف انشالله ...؟؟
ريم : سهلة ... خليت الشغالات يكبون كل اكياس الثلج اللي ف المطبخ داخل المسبح..................!!!!!

ام رائد مسكت راسها مستغربة : ياويلي.... يا وييييليييي من غباء هالبنت ... !!!
ريم مسكتها : ههه ادري اني ذكية .. تعالي جربيها والله تبرد عليك ...

ام رائد : لا يا حبيبتي ... ما احب اقعد ف الموية الباردة ... بس اسمعي .. عندي لك مفاجأة ...........!!!
ريم : وات ...؟؟

ام رائد طلعت 4 تذاكر من جيبها ...... وحطت قدام عيون ريم .....

ريم بدهشة : وهذا ايش..؟؟
ام رائد : هذي التذاكر اللي تكلمنا عنها امس ..... ثنتين لي ولك لروحة جدة بعد عرس رائد بيوم ......
ريم فتحت عيونها الثنتين بوناااسة : والثنتين الثانيات لمين ...؟؟؟

حطتهم ام رائد على الطاولة وقالت : حتى الباقيات لي ولك .. بس هالمرة لاسبانيا..!!

ريم من وناااستها نقزت على امها وحضنتها بقوة : واااااااااااااااااااااااااااااااااااااااااي .... احبك احبك احبك يا احلى ام ف الدنيا .....
ضحكت ام رائد وحضنت بنتها بعد بحب : بتكون سفرة حلوة انشالله .. انا وانتي وبس...!!
ريم : O my God….!! والله ماني مصدقة ....


___________________________________

(( شقة سعود ودلع ))

( الساعة 12 الظهر )


دلع زهقت : ياربييييييي ... سعود يللا عاااآد .. ما صار نوووم ...!!!
سعود انقلب للجهة الثانية بكل كسل : دلع بس شوي .. والله تعبااااااااان ....
دلع حطت يدها على خصرها : شلون تعبان و انت امس نايم الساعة 1 ...؟؟؟ يعني نوم من الساعة 1 للساعة 12 ما يكفيك...!؟!؟!؟!؟

رفع سعود اصبعه بمعنى دقيقة وحدة .....

دلع رمت المخدة عليه وقالت وهي معصبة : طبعا .. مو انت اللي محبوووس ف البيت طول الاسبوع تنتظر متى يجي الويكند عشان تطلع تشم هوا ربي وتشوف العالم والناس..!.!!!! راميني طول هالاسبوع بين هالجدران .. ويوم جا الويكند تبغى تنام..؟؟؟ نام ... خليك نايم .. لا تقوم الا لما انفجر من الزهق طيب....!؟!؟!؟!


تنهد سعود بتعب وقام وهو يحك راسه : زين كذا..؟؟ انبسطتي ..؟؟ عاجبك الحين..؟؟ هذاني قمت ... ماله داعي الصراااااخ من الصبااح ...!!!

دلع عقد يدينها قدامها وهي تبتسم بانتصار : لو ما صااارخت كان ما قمت يا كسلان..!!

ابتسم سعود : طيب وين تبغين نروح اليوم ...؟؟
دلع قعدت على السرير جنبه : أي مكان .. اهم شي نطلع مع بعض ونغير جو ..
سعود حط يده على يدها بحنية : لا ... اليوم يومك انتي .. انتي اللي بتقررين يش نسوي طول هاليوم .... واي شي تبغيه بسويلك اياه ... يعني لازم تستغلين هالفرصة .. خصوصا اني امس مستلم اول راتب لي....!!!! ( شق حلقه )

دلع ابتسمت بفرح : اووووخص .. متاكد أي شي ابغاااه؟؟!
سعود قرص خدها بخفة : أي شي يخطر على بالك ... انتي بس آمري...

___________________________________


(( في أفخم محلات المجوهرات ))

( الساعة 2 ونص الظهر )


ام رائد : شوفي يا ريم ... شوووفي هذا مررررة حلوو ...
تاملت ريم الطقم وحاست فمها يمين ويسار : ممم .. no... مرة ثقيييييييل ...
ام رائد : ادري انه ثقيل ... هذي هدية عرس لازم تكون ثقيلة ...
ريم : بس ماما .. انتي تدرين دانة مررررة ناعمة وsimple.....!!

ام رائد : انتي من وين جاية..؟؟ قاالووولك زي الممثلات وجه الفقر اللي ما يلبسوون مسوين فيها كشخة .. الا بخيلات ما يبغووون يصرفون فلوووس على الاطقم الفخمة الثقيلة ....!!
ريم : طيب طيب .. خلاص كيفك .. بس انا مو عاجبني...

ام رائد : عطينا هذا...
جا البياع وهو يضبط شماغه : انشالله ...

ريم " مسوي فيها وسيم الحين..؟؟ والله ما يجيب وسامة احمد .. آآآآآآه شلون لما يضبط شمااغه احس انه رووحي تطللع من مكانها .... !!!!! "

البياع : طيب والبنوووتة ما بتاخذ شي...
ريم كارهة الوضع " بنوووته ..؟؟ احمد ولا عمره قال لي بنووته .. وهـ عليه لما ينطق اسمي.... !!!! "
ام رائد دفتها : هي انتي ايش فيكي اليوم ..؟؟؟
ريم انتبهت : ها..؟؟ لا مافي شي....

ام رائد : ما بتاخذين شي...
ريم : الا قلت لك ...
ام رائد : ايش قلتيلي..؟؟ صارلك ساعة سرحانة ...!!
ريم : طيب شوفي هذيك السلسلة ... مرة ناعمة وحلوة ....
ام رائد : بس .. مو كانها بسيطة مررررة ... مو شي...!!
ريم زهقت : يا ماما .. انا اللي بلبسها...خلاااص ...
ام رائد : طيب خذي معاها حلق الماس بعد ........
ريم بنظرات اللامبالاة : ما ابغى ...

ام رائد : خلاص كيفك .. لاتجين بعدين يوم تشوفي البنات لابسين ومتكشخين ومو مخليين حاجة ما لبسووها وتقولين ماما ما جبتيلي شي....!!!

ريم : لا لا لاتخافين .. انا مقتنعة بللي اقووله ..


___________________________________
(( بيت ابو بندر .. الصالة اللي فووق ))

( الساعة 5 المغرب )


كانوا الكل قاعدين ف الصالة اللي فوق ويطالعوون اعادة مسلسل نور .. والبعض الزهق عندهم كان واصل حده ...

بندر : ممكن افهم ايش الحلو ف هالمسلسل ..؟؟
دانة مندمجة : كل شي ...
احمد : انا يعجبني سنوات الضياااع ....!!!!!
التفت ثامر : خخخخخ احلف انك انت بعد تطلع مسلسلات ...!!
احمد : احيانا مو دايما....

بندر : أي واحد سنوات الضياع..؟؟ لايكون اللي فيه ذيك الحلوة ام عيون ملونة ..؟؟
احمد ضحك : هههه اسكت فضحتنا ...
بندر بايعها : هههه ترانا كل يوم نطالعه لاتكذب وتقول احيانا....!!!

ثامر فتح عيونه الثنتين ووقف وقام ينادي باعلى صوووته : يمااا... يماااااا.. يا ام بندر ... تعالي شوووفي تعااالي... !!
ام بندر اللي جات بسرعة مستغربة : شفيك تصارخ بكل البيت..؟؟
ثامر : يما ... بندر قال لاحمد يا كذاب ... عيني عينك بعد ...!!!
ام بندر رفعت حاجب خاطرها تذبحه : وعشان كذا مناديني ومسويلي سالفة وتصارخ..!؟
ثامر ابتسم : أي...

ام بندر التفتت لولدها الثاني : وانت مو عيب تقول لاحمد يا كذاب..؟!؟ مو عمك ولازم تحترمه ..!؟!؟
احمد : هههههه حتى هذا يا خالتي يبغاله تربية ....
ام بندر تنهدت بتعب : هـ.... شكلي بسويها من جديد .. زي الاطفال بالضبط ...!!!
( التفتت على دانة ) انتي خلصتي..؟؟
دانة : ها..؟؟ ا... أي..
ام بندر : يللا قومي خلينا نروح ....

دانة قامت وشالت مجلاتها حقت الازياء المرمية ف كل مكان : يللا سي يووو كلكم..
احمد : اوصلكم ...؟؟
ام بندر : لا ماله داعي... محمد برى ...



بعد كم دقيقة .. كانت دانة وامها طالعين من البيت ....


ثامر : اقووول بندر .. غير غير المحطة ؟؟ زهقني راعي القشطة هذا...!!!
بندر : خخخ .. قول انك غيران منه ...
احمد : اقول اقول... حطوا لنا فلم زي الناس ... صارلي منذ مبطي على قولة ثامر ما شفت افلام ....
بندر : ليش انت تقعد ف البيت عشان تشوووف افلام..؟؟ 24 ساعة برى ...
احمد : لاتخليني اطلع الحين.....
ثامر يتطنز : لا تكفى لاتطلع ... احنا نموت بدووووونك ...
احمد : تتظنز .. انا اوريك الحين ... ( وقف ) وهذاني طالع ... وبروح اتمشى .. لوحدي..!!

واول ما جا احمد يطلع من الصالة .... عم الظلام المكااااااااان فجأة ....

بندر : بسم الله ... شصاار ..؟؟
ثامر مشى للمكان اللي شاف فيه احمد آخر مرة ومسكه نم يده : يمااا.. تكفى لا تخليني .... انا احبك واموووت فيك...
احمد : ههههه الله يقطع ابليسك .. وخر عني ....
بندر : معقووولة ابوي ما سدد الفاتورة وقطعووها علينا..؟!؟
احمد : لا دفعها ذاك اليوم .. بس.. لحظة خليكم قاعدين هنا ف الصالة .. وانا بنزل تحت اشووف العداد حق الكهربا شفيه ..

ثامر : الله يهديك يا يما... كله منك ... دايم كانت تقول لي ( يا سواد ليلك..!! )


___________________________________
نهاية البارت الـ23....
اتمنى يكون عجبكم ...
ووصلت لكم صوورة واضحة عن الوضع الحالي لابطال الرواية ...

والسؤال المعتاد ... احمد لمين..؟؟ اروى ..؟؟ ولا ريم..؟؟
دلع وسعود ...؟؟ لوين بيوصلون ..؟؟
رائد ... شلون بيحل مشكلته مع دانة ..؟؟
ودانة هل راح تقبل تتفاهم معاه وتسمعه ..؟؟
هتون .. ايش مخططة..؟؟
وثامر هل راح يقدر يوصل لمها...؟؟

الجزء الرابع والعشرون ( الأربع وعشرين ) :.


(( مطار الملك فهد الدولي .. بعد 3 ايام .. يوم الاحد ))

( الساعة 1 الظهر )


ريم حضنت اخوووها بحرارة ...

رائد : آآآآه منك يالدلوووعة ... ما تشبعين منا الأحضاآن .. !!؟؟
ام رائد : رائد ... لازم كل شي يكون جاهز بالوقت ... لا تتكاسل... فهمت
رائد : انشالله ...
ام رائد : ابغى ارجع من دبي واشوووف كل شي جاهز ... انا وصيت خالتك منى تشرف ع الوضع بعد ... عشان كذا ... كل يوم مر عليها وخليها تشوف ايش سويت وايش بقى .. لانه يا حبيبي ما بقى شي فهمت ..؟؟

رائد : انشالله يا يما .. اطمني انتي بس...
ريم تتطنز : يما...!؟؟!؟!
رائد وكانه سوى جريمة حط يده على فمه بخوووف : اوووه سوووري .. مامي... !!!
ريم : طيب طيب ... انا اوريك ..بس خليني ارجع لك وبتشووف وش بسوي فيك ...

ضحك رائد ... وسمعوا الكل نداء الرحلة لدبي ... ومشوا ريم وامها لدبي .. عشان يستلمون الفساتين اللي فصلوها هناك ... ويشتروا الاشياء الضرووورية من هنا ..

...
....
.....
....
...

ركب رائد سيارته ورجع للبيت وهو يفكر : الحين معقووولة العرس هذا يصير..؟؟ المشكلة للحين ما كلمت دانة ... اخاف تزعل وتقرر تأجل العرس ...!!
افففففففففف ... وش اسوي بعمري ..؟؟؟ مالي غير اكلمها ... الحين لا وصلت على طول بكلمها ....


.....
....
...
..
.

وصل للبيت وشاف سيارة احمد اللكزس قاعدة توقف ف الحوش ... وقف سيارته ونزل يوم شاف احمد نازل بثوووبه الابيض المعتاد وشماغه ...

رائد بالجينز والتيشيرت البنفسجي الفاااقع ... والكاب الحركتاااات

___________________________________


(( شركة بو رائد ))

( الساعة 11 الصباح )


الشركة كانت زحمة مرة .. ناس رياحة وناس جاية .. والشغل ما يوقف .. حتى بو رائد .. كان يتنقل من كتب لمكتب .. يعطي تعليمات واوامر للموظفين .. ويشوف الشغل شلون ما شي ..

دخل على مكتب احمد بسرعة .. كان احمد قاعد مع المحاسب ...

بو رائد : احمد .. بغيتك شوي ...
احمد : انشالله .. ( التفت للمحاسب ) عن اذنك يابو فهد .. دقيقة وراجع لك ..

طلع احمد من المكتب : سم يا طويل العمر ...
بو رائد : احمد بغيتك بشغلة برى الشركة .. مالي يغيرك ...
احمد : آمر ..
بو رائد : توهقت .. رائد مشغووول بعرسه والحين هو ف الجيم .. ومحد ف البيت غير الشغالات .. واحنا مسويين لريم دولاب جديد ف الورشة موجود .. ويقول محمد انه المخزن زحمة ... ويبغانا نستلم الدولاب ...
احمد : خلاص اتطمن .. انا بروح استلمه ...
بو رائد : هو بيرسل معاك 2 عشان يشيلونه ويركبونه ف مكانه ف الغرفة ...
احمد : طيب بس وين يركبونه ..؟؟
بو رائد : ف غرفة ريم .. تعرف وينها..؟؟
احمد : لا والله يا بو رائد ما ادري..
بو رائد : خلاص مو مشكلة ... اسال وحدة من الشغالات وهي بتعلمهم .. وانت استريح ف الصالة .. وهم بيسوون كل شي .. وقول للشغالات يسوون لك عصير .. افتح التلفزيووون وارتااااح
احمد : ههههه انشالله .. خلاص .. اعتبر الموضوع منتهي ... بس .. بو فهد ف المكتب...
بو رائد : ما عليك من بو فهد .. انا بشوفه الحين ..
احمد طلع النظارة الشمسية من جيبه : خلاص اجل .. انا استاذن ...
بو رائد : الله معك ...


___________________________________




(( بيت فيصل ))

( الساعة 1 الظهر )

كانت شوووق تركض ف الممر وتصاااآرخ ..
شالها فيصل وهويضحك ضحكة شريره : هع هع .. وين رايحة يا قمر...؟؟!!
شوق : ابغى مامااااااا ......
فيصل باسها : تبغي ماما..؟؟ ماما نايمة ... خليها ترتاح شوي ...
شوق ضربته : ما ابغى مااا ابغى ....!!!
فيصل مسوي فيها زعلان : افااا .. انا فصووولي حبيبك تضربيني..؟؟؟ قولي آسفة .. قولي آسفة .. ولا ما بوديك معانا اليوم ...

شوق : وين بتلوحووون ..؟؟
فيصل : بنروح عند خالة دلع ... ولا بناخذك ...
شوق بعناد : إلا ...
فيصل يهز راسه بالنفي : لأ ...
شوق باسته ببراءة وابتسمت : خلاث عطيتك بوووثة وديني ...!!!
فيصل ابتسم وحضنها : يا قلبي انا..!! خلاص بوديك ولا تزعلين ....!!! كم شوووق عندي انا..؟!!؟!؟
___________________________________

(( بيت بو رائد غرفة ريم ))

( نفس الوقت )

اروى : لا مو حلوة .... حراام عليك ايش هالذوووق ....!!؟؟
ريم اللي مع اروى ع المسن ومشغلة الكاميرا وتوريها الملابس اللي اشترتها : مو حلوة..؟؟؟ اروى...!!!! هذي احلى الملابس وافخمها .. وتقولين مو حلوة ..؟؟؟ انتي صاحية .....؟؟؟!!
اروى : اففف.. والله ما عجبتني ... والحين انتي ليش جايبتني اليوم هنا..؟؟

ريم ابتسمت : افتحي دولابي ...
اروى مستغربة : وليش انشالله ..؟؟
ريم : افتحيه وانتي ساكتة .. الحين بتعرفين ...

قامت اروى وفتحت الدولاب : وبعدين .. ؟؟
ريم : بتحصلين تنووورة بيضا قصيرة معلقة .. طلعيها ...
اروى حاست بين الملابس : افففف ... ياكثر الملابس .. ابغى افهم متى يمديك تلبسينهم ...؟؟
ريم ابتسمت ابتسامة واسعة : نصهم ما لبستهم ...
اروى : هههه الحمدلله والشكر.. ويييين
ريم تحمست : تلاقينها على اليسار ... قسم الملابس الغير مكتملة ....
اروى لفت مستغربة : ايش..؟؟
ريم : never mind .... دوري بس... ما عليك ..
اروى حصلتها : هذي هي ...

ريم : طيب جيبيها خليني اشوووفها ..
اروى : ششششششش.....
ريم استغرب : شفيك..؟؟

اروى : في احد ف بيتكم..؟؟
ريم : ممم .. ما اتوقع .. الا اذا رائد نسى شي .. ورجع ياخذه .. مدري ..
اروى بخووف : الا والله اسمع صوووت واااحد ..
ريم : صوت رائد ..؟؟
اروى انفعلت : وش دراني انا رائد ولا مو رائد ..؟؟
ريم : طيب خلاااص ... تيك ات ايزي ....
اروى : ايزي بوجهك ...!!!

انفتح الباب وانخشت اروى على طووووول ف الدووولاب اللي كان قدامها ...
اما ريم " ااااحمممممممممممممممد......!!!!!!!! ايش يسوي هذا هنا..؟؟ ف غرفتي..؟؟!!!!!!!! اصلا شلووون دخل..؟؟؟ "

سكرت الكاميرا بيدها .. وقعدت تراقب الوضع وهي ساكته ..
احمد دارت عيووونه ف الغرفة الانيقة واللي يطغى عليها طابع الانوووووثة بزيااادة ..

ضحك احمد : هههه سبحاان الله ... من يشوووف ديكور الغرفة يعرف على طول حقت مين ....
دخل الهندي وراه شايل نص الدولاب .. والهندي الثاني النص الثاني مو الدووولاب : بابا وين هطي هادا...؟؟

احمد التفت : ها..؟؟ ا ... ا... وين يحطه ..؟؟ شدراني انا..؟؟ والله توهقت ..
الهندي : سرأة ( بسرعة ) بابا هادا مرة تقيل .....!!

احمد متوهق : ا.. يااا .. يااا .. يووه .. الحين هذي وش اسمه الشغااالة .. افف ... ياااا شغاااالة .... يااا .. انتييييي... يااا ... هييييي...
جات الشغالة : نأم بابا ...؟؟
احمد : وين احط هذا...؟؟
الشغالة تهز كتووفها وراسها بغبااااء : ما ادري... هطي برى ...
احمد : برى وجهك ...!!! اقووولك ف الغرفة تقولين لي برى ..؟؟
الشغالة : انا مافي معلوووم ....
احمد زهق : خلاااص رووحي رروووحي ...

وورى اللابتووووب كانت ريم فاقة من الضحك " خخخخخ اجل يا شغااال ها..؟ هههههااااي ... الله يهديك يا احمد ... عليك حركاااااااات ... ههه واي واي عليك ...!! "

احمد : يااربييي .. انا وش عرفني وين احطه ..؟؟ ا.. حطوووه ف الزاوية ...
الهندي : زاوية....؟؟ مو حلووو
احمد طالعه معصب : انت بتعلمني..؟؟؟!! رووح حطه وانت ساكت !!

حطوا الهنود الدولاب ف الزاوية وبالفعل .. طلع موقعه مرررة ممتاااز ...

احمد يزعط : شفتوا ...؟؟ شفت شلون طلع حلوو ... تقول مو حلو..هذا هو طلع حلوو .. انت وش عرفك بالذوووق انت وش عرفك ...؟؟
الهندي : لا مو هلوو ... حطي عند شباك حلوو ...
احمد طالعه ووده يذبحه : عند الشبااااك..؟؟ انت متزوج ...؟؟
الهندي : أي...
احمد : اقووول الله يعينها من خذتك مع هالذوووق انت ووجهك... روح انت وياااه .. روحوا بس يللا....!!

راحوا الهنووود وقرب احمد ... فتح الدولاب من داخل .. وقام يطالعه : والله كبير .. مدري وش بتحط فيه ..؟؟ وانا شدخلني الحين..؟؟ خليني ارجع الشركة اكيد بو رائد ينتظرني..

طلع رائد من الغرفة .. ونزل للدور اللي تحت ...
احمد " والله اني عطشاان .. ما بيضر لو تاخرت 5 دقايق " : ا ... تعالي انتي يا هييي .. والله انا لازم احفظ اسماء شغالاتهم ... عشان ما اتوهق زي اليوم ...
جات الشغالة : نأم بابا..؟؟
احمد : انتي وش اسمك ..؟؟
الشغالة : تاتا ...
احمد : تاتا..؟؟ دلع ايش هذا..؟؟
الشغالة ضحكت وشقت الحلق وبينت اسنانها السودا...
احمد بقرف : ضحكتي بلا ضروووس انشالله .. اضحك معاك انا..؟!؟!؟ روحي .. روحي من وجهي وسويلي عصير ليمووون رووحي.. ولا اقووولك.. خلاص ما ابغى .. سديتي نفسي...!!!!!! بقعد شوي قدام المكيف ابرد .. بعدين بمشي...





(ف الغرفة )

طلعت اروى من الدولاب مختنقة : اففف ... اففف وش هالحر..؟؟؟!!؟!
ريم شالت يدها عن الكاميرا : الحمدلله على السلامة ... شلون شفتي الدولاب...؟؟
اروى تتحرطم : فوووق الحر والكتمة .. حوسة مو طبيعية ..
ريم : هههه طيب .. انا لازم اسكر الحين ... ماما تقول بنطلع بعد شوي ..
اروى : وين ..؟؟
ريم : مدري... تقول يمكن وافي...
اروى : ترى وافي مرررة حلووو ... بتستانسين اكيد ...
ريم : طيب خلاص .. شوفي الحين بسرعة .. آخذ للتنورة البيضا بلوزة أي لون ..؟؟
اروى : ممم .. شوفي دامها بيضا ... أي لون يركب عليها... يعني وردي.. اخضر .. كحلي .. احمر .. كله يركب ... اهم شي يكون شي ناااعم ..
ريم : اهااآآآ... طيب انتي بتقعدين هنا..؟؟
اروى : لااا... السواق برى ...
ريم : اوووكي .. سي يووو
اروى : اووكي .. باااي

سكرت اروى عن ريم ... اخذت اللابتوب حقها وطلعت من الغرفة ... وهي شايلة عبايتها بيدها ....

وصلت للصالة الكبيرة ... وبدون ما تلتفت .. حطت العباية على الكنب وجنبها اللابتوب ..
طلعت كليب من الشنطة اللي بيدها ... ورفعت شعرها الطويل .. اخذت عبايتها ولبستها بكل نعوووومة ...


وكل هذا كان قدام عيووون احمد اللي كان واقف عند الباب اللي برى ..
احمد " هذا هي..؟!؟؟! ما توقعتها كذا..؟!؟!؟ سبحان الله .. نفس الشكل لما يكون هااآدي ... ونفس الهيئة والملاآمح ... "

حطت نقابها وعدلته ... وحطت فوووقه الملكي ... وجات بتمشي بس وقفت منصدمه..

احمد ارتبك " الله يقطعني على هالوقفة..!! صدق اني اهبل.. الحين وش اسوي..؟؟ "

اروى وقفت مترددة شوي .. " هذا مو كانه احمد..؟؟ الا هذا صديق عوض اللي كان دايم يجي البيت عندنا.... غريبة وش يسوي هنا..؟؟ " : لو سمحت بمر ..

احمد " جات من ربي " : ا.. ا.. انا كنت اشرف على العمال وهم يركبون الدولاب .. وخلاص طالع ..
اروى " وش اسويلك..؟؟ "

احمد " انقلع يا حمااار شفيك واقف..؟؟ عجبتك الوقفة اشوووف ... مااالت عليك صدق تفشل...!!! "
تحرك احمد لبرى البيت ... وركب سيارته ... واروى نفس الشي .. ركبت السيارة ..
وكل منهم راح في طريقه ...


___________________________________
(( سيارة رائد ))

( بعد ربع ساعة )


نزل رائد من السيارة راجع من الجيم ... العرق يصب منه ...
رائد " اففف ... حر مو طبيعي ...!!! "

دخل البيت وطلع للدور اللي فوق وهو يركض شايل شنطة ملابسه اللي كان لابسها ف الجيم ....

وصل لغرفته بس التفت على غرفة ريم وشافها مفتوووحة ... حط شطته ع الارض ومشى لغرفة ريم .. دخلها وشاف الدولاب ...
رائد : اووووه ... ركبوووه ... والله طالع شي ف الغرفة ...!!!! شكلي بوصي على واحد..

طلع جواله وهو فرحان ودق على ريم .....
ريم : الووووووووووووووووووووو
رائد : الو هلا...
ريم : اهلين رائد .... كيف حالك..؟؟
رائد : بخير الحمدلله ... كيف امي..؟؟
ريم : ماما بخير ... تسلم عليك
رائد : سلمي عليها وقوليلها بكلمها بعد ما آخذ لي حمام .. ميت من الحر ..
ريم : توك راجع ..؟؟
رائد : أي... توني الحين... المهم ... عندي لك مفاجأة ...
ريم تحمست : قووول قووول .. قوول ..
رائد : هههه وصل دولابك الجديد ...

ريم مسوية ما تدري : والله ..؟؟!!
رائد : أي والله جد ...
ريم : واااااااااااااااااي .... كيف شكله ..؟؟
رائد : والله رهيب ... مرة طالع حلووو ..
ريم : وااااااو ... متى ارجع متى ارجع ... ابغى اشووووفه ....
رائد : خلاص بصوره وبرسلك اياه بالمسن اليوم بالليل....
ريم : خلاص كذا اوكي ....
رائد : يلا يلا رووحي ... حاااس انه ريحتي طالعة على بعد مترين ...
ريم : يعععععععععععععع ... ادعك جسمك زي الناس...
رائد : خخخخ شوف اللي ما تستحي ... عطيناك وجه ... يللا انقلعي ...
ريم : الناس يقولون باآي...
رائد : ههه يللا باي ...
ريم : بااااااااي ....

سكر رائد عن ريم .. وراح ياخذله حمام سريع ... قبل ما يتغدا ويطلع ..


___________________________________


(( بيت ابو بندر .. غرفة احمد ))


( الساعة 4 العصر )



كان قاعد على السرير يفكر ....
احمد " ثنتين بنفس اليوم ..؟؟!!!! يعني دخلت غرفة ريم ... وشفت اخت عوض .. على ما اعتقد اذا ما كنت غلطان اسمها اروى.... أي اروى .. والله ماني بصاااحي .. الحين انا ايش ابغى بالضبط...؟؟!؟ ليش قاعد اسوي كذا ..؟؟ بعدين احد يوقف زي وقفتي اليوم قدام الباب وف وجه البنت ... زين انها ما درت اني شفتها وهي تلبس عبايتها .... آآآآآآآآآه .. بس الحق ينقااال .. البنت هذي شي... نعوووومة ورقة مو طبيعية"

قام وقعد على حيله مستغرب " انا وش قاعد اقووول ..؟؟ شفيني ..؟؟ شكلي مريض.. معقووولة جاتني المراهقة متأخر ..؟؟ شدعوة ...!! انا عشت مراهقتي وشبعت لعب فيها .... اجي الحين اراااهق من جديد ..؟!؟!!؟ لا لا لا ... مو معقووولة .. هذا شي مو منطقي... انا فيني شي ... "

مسك راسه " افففف .. ما فيني حرارة .. ياخي انا ممكن اعرف ايش صارلي..؟؟ قبل كنت واحد هادي ماعندي هالحركات .. والحين .. استغفر الله .. صرت اشووف بنات الناس ....!؟؟!؟! وبعدين ليش اليوم سويت كذا..؟؟ انا من متى ارتبك قدام البنات ..؟؟
انا ريم لما تكلمني كل شي فيني يوحي بالهيبة ... ليش اليوم قدام اروى ما قدرت امسك عمري وما عرفت ايش اقوووول ...؟؟ ليش فجة صرت ضعيف قدامها ... ارتبكت .. وما عرفت انطق حرف ...!!! ولا عمرها صارت فيني هذي قدام ريم . مهما كانت اسئلتها محرجة .....!!! "


___________________________________


(( شقة سعود ودلع ))

( الساعة 7 وربع )


كانت دلع ف المطبخ تسوي القهوة قبل ما توصل نساايم وبناتها .. ولينا ..
دخل سعود المطبخ كاااشخ ببنطلون جينز وتيشيرت اسود ..

سعود : ما خلصتي..؟؟
دلع بدون ما تلتفت : الا حبيبي.. خلصت بس باقي القهوة .. بخلصها قبل ما يوصلوا ..

سعود قرب وهو يبتسم .. حضنها من ورى وباسها على خدها بكل حب : يعطيك العافية ...!!
دلع عضت شفايفها مستحية : الله يعافيك .. سعود وهو للحين حاضنها : انا بطلع الحين ... تبغين اساعدك ف شي...؟؟محتاجة شي..؟؟ شي ناقصك..؟؟
دلع : لا حبيبي خلاص ... روح سلامتك ..

جا سعود بيطلع ...
دلع : تعااال .. تعال تعال تعال...
سعود لف : آمري..
دلع بنص عين : وين رايح..؟؟
سعود ضحك : ههههه يعني وين ..؟؟ يمكن بروح اقعد لي ف أي كوفي شوووب .. العب بلياردوووو .. او بشوف عندي واحد من ربعي .. اذا فاضي بروح معاه ..
دلع ابتسمت : طيب روووح .. ترى بتصل بشيك وينك ...
سعود ضحك وهو يطلع : هههههههههه ماني راد عليك ..

ضحكت دلع ف المطبخ وهي تتامل الدلة الفاضية .... ورن الجرســــــــــــ..
دلع انتبهت : وصلوا ...!!!! ...

طفت النار تحت القهوة ... وفصخت مريلة المطبخ على السريع ... وطلع من المطبخ وفتحت لهم الباب .....

دلع مبتسمة حضنت نسايم : اهليييييييين ... وحشتيني..
نسايم حضنتها بعد : حتى انتي يا قاطعة .. كذا ما تتصلي ولا تسالي ؟؟ .. يخصا عليكي يا دلع بس..
دلع : معليش والله الظروووف مو بيدي..... لاتزعلين وتحطين بخاطرك ..
نسايم ابتسمت : آخر مرة والله
دلع ضحكت : توووبة .. والله آخر مرة ..

دخلت نسايم ووراها شوووق الصغيرة ... وطبعا وراهم لينا اللي شايلة امل ..
التفتت دلع وشافت لينا بس طلعت عيووونها : لينا..؟؟ ( همست ) ليش شعرك طالع..؟؟
لينا مسوية ما سمعتها : هايااااااااااااات ....

دخلت لينا وتجاهلت الدلع اللي تعرف انها بتسويلها سالفة الحين ....


___________________________________
(( ستاربكس اللي على كورنيش الخبر ))

( الساعة 9 المسا )


رن جوال سعود اللي كان على الطاولة ...
سعود : الووو ... هلا معاذ ... انا ف ستاربكس.. انت وين ..؟؟ ( رفع راسه يلتفت حووله) أي أي هذاني شفتك .. جايك الحين ....

قام سعود واخذ مفاتيحه وجواله وراح لخوبه ..

معاذ ابتسم : هلا والله سعووود ...
سعود : كيف الحال.......؟؟
معاذ بخير :وينك يا قاااطع .. كذا ما تسال ولا شي..؟؟ ولا كانه عندك ربع ..؟!!
سعود : الظروووف يا معاذ ...
معاذ : تعال تعال معاي واشرحلي كل شي صارلك ...
سعود : وين اجي معاك..؟؟
معاذ : امشي معاي .. بنروح نتعشى ف البحرين ...
سعود بعد تفكير " الحين سهرة الحريم بتتاخر .. خليني اروح ما بيصير شي .. ما اتوقع دلع تقووول شي.. " : خلاص مشينا ... تجي معاي ف السيارة ..؟؟
معاذ : اقووول اركب سيارتي وانت سااكت ولا لانها تويوتا مو قد المقام ...؟؟
سعود : هههه لا افااآ عليك... بس عطيني دقيقة اجيب جوازي ...
معاذ : يللا بس بسرعة ... اليوم اربعاء .. وتعرف اليوم الجسر مزحوووم مرة ..

___________________________________




(( بيت ابو بندر ))

( الساعة 10 ونص المسا )


حط ثامر الجوال على اذنه بعد ما دق على الرقم اللي يبغاه ...
رد واحد : الوو ...
ثامر : الو ... هلا سلمان ..
سلمان صديق ثامر : هلا ثااامر .. كيف الحال..؟؟
ثامر : بخير الحمدلله .. وانت شخبارك...؟؟
سلمان : تمام ... تطالع المباراة ..؟؟
ثامر مستغرب : مباراة وشو..؟؟
سلمان : يا غبي اليوم نهائي بطولة أمم اوروبا ... اسبانيا والمانيا ..

ثامر : صدق..؟؟ واقول انا وش فيه بندر للحين ما رجع .. وكل ما ادق عليه ما يرد ..
سلمان : والله انك مو صاحي .. نهئي وش قاعد تسوي..؟؟ روح شووفه بس لايفووتك المباراة حماااااااااس ...!!
ثامر : شوووف .. انا احب الكوورة .. بس تجي تقول لي اسبانيا ما اسبانيا والمانيا ومدري ايش... انا مالي ف هالسوالف ... انا مواطن سعووودي نصراااوي حتى النخاااع..
سلمان يتطنز : نصراوي حتى النخاع..؟؟ والله منت بوجه تحضر .. ودك من يصكك ببلووك على وجهك عشان تتعلم التحضر شوي ... قال نخااااع قاال... !!!!!!!

ثامر : المهم مو موضوعنا ... اسمع بغيت منك خدمة ...
سلمان : طيب قولها بسرعة .. واشالله بكرة بردلك خبر اذا اقدر اسويها ولا لأ ... لاني ماني قادر اركز ...
ثامر : بعطي رقمين .. وابغاك تشوف مسجلين باسم مين ..
سلمان : حق مين الرقمين..؟؟
ثامر : وانت وشش هاللقافة اللي فيك .. رقمين وبس .. لا تسال حق ايش..!!
سلمان : خلاص خلاص .. نتفاهم بكرة ...
ثامر : اقووول لاحسة مخك الكووورة .. خلاص بكرة لا فضيت دق علي...
سلمان : انشالله .. مع السلامة ..
ثامر : ف امان الله ...

ثامر يتحرطم مو عاجبه الوضع : قال اسبانيا قااال ...!!! اقوول مالت عليكم وعلى الدوري الاوروبي السخيف اللي تطلعوووونه ...!! والله مافي احسن من سعد الحارثي الذابح ... يشق المرمى شق!!!!!!!!!!!!!!!!!!!!!!!!!!!!!!!!!!!!!!!!!!!!


___________________________________


(( ف البحرين ))

( الساعة 12 المسا )


سعود : اففففف ... ما بغينا نوصل..؟؟ تقول الناس مسوين هجرة ...!!!
ضحك معاذ : يعني بالله عليك وش عندنا احنا نقعد ف الشرقية نسوي .. راشد وكوفي شوووب ... وغيره...؟؟ ولا شي ... كل شي عوائل وممنوع الشباب ... والله ذاك اليوم رايح ابغى ابدل الجزمة اللي خذتها .. وقلت اقرب شي لبيتنا مجمع الظهران .. ولله ما خلوني ادخل ... ليلة العيد تخيل...!!! والله قمت احلف له دقيقة ببدل الممنوع السب في المنتدى وبرجع .. والله ما خلاني .. يقول ممنوع ... جيب حرمة معك وبخليك تدخل ...!!!!!

سعود ضحك : طيب وقف ورى أي حريم تشوفهم ماشيين .. سوي فيها انك معاهم ..
معاذ طالعه بنص عين : قالووولك ما جربتها..؟؟ سويتها ..
سعود : ههه ما نفعت ..؟؟
معاذ : والله حست علي بنت من البنات .. قامت راحت وقالت لابوها اللي ماشي قدامهم ....
فتح سعود عيووونه الثنتين : اوووف ... وايش صار بعدين..؟
معاذ : ههههه انا من شفته جاي باتجاهي ... رحت وادعس واجري للسيارة ..
سعود فقع صحك : هههههههههااااااااي ... ههههههههه الله يقطع شكلك...!!!
معاذ يضحك وهو يتذكر : والله كان معصب مرة .. وجاي وهو يتوعد فيني .. وانا ماني بايع حياتي ... شردت وانتهى الموضوع ... وما بدلت الممنوع السب في المنتدى للحين .. ولا ببدلها .. بخليها ذكرى ف الدولاب ...


وبعد 5 دقايق .............


وقف معاذ السيارة : يللا انزل ...
سعود : وين جايبني انت..؟؟!!
معاذ : انزل بس وانت سااكت .. حاول تستااانس ف حياتك شوي ...
سعود نزل : ومين قالك انا مو مستانس ... كل شي الحمدلله بخير ..
معاذ : والله ..؟؟
سعود : أي والله ...
معاذ : دام كذا .. لازم نحتفل بترتيب حياتك ....!!!!
سعود وقف : حفلة...؟
معاذ : افففف .. سعود احنا ف فندق ... والفنادق دايم تسوي حفلات .... امشي بس..
سعود مشى وراه " الله يستر !!!! "


دخلوا داخل ... وتجهوا للقاعة اللي فيها الحفلة .. كان المكان زحمة .. واغلبهم سعوديين .. واكثرهم يا شباب ... يا عجايز عندهم عيال كبااااار ... والفنان اللي جايبينه كان عراقي .....

سعود : وش هالزحمة ..؟؟
معاذ طالعه بنص عين : سعود .. يا كثر ما كنا نروح اماكن ازحم من كذا اول .. شمعنى الحين صرت تتضايق من هالجو ...!؟!؟
سعود : لانه صارلي فترة ما جيت هنا....
معاذ حط يده على كتف سعود : عشان كذا انا جايبك هنا.. ابغاك تغير جو ..

قعدوا على طاولة وطلب معاذ كاستين ....
ويوم جابت الفلبينية الكاستين ...
معاذ مسك الكاسة : يللا اشرب وروق....!!!
سعود تردد : أي .. بس ...
معاذ استغرب : انت شفيك ...؟

سعود ما يدري وش يقول ..؟؟ خاطره بالكاسة .. وماوده .. لانه وعد نفسه ووعد دلع ما يرجع للي كان عليه اول ...

معاذ مسك كاسة السعود وحطها ف يده : اشرب يا سعووود ... انسى كل شي .. وخلينا نستانس شوي ...
شال سعود الكاسة وقعد يطالع فيها ... تذكر لذة الشعور اللي يحس فيه لما يشربها .. تذكر التخدير اللي يسري بكل جسمه بعدها ... هزها عشان يذوووب الثلج شوي .. ويخق طعمها المر القوي ...
..... : اوووه .. اشوووف بديتوا قبلنا ...
معاذ ابتسم : انتوا تاخرتوا ...
جلس واحد من الربع جنب سعود : اووخص .. سعود هنا..؟؟

ابتسم سعود ....

انتبه الرجال للكاسة اللي بيد سعود وضحك : هههههه ما ودك نطول كلام .. خاطرك تشربها .. اشرب .. اشرب يا حبيبي ... ولكم كلكم كاسة على حسابي ..

معاذ : ما تقصر يا هاني .. دومك كريم خخخخخ .. بس مرة ثانية .. لازم تكون ع الموعد مو تتاخر ....!!
هاني : والله مو بيدي اسال حسين شلون كان الجسر
حسين : أي والله مرة زحمة ... وحقون الجمارك غصب يفتشووون ... ما يصدقووونك الا لما يشوفون بعيووونهم!!!

هاني رفع يده ياشر للفلبينية : sweety..!
قربت الفلبينية اللي تنورتها طول شبر شاقة الوجه وعيووونها فوق ماهي صغيرة صغرت زيادة من الوناسة : yes….
هاني يتكلم بالانجليزي وكانه اجنبي : we need 4 more glasses ( نحتاج 4 كاسات زيادة )
الفلبينية : ooh … OK
هاني : but quickly baby….!! ( بس بسرعة حبيبتي ...!! )

ضحك سعود اللي كان قد شرب الكاسة اللي بيده وخلص : هههه تراها فلبينية ...
معاذ طالعه بنص عين : انت شفت جسمها .....
حسين : بنت كلب مع هالسيقااان .....!!!!!!!!!!!!



@@@@@@@@@@@@@@@@@@@@@@@@@@@@@@@@@@@@@





(( شقة سعود ودلع ))

( الساعة 7 الصباح )


دلع اللي كانت تدووور ف الصالة وميتة خووووف ... وقلبها ناغزها وماهي راضية تهدى..

دلع : افففففف... ياربييييييي هذا وين رااااااااااح...؟؟ ما صارت طلعة ...!!!! الساعة 7 الصباح المفروووض اصلا يكون بالبيت من زماااااااااااااااااان .... الله يستر لا يكون صارله شي ......

رفعت سماعة التليفون ودقت عليه ..... بس... جواله مغلق ....

سكرت دلع التليفون والعبرة خانقتها : انا شكلي بتصل ف الشرطة .... اخاف صار معاه شي .... او احد سواله شي .....!!!!!! بنتظر ساعة زيادة .. اذا ما جا .. بتصل مالي دخل ... ياااارب عديها على خير ياااااااااااااااااااااارب ......

ومع نزول دموووع دلع .... انفتح الباب ... ودخل سعود وشكله كان تعبان مرة .. والنوم ماخذه ....

دلع ركضت وحضنته تصيح : حبيبي......
سعود متخدر للحين : ها حبيبتي ... شفيك تصيحين..؟؟
جلع رفعت راسها : وين كنت للحين ..؟؟ خفت عليك ...

سعود ترنح ف وقفته ... وحست عليه دلع وفتحت عيووونها ع الاخير : حبيبي شفيك..؟؟ تعبااان ..؟؟ فيك شي..؟؟ شي يعووورك..؟؟

سعود وخرها عنه وهو يضحك بهستريا ويترنح ف المشية: هههههههههااااي .. انا تعبااان ..؟؟ ليش ..؟؟ ا.. ايش .. ف .. فيني ..؟؟ مافيني شي .. هذاني .. زي .. زي الحصاان ...........!!!!

وتركها ومشى للغرفة ....
دلع واقفة ف الصالة مصدووومه : شفييييه ..؟؟ ليش كذا يتكلم ...؟؟!!

مشت وراه للغرفة وشافته مسندح على السرير بملابسه وجزمته ...
دلع قعدت على السرير جنبه وحطت يدها على راسه : سعود ... فيك حرارة ..؟؟ مريض....؟؟ كلمني ...

سعود فتح عيووونه : انتي ما تفهمين ..؟؟ انا م ... م .. ما فيني شي ..

دلع شمت ريحة كريهة ... استغربت .. وبعدين يوم بدت تطلع منه كلمات مو مفهووومة.. استوعبت ... وفتحت عيونها ع الاخير ...
دلع : سعود شارب شي...؟؟
سعود رفع اصابعه ياشر لها : بس 6 ... والله بس 6......!!!

دلع حطت يدها على فمها من الصدمه تصيح : ياربييييييي... ليش سويت ف نفسك كذا لييييييييييييش...؟؟
سعود : حبيبتي .. لا تخافين .. مافيني شي.. انا ز... زين ..
دلع : انت وين رحت امس..؟؟ مين خلاك تسوي كذا ...؟؟

سعود قعد : بقووولك .. ب ... بس .. ل ..لا تصيحين ..
دلع نزلت دمعتها : قووووووووووول خلصني ..
سعود مسح دمعتها وهو يقول لها : ششششش ... قلت لك ... ل .. لا تصيحين
دلع مسكت يده وباستها : ياربييييييي ... سعود حبيبي .. قول لي انتا وين كنت..؟؟

سعود قال وعيووونه حمرا : امس كنت ف .. م ... مع معاذ .. وو .. و هاني .. و .. حسين....
دلع : ربعك..؟؟
سعود : أي..
دلع : طيب .. ايش سويتوا...؟؟
سعود : وش سوينا .. ب .. بعد ..؟؟ بس .. شربنا .. ش .. شوي .. وو .. و هاني .. ط .. طلع مع .. مع ....
دلع : طلع مع مين قوووووووول ..؟؟

سعود ولا حاس بعمره : هاني طلع مع .. الفلبينية .. ا .. اللي كانت .. ت .. تصب ال.. ال .. هذا ... ف.. الكاسة ...
دلع فتحت عيونه الثنتين : وانت طلعت مكان يا سعووود ....؟؟

سعود طاح ف خضنها نايم .......
دلع تهزه : كلمني ... قووم كلمني ....
سعود : همممممممممممممممممممممممم ...؟
دلع : انت طلعت مع احد مكان ..؟؟ كنت مع وحدة ثانية ..؟
سعود : لا...

غمضت عيونها دلع بارتياح وسعود كان ناايم خلاص ورااايح ف النوووومة ..
صلحت له نوومته .. وقعدت تفكر ... ما هي عارفة وش تسوي ...
دلع " ياربيييي .. من وين طلعتلي هالمصيبة ...؟؟ انا ما صدقت متى تعدل وصار إنسان زي العالم والناس .. يقوم يصير فيني كذا ...!؟!؟؟! حسبي الله عليكم من أصدقاء .. حسبي الله عليكم بس ...... "



___________________________________
(( بيت بو بندر ))

( الساعة 5 العصر )


ثامر : وينه هذا ما اتصل فيني ..؟؟ صدق ما يعتمد عليه ابد ....!!!

طلع جواله ودق على سلمان .......
سلمان : الووو
ثامر : مااااالت عليك وعلى اللي يطلبك خدمة ....!!
سلمان : هلا ثامر .. معليش يا رجال .. والله امس من الفرح نسيت كل شي ...
ثامر : وليش فرحان انشالله ..؟؟
سلمان : يالتعباااان امس فاااازت المانيا بالبطوووولة ... فزناااااااا ...
ثامر : طيب مبروووك ... الحين وش صار على موضوعي....؟؟؟
سلمان : أي موضوع ..؟؟
ثامر : شووف..؟؟ ويقول لي أي موضوع بعد ...؟؟؟ موضوع الرقمين اللي طلبتك تشوف لي مسجلين باسم مين ...؟؟
سلمان تذكر : ايوااا.. أي أي صح تذكرت ...
ثامر : شصار عليهم ..؟؟
سلمان : شوووف والله مدري ..بس ... عطيني الرقمين وانا بتصرف ..
ثامر : بس ها.. والله لو انتشروا الرقمين ما تلوم الا نفسك ...
سلمان : خلاص درينا انها ارقام خويتك .. لاتقعد تزعط علينا ....!!!
ثامر : تدري شلووون .. انت ما تنعطى وجه ...
سلمان : خلاص خلاص ... تعال .. ليش تزعل ..؟؟ والله امزح معاااك ..
ثامر : متى يعني استلم منك خبر...؟؟ مو زي امس تقول بتصل فيك ولا تتصل...!!
سلمان : لا انشالله اللحين بكلم واحد من ربعي يشتغل ف الاتصالات .. وبشوفلك..
ثامر : تسلم ما تقصر ....
سلمان : تآمرني بحاجة ثانية ..؟؟
ثامر : لا سلامتك ... بس اركد شوي .. خل عنك هبالة الغرب و اوروبا والدوري الاوروبي هذا..............!!!!

سلمان : هههههه اسمها بطولة امم اوروبا .. مو دوري اوروبي .. بعدين مافي شي اسمه دولي اوروبي ...
ثامر : اللي اسمه .. كرستيانو وما كرستيااانو وبيكهام ومدري ايش... عن هالخرابيط ... مالك الا الحارثي وماجد وبس...........!!!!

سلمان : خخخ ههههههههههاااااااااااااااااااي .. آآآآآه يا بطني والله انك يا ثامر نكتة .. خلاص ابشر .. بطلنا دوري اوروبي ههههههههههههههه ...!!!
ثامر : تتطنز مع وجهك .. اقول انقلع مااااالت عليك ...!!

سكر ثامر بوجهه وهو يتحرطم : يتطنز الكلب...!! انا اوريه .. والله سعد يسواه ويسوا كل فرق الدوري الاوروبي حقه هذا ...!!!!!


___________________________________


(( شقة سعود ودلع ))

( الساعة 8 المسا )


فتح سعود عيووونه وتلفت حوووله بصعووبة وتعب ...
دلع اللي كانت تلعب بشعره باست رايه : اشواا قمت ..!!

سعود : آآآآآي يا راااااااااااااااااااسي....!!!
دلع خافت : راسك يعورك ..؟؟ شفيك..؟؟
سعود مسك راسه : مدري .. راسي يعورني...
دلع : لحظة فورت لك موية .. بسويلك كوب كوفي ...
سعود : أي الله يخليك ..


قامت دلع للمطبخ 3 دقايق وعلى طول رجعت ..
دلع : وهذا احسن كوب كوفي ...

اخذ سعود الكوفي وهو يبتسم .... شرب منه شوي .. وبدا راسه يخف ...
حط الكوب على الكومادينا وطالعها وشافها سررحانه ...

مد يده ومسك يدها : دلع ... شفيك ..؟؟
انتبهت دلع وطالعته بعتب : ليش سويت كذا..؟؟
سعود سكت .. ما عرف وش يقول لها ...
دلع : يعني يعجبك شكلك وانت جاي مو عارف توقف حتى ... ولما تقوم راسك شوي وينفجر من الالم..؟؟ يعني اللي شربتهم يسوون التعب هذا كله ... والله ما تسوى عليك ..

سعود : دلع والله ما ادري شلون سويت كذا ... رحت انا وربعي اللي صار لي فترة ما شفتهم.. قالوا انهم بيتعشون ف البحرين.. قلت اروح معاهم بنغير جو ...وبعدين ما احصل الا وصلنا للفندق .. ونزلوا .. قلت لهم لأ ... خلونا نروح مكان ثاني... وو اصروا
دخلت معاهم وقعدنا .. وما اشوووف الا الكاسات صارت قدامنا .. والكل قام يشرب...

دلع : تروح وتشرب معاهم يعني ..؟؟
سعود : ما قدرت .. تذكرت يوم كنت اشرب براحتي وانا مستانس .. والكل كان قدامي قاعد ومستانس .. ما قدرت امسك نفسي .. والشيطان ما قصر .. قام يوسوس لي لين شربت .. وش اسوي..؟؟

دلع حضنته بقوة : اوعدني ما تسويها مرة ثانية .. والله بغيت اموووت خوف ...!!
سعود : خلاص لا تخافين .. انا جنبك ..
دلع : اوعدني ما تعيدها .... سعود انا ابغاك تضيع مرة ثانية علشان كاسة ما تسوى...!!

سعود ابتسم لها يطمنها: خلاص اوعدك .. لاتخافين ...!!!!
@@@@@@@@@@@@@@@@@@@@@@@@@@@@@@@@@@@@@


(( بيت ابو بندر ))

( الساعة 12 الظهر )


رائد : يععع ... احد يحط بيض على وجهه ..؟؟
دانة : لا والله .. اجل وش يحطووون ..؟؟ لحم...؟!؟!
رائد : مو عن كذا .. بس شي مقرف بجد ...

دانة : لا بالعكس .. لما اشيله بتشوووف شلون وجهي بيصير ..
رائد : انتي حلوة بدووون شي ... عمرك شفتي قمر يحط بيض!! على وجهه .. ؟؟
دانة : طيب حبيبي .. انت الحين قاعد تغازل على التليفون ... صليت الظهر اول..؟؟

رائد : توضيت .. وبعد شوي بروح
دانة : لا والله ..؟؟ لأ ... يللا روح الحين .. عشان لايقيمون الصلاةوانت لسى ما وصلت...
رائد : طيب حياتي توصين على شي ..؟؟
دانة : سلامتك ...

سكر رائد عن دانة ورجعت دانة فتحت اللابتوب تتفرج على البودي لوووشن الجديد اللي نازل .....
وجا على بالها ايميلها .... فتحت ايميلها وحصلت كثير رسايل .. اكثرها من غادة وصديقاتها بالجامعة ... بس .. هذا الايميل مو معروووف ...

فتحت الايميل وهي مستغربة : مين هذا..؟؟

شوي الا تقرا المكتوب ...


هاااي دانة ,,, كيفك ..؟؟


قالولي انك قاعدة تحضرين لعرسك ... الله يوفقك ..

وانا عندي لك مفاجأة بما انه عرسك قرب... واتمنى تعجبك ...



..
...

وقفت دانة منصدمه ... " هذا راائد..!!!! بس... مين هذي..؟؟ وشلون توقف جنبه كذا..؟!؟! طيب يا رائد ... شكله هالمرة .. لازم تلاقيلي تفسير مقنع لهالصووورة ... هذي مو علاقة على تليفون ولا نت بس ... السالفة اكبر من كذا...!!!!"


___________________________________
نهاية البارت الـ24 ...

الاحداث قاعدة تتعقد ..

رائد ودانة وحياتهم كيف بتكووون ..؟؟
وهالعرس هل راح يتم..؟؟

ريم وسفرها..؟؟ هل راح ياثر على علاقتها مع احمد..؟؟
ووجود اروى في ظل غيابها .. هل راح يكون له دووور ...؟؟

دلع وسعود .. هل راح يتجاوزون الاخطاء اللي تصير ف حياتهم ..
ويعيشون بسعادة..؟؟

الجزء الـخامس والعشرون ( خمس وعشرين ) :.


(( بيت ابو بندر ))

( الساعة 12 الظهر )


رائد : يععع ... احد يحط بيض على وجهه ..؟؟
دانة : لا والله .. اجل وش يحطووون ..؟؟ لحم...؟!؟!
رائد : مو عن كذا .. بس شي مقرف بجد ...

دانة : لا بالعكس .. لما اشيله بتشوووف شلون وجهي بيصير ..
رائد : انتي حلوة بدووون شي ... عمرك شفتي قمر يحط بيض!! على وجهه .. ؟؟
دانة : طيب حبيبي .. انت الحين قاعد تغازل على التليفون ... صليت الظهر اول..؟؟

رائد : توضيت .. وبعد شوي بروح
دانة : لا والله ..؟؟ لأ ... يللا روح الحين .. عشان لا يقيمون الصلاة و انتا لسا ما وصلت...
رائد : طيب حياتي توصين على شي ..؟؟
دانة : سلامتك ...

سكر رائد عن دانة ورجعت دانة فتحت اللابتوب تتفرج على البودي لوووشن الجديد اللي نازل .....
وجا على بالها ايميلها .... فتحت ايميلها وحصلت كثير رسايل .. اكثرها من غادة وصديقاتها بالجامعة ... بس .. هذا الايميل مو معروووف ...

فتحت الايميل وهي مستغربة : مين هذا..؟؟

شوي الا تقرا المكتوب ...


هاااي دانة ,,, كيفك ..؟؟


قالولي انك قاعدة تحضرين لعرسك ... الله يوفقك ..

وانا عندي لك مفاجأة بما انه عرسك قرب... و اتمنى تعجبك ...



..
...

وقفت دانة منصدمه ... " هذا راائد..!!!! بس... مين هذي..؟؟ وشلون توقف جنبه كذا..؟!؟! طيب يا رائد ... شكله هالمرة .. لازم تلاقيلي تفسير مقنع لهالصووورة ... هذي مو علاقة على تليفون ولا نت بس ... السالفة اكبر من كذا...!!!!"


مسكت جوالها بقهر ورجعت دقت على رائد ...

رائد رد : اووخص ... لحقتي تشتاقينلي يعني...؟؟؟!!
دانة معصبة : دام السالفة سالفة نت وتليفونات .. ممكن تفهمني ايش اللي خلاك تطلع من وحدة ف صوووورة و انت تبوسها على خدها...!؟!؟!؟

رائد انصدم " لا حول ولا قوة الا بالله .. متى بالله بفتك انا..؟!؟!!؟ " : دانة حبيبتي انتي وش تقولين ..؟؟

دانة قاطعته : رائد .. لا تسوي نفسك غبي ... في شي انت مخبيه عني للحين .. ولازم اعرفه ...
رائد : يا دانة انا قلت لك كل شي ليش مو راضية تصدقيني ...؟؟

دانة بأسف : لانه اللي قدامي شي غير اللي انت قلت لي اياه .... صدقني ..

رائد انفعل وهو يشرحلها : طيب .. ي .. يمكن الصورة تركيب .. او .. يمكن البنت هذي وحدة من بنات خالاتي بجدة ...
دانة : ليش انت من متى تتصور مع بنات خالاتك بهالشكل وهالوضع ...؟؟
رائد : دانة .. كل شي جايز ... وبعدين زي ما قلت لك ... يمكن تركيب ...
دانة باصرار : لأ ... هذي باذات ماهي تركيب .. انها واضحة زي الشمس .... لا تقعد وتلف وتدور علي....!!!!

سكت رائد وسكتت دانة بدووورها .. وكلها دقيقة ووصله صووت صياح دانة ...
رائد تنهد : هـــ ... دانة .. حياتي لا تصيحين...
دانة قاطعته : لا تقووول لي لاتصيحين ..!!! انا وش سويت عشان تسوي فيني كذا...؟؟
رائد غمض عيووونه منقهر حده : طيب اسمعي ... انا ماني فاضي الحين .. بسكر .. ولا فضيت بكلمك من جديد ......
دانة عارفة انها تصريفة : باي....

سكر رائد عنها ووقف قدام المرايا منقهر "طيب يا بنت الكلب... اشوف شلون بتخربين علي هالزوااااج ...!!!!! "


___________________________________


(( بيت بو بندر ))

( الساعة 3 العصر )


احمد يصارخ زهقان : ما صااااارت....!!! ترى والله 5 دقايق انت وياه .. ان ما خلصتوا بمشي عنكم ...... تراني مت من الجووووع ...!!!

طلع بندر وهو يلمس شعره ويتاكد انه ثابت : خلاص هذاني جيت ...
احمد : و أخوك وينه ..؟؟؟
بندر : يعني وين ..؟؟ قاعد يسوي فيها يكشخ ... وكلها ثوووب وغترة وعقال ....!!
احمد يتطنز : ابغى افهم مين اللي بيطالع فيه بس.....

بندر بصوت واطي : لا تغرك طبايعه البدوية الغير تحضرية ... ترى والله نص البنات يخقووون عليه .. يقولون عيووونه حلوة ....!!!!!
احمد وقف بغرووور ونفخ صدره : والله اني احلى وارز منه ....!!!!

طلع ثامر : ها شباب خلصتوا...؟؟ انا جاااااهز ...
احمد : ساعة ..!؟!؟! ساعة عشان تطق هالثوووب عليك..؟!؟ ما تعرف اني على لحم بطني من امس...؟؟
ثامر : انت ما تفكر الا ببطنك...؟؟ ما شفت خير..؟؟ خلك ثقيل شوي...

بندر فقع من الضحك ... في حين احمد اللي فتح عيووونه ع الاخير : انا قول لي ما شفت خير...؟؟ ( ضربه على بوكس على خده بالخفيف ) انا شايف خير اكثر منك ..
وين امك وينها ..؟؟ خليني اعلمها باخلاقك اللي ابد صايرة مافي ...

ثامر تخرع وباس راس احمد بسرعة : لأ لأ .. حلفت عليك خلاص .... توووبة...
احمد مشى : يللا بس يللا ... حسبي الله على ابليسكم مت جووووووع ...!!


___________________________________
(( بيت فيصل ))

( الساعة 5 العصر )


لبست نسايم بنتها امل فستانها الاحمر الجديد ... وطلع مرة كيوووت عليها .. خصوصا انها بيضا ...

جا فيصل : ها خلصتوا...؟؟؟ ( شاف اخته وشق حلقه يصااارخ ) يا نااااااااااااااااااااس ... وش هالحلا....؟؟؟

ضحكت نسايم وهي تشيل بنتها وتبوووسها : فديتها شفت شلووون طالعة قمر ...؟؟
فيصل مسك خدوودها وقرصها وباسها : اححححححح .... يا حبنيلك ....
نسايم عطته امل : طيب ... امسكها شوي بين ما اروح البس عبايتي .... وين شووق..؟
فيصل : ف الصاااالة ...


راحت نسايم وقام فيصل يرمي امل ف الهوى ويمسكها ... وهي ميتة من الضحك ....
فيصل فاقع عليها ضحك : ههههههههه تضحكين مع وجهك وانتي ما عندك اسنان...؟؟ وين اسنااانك..؟؟ ما طلعت لك اسناااان ههههاااااااااي ..!!


رجعت نسايم ووراها شوووق : ها نمشي...؟؟
فيصل ابتسم : يللا ...


___________________________________


(( شقة سعود ودلع ))

( الساعة 7 المسا )

كانت دلع تتفرج على برنامج ف التلفزيون عن الحياة الزوجية ... وكان الموضوع عن الغيرة ..... وشدها الموضوع وهي تتفرج باهتمام ..

........ : كيف تعرفين انه زوجك يغار عليك ويحبك..؟؟ طبعا في كثير ادلة .. مثلا ..يقولك غطي وجهك ..ما تطلعين لوحدك .. في رجال ما يحبون حريمهم يكلمون البياع .. وفي ناس ما يخلون حريمهم يفتحون الباب ... وفي غيرها الكثير والكثير ...طبعا غيرة الرجل دليل على حبه لزوجته ....


دلع تفكر " الحين سعود يغار علي...؟؟ ولا عمره قال لي شي من هالامثلة .. عااادي .. كل شي عنده ايزي.... يعني لازم يسوي كذا اذا كان يحبني ...؟؟ انا لازم اجرب .. "


قامت وتفر المحطة ... وحطت على القناة السعوودية اللي لايمكن نحصل فيها حريم الا نادراً .....

وكانوا جايبين برنامج عن الشباب السعوودي اللي يشتغلون ف د.كيف
قعدت ومسوية نفسها تطالع باهتمام .... وشوي وطلع سعود من الغرفة بعد ما اخذ له شاااور ..

سعود وهو ينشف شعره : وش تشوفين ....

جا وقعد جنبها ....
دلع ما شالت عيونها من على الشاشة .. مسوية خاقة يعني خخخ : هذولا الشباب اللي ف د.كيف... الله يخليك وديني ... شوووف مرة اشكالهم كيوووت ...
طلعهم سعود بنص عين : الحين هذووولا كيووووت ..؟؟!!
دلع : مررررة ... شوف شوف هذك.... مدري وش اسمه .. افااا والله فاتني اسمه ..
سعود طالعها : اعصاااابك ...

دلع قامت بسرعة تدور حولها ....
سعود مستغرب : بسم الله شفيك ..؟؟
دلع : وينه ..؟؟ ويييييييييييينه ..؟؟
سعود : ايش هو..؟
دلع : الشريط اللي بسجل عليه الحلقة وينه ..؟؟
سعود بلا مبالاة : تلاقينه ف المكتبة ...

راحت دلع تركض للمكتبة .. جابت لها شريط فاضي وقامت تسجل الحلقة ورفعت الصوت ............


دلع مركزة عيونها على الشاشة : اهئ اهئ .. هذا مرررررة يخقق .. شوف شلووون زلوووفه مرسوووومة بكل اتقااااان ...!!!!! شي مو طبيعي ...!!!

سعود يطالع عادي : شكله توه طالع من الحلاق .. بس كشخة والله أي حلاق هذا..؟؟

دلع طالعته بنص عين " يعني فوق كل اللي سوته ولا تحس...؟؟ معقووولة ..!؟!؟! "
سعود : علّي علّي الصووت .. خلينا نسمع وش يقولون ....!!!!!!!

لزقت ف الشااااشة قدام وعلت الصوووت ع اللاخير منقهرة ...
سعود : طيب وخري ما اشوووف شي ..

دلع " بسويها..؟؟ ادري بيذبحني بس بقوووله اني كنت امزح ... مالي دخل بسويها "
قربت من الشااااشة على واحد من الشباب كان يتكلم وباست الشاشة ....!!!

سعود رفع حاجب : دلع حبيبتي .. ترى انتي اللي بتنظفين الشاشة من الروووج اللي بقى عليها ..
دلع قامت فاتحة عيونها ع الاخير " هذا من جده ولا يمزح ..؟؟ الحين قاعدة ابوووس واحد على الشاشة واتلزق فيه ... مافي أي ردة فعل...!؟؟؟!!؟ "


___________________________________


(( ف المطار ))

( نفس الوقت )


شوق تهز عباية امها : ماما .. متى حيجي جدووو وستي..؟؟
نسايم ابتسمت : دحين حيوصلوا حبيبتي ...
شوق : من وين حيجوا..؟؟
أشرت نسايم على البوابة : شوفي .. من هناااك ...

جا فيصل اللي شايل امل بعد ما وقف السيارة : ها ما وصلوا...؟؟
نسايم : الحين حيوصلوا .. الطيارة نزلت .. بس أكيد الحين بين ما يشيلوا الشناط حيتأخروا شوية ...
فيصل قعد ع الكرسي اللي وراه : نو بروبلم ... انا بقعد ع الكرسي .. لانه الحلوة هذي ( امل ) بدت تنام ...
نسايم : أي أحسن .. خليها تنام ..

كلها 10 دقايق .. وكان ابو نسايم و أمها واصلين .... و وراهم الهندي اللي يدف الشناط على العربية ....

نسايم ابتسمت بفرح وراحت تسلم على ابووووها : بابا حبيبييييييييييييي....
ابو نسايم : حبيبتي يا بنتي ... كيف حالك...؟؟
نسايم والصيحة بعيووونها : بخير....

سلمت على امها وقعدت ف حضنها تصيح شوي ....

ابو نسايم قرب من فيصل ووفيصل ابتسم : الحمدلله على السلامة
ابو نسايم : الله يسلمك ... كيفك يا فيصل...؟؟ ما شالله صرت رجااال... ( انتبه لامل ) يا قلبي انا .... هذي امل...؟؟

فيصل ابتسم ومدها لجدها عشان يشيلها ....
ابو نسايم شالها فرحااان : ماشالله .. تبارك الله .. كبرت الله يحفظها ..
@@@@@@@@@@@@@@@@@@@@@@@@@@@@@@@@@@@@@


(( بيت ابو سعود ))

( الساعة 1 الظهر )


ام سعود اللي كانت عند لينا ف الغرفة بين ما لينا قاعدة على النت ومو معطيتها وجه...
ام سعود : اقوولك انا وابوووك يمكن نسااافر ف الاجازة لوحدنا استراليا ...
لينا ولا التفتت : طيب ..
ام سعود منقهرة : سكري اللابتوب اشوووف لا اسحبه منك ....
لينا ماسكة نفسها " استغفر الله .. انشالله ما ترجعين ونفتك منك ...!!! "

سكرت لينا اللابتوب والتفتت : نعم ..؟؟ بتروحون استراليا مبروووك .. !!! وين بعد تروحين ..؟؟ما عندك مخططات تروحين لام عبيد وام عزيز وام موضي...؟؟؟

ام سعود قامت معصبة : انتي وحدة قليلة ادب .. محد يتكلم معاها ... جزاتي جاية اسووولف معاك ..
لينا باستهزاء : لا تكفين مرة ثانية لا تقولين لي ولا تسولفين لي شي .. طيب..؟؟

طلعت ام سعود من الغرفة وعلى طول بعدها بدقيقة دخل سالم : ها ما لبستي..؟؟
لينا منقهرة : ليش امك تخلي احد يلبس...؟؟
سالم : شقالت لك ..؟؟
لينا : قاعدة وتبربر فوووق راسي .. بتروح استراليا هي وابوك وقاعدة تعطيني خبر..
سالم باستهزاء : كان قلتيلها زي ع الاقل عطيتينا خبر .. مو زي ذيك المرة .. رايحة لبنان شهر ولا درينا عنها الا لما رجعت ...!!!

لينا قامت وطلعت ملابسها من الجولاب : يللا اطلع شوي .. خليني البس عشان نروح..
فيصل وهو طالع : لاتتاخرين ..
لينا : اوكي ..

طلع فيصل واحتارت لينا ...
لينا : اففف ... البس فستان ولا تنوووورة ..؟؟ ممممم ... اتوقع الفتان احلى ...!!!


___________________________________


(( شقة سعود ودلع .. ع الغدا ))

( الساعة 3 العصر )

دلع " طيب يا سعووود " : تصدق سعود.. اليوم يوم جيت اسوي الغدا ما حصلت زيت للطبخ ...
سعود وهو ياكل : وشلون طبختي بعدين ..؟؟
دلع " انا اوريك !! " : دقيت على جارنا العسكري واخذت منه شوية زيت ....!!!

سعود : زين ع الاقل حصلتي احد يعطيك .......!!!!!!!!!!!
دلع " بتشووووف ...!! " : بس تبغى الصراحة ... ماشالله عليه عسكري وكشخة ماشالله عليه ....
سعود : وانتي وش دراك انه عسكري..؟؟
دلع : ا... ا.. شفت صوووره بالعسكرية معلقة ع الجدار ....
سعود رفع راسه : وانتي شلون شفتي بيته ...؟؟

دلع " زين زين " : هو قال لي تفضلي .. وانا دخلت .. احسن من القعدة برى ..
سعود : ماشالله .. وش هالجار الطيب اللي يدخل وحدة بيته عشان ما توقف برى ويصير شكلها غلط.. ؟؟شكله ولد حلال والله ..

دلع " لأاااااااااااااا ... هذا فيه شي...!! " : ويوم سكر الباب ... مررررة جو الغرفة صااار باارد .... رهيب كان الجو ....!!
سعود : هههههههه ليش ما عندك مكيفات هنا..؟؟
دلع : لااا.. مدري ليش حسيت برعشة ف الغرفة ... جوها غريب .. مدري كيف ..
سعود قام وقف : اكيد .. هالشعور دايما يصير لما تدخلين أي مكان جديد عليك .. الحمدلله شبعت ... !!!!!

تركها وراح يغسل يده ... وينام شوية لانه من الصباح قايم ...
دلع اللي انقهرت منه مرة : اففففف .. سخيييييييف ...!!!


___________________________________


(( بيت ابو فيصل ))

( الساعة 5 العصر )


لينا اللي كانت قاعدة بكل رقة ونعووومة على الكنبة ... وشايلة امل وتلعبها ..
ام نسايم ابتسمت : تحوووبي الاطفال ..؟؟
لينا ابتسمت مسوية منحرجة : أي مرررة .. امووووت عليهم ...
ام نسايم : مشالله عليك ... كم عمرك ..؟؟
لينا : ا ... 16 ..
ام نسايم : ماشالله .. تدرين انا يوم كنت بعمرك .. تزوجت عمك جلال ... ويوم صرت بالـ18 .. جبت خالك يزيد .. اكبر واحد والحين متزوج وعنده 3 .. بنتين وولد ..

لينا : وااااااو كيووووووووووووت ...

جا فيصل ويوم شاف لينا من بعيد ابتسم : سلااااااااااام ...
لينا وام نسايم : وعليكم السلام ...
ام نسايم : وانتا فينك ما نشوووفك.......؟؟
فيصل ابتسم : والله يا يما كنت مع جدووو وسالم نعلمه كيف يلعب سووني ..

ام نسايم : يماا..؟؟ انا تقول لي يما...
فيصل : ها اجل وش اقوووولك ..؟؟ ههههه
ام نسايم : انا ستك يا غبي... انا ما اعرف جبت هالغباء هادا من فين ..؟؟ انا ما اتزكر انو بنتي غبية كدا....!!!

سرحت لينا وهي تطالعه وهو يضحك ... التفت عليها واستغرب : وانتي ليش تطالعيني كذا...؟؟
لينا انتبهت : ها..؟؟ لا .. بس .. مرررة كيوووت الشامة اللي على خدك ..
انحرج فيصل : ط.. ا... ط.. طيب تعالي شوي ..

لينا مستغربة : وين ..؟؟
وطى فيصل صوووته : تعااالي شوي بس ...

قامت لينا و جات نسايم : وين انت وياها..؟؟
فيصل : ها.. لا بس بخليها تسلم على جدووو...
نسايم : طيب ..


راحت لينا مع فيصل لين وصلوا مجلي الرجال ...
لينا : ستووووب .. فيصل شفيك ...
فيصل مرتبك : ا.. ب .. بصراحة ... انتي اليوم قمر ... !!

قرب منها وباسها على خدها بسرعة ...
لينا على طووووووووول خدها ولع " اوووووووو ماااااااي غوووووووود !!! "

فتح فيصل باب المجلس بسرعة ودخل : وهذي لينا جات ...

وقفت لينا برى منصدمة .. وما هي عارفة ايش تسوي...
ابو نسايم : وينها..؟؟
سالم : ههههه أكيد مستحية برى .. تعالي يااا لينااا..

دخلت لينا وخدها للحين احمر وهي مرررررة مستحية ...


___________________________________
(( بيت ابو خلود - هشام- ))

( الساعة 6 المغرب )


بدرية ( ام عهود ) : اقوول هشام .. احنا اليوم لازم نروح السوق ونستلم الفساتين اللي فصلناها ....
هشام : طيب مو مشكلة ... بعد اذان العشا زين ..؟؟
بدرية : اوكي ... أي وقت انت تكون في فاضي ...

هشام : وعندكم أشياء لسه ما خلصتوها..؟؟
بدرية : ااأ... مم .. الا صح تذكرت ... باقي الصنادل ..
هشام : خلاص مو مشكلة ... بوديكم اليوم ...
بدرية : تسلم ...

هشام سكت شوي بعدين قال : خلود اشترت كل شي...؟؟
بدرية : أي فصلت فستان وبتلبس معاه ذهب ابيض ... حلووو بيطلع .. ماشالله عليها .. خصوصا انها صايرة مرة قمر الله يحفظها ..

سكت هشام وهو يفكر ببنته ...
بدرية : تشبه امها صح ..؟؟
هشام التفت : أي مرة .. بس تدرين .. الحمدلله ما طلعت عليها بالأخلاق ..
بدرية : لا تخاف... خلود غير .. بعدين كل اللي مرت فيه .. غيرها .. صارت قد المسؤولية وتعرف تتصرف بنفسها وتدبر امورها لا صارت لوحدها ...

هشام : بدرية ... تكفين ديري بالك عليها .. تراها مرة غالية علي .. أي شي تبغاه سوولها اياه مهما كلف الثمن .....
بدرية ابتسمت : معقووولة انت تقووول هالكلام..؟؟ خلود بنتي زي ما عهود بنتي تماما .. انت بس لا تخاف .. انا حاطتها ف عيووني والله .. وما ني مقصرة عليها بشي...
هشام : تسلمين ..


بدرية : أي صح .. هشام
هشام التفت : آمري...
بدرية : ما يآمر عليك عدوو .. بس بغيت بعد ما نخلص ... تودينا بيت اخوي مبارك.. اتصلت فيني هدى زوجته اليوم وقالت تبغاني ضروري...
هشام : حااااااضر .. ما طلبتي ..


___________________________________


(( شقة سعود ودلع ))

( الساعة 8 المسا )


سكرت دلع الثلاجة وهي تحاول تتذكر اذا بقى شي نسيت تكتبه ..
دلع " ممم ... ايش بقى..؟؟ ما اتوقع بقى شي .. "

طلعت من المطبخ .. حطت الورقة ف شنطتها ولبست عبايتها : سعووود حبيبي ..

طلع سعود من الغرفة وهو يزرر ازرار الثوب حقه : يللا جيت .. ( شافها ) وين رايحة انتي..؟؟
دلع شقت الحلق وقربت تكمل له تسكير الازرار وقالت بكل رقة : رايحة معاك ...
سعود مبتسم وخاطره هالوضع يطول شوي : وين تروحين معاي...؟؟

دلع : أروح معاك للسوبر ماركت ...
سعود رفع حاجب : و ليش..؟؟
دلع : عشان نجيب الأغراض اللي نحتاجها للبيت ..

سعود مسك يدها بعد ما خلصت وقال وهو يبتسم : اذا مصممة ما عندي مانع .. بس.. انا اقول لو نأجل سالفة الطلعة شوي ... شاريك..؟؟
دلع ضحكت : هههه نووو نونونو ... انا ابغى اطلع ..

سعود وخر وشال مفاتيحه : طيب يللا ...
لفت دلع حجابها وطلعت من الشقة بدون ما تغطي وجهها ....

سعود التفت وشافها .. بس ما حب يقول لها شي.. طنشها ..
دلع " يعني حتى لما كشفت وجهي ما حسيت ..؟؟ ايش هالبرووود ف الاعصاااب هذا..؟؟؟!! "


ويوم ركبوا السيارة ....
سعود التفت : دلع ...
التفتت دلع مبتسمة وهي حاطة الروج على شفايفها : ها حبيبي...؟؟
سعود مستغرب : ا .. م.. مو كانك متغيرة هاليومين ...؟؟
دلع " ايووواا .. قربنا.. " : متغيرة شلون ..؟؟

سعود : مدري .. بس فيك شي متغير ...
دلع : شي زي ايش..؟؟
سعود طالعها شوي .. وبعدين لف وجهه : انسي الموضوع مو مهم
دلع فتحت عيونها ع الاخير " مو مهم...؟؟ شلون مو مهم ..؟؟ انا طالعة وانا كاشفة وجهي .. وتقول لي مو مهم...!؟!؟!؟؟! يا رب صبرني على لعبة الاعصاااب هذي ... " : براحتك... بس متى ما بغيت تتكلم قول لي ...

سعود كمل سواقة السيارة ولا رد عليها ...
التفتت عليه دلع تطالعه " طيب طيب .. طنشني ... انا اوريك ..!! "


___________________________________




(( بيت ابو راكان ))

( الساعة 9 ونص المسا )

خلود : ا.. ماما احنا ليش جايين هنا..؟؟
بدرية : حبيبتي خالتك هدى تبغاني بموضوع مهم ...
خلود مو عاجبها الوضع : طيب .. كان خليتينا نرجع مع بابا البيت .. وانتي اقعدي هنا ..
عهود : أي صدق ...
بدرية : معليه حبيبتي .. ابوك مشغوول الحين ما يقدر يودينا اكثر من مشوار ... فهمتي..؟؟؟
هزت راسها خلود متفهمة وهي تحاول تبتسم : فهمت ..


رجعت ام راكان : هلا ببدرية .. نورتي والله انتي وبناتك ... ها وين رحتوا اليوم ..؟؟
بدرية : والله رحنا استلمنا الفساتين حقت عرس دانة ...
ام راكان : والله ..؟؟ حلووو خلصتوا بدري ... شلون طلعوا...؟؟؟
بدرية : لا بصراحة طلعوا شي رهيييب ...

سكتوا شوي .. بعدين خلود حست انهم يبغون يتكلمون على راحتهم ..
خلود قامت : عن اذنك خالتي .. وين مها و هيفا...؟؟
ام راكان ابتسمت : فوووق يا حبيبتي ..
خلود : طيب عن اذنكم ...

طلعت خلود وهي تسحب وراها اختها عهووود ... لين ما وصلوا للدور اللي فوق ..
عهود : انا مدري وش اللي يخليك تقربين من المكان اللي هي فيه بعد كل اللي سوته فيك ....!!!؟؟
خلود : شايفة الوضع عاجبني يعني..؟؟ حتى انا متضايقة .. بس ما ابغى ازعل امك .. ولا احسسها انه في شي...
عهود : انتي لازم تتصرفين ... تسوين أي شي... حتى لو اضطريتي تكلمين بندر شخصيا .....

خلود فتحت عيونها الثنتين : انتي انجنيتي..؟؟ فوق ما شافني مع اخووه .. بعد اكلمه...؟!؟!؟ شين وقوات عين والله ... وش بيقول عني..؟؟ خلاص .. انا وبندر دارية انه انتهينا ....

طلعت هيفا من الغرفة وهي لابسة : اهليييين .. نورتوا ..
ابتسمت خلود وعهود : النور نورك ...
هيفا لخلود : كيف حالك ..؟؟
خلود : بخير الحمدلله انتي كيفك ..؟؟
هيفا : الحمدلله تمام .. ها..؟؟ تجهزتوا حق عرس دانة ...؟؟
خلود : تونا استلمنا الفساتين .. وما بقى غير الصنادل ..

هيفا : يووووه .. احس اصعب شي انك تدورين صندل يناسب الفستااان ..
عهود : ههههه ليش يعني بالذات الصندل...؟؟؟
هيفا : تصدقين ما ادري.. بس انا كذا .. عندي عقدة لما اشتري جزم وصنادل لازم تتناسب مع الملابس .... !!!!
عهود : هههههههههههه ...
خلود تسال ببراءة : وين مها يا هيفا ...؟؟
هيفا متفاجأة " بعد كل اللي سوته وتسألين عنها ...؟؟ " : ا... مها شوي تعبانة .. ونايمة الحين ..
خلود : سلامات شفيها...؟؟
هيفا ماهي عارفة وش تقووول : ا... ف.. فيها انفلونزا .. ضربتها امس بالليل لانها نزلت المكيف عليها وما تغطت ...
خلود : ما تشوووف شر
هيفا : الشر ما يجيك ...
:::::::
::::::::::
:::::::
::::

(( ف الصالة ))


ام راكان : والله ماني عارفة وش اسوي معاها يا بدرية .. وما اعرف احد يقدر يساعدني غيرك ...
بدرية تفكر : والله السالفة مو طبيعية يا هدى .. انتي متاكدة ما صارلها شي .. مثلا تهاوشت مع صديقتها مثلا .. او احد قال لها شي يضايقها ... او أي شي من هالقبيل..؟؟
ام راكان : بصراجة ما ادري... بس كل اللي اعرفه انه لا اكلها زي الناس .. ولا شربها زي الناس .... حتى عرس دانة ... مو هامها الموضوووع ابد ...!!! والله مرة متغيرة .. بنتي ما كانت كذا .....!!!

بدرية : طيب حاولي تكلمينها وتشوفي ايش فيها...؟؟ حسسيها انك صديقتها شوي مو امها ...
ام راكان : حاولت .. حاولت يا بدرية .. بس مو راضية تعطي احد وجه ... حتى اختها هيفا تدخل تكلمها .. تقوم تسمعها كلام زي السم .. ما كنت أتوقع ف يوم انها بتصير زي كذا .....

بدرية تنهدت : هـــ... والله ما ادري يا هدى وش اقووولك ... انا صح عانيت صعووبة اول ما اخذت هشام مع خلوود ... بس خلود كانت صغيرة ساعتها ... وبعدين مشت الامور اوكي .. لين ما دخلت خلود فترة مراهقتها .. ورجعت تتغير لانها بدت تستوعب كل شي وتعرف حقيقة امها ... بس شوي شوي .. وبمعاملتها كانها وحدة كبيرة مسؤووولة عن نفسها وانها بنفس معزة عهود بنتي ... الحمدلله تحسنت اخلاقها وصارت تعتبرني امها مو زوجة ابوووها ..

ام راكان : ماشالله عليها خلود .. اللي مرت فيه مو سهل .. انجاز انها الحين بنت بالشكل هذا ... عايشة حياتها طبيعي ...



___________________________________


(( شقة سعود ودلع ))

( الساعة 10 بالليل )

حط سعود الاكياس ف مطبخ : يللا الحين بس نرتبهم ونكون بكذا خلصنا ...!!
دلع : اجل يللا بسرعة ... ساعدني عان نخلص بسرعة ..

وقعدوا الاثنين يساعدون بعض ف ترتيب الاغراض اللي جابوها والجو مرة حلو بينهم ..

فتح سعود الدرج عشان يحط زيت الطبخ اللي جابوه .. بس تفاجأ .. حصل علبة زيت كاملة ....
سعود " هذي مو تقول ما حصلت زيت ..؟؟ وراحت اخذت من الجيران ...؟؟ طيب هذي علبة كاملة ...!!!! شلون ما حصلت ..؟؟ غريبة " : شلون تقولين مافي زيت ..؟؟ هذي علبة زيت كاملة مو مفتووووحة ...

دلع انعقد لسانها : ا... ا... و.. والله ..؟؟ خلاص زين .. الحين صار عندنا علبتين ما بيخلص بسرعة هالمرة ....!!!
سعود طالعها مستغرب : دلع فيك شي...؟؟
دلع مسكت كيس وقعدت تطلع اللي فيه : ها..؟ ل .. لا .. لا ما فيني شي..

سعود لف عنها ولا علق زيادة " هالبنت غريبة ...!! "
@@@@@@@@@@@@@@@@@@@@@@@@@@@@@@@@@@@@@


(( بعد 3 ايام .. شقة سعود ودلع ))

( الساعة 7 الصباح )


طلع سعود من الغرفة ودلع وراه : قلت لك طيب روووحي .. ليش قاعدة تكبرين السالفة ..؟؟!!
دلع " يااارب صبرني ..!! " : اقولك بطلع لوحدي مع السواق .. وامر على لينا ونروح الراشد نتمشى ....!!!
سعود : وانا قلت لك طيب .... تتسلي انتي ولينا احسنلك من قعدة البيت...
دلع : وترى بكشف وجهي .. الدنيا مرة حر ...
سعود وهو طالع من الشقة : طيب حبيبتي ماعندي مانع ... يللا باااي ...!!!!

دلع رفعت يدها بقهر : افففففففففففففف ......

::
::
::
::

ركب سعود السيارة وهو مو فاهم شي ابد : غريبة .. شفيها هذي...؟؟ ما كانت كذا .. اكيد شي صاير لها ... المشكلة ما ابغى اضغط عليها بس ابد مو طبيعية هالايام صايرة .... !!!!!!


___________________________________




___________________________________




(( بيت ابو بندر ))

( الساعة 12 الظهر )


كان بندر وثامر اللي للحين مانامو من امس ومواصلين قاعدين سوا ف الصالة قدام التلفزيووون ..

بندر حك راسه بزهق : اففف .. وش هالطفش ..؟؟
ثامر لف عليه : خاطري اطلع ... بس وين ..؟؟ مافي مكان ...
بندر : أي صدق .. مرررة الوضع يملل ..
ثامر يفكر : يا حظها دانة .. عندها اكشن ف حياتها شوي مع رائد .. مو انا مالت على وجهي ....!!!

بندر : ههههه ومن ماسكك .. عندك امي ف الغرفة .. روح وقول لها اخطبي لي .. مو صعبة السالفة ... بعدين بتفرح فيك هههههه
ثامر : هذا وانا عزوووبي وحر طفشاان ... اجل لما اتزوج وانحبس ف بيت ... ما بطفش؟!!!

بندر رفع يدينه وفصخ الفانيلة اللي عليه ...
ثامر هز راسه باسف : واعيباااه بس ... التفصخ ف غرفتك .. مو ف وسط البيت ...!!
بندر ولا عطاه وجه انسدح وغمض عيووونه ع الكنب : مو شغلك ..
ثامر هزه : انشالله بتنام الحين..؟؟
بندر مغمض عيووونه : أي طفشت ...
ثامر : طيب وانا ..؟؟
بندر : شوووفلك شغل .. وش اسويلك..؟؟


نام بندر وخلا ثامر قاعد جنبه ع الكنب .. ويفكر يسوي شي جديد ...
وتوه بيقووووم .. الا ويدق جواله ...

استغرب ثامر .. بس على طول رد لما شاف اسم المتصل ..

سلمان : الوووو ثامر..
ثامر : هلا سلووم ... ها وش صار معاك...؟؟
سلمان : حصلتهم ....وجبت كل المعلومات ..

ثامر تعدل ف قعدته .. وبندر حس انه ثامر عنده موضوع مهم .. عشان كذا .. قعد يراقب
الوضع وهو مغمض عيووونه ...

ثامر التفت على بندر وشافه نايم : احلف ..!! طيب وش طلع معاك ..
سلمان وهو يقرأ الورقة اللي قدامه : الرقم اللي اوله ******0555 هذا مسجل باسم راكان مبار الـ(.....) ....
ثامر مستغرب : انت متاكد....؟؟؟ وش دخل راكان مبارك بالسالفة...؟؟

سلمان : ولله يا ثامر .. انت ما عطيتني غير الرقم .. وانا قاعد اقولك باسم مين مسجل .. والرقم الثاني .. اللي هو *******050هذا الرقم مسجل باسم هشام الـ(.....)

ثامر كان قاعد ويكتب كل المعلومات هذي بورقة : طيب يا سلمان .. متاكد من انه المعلومات صحيحة ... ترى السالفة خطيرة شوووي ...

سلمان : اتطمن ياخي .. انا متاكد منها 100% ... بس .. عسى ما شر يا ثامر ..؟؟
ثامر : لا خير انشالله .. سالفة انشالله بتنحل قريب ... بما انك سويتلي هالخدمة ..
سلمان : طيب .. أي خدمة ثانية ...؟؟
ثامر : لا تسلم .. تعبتك معاي ..
سلمان : افااا عليك ... تعبك راحة .. بس عندي طلب...
ثامر : آمر ...
سلمان : يللا عاد شوفولكم يوم انت وبندر .. وخلونا نطلع البر... نغير جوو ..
ثامر استانس : ابشر ما طلبت .. والله اني انا بعد متوله على البر...
سلمان : خلاص اجل ... نشوفك قريب .. لا تقطع ...!!
ثامر : انشالله بكلمك انا قريب عشان ندرس اقتراح روحة البر هذا .. دايم افكاارك عبقرية انت ....
سلمان : ههههه هذا اللي يهمك .. بر وكبسة ونصر وحارثي ... الله يعينك على هالحياااة ....!!!!
ثامر : هههههه الله يعينك على حياتك انت بعد ... بالله عليك ما وحشك الددسن اللي مرمي ف المزرعة ..؟؟؟
سلمان : هههههااااااااي ..... الا وحشني ...
ثامر : ههههه زين سلمان.. بيني وبينك اتصال انشالله .. مع السلامة ...
سلمان : هههه انشالله مع السلامة ...!!

سكر ثامر وقعد يفكر مستغرب ... " الحين شلون الرقم يطلع مسجل باسم راكان ولد خالي...؟؟؟ وايش دخل خلود براكان ...؟؟؟!! معقوولة ...!؟!؟! أي ليش لأ..؟؟ بندر .. وانا ... ومو بعيدة يكون راكان بعد ...!!!!!! لا يكون مخلية راكان يطلعلها هالرقم ..؟؟ صدق منتي بهينة يا خلووود ...!!! بس انا اوريك .. مو انتي اللي بتفرقين بيني وبين اخوووي .. "
قام من الكنبة وراح غرفته ... اما بندر اللي كان قاعد ويسمع لكل كلمة يقولها ثامر تعدل ف قعدته مو فاهم شي " شفيه هذا..؟؟ ارقام مين اللي يبغى يعرف اصحابها..؟؟ لا يكون لاسالفة فيها بنت من جديد ...؟؟ اعرفه ثامر مهما يصيرله ما يبطل حركااته "

اخذ الورقة اللي كانت على الطاولة وشاف رقمين مكتوبين فيها .. واحد مكتوب جنبه هشام الـ(.....) ... والثاني مكتوب جنبه راكان مبارك...

بندر مستغرب " ايش علاقة عمي هشام وراكان بالسالفة...؟؟ وليش يبغى يعرف ارقامهم ..؟؟ " تذكر شي ... اخذ جواله اللي كان على الطاولة وفتحه على رقم راكان.. وزاد استغرابه ...

بندر " هذا مو رقم راكان ... اجل رقم مين ..؟؟ شلون مسجل باسم راكان اجل اذا ما كان رقمه ...؟؟ يمكن رقم وحة من خواته ... الله يستر .. هذا المجنوون كلم خلود بنت هشام لا يكون شايف وحدة من بنات خالي وناوي يخاويها بعد...؟؟!! "

قام مرعوووب من الفكرة " والله انك مجنووون يا ثامر .. والله لو يعرف احد عن اللي تسويه لا تروووح فيها ... "

قام لحقه للغرفة ودخل عليه ... وكان ثامر قاعد يغير التي شيرت اللي لابسه ...

بندر مسكه وحطه بالجدار بتهديد : انت ممكن افهم .. صاحي ولا مجنوووون ..؟؟ احد يبيع عمره بهالشكل ...؟؟ ياخي ما قلت لك لا تلعب و تستانس ... بس مو تلعب بالنار .. وقدام عيون الناس...!! خلك ذكي شوي ...

ثامر مستغرب : انت شفيك ....؟؟ وخر عني اقووولك .. فكني ..
بندر قوى يده : ماني موخر يدي لين ما تستوعب الي اقولك اياه ... خاويت بنت هشام وشفت شلون انتهت السالفة .... تبغى هالشي يصير من جديد مع وحدة من بنات خالي ...؟؟؟؟ ولاااا هالمرة يمكن تصير فضيحة لها اول مالها آخر .....!!!!


ثامر مستغرب : ممكن افهم ايش مناسبة هالكلام الحين..؟؟ وانت ليش معصب كذا..؟؟
بندر : لاني عارف وش بتسوي ... ومن الحين جاي انبهك واحذرك .. ان ما وخرت عن بنت خالي مبارك .. انا اللي بخليك توخر عنها .. حتى لو اضطريت اني اوقف ضدك ..
ثامر رفع حاجب : بنت خالي مبارك..؟؟ ايش دخل بنت خالي بالسالفة ...؟!؟!

بندر : لاني شفتك وانت جايب رقمها من سلمان .. واللي تسويه غلط .. اصلا المفروض ما تستغل خويك ف هالاشياء الغلط ...

ثامر دف بندر وقدر يوخره عنه وهو ضايق خلقه : شوووف .. صارلك ساعة ماسكني وخانقني وتقول كلام .. حتى انا ما فهمته ... و توقعاااتك يا سيد بندر خليها لك .. انا ما فكرت ببنت خالي مبااارك ابد .. انا بس .... ( سكت فجأة )

بندر استغرب : شفيك سكت ..؟؟ كمل..
ثامر وهو يفكر : معقووولة ...؟؟ أي يمكن ليش لأ...؟؟ كل شي وارد .. بس .. الاحتمال اللي اول ....

بندر مو فاهم ولاشي : انت وش تقوول..؟؟ فهمني لاتخليني واقف كذا ما اعرف شي...
ثامر وهو طالع من الغرفة : لا عرفت بقووووووولك ...

وقف بندر ف الغرفة مستغرب : شفيه هذا ...؟؟ استخف...!!!



(( شقة سعود ودلع ))

( الساعة 2 ونص الظهر )


رجع سعود من الشغل وتفاجأ يوم شاف دلع ف الشقة ....
سعود : دلع ...؟؟ غريبة ما طلعتوا..؟؟
دلع اللي كانت ترتب الطاولة حقت الاكل .. قالت بدون ما تلتفت عليه : تاجلت ..


/////////
\\\\\\\\\
/////////
\\\\\\\\
////////


على المغرب ولما نام سعود .... قعدت دلع ف الصالة ... والصبر معاها كان واصل حده ..
دلع " الحين يقول يحبني ويخاف علي واني اغلى ما عنده .... ويخليني اطلع وجي على كيفي... طيب ادري هذي ثقة .. بس حتى ما يسأل وين ومع مين ..؟؟ اقوله دخلت بيت واحد عزوووبي لوحدي وسكرت الباب .. وهو ولاتحرك فيه أي شعره ... الموضوع عادي جداً عنده ... معقووولة للحين ما حصلت لي مكان بقلب سعود ..؟؟ بعد كل اللي سويته له والي ضحيت فيه عشانه ..؟؟ لا لا لا ما اتوقع بعد كل اللي مرينا فيه ما نحب بعض .. بس .. زي ما قلت... في جزء من شخصية سعود الثلج للحين ما ذاب .. وانا اللي لازم اذوووبه ... "

رفعت سماعة التليفون ودقت على نسايم .. الوحيدة اللي تعرفها واللي ممكن تساعدها ...

ام نسايم : الو ...
دلع : هذي مين ..؟ لا يكون امها ..؟؟ معقووولة وصلت من جدة..؟؟ غريبة ما قالت لي نسايم ... انا اوريها الكلبة .. " : اا.. ه .... الوو .. السلام عليكم ...
ام نسايم : وعليكم السلام ...
دلع : كيفك يا خالتي .. انا دلع صديقة نسايم ...
ام نسايم ابتسمت : عرفتك .. انتي اخت لينا صح ..؟؟
دلع ابتسمت : بالضبط ..
ام نسايم : كيفك يا بنتي ..؟؟ سمعت انك متزوجة وكيف زوجك..؟؟
دلع : والله كلنا بخير .. الحمدلله على السلامة .. نورتوا الشرقية ..!!
ام نسايم : النور نورك يا حبيبتي .. تبغي نسايم...؟؟
دلع : أي اذا ما عندك مانع ..
ام نسايم : دقيقة هذا هي جايه .. ليش ما تجي تزورينا يا بنتي.. نتعرف عليكي...؟؟
دلع مستحية : ان شاء الله ف اقرب فرصة ..

جات نسايم تنشف يدها : مين يا ماما..؟
ام نسايم : خدي يا بنتي .. دلع اخت لينا ...
ابتسمت نساايم متفاجأة : اووووه ...

اخذت السماعة وردت : الووووو ..
دلع : هاااااااآآآآي ...
نسايم : هايااااااااات ايش المفاجأة هادي ...؟؟ غريبة انتي تدقين على بيتي ..؟؟ ما اصدق!!
دلع : هههه اسكتي اسكتي .. انتي ما تصدقين تمسكين علي شي...؟؟ انتي الحين واقفة...؟؟
نسايم مستغربة : أي ليش..؟؟
دلع : اقعدي اقعدي .. ابغاك بموضووووع ..
نسايم : آآآاهاااا قولي كدا من اول... السالفة مصلحة يعني...؟؟
دلع : يووووه ... انتي مين يفكنا من لسانك ؟؟ اسمعيني انا بورطة ....!!
نسايم خافت : شفيك دلع ...؟؟


___________________________________
(( بيت بو بندر ))


( الساعة 8 المسا )


ضاقت الدنيا بدانة من التفكير اللي شوي و بيذبحها ....

دانه " مين من بنات الجامعة اللي بتسوي هالحركة البايخة ...؟؟ وشلون أصلا بتجمع وتحصل كل هالعدد من صور رائد ...؟؟ ايش مصلحتها أصلا لو أخذني ولا ما أخذني..؟؟ تبغى تنتقم...!؟!؟ زي ما قال رائد .. يمكن وحدة كان يعرفها وتركها .. و تبغى تنتقم منه بتدمير زواجي...؟؟ بس ايش مصلحتها ..؟؟ هل راح تستفيد ...؟؟ ما اتوقع ..! لا لا انا مجنوووونة ...؟؟؟ البنت طالعة بصوورة مع رائد وهو يبوسها .. معقوولة رائد كان بهالدرجة من انحطاط الأخلاق...!!!!؟؟؟ "

وجاها على طول صوت تأنيب قلبها " انتي شتقووولين ..؟؟ شلون تتكلمين عن زوجك .. عن رائد بهالطريقة .. هذا رائد اللي عيشك ف السعادة اللي عمرك ماحلمتي فيها.. هذا رائد اللي حسسك بانك أميرة ومحد قدك ... بهالسهوووولة تعصبين وتفقدين أعصابك ...؟!!؟؟! معقووولة الغضب يعميك لهالدرجة...؟؟ لا يادانة .. انتي مو لازم تفرطين برائد مهما صااار .. "

قامت على طول وهي مو عارفة ايش قاعدة تسوي ودقت ...

سهى : الووو ...
دانة : الووو ... شخبارك سهى..؟؟
سهى انبسطت : بخير ... وحشتيني...؟
دانة : انتي أكثر ... كيف عبدالعزيز وفارس..؟؟
سهى : كلهم طيبين الحمدلله... انتي كيف رائد وتجهيزات العرس..؟؟ ما بقى شي..
دانة : ا... كل شي تمام .. سهى .. متى اقدر التقي وياك ...؟؟


@@@@@@@@@@@@@@@@@@@@@@@@@@@@@@@@@@@@@
نهاية البارت الـ25..

دانة ورائد ... هل راح تتعقد المشكلة أكثر من كذا.؟؟

سعود ودلع ... كيف راح تقدر دلع تخلي سعود يغار عليها زي ما هي تبغى..؟؟

بندر وثامر ... ثامر استوعب شي ... تتوقعون يقدر يحل المشكلة ويكشف أوراق الحقيقة ...؟؟
ام سعود وأبو سعود والسفرة الجديد ... هل راح يكون لها تأثير على أحداث القصة الجاية....؟؟؟

واحمد ... ايش تخبيله الايااااام يا ترى ...؟؟

الجزء السادس والعشرون ( ستة وعشرين ) :.

- تتعقد المسألة بين دانة ورائد .. يوم تكتشف انه لسه مخبي عنها أشياء وما قال لها عنهم ....
- ثامر بدا يدور على حقيقة خلود ..
- ام سعود و ابو سعود قرروا السفر لاستراليا ..
- دلع اكتشفت انه سعود ما يغار عليها .. وقاعدة تحاول جاهدة انه تحصل ف قلبه الغيرة اللي تثبت لها حبه لها ....


>> الفصل الأول

روعععععععهههههههههههههههه :lkgfohelkg: :شكراً::
:الله سبحانه وت


اكتر من توووووحفهههههههههههه :جزاك الله الخي




ووووووووواااااااااااااااااااااااوووووووووووو :شكراً:: :10241:

ويينك كمملي
وربي تحمست♥