بسم الله الرحمن الرحيم

السلام عليكم ورحمة الله وبركاته...

بنات انا من زمان ادور طريقة الماكرون وحاولت بقوقل كثير القاها بس اشوووف صعبه وكثيره الطريقه مو الاغراض
وكلها بالغرامات وقريت بمنتدى انه ماينجح الماكرون الا بالغرام يعني بوزن المقادير
وقلت للبنات قالوا اليوتوب احسن من المنتديات
وصدق بحثت كثير باليوتوب ولقيت كم طريقه سهالات مره بس الطرق بعضها فيها حرق السكر ومدري كيف اتركها وبعضها احس ان شكلها مو مضبوط
فلقيت باليوتوب وحده تسويها سهله مررررره والشغل سهل وقلت اترجمه لكم وسويها صور وطبعا ابحط الرابط لكم عشان تشوفون ...

اضغطي هنا لمشاهدة الصورة بحجمها الأصلي





اضغطي هنا لمشاهدة الصورة بحجمها الأصلي

الأدوات المستخدمه:
2 وعاء للخفق
محضرة طعام ( للطحن)
مضرب او خفاقه
2 صينية فرن
2 ورق زبدة نفس مقاس الصينية
2 ورق تصوير نفس حجم الصينيه فيها دوائر متفرقه كلهم نفس الحجم

كيس معجنات ، حلواني ، كريمه اي اسم له
ميزان
منخل
ملعقه بلاستك

- المقادير :
3 بياض بيض
210 غ سكر بودرة
125 غ مسحوق اللوز
30 غ سكر شبهه خشن ( مو مره خشن اللي زي سكر الاسره)



1-2- من المهم... قياس كل المكونات بدقة.. اولاً تقيسين اللوز والسكر البودرة ...

اضغطي هنا لمشاهدة الصورة بحجمها الأصلي



1- يوضع دقيق اللوز المطحون والسكر البودرة في محضره الطعام وطحنيهم حتى يصيرون ناعمين لمدة دقيقة أو اثنين.

2- وقفي الجهاز وحركي الخليط بالملعقه من الجوانب ومن اسفل ومرة ثانيه اطحنيهم زين لمدة دقيقة واحدة ... الغرض تجانس الخليط ونعومته ...

اضغطي هنا لمشاهدة الصورة بحجمها الأصلي





1- بعد الانتهاء من طحنهم ... انخلي الخليط في الوعاء الاول ..
2- وحركي الخليط بالملعقه...
3- واللي يتبقى من الشوائب والقطع اللي ماطحنوا زين ارميهم (لضمان سلاسة الخليط).. وتركيه لبعدين ..

اضغطي هنا لمشاهدة الصورة بحجمها الأصلي





1- في الوعاء الثاني حطي بياض البيض وقومي بخفقه بالمضرب على سرعة متوسطة..
2- واذا بدا البياض يتضاعف وبدا يكثف ويترك علامة مو يصير كريمه لا يصير رغوه حطي السكر الخشن ببطئ وانتي شغاله بالمضرب لاتوقفين على مدى دقيقة أو الى ان يكثف ويتماسك البياض ويصير زي الكريمه حقة الكيك ...

3- استمري بالخفق على سرعة متوسطة من 3-4 دقائق.. او الى ان ينتفش ويتكثف ويصبح قوامه مثل كريمة التزيين او ان تظهر علامه مثل المنقار في المضرب ... بعدها وقفي ..

اضغطي هنا لمشاهدة الصورة بحجمها الأصلي





1- احطي الالوان اللي تحبين ، كم قطرة..
2- وبالملعقه البلاستك حركي البياض حتى يختلط مع اللوان وتوصلين للون اللي يعجبك ...

اضغطي هنا لمشاهدة الصورة بحجمها الأصلي





1- قومي بوضع خليط اللوز مع السكر الى بياض البيض على دفعات..
2-3- يعني حطي شوي وخلطي بعدها شوي وخلطي ..
لكن الخلط مو بسرعه وقوه لكن بخفه حتى يندمج عدل ولا يتكتل ،،
4- بعد التاكد من ان الخليط قد تجانس يترك ليرتاح قليلاً...

اضغطي هنا لمشاهدة الصورة بحجمها الأصلي





1- قومي بوضع الخليط في كيس الحلواني او البلاستك اكياس كريمات التزيين
ضعي الكيس في كوب كبير او وعاء (الكاس حتى يمسك الكيس ولا يتحرك عند وضع الخليط داخله)
2- حطي حوالي نصف الخليط في كيس المعجنات..

اضغطي هنا لمشاهدة الصورة بحجمها الأصلي




1- جيبي صينية الفرن وضعي ورقه تصوير فيها دوائر متفرقه بنفس الحجم
2- وفوقها ورقة الزبده (زي شفافات التفصيل)
3- وقومي بتشكيل الخليط بكيس الكريمة على نفس الوائر
اضغطي على كيس الخليط على نفس الدائره لحد مايصير الخليط اللي صار على الدائرة قدها بالضبط
لكن ركزي فتحت كيس الحلواني على ورقة الزبده بطرف الدائره يعني الفوهه حقت الكيس تلامس الورقه ويطلع الخليط راح يصير دائري على نفس حجم الدائره
لازم يكون نفس الدوائر عشان كلهم يصيرون زي بعض ويطابقون بعض..

اضغطي هنا لمشاهدة الصورة بحجمها الأصلي





1- واذا خلصتي كل الدوائر قومي بطقطقة الصينيه يعني ترفعينها وتطقينها بالطاولها ،.. عشان نطلع الهواء ويتواسوون زين بالحركه هذي اللي تمسكين الصينيه وتطقطقينها على الطاوله مرتين او ثلاث مرات مو بقوه لا طقطقه خفيفه ..

2- بعدها اسحبي وطلعي من طرف ورقة التصوير اللي فيها الدوائر مو ورقة الزبده اللي فيها الماكرون..

3- بعدها اذا فيه بالماكرون نتوء او زوائد واسيهم بطرف سكين او ملعقه صغيرة والافضل يكون عندك صحن فيه ماء بللي اصبعك ولزق بخفه الزوائد اللي في كل دائره ..

اضغطي هنا لمشاهدة الصورة بحجمها الأصلي





1- خليها ترتاح لمدة 20 دقيقة على الأقل.
- سخني الفرن إلى 300 ف* (150) م*
- اخبزي الماكرون لمدة 12-14 دقيقة .. انتبهي تراه يستوون بسرعه..

2- حتى نختبر النضج قومي بضغط بخفه على سطح كل وحده عشان تتاكدين اذا نضجت ..

3- اتركي الماكرون تبرد تماما قبل إزالتها من ورق الزبدة حتى يكون من السهل اخراجها من الورق..

4- حطي الحشوة اللي تحبين وسط كل وحده لكن وحده تحطين فيها والثانيه لا... وتسكرينهم على بعض.. زي الساندوش بس حاول ان الحشو تبين على الاطراف ويطلع لون الحشوه..

اضغطي هنا لمشاهدة الصورة بحجمها الأصلي


- الحشوات حسب الررررررغبه:
1- جميع انواع المربى
2- كريمه شوكولاته او فانيليا او نوتيلا
3- فيه كريمة بيتي كروكر البيضاء حطي فيها الالوان اللي تحبين عشان تصير نفس لون الماكرون اللي انتي سويتيهم..

- وهذي حشوة من النت :
100غ شوكولاته سوداء
30 غ مسحوق البندق المطحون ناعم
80 غ كريمة
20 غ زبدة
35 غ سكر

نضع السكر على النار الة ان يصبح لونه كراميل ثم نضيف الكريمة والزبدة ونتركهم على نار هادئة معا
نجهز صحن به الشوكولاته و مسحوق البندق نضيف لهم لخليط الذي كان يغلي على النار وننتظر 30 ثانية
تم نخلط الكل جيدا ونحشي الماكرون...

تشكيلة ماكرون بحشوات مختلفة : مربى توت ، فراولة ، فانيلا بتر كريم ، كاراميل مملح ، بينت بتر ومربى


وهذا فيديو الموضوع بالانجليزي بس بناااااااااات .... الفيديو موسيقى ماله داااعي قصروا عليييه مو تتكلم الحرمه لا مكتوب بنفس الفيديو الكلام فترجمته لذا ابري ذمتي فيه موسيقى اكتموا الصوت جزاكم الله كل خيرررر......



ومابي غير دعواتكم الحلوه

والصلاة والسلام على اشرف الانبياء والمرسلين نبينا محمد وعلى اله وصحبه اجمعين
صلى الله عليه وسلم

❤❤❤❤

سلام عليكم ورحمة الله وبركاته
وواوو موضوع رائع ومتميز
مشكورة عل الوصفة
بانتظار جديدك
تحياتي ^^

وااااو
بجد سهلة كتير
مشكورة يا قمر
ودي