روايـــــــه من بين الناسـ مالقيت غيــــرك اعشقه

مرحبا ياجماعه جبتلكم روايا جناااااااااااان

ان شاءالله تعجبكم

***وإليكــــم القصــــــة***

شخصيات القصة** عائلة محمد (أبو سارة) وزوجته دلال (أم سارة) وعندهم بنتين: سارة (21سنة) وسمر (16 سنة) .......
** عائلة عبد الله (أبو بندر) وزوجته منى (أم بندر) ولهم من الأبناء: بندر(31سنة) متزوج بنت عمه مها وعنده رامي ورائد ورنا وريم
(نرجع لعيال أبو بندر) عندهم بدر (28سنة) ونايف(24سنة)
ونوف(21سنة) ونور(17سنة) وآخر العنقود نواف.........
** عائلة عبدا لعزيز (أبو يوسف) وزوجته أم يوسف وعندهم يوسف(29سنة) ومها زوجة بندر وعمرها (27سنة) وماجد(23سنة) ومي(20سنة) ومازن........
** عائلة محمد (أبوسامي) وزوجته أم سامي وأولادهم سامي(27سنة) وسامية(25سنة) متزوجة وعندها بنت... وخلود( 22سنة) وعبد الرحمن وعهود........

&&& الجزء الأول &&&
......... في الجامعة ..........
سارة: الووا نوف وجع يوجعك وينك أنا انتظرك لي ساعة؟
نوف: ايش فيكي تصارخين الناس تقول سلام مو تصارخ
سارة: سلام وينك لين الحين لا تقولي نايمة
نوف:وعليكم السلام منو قالك إني نايمة خلاص الحين بجي
سارة: يالله باااااااااااي انتظرك لا تتأخري
نوف: اوكي بااااااااااااااااي
(نوف وسارة صديقات من يوم كانو صغار وهم كانوا جيران بس أهل نوف نقلوا من بيتهم وسكنوا في فيلا كبيرة بعد ما زادت ثروة أبو نوف وصارت شركته كبيرة....... وأهل سارة ظلو مثل ماهم في بيتهم)
نرجع للجامعة:
سارة قاعدة وتفكر في حالها الين متى وهي شايله في صدرها حبها (سارة تحب بدر أخو نوف من كانت صغيرة بس محد يدري عن اللي في قلبها إلا نوف (صحبات كل أسرارهم عند بعض)
وسارة وهي سر حانة تطب عليها نوف
نوف: هوووووووووووووووووب
سارة: وجع الله يرجك فجعتيني
نوف وهي تغمز بعينها :اللي ماخذ عقلك يتهنابه
سارة: والله انك فاضية إلا أقول بسرعة الحين قوليلي ايش أخرك
نوف:اوففف تذكري لمن قولت لك في ناس بيخطبوني
سارة: ايوه
نوف: حزري مين طلع خاطبني
سارة: قولي مين
نوف: لا حزري
سارة: وجع قولي ياثقل دمك
نوف: هييه ايش فيك انتي...... المهم اللي خاطبني يوسف
سارة: يوسف ما غيره
نوف: ايوه هذا اللي ناقص والله لوبقي آخر واحد في الدنيا مأخذه
(نوف ما تطيق يوسف ولد عمها من هم صغار لأنه دايما كان يجاكرها وهي صغيرة وكرهها له استمر حتى لمن كبرت غير انه يوسف يسافر كثير وهي دائما تشك في سفرياته)
سارة: الله يعينك وايش بتسوي
نوف: والله ماادري أمس ماجاني نوم تصدقي ناداني أبويه وقالي السالفة ويوم قلتله ماابغى أتزوج قالي ما تبغي تتزوجي ولا ما تبغي يوسف
سارة: إيه ايش قولتي
نوف: والله ما عرفت أجاوب وتميت ساكتة بعدين أبويه صارخ عليه قلت في قلبي خليني أقوله الحقيقة وقلتله لا ماابغى يوسف مااحبه
سارة:يويويويويو قوية والله .....وايش قالك ابوكي
نوف: يا ويلي يا سارة قام يصارخ ويقول مالك إلا ولد عمك والله يا سارة من أمس وانا متضايقة أخاف يغصبني عليه
سارة: طيب حاولي قولي لامك أو لإخوانك
نوف: والله أمي مالها شور بعد أبويه وأخواني بندر مابيقول لا تعرفين يوسف اخو مرته مها وهو يحبهم وبدر مسافر ومايندرى متى يرجع
وهنا تذكرت سارة بدر وقالت في نفسها وينك يا بدر الكل محتاجك
نوف: هييي سارة وين رحتي
سارة: ها معاكي أفكر بمشكلتك
نوف: خلاص ياشيخة خليها على الله ربك كريم والحين خلينا نروح المحاضرة
سارة: إيه يالله اتاخرنا

............ في الظهر في بيت أبو سارة ............
أم سارة: سارة سمر وينكم تعالوا اتغدوا
سارة: طيب ياامي جايين
أبو سارة: هلا والله ببناتي تعالوا عشان تفتحوا نفسي على الأكل
أم سارة: وليه أنا ما انفع
سمر: بدت الغيرة انتي خلاص كبرتي راحت عليكي
وتضربها أمها ضرب خفيف: وجع ومن زينكم انتووا
أبو سارة: انتي الخير والبركة والله لو انتي مو موجوده مابناكل
سمر: أبويه أشوف غيرت كلامك والله ما عندك سالفة
سارة: سمر خلاص ايشفيكي على أمي
أم سارة وتضم سارة: يا زينها بنتي الحنونة
سمر: مالي حتى أنا ضميني ولا بس سارة وانا كخة
أبو سارة : الله يخليكم لي ولامكم ونشوف عيالكم قبل ما نموت
سارة وسمر بوقت واحد: الله يطول في عمركم
(أبو سارة يحب عائلته ويعمل المستحيل عشان يكونوا سعيدين هم صح حالتهم المادية مو ذيك المرة مثل عائلة أبو بندر لأنه أبو سارة يشتغل عند أبو بندر بعد ما الشركة اللي كان يشتغل فيها أبو سارة قفلت فقال أبو بندر لابو سارة تعال اشتغل معي لأنهم هم زي الأخوان وعائلة أبو بندر تحب عائلة أبو سارة كثيييييير(يحقلهم كانوا جيران إلا كأنهم أقارب) وأبو سارة قد ما يقدر ما يقصر مع أهله.............

ياااااااااااااي القصة حلوة انتظر الجزء الثاني

&&& الجزء الثاني &&&
سارة في غرفتها وقاعدة تقرأ في دفتر مذكراتها اللي فيه ذكريات الطفولة والشباب وتفكر في بدر اللي سافر يدرس في أمريكا (إدارة أعمال) ومابقيله شيء ويرد السعودية ورغم انه بدر سافر وسارة صغيرة كان عمرها 12 سنة إلا إنها خلال الست سنوات اللي فاتت ما قدرت تنسى بدر وبالعكس كل يوم يزداد حبها له (بدر يجي للسعودية كل بعد فترة بس ماكان يطول ومسكينة سارة ما تلحق تشوفه)
سارة في نفسها: آآآآآآه يا بدر وينك متى ترجع ويا ترى انت ناسيني
تضحك سارة على نفسها بيفتكرك ليه انتي تعنيله شيء انتي في نظرة مجرد طفلة هنا سارة ما قدرت تتحمل وصارت تبكي على الأيام والسنين اللي فاتت ........ سارة بنت جميلة وناعمة بوجهها الأبيض وعيونها العسلية الفاتحة وشعرها الأسود الناعم (يعني بصراحة هي حلوووووووووووة) كل من يشوفها تدخل قلبه على طول فيها جاذبية لا تقاوم وتقدموا لها خطاب كثير بس هي ترفض عندها أمل انه بيجي يوم ويخطبها بدر .........

.............. نروح لبيت أبو بندر...............

التلفون يرن
أم بندر: ياهوووووو أحد يرد على التليفون
نور: طيب طيب
نور: الووووووووو
......: الووووو
نور: مين
......: أحمد أمين ههههههههه
نور: والله تتمسخر حضرتك
.......: ههههههههههههههههههههه نور
نور في نفسها وي من هذا اللي يعرف اسمي
نور: أيوه مين
........: يالهبلة أنا بدر ماعرفتيني
نور: بدر أمي لحقي بدر بدر
بدر: كيف حالكم والله وحشتوني
نور: والله وانت أكثر وينك من زمان ماشوفناك
بدر: والله الدراسة ماخذة كل وقتي بس هانت خلاص أنا بجي
نور: أمي أمي بدر بيجي
أم بنر صارت تجري من يوم سمعت كلام بنتها وتأخذ السماعة من نور
أم بندر: الوووووووو بدر حبيبي كيف حالك
بدر: هلا يالغالية الحمد لله أنا بخير انتي كيفك وأبويه وأخواني
أم بندر: كلهم بخير....... صح انت بترجع
بدر: أيوه ياأمي أنا حجزت بعد 3أيام باجيكم
أمبندر: توصل بالسلامة حبيبي
بدر: يلا ياأمي أشوفك على خير
أم بندر: فمان الله حبيبي انتبه على نفسك
بدر: انشاءالله وسلمي على أبويه وأخواني
أم بندر: يوصل مع السلامة
بدر: مع السلامة

......... في بيت سارة .............
أم سارة: سارة ايش قولتي
سارة:...........
أم سارة: ساررررررررة
سارة: ها أمي
أم سارة: ها ايش قلتي ايش نرد عليهم ترى الرجال ماينعاب
سارة: والله ياأمي أنا ماأبغلى أتزوج أبغى أكمل دراستي
أم سارة : مافي مشكلة أبوك بيقلهم انا الزوج بعد ماتخلصي دراستك
سارة محتارة ياربي ايش اقول لامي ماتدري إني ماابي أتزوج الا بدر ياربببببببببي ايش أسوي
سارة : ياامي انا مابي اتزوج لاتغصبوني
ولا شعوريا صارت سارة تبكي
أم سارة : سارة حبيبيتي لا تبكي خلاص بنقولهم البنت ماتبغى تتزوج بس انتي لاتكدري نفسك . وقامت تحضنها وسارة ماصدقت خبر على طول ارتاحت في حضن امها وصارت تبكي أكثر وأكثر على حبها
أم سارة في قلبها ياويلي عليكي يابنتي ماادري ايش صابك كل ماجالك عريس ترفضي والله شكلها بنتي حاطة احد ببالها
أم سارة : خلاص حبيبتي قطعتي قلبي
سارة وهي تمسح دموعها : أمي حبيبيتي لاتزعلي مني انت وأبويه والله اني احبكم ماابغى ازعلكم
وجاهم صوت من وراهم : من قال تزعلينا احنا برضو مانرضى نغصبك
أم سارة : تعال قولها ياأبو سارة هي ماتدري غلاتها عندنا
تقوم سارة لأبوها وتبوس رأسه وتحضنه : والله عارفة ياأبويه انكم تحبوني عسى ربي يخليكم لي ولا يحرمني منكم
أبو سارة : آمين انشاءالله وإذا على العريس الحين تعالي معي وقدامك باقول لأبو العريس ردك
وتقوم سارة مع أمها وأبوها وهي فرحانة لتفهمهم الموضوع ويقوم أبوها قدامها يدق على أبو محمد ويبلغه أن البنت ماتبي تتزوج ( هذا سابع عريس ترفضه سارة كله عشان بـــــــدر)

......... نرجع لبيت أبو بندر ...........
نوف : خليني أدق على سارة وحشتني
نوف : الوووووووووووو
سارة : الوو
نوف : بسم الله ايش فيك بدون نفس الالوو حقتك ماادري من وين طالعة
سارة : آآآآآآه يانوف ماادري ايش اقولك
نوف وهي مفجوعة : ايش بك خير حبيبتي
سارة : جاني خطيب
نوف : والللللللللللللللللله مبرووووووووووك
سارة : أي مبروك أنا ماابغى اتزوج
نوف : سارة حبيبتي الظاهر انا وانتي ماحنتزوج
سارة : أحسن بدري على الغلبة
نوف : يعني افهم من كلامك انك ماوافقتي
سارة : ايوه الحمدلله واهلي طلعوا متفهمين وماالحوا عليه
نوف : ايوه احمدي ربك مو مثل أبويه يغصبني على شيء ماابغاه
سارة : يالله الله يهديه انشاءالله
نوف : آآآمين 0000 اقول سارة يالله باااااااي أمي تزهمني
سارة : خلاص مع السلامة
نوف : مع السلامة:26:

كملي عشان

ان شاء الله لي عودده

مع بارتي ^^

كمليييييي

Soso_m عبير الزهر و مارشميلو

منورات وان شاء الله

........ في الجامعة .........
نوف مع صديقاتها قاعدين يسولفون ويضحكون بصوت عالي
مها: ياحليلك يانوف من زمان على سوالفك الحلوة
نوف : لاياشيخة شايفتني مسافرة ورديت
ريم : صادقة مها ماادري ايش فيكم انتي وسارة ماتنشافون ودمكم صاير ثقيل0000 وضحكوا البنات على كلام ريم واشوي وتجيهم سارة
سارة : ماشاءالله الله يفرحكم دوووووووم
نوف : يالخبلة ياسارة تدعيلهم وهم يضحكون عليك
سارة : وش فيني عشان يضحكون عليه
نوف : يقولوا انتي وسارة دمكم ثقييييييييل
ريم : أي والله كانه كتشب
وكل البنات ضحكوا على كلمة ريم من ضمنهم نوف وسارة
سارة : الله يرجكم 0000 اقول ماعندكم محاضرات
مها: والله أنا عندي بررررريك ساعتين
ريم : وانا خلاص باقيلي نص ساعة وتبدأ محاضرتي يالله باروح بباااااااااي
البنات : باااااااايوو
ريم : يلا يافاطمة وندى قوموا
ويروحوا البنات لمحاضرتهم ومايبقى الا مها ومعاها صحباتها وكمان نوف وسارة
نوف : يلا سارة خلينا نروح المحاضرة
سارة يلا بااااااااااااااااي مها
ويمشون نوف وسارة
نوف : الا اقول ساااااارة عندي لك خبر بمليون ريال
سارة : والله قولي
نوف : طيب وين المليون
سارة : وجع مالت عليك لاتقولي باااااايخة
نوف : لاوالله باقول بس حزري الخبر عن مين
سارة : وجع قولي مالي خلق احزر
نوف : خلاص اكلتيني باقول الحبايب بيرجعون
سارة : ويش تقولين انا ماني فاهمة
نوف : ياهووووووو امريكا
سارة : أيه امريكا قولي والله (ماشاءالله على طول فهمتها سارة)
نوف : والله امس دق وكلمته امي وقال بيجي بعد ثلاثة ايام
وسارة من الفرحة ماقدرت رجولها تشيلها وعلى طول جلست على اقرب كرسي وقلبها وماادراك ماقلبها والله انه صار يرقع رقع
سارة في نفسها اخيرا يابدررررر بترجع يارب اشوفك مو مثل كل مرة
سارة : الا اقول نوف هوبيقعد ولا بيرجع ثاني
نوف : لا خلاص هو خلص دراسته وبيرد على طول وحتى أمس سمعت أبويه يقول لامي خلاص الحين يجي يساعدني في الشركة
سارة وهي تفكر الحمدلله ياربي بيرجع ماادري كيف بدر شكله مثل ماهو ولا تغير( بدر وسيم ابيض بس مو زي بياض سارة بدر طويل وجسمه رشيق ) يعني بالعربي جذاااااااااب
نوف: هيييييه سارة وينك
سارة:0000000
نوف: سارررررررررررررة
سارة: ها ويش فيك
نوف: وينك هذا كله تفكير بالحبايب
سارة: نوف بدر تغير ولا زي ماهو
نوف: حبيبتي بدر زي ماهو زي القمر
وتموا سارة ونوف على سوالفهم وضحكهم لين لمن وصلوا القاعة اللي فيها محاضرتهم...........

.......... في بيت أبو يوسف............
أبو يوسف: تدرون مين بيرجع من السفر
كلهم: مييييييييييييييييين
أبو يوسف: بدر بيرجع
مي عالطول رخت راسها وصارت تفكر...... ياربي بيرجع بدر أخيرا
مي تحب بدر بس محد يدري عنها (ياحليله بدر البنات يحبونه)
أم يوسف: والله زين انه بيرد مسكينه امه دائم تحاتيه
مي: ومتى بيرجع يابابا
أبو يوسف يمكن بعد يومين أو 3 أيام ويقول أبو بندر إنهم بيسوون حفلة لبدر
مازن:ياسلام حفلة نبغى نروح
مي بدلع : أكيييييييييييد ياحبيبي بنروح
مي كل تفكيرها إنها كيف تشبك بدر وتخليه يتعلق فيها..........
أبو يوسف: وانشاء الله بعد الحفلة بيروح يوسف يشوف نوف
مي: ليه نوف وافقت
ام يوسف: ويش فيه ولدي ماتوافق عليه
أبو يوسف: من زين ولدك زين انه البنت وافقت عليه
مي: والله أخوي مافيه شيء والله هي نوف مغرورة وشايفة نفسها ماادري على ايش
ابو يوسف: والله البنت مافيها شيء وبعدين عيب تقولين على بنت عمك كذا
ام يوسف: عبد العزيز ايش فيك على البنت
أبو يوسف: والله محد دلع الاولاد إلا انتي
مي: بابا حبيبي خلاص أسفين اذا غلطنا على الست نوف
أبو يوسف: خلاص غيروا السالفة
ومي في قلبها آآآآآآآه ياليت يايوسف تتزوج نوف والله لأخليها تندم على غرورها والله نوف مابيحط راسها في الارض الا يوسف.............
............. في بيت أبو سارة ................
سارة قاعدة في غرفتها ومشغولة كتابة أشعار وخواطر وحاطة أغنية (الشوق) لجواد العلي
غبت والشوق طول حبي لك ماتحــــــول
ياريت ترجع حبيبي محتاجلك أكثرمن أول

سارة: آآآآآآآآه يابدر لو تدري بحبي ليك
وتروح ذكريات سارة إلى 7سنوات يوم كانت تلعب مع نوف كانت نوف تصيح وتقول: شفتي ياسارة بدر قالي بوديك الملاهي والحين يقولي مافي ملاهي بعدين أوديك.......... أنا أكره بدر ماأحبه يارب يموت
سارة: لا حرام عليك لاتدعين على بدر أنا أحبه ولمن أكبر بتزوجه
وسمعوا سارة ونوف ضحك من وراهم والتفتوا لقواا بدر يضحك علي كلام سارة
بدر: خلاص سارة وعد لمن اكبر أنا بجي وأخطبك من أبوك وأتزوجك
سار على طول رخت راسها وركظت على بيتهم مستحيه من كلام بدر......
سارة: آآآآآآه ذكريات ياليتك يابدر توفي بوعدك وتتزوجني..........
وترد سارة في كتابة مذكراتها................

&&& الجزء الرابع &&&
بعد يومين في بيت أبو بندر
نوف: يمه ارتاحي ا جلسي انشاء الله بدر بيجي
أم بندر: والله يانوف ماني قادرة مرة مشتاقة لاخوك
نور: يمه انتي مين أكثر واحد فينا تحبينه؟
ام بندر: والله انك فايقة هذا وقت سؤالك بالله
نوف: ايوه يمه الله يخليك جاوبي
أم بندر: وجع انتي وهي اسكتوا عني وفارقوا
نور: يمه حبيبتي
ام بندر: بالله هذا سؤال تسألينه اكيد أحبكم كلكم زي بعض
نوف: ماادري احسك تحبين بدر أكثر واحد فينا
أم بندر: والله كلكم زي بعض بس بدر له كم سنة غايب عن عيني عشان كذا متولهة عليه ولا كلكم معزتكم وحدة في قلبي
نوف: وهي تحضن أمها: ياحبيبتي انتي اموووووووووووووووووووواه
نور: والله اقول وخري عن أمي خليني أبوسها انا كمان
نوف: ياربي على الغيرة عناد ماني موخرة هييييييييييييييه وتطلع لسانها لأختها
نور: والله انتي اللي تغارين مني عشاني احلى منك
نوف: ايش أغار منك انتي
نوربدلع : ايوه
نوف: وايش فيك عشان اغار فيه
نور:الحمدلله حلوة ورشيقة وكلي دلع وجمال
نوف: اقول روحي ياماما العبي بعيد جمالي مايوازيه جمال
نور:الله يعينك يايوسف على اختي وغرورها
أم بندر: بسكم عاد كل وحدة فيكم لها جمالها
نور:الله يعينك يايوسف على اختي وغرورها
نوف انقهرت من كلام نور وعلى راحت عندها وشدت شعرها
نوف: والله يانور لوسمعتك تجيبين سيرة يوسف قدامي مرة ثانية لأوريك عمى انشاء الله
أم بندر: نوف وش ذا اتركي أختك صغيرة ماتعرف الكلام اللي تقوله
نوف وبعصبية: صغيرة والله ماهي صغيرة بس في كلام ماله داعي انه تقوله
وتترك نوف أختها وتركض على غرفتها وعيونها مليانة دموع
أم بندر: نور وش فيها اختك كل هذا تستحي من يوسف
نور:والله ماادري يايمه بس غريبة نوف تضايقت أنا ماقلت شيء مرة يزعل
أم بندر: خلاص حبيبتي مرة ثانية لا تقولين قدامها كذا عشان ماتزعل
نروح لنوف المسكينة
نوف وهي تبكي: ياربي من وين طلعلي يوسف هذا والله اني اكرهه مااقدر أعيش معاه يارب تساعدني ياحظك ياسارة ابوك مو زي أبوي اللي ماهمه انا بكون سعيدة بهذا الزواج ولا لا كل همه انه يرضي أخوه وولده وانا مااعنيله شيء خليني أقوم أصلي وأدعي ربي يمكن يفرجها عليه وتقوم نوف وتتوضأ وتصلي ركعتين لربها ودعت نوف ربها من كل قلبها انه يساعدها ويبعد يوسف عن طريقها وصارت نوف تدعي وتبكي وبعد صلاتها حست نوف بالراحة ( صدق من دعا الله ماخاب رجاه)...........
وبعدين قررت نوف انها ترجع عند أمها واختها عشان مايحسون بشيء

في المطار ابو بندر وبندر ونايف ينتظرون بدر يوصل
نايف شاف بدر من بعيد وصار يأشر له:بدر بدر
وابو بندر وبندر صاروا يطالعون مكان مايأشر نايف
ويجي بدر عليهم ويحضن أبوه ويسلم عليه وبعدين يسلم على أخوانه
أبو بندر: هلا والله بدر الحمد لله على السلامة ياولدي
بدر: الله يسلمك يايبه كيف حالك
أبو بندر: كلنا بخير
بدر:كيف امي واخواتي عساهم بخير
أبو بندر: كلهم بخير
بندر: يلا خلينا نروح امي وهي تدق على الجوال متولهة عليك
أبو بندر: يلا يلا
في بيت ابو بندر
الأم ونور قاعدين في الصا لة
ام بندر: نوف تعالي حبيبتي عندي لاتزعلين نفسك
نوف راحت عند أمها وقعدت جنبها
نوف: امي حبيبتي انا ماني زعلانة بس شوي متضايقة
نور:نوف حبيبتي الله يخليك سامحيني والله ماكنت اقصد
نوف: خلاص نور انا ماني زعلانة
عند بيت ابو بندر وقفت سيارة بندر ونزلواا منها الأب وعياله وساروا صوب بيتهم
بدر: اقول أدخلوا انتوا وقولوا بدر ماجاء
أبو بندر: حرام امك تلاقيها عند الباب
بدر: الا يايبه ادخلو وانا بعدكم بدخل
وبدر ياشر لنايف ويوصيه على اللي قاله عليه
ودخلوا لاب وبندرونايف لوحدهم من غير بدر
من يوم شافتهم أم بدر ركظت عليهم
أم بندر: وين بدراشوفه مو معاكم وعيون أم بندر على الباب
نايف: بدر مو جاي فاتته الطيارة بيجي بعد أسبوع
أم بندرعلى طول راحت وجلست على الكنبة
أم بندر: يلا انشاءالله يرجع بالسلامة أهم شيء إنه بخير
نوف: معقولة مااصدق
وراحوا كلهم جلسوا عند أمهم
واشوي والا يسمعون صوت بدر
بدر:هوووووووووووووب أنا جيت
ام بندر وبناتها : بدر بدر وقاموا يركظون وراحوا عنده وصاروا يسلمون عليه وامه تحضنه بقوة وتبوسه
أم بندر: ولدي حبيبي حمدلله على سلامتك
بدر: الله يسلمك يالغالية
وضربت أم بندر ولدها نايف على كتفه
أم بندر: نايف وش المزحة هذي حقتك والله انك ماتستحي
نايف وهو يضحك: يمه أنا مالي دخل والله بدر اللي قالي اسوي كذا حتى إسألي أبوي وبندر
بدر: أمي ايوه انا قلتله ابغى اااااااعرف غلاتي عندكم
أم بندر: والله انك غالي ياحبيبي
نايف ونوف بصوت واحد: واحنا يعني
أم بندر: والله كلكم غاليين ومعزتكم وحدة
بدر: ياربي على الغيرة
نوف: يمه خلينا نسلم على بدر ولابس انتي
أم بندر: طيب تعالي اكلتيني وجع
نوف: هلا والله باأخوي وهي تسلم عليه
بدر: هلا والله نوف كيفك
نوف: أنا بخير دامك بخير
نور: وانا مالي سلام
بدر: افا والله هلا بدلوعتي نور
نور: ها جبتلي هدية
أم بندر: بنت هذا اللي يهمك سلمي أول على أخوك واتحمديله بالسلامة
نور بدلع: ماما وش فيك علي أخوي وأدلع عليه
نوف: هذا كبرك وتدلعين والله انك كبيرة وهبيلة
نور: غيرة ياربي انتي وش عليك أنا أدلع على أخوي حبيبي
أبو بندر: الله يرجكم خلاص خلوا أخوكم يرتاح
بدر: خليهم يايبه مشتاق والله لكم
أم بندر: ياحبيبي والله وانت أكثر

نروح لبيت أبو سامي
أم سامي: سامي حبيبي لين متى وانت را فض الزواج خلاص حبيبي كل شيء قسمة ونصيب وانت نصيبك مو مع نهى
سامي وهو معصب: يمه انا كم مرة قلتلكم ماابغى اتزوج خلاص فكوني من هذي السالفة
(سامي كان يحب بنت خالته نهى من هم صغار وكان حبهم مرة كبير وكل العائلة عارفة بكذا......... بس نهى ماكانت تحب سامي زي مايحبها هو ولا ماكانت تنازلت عنه وعن حبه لمن تقدملها خالد (خالد من اسرة غنية مررررة) وطبعا نهى على طول وافقت عليه ونست انه في واحد لو تطلب روحه يعطيها بدون مايفكر ويوم دروا اهل سامي بالسالفة صارت مشاكل كبيرة بين اهل سامي واهل نهى وخاصة بين الأمهات (اللي هم اخوات) وبعد ها سامي كره سيرة الزواج حتى لمن اتخرج وتوظف كل مااهله يجيبوله سيرة الزواج يعتذرلهم باي شيء او يقوم ويروح عنهم) لكن مع مرور السنين رجعت المياه لمجاريها ورجعوا الاهل زي ماكانوا اول
خلود: سامي حبيبي والله انها ماتستاهل انك تتم كذا على شانها
سامي:........
أم سامي في نفسها: ماشاء الله عليها عندها بنت وولد وانت ياحسرتي عليك ياولدي ماتيغى الزواج ولا سيرته
خلود: ها حبيبي سامي ايش قلت انشوفلك عروسة والله اللي يتمنونك كثار
أم سامي تحمست: ايوه حبيبي ايش قلت
سامي: يمه.. خلود صدقوني انا لمن ابغى اتزوج بجي واقولكم
ام سامي: متى
سامي قام واقف وهو يمشي يقول: خلاص كل شيء بوقته حلو سلام
أم سامي: ياربي على هالولد والله بيجنني نفسي ازوجه واشوف عياله
خلود: والله انا ابغاه يتزوج وحده حلوه عشان تنقهر نهى وتندم على اللي سوته
أم سامي: الله يسامحها كرهت ولدي في الحريم
خلود: حسبي الله عليها مالقت غير سامي الطيب الحنون تسوي فيه كذا
ام سامي: يلا الله يرزقه بااحسن منها يمكن له خير برفضها له
خلود: والله احسن اصلا هي مرة مغرورة كأن مافي احد حلو غيرها
(نهى مرة حلوة وكان الكل يمدح فيها وفي جمالها عشان كذا البنت اتغرت كثير وشافت نفسها على غيرها والمسكين سامي كان يحبها مايشوف عيوبها الا لمن تركته عرف معدنها (صدق من قال بعض المواقف تبين معادن الناس)
في بيت ابوبندر
كانت العائلة متجمعة والجو كان حلو بالسوالف والضحك
بدر:الا اقول بندر وين اولادك ماشفتهم والله رامي رائد وحشوني
بندر: انشاء الله اجيبهم بكرة
نوف: أجل كيف يابدرلو شفت رنا وريم التؤام والله يجننون
بدر: ماشاء الله جالك بنتين تؤام مبروك والله
بندر:الله يبارك فيك
بدر: كم عمرهم
بندر: 5 شهور الله يعين أمهم عليهم والله متعبينها
أم بندر: ايه والله تربية واحد صعبة كيف اثنين
بدر: خلاص بندر لا تنسى تجيبهم والله اني متحمس لشوفتهم
نايف: الا اقول بدر كيف امريكا
بدر: عادي مافيها شيء
نوف: ههههههههه ياربي على اللقافة بيموت ويعرف بس محد أعطاه وجه
نايف: ههههههههه سخيفة وانتي ايش دخلك وإذا انا بموت وأعرف انتي بتموتين أكثر مني روحي العبي بعيد ياماما
نوف: الحمدلله موانا اللي سالت معروف من هو الكل شاهد
أم بندر: نوف نايف الله يرجكم اسكتوا خلاص
(نايف ونوف هم وراء بعض (طرايد) ومن هم صغار دائما يجاكرون بعض بس فوق هذا يحبون بعض ودايما اسرارهم عند بعض )
بدر: نورحبيبتي ها سنة كم الحين
نور: انا ثانية ثانوي علمي
بدر: والله كبرتي يانور
نوف وهي تأشر على نور: ههههههههه نونو نونو
نور: ههههههههههه من كبرك عاد
نوف: الحمد لله انا في الجامعة وكلها سنة واخلص
بدر وهو يبغى يقهر نوف: ماشاء الله كبرتي يانوف اذكرك صغيرة
نور: ههههههههههههههه من حفر حفرة لأخيه وقع فيها خليك أحسن وتمد لسانها لنوف
نوف: طيب يابدر كذا تضحك أعدائي علي
أم بندر: نوف ايش هذا الكلام اختك عدوتك والله إنكم عيال هالزمن محد فيكم يعرف قيمة أخوه
نوف: خلاص يايمه ولا يهمك وترسل لنور بوسة أموووووووووووواه ياحلو ياكبير انت
نور: تسلني اختي حبيبتي 0ياحليلهم دوم يتجاكرون )
ابو بندر: بدر ترى بنسويلك حفلة
نوف: االله حفلة متى وكيف
نايف: وجع ماعندها وقت شوي شوي كل هذي اسئلة
نوف:يووو انت وش دخلك هايبه متى بتسونها
ابوبندر: والله ماادري على كيفكم شوفوا لكم يوم مناسب
ام بندر: ايش رايكم الخميس ها ماعندكم شيء
نوف: لا خلاص حلو
أبو بندر: ها بدر ماعندك شيء الخميس
بدر: يعني بعد 3 ايام وصار يفكر: مااعتقد عندي شيء حتى لو بيكون في شيء يتأجل
أم بندر: خلاص الخميس
وظلوا أهل بدرعلى ضحكهم وسوالفهم.....................

&&& الجزء الخامس &&&
يوم الأربعاء الساعة 5:20 العصر
في بيت سارة
يدق التلفون
سمر: الووووووووا
أم بندر: الووووووو السلام عليكم
سمر: هلا وعليكم السلام
ام بندر: هلا سمورة كيفك
سمر:الحمد لله مين خالتي منى
أم بندر: ايوه
سمر:كيفكم خالتي
ام بندر: احنا بخير أقول سمر وين أمك
سمر: لحظة اناديها
سمر: يمه يمه تعالي كلمي خالتي منى
ام سارة: الو السلام عليكم
ام بندر: هلا والله وعليكم السلام... كيف حالك دلال وكيف حال ابو سارة والبنات
أم سارة: والله الحمدلله كلنا بخير وانتو كيف حالكم
أم بندر: الحمد لله بخير
أم سارة: انسكم بدر
أم بندر: الله يأنس حالك
أم بندر: حبيبتي دلال الله يحيكم على عزيمة بنسويها لبدر بكرة
أم سارة: ماشاء الله 00000 فين في بيتكم
ام بندر: ايوه
أم سارة: خلاص انشاء الله بكرة بنكون عندكم من بدري
أم بندر: الله يحيكم البيت بيتكم
ام بندر: يلا حبيبتي نشوفك على خير مع السلامة
أم سارة: مع السلامة حبيبتي وسلمي على البنات
أم بندر: يوصل انشاءالله
سمر: خير يمه وش عندها خالتي
ام سارة: ابد تعزمنا على حفلة بيسونها لبدر
سمر:متى
ام سارة: بكرة الخميس
سمر في قلبها: يلا خليني أروح أقول لسارة أكييييد بتفرح ههههههههههه

سارة جالسة في غرفتها فاتحة دفتر مذكراتها وتقرا

وين أبلقي واحد مثلك وأحـــــبه
يشعل أيامي ويستوطن خيالـــــــــــــي
والغلا اللي فات في قلبي يصبـه
لين أحس انه مثل مغليك غالــــــــــي
ان شكيت البرد مثل الجمر اشبه
وان شكيت الشمس احس انه إظلالي
واعشقه طيف وسواليف ومحبة
واشربه مثل الغدير الما الزلالــــــي
وان طراعطره على الريح ومهبة
قبل اشم العطر عطره وسط بالـــي
ليت ربي خالـــــــــــقه حبة حبة
خالق مثله لو أشربه بحلالــــــــــي
بس لومثله لو يقول الحـــب لبه
ويشعل أيامي ويستوطن خيالـــــي
والله إني لازم أرجع له وأحبه
ويتجدد لين يرخص كل غالــــــي

سارة ااااه ياربي الحمد لله بدر رجع ياربي والله مشتاقة له
سمر: سااااااااااااارة
سارة: وجعععع وش فيك تصارخين مااسمع يعني
سمر: انتي اللي وش فيك من اليوم أنادي وانتي منتي معاي وين عقلك
سارة: أه ياسمر اتركيني بس000000 اقول وش تبين؟؟
سمر: جتنا عزيمه
سارة: عزيمة مين؟؟
سمر: في بيت خالتي منى
سارة: قولي والله متى
سمر: والله توها خالتي دقت تعزمنا على حفلة بيسونها لبدر
سارة وهي مرتبكة وفرحانة بنفس الوقت: متى دقت
سمر: سارة وش فيك أقولك توها تقولي متى
سارة: طيب لا تدفين
سمر: المهم انا جيت أقولك يمكن تفرحين
سارة ارتبكت وش فيها هذي ليكون عارفة اني احب بدر
سارة: والله وليه يعني تفرحني
سمر: والله ماادري قلت يمكن تشوفين ناس فات عليهم زمن ماشفتيهم وبصوت خفيف سمر: الحبيب بدر
سمر قالت كلمتها وركظت بره الغرفة وسارة وراها
سارة: وجعععع ماتستحين صدق انك تافهة

في بيت ابو بندر
نوف : خليني أروح عند بدر اشوف وش عنده أخبار
راحت نوف لغرفة بدر
نوف: ممكن ادخل
بدر: والله مو خلاص دخلتي ليه الإستئذان
نوغ: بسم الله طيب قوووووول اهلييييييين مرحبتيييييييين هلا باختي الحلوة
بدر: ههههههههههههههه تعالي تعالي
نوف راحت جلست عند بدر
نوف: حبيبي بدر كويكلي قولي وش سويت في امريكا
بدر: يعني وش سويت درست خلصت دراسة وجيت
نوف وهي تغمز: بس علي هذا اللي سويته لا رحت من هنا ولا من هنا
بدر: وانتي اشلك الله على اللقافة عاد تلوم نايف لمن يسالني صدق ناقصات عقل ودين
نوف وهي منقهرة: طيب خلاص لا تدف ماابي اعرف من زييييينك
بدر وهو يضحك عليها: ههههههههههههه أحسلك ياحبيبتي
نوف:هيييييييييه اقول ماعندك سالفه بااااااااااااااي
بدر: باااااااااااااي ياملقوفة
نوف وهي خارجة تمد لسانها لبدر دبببببببببببببة
راحت نوف لغرفتها وهي طفشانة ومقهورة من بدر ليش ماقالها عن اللي نفسها تعرفه وآخر شيء قررت انها تدق على سارة
نوف: الوووووووووو
سارة: الوووووووو هلا والله
نوف: هلا بيك كيفك يا دببببببة
سارة: تمام يانعومي كامبل كيفك انتي
نوف: حلووووووووة نعومي تسالين عن حالي انا ولا بعض الناس
سارة: هييييييييه وش قصدك
نوف: ولا شيء أقول وش بتلبسين في الحفلة
سارة وهي تستعبط : اي حفلة ؟؟؟؟؟؟؟؟؟
نوف: تستهبلين حبيبتي حفلة بدر ولا ماقلتلكم امي
سارة: اهااا وليه يادبة مادقيتي علي وقولتيلي في حفلة خليتيني اعرف من الهبلة سمر اللي قعدت تخربط علي وتقول في حفلة وبتشوفين ناس فات عليهم زمن ماشفتيهم (سارة تقلد صوت سمر)
نوف: هههههههههههههههههههههههه الله يرجها سمر طيب ولا تزعلين سارة حبيبتي عندنا حفلة تعالي بتنبسطين وبتشوفين ناس حلوين هههههههههههههههههههههههههههههههههههههههههههههههههه ههه
سارة: والله تضحكين ياربي كملتي الناقص اللي خلته سمر مدري وش فيكم الله يشفيكم
نوف: ههههههههه ماقلتلك
سارة بدلع: لا حبيبتي ماقلتي
نوف: توي رحت لبدر وقلتله وقلتله وقلتله
سارة وهي ترتجف: ها وش قلتي كويكلي
نوف: قلتله أممممممممم
سارة: نوفو ووجع قولي
نوف:ولا شيء بس قلتله وش سويت في أمريكا
سارة: ايوه ووش قال
نوف: وجع مااعطاني وجه يقول ماسويت شيء درست وخلصت دراسة وجيت
سارة: هههههههههههههههههههههههههههههههههههههههه خليك ملقوفة
نوف: هيييييه ترى أنا ماسألت إلا لانو بعض الناس بيموتون ويعرفون مساكين
سارة: والله ومن هم؟؟؟؟؟
نوف: ناااااس الله يستر عليهم
سارة: اقول نوف وش بتلبسين
نوف: اها تغيرين السالفه ماعليه خلينا باللبس
سارة: ايوه احسن
نوف: انا عندي لبس جديد هو فستان قصير لونه وردي يعني حلو وكمان عشانه جديد محد شافه علي وانتي وش بتلبسين؟؟؟؟؟
سارة: والله مدري انتوا بتعزمون ناس كثير
نوف: يعني مو كثير انتوا وبيت عمي وخوالي وخالاتي وبدر بيعزم أهل اصحابه اعتقد
سارة: يووالله مدري شكلها حفلتكم كبيرة
نوف: ولا يهمك سارونة وش رايك اجيك ونختار لبس مع بعض
سارة: الله يحيك متى بتجين؟؟
نوف: الحين اقول لامي وأجـــي
سارة: أوكي بااااااااااااااي
نوف: بااااااااااااااي

في بيت سامي

سامية: اقول خلود تدرين من دق علي اليوم
خلود: ها مين
سامية: نهى بنت خالتي
خلود: ووش تبي؟؟؟
سامية: بس تسلم وتقول وش فيكم لا تسألون علينا وتسلمون ماكأننا بنات خالات
خلود: ما شاء الله وليه هي ماتسال مو كم مرة نتجمع هي اللي ماتجي غرور ياربي لك الحمد وش قلتيلهاا
سامية: سبحان الله قلتلها نفس كلامك وكمان قلتلها تعرفين الدنيا مشاغل
وبعدين سولفنا كم سالفه وقفلت بس هذا كل شيء
تموا سامية وخلود يسولفون
ودخل عليهم سامي
سامي : السلام عليكم
سامية + خلود : وعليكم السلام والرحمة
سامية: كيفك سامي
سامي: انا تمام وكيفك انتي وزوجك وبنتك
سامية : كلنا بخير
خلود :سامي حبيبي شكلك طفشان يلا قوم نمشيك
سامي: هههههههه ماشاء الله اتنوا تمشوني ولا انا امشيك من جد تقلب السالفه على كيفها
خلود : سام حبيبي كلنا واحد
أم سامي دخلت عليهم : بنت وشو سام الله يسم العدو انشاءالله
خلود : امي هذا اسم الدلع سامي = سام
ام سامي: ومالقيتي دلع الا هذا ياكافي
سامي:امي ماعليك منها ها وين تبون اوديكم
خلود: ودينا مطعم عشينا
سامي: وين تبون أي مطعم
خلود : ودينا ابلبيز حلو
سامي: أوكي تجهزوا في الليل
ام سامي: انا ماني رايحة مااحب اكل المطاعم
سامي : يمه عشان خاطري
وام سامي لقتها فرصة : وانا مالي خاطر عندك
سامي : افا ام سامي قدرك كبير
أم سامي: والله طيب ليه لمن أقولك تزوج ماتسمع كلامي
سامي: يو ردينا لطيري ياللي يمه الله يخليك خلاص قلت ماابى طاري السالفه ذي واي شيء ثاني تبينه انا حاضر
أم سامي وهي معصبة: خلاص روحوا انا ماابى بتعشى مع ابوكم
سامي وهو يبوس رأس أمه : الله يخليك لي ولاتزعلين
ام سامي : ياحبيبي في ام تزعل من اولادها
سامية: اجل بدق على فيصل أقله بروح معاكم

في بيت نوف
نوف بعد ماقفلت مع سارة لأمها
نوف: يمه حبيبتي
أم بندر: من يوم قلتي كذا عندك شيء يلا بسرعة قولي وش عندك
نوف: ابى اروح عند سارة
أم بندر: عاد الا بيت دلال مااردك عنه روحي حبيبتي بس لا تتاخرين وسلميلي عليهم
نوف: يوصل يمه

بعد المغرب نوف في بيت سارة
نوف: أقول سارة
سارة: قولي ياستي
نوف: ههههه اليوم دقت علي مي
سارة:مين مي
نوف: مي بنت عمي
سارة: ايوه تذكرتها طيب وش فيها لو دقت
نوف: مافيها شيء بس غريبة مي مو ذيك المرة علاقتي معاها ماادري ليه مااحبها تذكرني بأاخوها يوسف
سارة: الله يرجك يانوف من كرهك ليوسف صرتي ماتحبين اهله
نوف: لا والله مو كلهم مها احبها بس مي ماقد دقت تبى تكلمني أكثر شيء تكلم اختها مها
سارة: طيب وش قالت
نوف: اتصلت تسلم وتسأل عن الحفلة وقالت سلميلي على بدر وقوليله حمد لله على السلامة لين ماقابله وتحمده له على السلامة صحيح انها ماتستحي على وجهها
سارة: حرام عليك طيب وش فيها عادي ولد عمها
نوف: مدري احس اتصالها غريب يلا ياستي ياخبر النهارده بفلوس بكرة ببلاش
سارة سرحانة وتقول في نفسها ياربي يانوف خوفتيني الله يستر منها
نوف: سارررررة
سارة: هـــا
نوف: لاتخافين بدر ماراح يفكر فيها أخوي وأعرفه
سارة: نووف خلاص يالله شوفي بطلع لك ملابسي وانتي اختاري
وصاروا سارة ونوف يطلعون من ملابس سارة هذا يصلح وهذا مايصلح لين ماطلعت نوف فستان كان مخبا
نوف: سارة الله هذا الفستان مرررررررررة حلوووووووو
سارة: ايوه هذا مرة شفته واشتريته بس ماوريته امي اخاف ماترضى لي البسه بس هو من عجبني من جد وأشتريته
نوف: والله انا اشوف انو مناسب مررررة للحفلة
سارة: مدري اخاف امي ماترضى البسه
نوف: انتي قومي البسيه وانا بشوفه بعدين ننادي خالتي ونقولها
سارة: اوكي بلبسه
وقامت سارة تلبس الفستان (الفستان كان جنان لونه أسود وقماشه حرير ومورد بورود الوانها ممزوجة ببعض بين الأورنج والأصفر والزهري والتفاحي وهو قصير شوي0000000
وتدخل سارة على نوف وهي لابسة الفستان
نوف فتحت فمها لمن دخلت سارة اللي كانت فاتحة شعرها وكان شكل سارة جنان
سارة: هيييييييه نوف وش فيك
نوف: صراحة سارة جنان تهبلين ماشاء الله خلاص هذا اللي بتلبسيه
سارة: مو بكيفك حبيبتي أهم شي امي توافق
نوف: ماعليك الحين اناديها ونقنعها
وطلعت نوف عند الباب ونادت ام سارة
نوف: خالتي خالتي
أم سارة جات معاها سمر
أم سارة: ها نوف تبغين شيء
نوف: تعالي ابغاك شوي
( نوف ماشاء الله عليها جريئة عكس سارة الخجولة )
نوف: ها خالة وش رأيك ببنتك
أم سارة : ماشاء الله
سمر: الله مرررررررة حلوووووووووة
نوف: خالة طلبتك طلب الله يخليك خلي سارة تلبس الفستان هذا في الحفلة
أم سارة: والله مدري بس مو كأنه شوي قصير
سمر: يمه والله حلو خليها تلبسه
سارة: يمه الله يخليك والله هو احلى واجدد فستان عندي
نوف: الله يخليك ياخالة أنا ابى سارة أحلى وحدة في الحفلة
أم سارة: خلاص وأنا أقدر عليكم حبيبتي سارة خلاص البسيه بس حصني نفسك محنا ناقصين عيون
سارة وهي تبوس امها : اموووووووووووواه احبك
أم سارة : يلا عن اذنكم
نوف: تفضلي خالة ومشكورة
سارة: الحمد لله انه رضت والله من زمان نفسي البسه بس خايفة منها
نوف: شايفة كيف افضالي عليك
سارة وهي تبوس نوف: حبيبتي انتي الله لا يحرمني منك
نوف: اميييييييييييين يارب
وظلوا سارة ونوف يرتبوا للحفلة
بعد ما راحت نوف من عند سارة
سارة سرحانة تفكر في بدر يالله يابدر ياليتنا جيران كان على الأقل شفتك من الشباك
وتدخل عليها سمر
سمر: سارة انا وش البس كل فساتيني صغرت علي والباقية عادية
سارة: يويويويو نسيتك خلاص الحين نروح نخلي ابوي يودينا السوق
وراحو سارة وسمر لأبوهم وقالوله يبغون السوق ووافق لهم وراحوا السوق واشتروا لسمر فستان احمر مرررررررة حلو
في السوق سارة مرت من محل هدايا وقالت في نفسها يلا خليني اشتري هدية لبدر
واشترت هدية كانت عبارة عن علبة كبيرة في داخلها دب ابيض واحمر ومعاه شمعة كبيرة على شكل حرف (b) و جوا العلبة كمان عطر وفيه فواحات وزين كلها لونها احمر مرررررررررررة حلوووووو
وفي البيت فتحته وحطت في العلبة ورقة مكتوب عليها
أهلا أهلا بك يابعد كل من لي
ياأغلى من الغالين ياروح روحي
يفز لك قلبي وارحـــب وأهلي
ويطيب في قلبك جميع الجروحي

&&& الجزء السادس &&&
يوم الخميس
........... في بيت أبو بندر............
أم بندر: نوف نوف
مها: خير ياعمة تبين شيء اسويه نوف ماهي موجوده
أم بندر: ليه وين راحت
مها: تقول بتجيب شيء مدري عنها وأخذت معاها نور
أم بندر: كيف يروحون ومايقولون لي مايدرون انو اليوم الحفلة واكيد بحتاجهم
مها: ماعليه يمكن ناقصهم شيء أنا في قولي لي وش تبين وأنا أسويه
أم بندر: ما تقصرين يامها لا بس كنت ابيها تتصل على بدر أبيه بشيء
مها: خلاص انا ادقلك عليه
ام بندر: تعرفين رقمه
مها: لا بس الحين ادق على بندر واخذه منه

في بيت أبو سامي
سامي طالع من غرفته شاف خلود لابسه عبايتها
سامي: خلود على وين
خلود: بروح أمر على سامية ونروح السوق
سامي: انتي وسامية بس
خلود: وعهود بتروح
سامي: مين بوديكم السواق
خلود: هييييييييه انت تسأل سؤال وتجاوب عليه
سامي: ههههههههه دبببببببة
خلود: يا رشيق انت أكييييد السواق في أحد غيره يودينا
سامي: لا خلاص أنا بوديكم
خلود: غريبة تودينا انت ماتحب السوق
سامي: مو غريب الا شوشو
خلود: حلوووووووووووووة شوشو ليكون الشيطان
سامي: ايوه هو واصلا انا طفشان يمكن أتسلى معاكم
خلود أوكي وصارت تنادي عهود عهود
سامي: يلا انا في السيارة استناكم

في السيارة
ممتاز: ماما نوف أي سوق روح
نوف بصوت خفيف: ماما في عينك
ممتاز: ايش قول
نوف:ووووجععع لقافة ودي سوق حراء
ممتاز: اوكي
نور: ياويلنا من امي الحين تدور علينا ما تلاقينا
نوف: لو استأذنا منها ما راح توافق بس الحمد لله احنا قولنا لأبوي ووافق
نور: اوكي بس لا نتأخر

في سيارة سامي
سامي: ها ياحلوين تبون أي سوق
خلود: ودينا سوق حراء
سامي: لازم حراء يعني
سامية: حراء فيه أشياء حلوة
سامي: ليه عندكم مناسبة
خلود: سامي وش فيك نسيت انه خالتي هند مسوية عشاء لخطوبة ريم
سامي: نسيت والله ماأحسبه اليوم كويس ذكرتوني الا اقول انتوا ماعندكم ملابس لازم تشترون
عهود: وانت وش عليك مافيها شيء نبى نكون شيك
سامي: هههههههههههههههه الحلو حلو لو يصحا من النوم والوحش وحش لو يتروش كل يوم
عهود: اقول الحمد لله حلوين
خلود: سامي خليك منها شغلنا أغنية

في سيارة نوف
ممتاز: خلاص انزل هدا سوق
نوف: ممتاز خليك مافي روح انا شوية وأجي
ممتاز: طيب لايتأخر ماما
نوف: وجع انشاء الله اجلس وانت ساكت قال ماما قال
وينزلون نوف ونور من السيارة ونور بتموت من الضحك على نوف المعصبة

وبنفس الوقت وقفت سيارة سامي ونزلوا منها سامي والبنات ودخلوا السوق

نوف:نور وش رأيك عشان مانتأخر انتي روحين اشتري اللي ناقصك وانا كمان وبيننا اتصال
نور: أوكي سييو
وتفرقوا نور ونوف كل وحدة في جهة من السوق

في بيت سارة
سمر: سارة وش العلبة الحمراء اللي جبتيها معاك من السوق
سارة: وانتي وش دخلك ياربي على اللقافة
سمر: ههههههههه حبيبتي انا عارقة انها لبدر
سارة: طيب مادامك عارفة ليه تسالين
سمر: انتي لهذه الدرجة تحبيهنه
سارة: وانتي وش عرفك
سمر: أقولك شيء وماتزعلي
سارة: لا قولي
سمر: صراحة انا مرة بالصدفة دخلت غرفتك وشفت دفترك مفتوح وقريته وعرفت
سارة: ماشاء الله تفتشين باأغراضي
سمر: سارة ولله بالصدفة خلاص لا تزعلين ماراح أقول لأحد
سارة:ياويلك ياسمر ان قلتي السالفه لأحد
سمر: سرك في بيـــر بس عسى امي ماتشوفه
سارة: ماعليك لو سالت بقولها أشياء نوف نستها عندي وبوديها لها

في السوق
نوف تمشي ووراها شابين يمشون وراها من يوم دخلت السوق
نوف ياربي وش أسوي أصارخ فيهم
نوف: خييييييييييير وش فيه لاحقيني انت وهو تف عليكم ما تستحون لا شخصية ولا كرامة
الشاب: وش فيك يا حلو زعلان
الثاني: قرب تعال يا مغرور بس والله حلوووووووو
نوف: وجع انشاءالله روح شوف امك واختك فين
الشاب: انا مقطوع من شجرة ماعندي أحد
نوف: وكمان لسان طويل
الشاب: وش عرفك شفتيه
وصارت نوف تمشي بسرعة وشوية الاتصدم بواحد وبقوة وطاحت غطوتها وبان وجهها ومن الالم صارت تون وهي ماسكة خشمها
نوف: آآآآآآه آآآآآآآه
سامي: آسف والله ما شفتك
سامية: اسفين أختي
نوف بعد مااستوعبت غطت وجهها وكانت بتهاوش سامي بس لمن شافت اللي معاه تراجعت
نوف: لا عادي انا الغلطانة كنت امشي بسرعة
خلود: طيب في شيء يعورك
نوف: ها احس خشمي يعورني
سامية: طيب تعالي نروح دورة المياه نشوف
وراحوا نوف وسامية وخلود وتركوا عهود و سامي اللي كان مرتبك وخايف على نوف وبنفس الوقت يفكر بنوف وجمالها
سامي في نفسه: ما شاء الله عليها حلوة والله انك فاضي وقته

في دورة المياه
فتحت نوف وجهها وشافت خشمها كان متورم بسيط
سامية: الحمد لله جت على كذا
نوف: ايوه والله وآسفة أزعجتكم وكمان تعبتكم معاي
سامية: لا عادي احنا الي آسفين
ويدق جوال خلود
خلود: الووو
سامي: الووووو خلود البنت فيها شيء
خلود وهي تضحك: لا حبيبي سام مافيها شيء ارتاح الحين احنا جايين عندك
سامي: طيب
خلود : مسكين سامي خايف
نوف: مسكين الله يخليك اعتذريلي من اخويك
خلود: يوصل
بعدين نوف حست بشوية صداع فجلست على الكرسي
سامية: ها فيك شيء
نوف: لا بس شوية صداع
نوف في قلبها خليني ادق على نور اقولها يلا مااقدرأكمل وتذكرت انو شنطتها ماهي معاها
نوف: يوو وين شنطتي أكيد طاحت مني
خلود: ارتاحي انتي وان اروح اجيبها
وراحت خلود عند سامي
سامي: ها خلود وين سامية البنت فيها شيء
خلود: لا مافيها شيء اطمن بس ادور شنطتها شكلها طاحت منها شفتها انت
سامي: الشنطة مدري عنها
خلود: يووو خلينا نروح ندور عليها
وراحوا يدورون على الشنطة ومالقوها
خلود: ياربي وين راحت وش اقول للبنت
سامي: خلاص قوليلها ضاعت
خلود: طيب خلاص اقول وين عهود
سامي: ايوه تذكرت الشنطة مع عهود
خلود: يالله ياسامي مع عهود وخليتنا ندور عليها
سامي: والله نسيت ياشيخة انا عقلي خلاص
خلود: طيب هي وينها
سامي: قالت بتروح شويه وتجي
وشوية وتجي عهود
واخذت خلود من عهود الشنطة ورجعت عند البنات وتأخذ نوف الشنطة
ومالقت جوالها واذكرت انها نسته
نوف: ياربي
خلودك خير وش فيك
نوف: نسيت جوالي
خلود: خذي دقي من جوال
نوف: مشكورة
خلود في نفسها الحمد لله انه اتذكرت انها نسته لاتقول سرقوه
نوف: الوووو نور
نور: الووو مين
نوف: أنا نوف
نور: نوف هذا جوال مين
نوف: بعدين أقولك تعالي عندي في التواليت
نور: اوكي انا جايه
وتسك نوف وتعطي الجوال لخلود
نوف: مشكورين تعبتكم معاي
سامية:لا تعب ولاشيء
نوف: خلاص تقدرون تروحون الحين تجي اختي هي معاي في السوق
خلود: اوكي باااااااااااااااااي
نوف: بااااي
وخرجوا خلود وسامية وبنفس الوقت دخلت نور
نور: ها نوف وش فيك
نوف: بعدين اقولك يلا نروح
وخرجوا نوف ونور من دورة المياه وشافت نوف البنات واشرتلهم
سامي: متأكدين انو مافيها شيء
سامية: مافيها شيء اطمن
خلود: يلا خلينا نكمل مااشترينا شيء
سامي: انتوا كملوا سوق لوحدكم انا رايح
خلود: ليه
سامي: انا جيت السوق لاني طفشان بس الحين انسدت نفسي انا رايح وبرسلكم السواق
سامي: باااااااااي
البنات: باااااااااااي

في السيارة
حكت نوف نور كل اللي صار
نور: ياحرام تلاقين الولد راح فيها
نوف: والله لو تشوفين شكله مسكين مررة مرتبك
نور: يعني مااشتريتي شيء
نوف: ياشيخة خلاص انسدت نفسي وراسي صدع كمان
نوف: وانتي لقيتي اللي تبينه ؟؟؟؟
نور: يعني بس المهم طلعنا بشيء

في البيت
أم بندر: تروحون ولا تستأذنون
نوف: استأذنا من أبوي ورضى وأنتي إذا قلنا لك مابترضين
أم بندر: وفين الشيء المهم اللي تبينه ولابس طلوع على الفاضي
نوف: مالقيت شيء حلو
أم بندر: خلاص بعدين نتفاهم روحوا البسوا ما بقي وقت شوية والناس يجون

حطيـــــــــــــــــــــــــــــــــــــــــــــــــــــــــــــــــــــــــــــــــــــــــــــــــت

لكـــــــــــم 4 بارتات ورا بعض والحين ابي حمااااااااااااااااااااااااااااس وردود تستاهل

اوكيششن بنات يلا

وآآآآآآآآآآآآآآآآآآآآآآآآآآآآآآآآآآآآآآآآآآآآآو
البارتات حلوه مره
مره مره
تسلمين ي ريومهه
انتظر احلى بارت اخر

مووووووووع رائع من عضوة اروع
سلمت يداك

آڹـعـــمٍمٍ مٍـبْـډعـھٍۃ

شكرا ي ختي وان شاء الله بقرب وقت ممكن

احط

يلآ ككككككمليَ ححيييأتي =$$$$
اتوقع ان نوف تحب سأمي ويتزوجون

بسوووووووووووووووووورعه

كملي يلا

ريام الحازمي

ان شاء الله وتوقعك قريب جدا

نٌعّ۶ـۇۈۉمِة ڳُيٌيِوُتُ

ان شاء الله ي قلبي بحط بس ابي حماس زياده

Soso_m

يلا يلا بسس ابي حماس ازود

من عيوني انتي انسانه مبدعه وقصته تجن زيك وأنا حكون اول بأول اتابعكي

Soso_m\

ثانككس ع التعزيز

وشكرا للمرور

العفو