أضيفينــــي بايميلـك وخلينـا نصيـر اثنيـن

كلام يقــوله محشــــش عشـان يشبـك بنّيـه



أضيفيني وأنا بقبل بسرعـه طالبـك تكفيـن


بسولف لك وبحكي لك ســوالف حيـل سريّـه



تقوم البنت تتغلـــى : 'ورا مـا تقولهـا هالحيـن

هــنا لكل القروب ارسل ترا الأوضـاع حــريّـه'



يجاوبها الولد ويقول : شكلك صايـره تنسيـن

قروب أو منتدى دايم به الاشراف يا وخيّـه



يشـــوفـون الرسايـل كلهـا وإلا انتي مـا تدريـن

وأنا مآبي يشوفونـي وأنـا بعطيـك حنّيـه



تجيـــه البنت وتضيفه وتتكبـر عليـه شويـن

'تفضــل هاه وش عندك تراني حيـل رسميّـه'



وهي دجه ولا تدري تجيه يسار وإلا يميـن

يا شين البنت تتفلســــف وهي برحـه عليميّـه



يجيها جايب الطبلون يجيها مطفـي النوريـن

أنا مملوح وش زينــي أنـا كلـي رومانسيّـه



أنا أسوي وأنا أفعل أنا احبـك ليـوم الديـن

تعالي قربـي منـي تـراني مصفـــي النيّـــــه



وهو توه و ما كمل معاهـا يـوم أو يوميـــن

يقول: أنتي ملكتيني يا أحلـى بنـت سحليّـه



تقول البنت منحرجه' ورا ما تستحي ياعفيّـن

أنا ما اعرف وش تقصد أنا مبغى رومانسيّـه



وكانك زين وش ملحك تراني كاملـه بالزيــن

أنا أمي تقول أنتـي جمـال وطـول حوريّــه



يشب محشش الصاروخ ويمخمخ على موشين

اجل أمك تقول أنتي جمـال وطـول حوريّــه



أنا أتوقع ولا ادري أحس انك كمـال الشيـن

ولونك لون سوداني وخشمك خشـم كوريّــه



وتبدى الحرب بين اثنين كله سب مع تلعيـن

وكلـن يحظـر الثانـي وبأخـلاقٍ تجاريّــــــه



وهذي تجربة حشاش وترجمها لكـم قافيـن

وسسلمكم الله

هههههههههههههههههههههههه
مرره رووعه تسلميين حيااتي الله يوفقك ولـأيحرمنا من ابداعك
ابدع هذا المحشش صح لساانه

هههههههههههههههههههههههه

وششش يحس فيهه المحشش

مششكورهه حبيبتي ع الابداع

يآ مبدعـــــــــه

مع السسلآمهه

هههههههههههههههههههه
شعر جمييل جداً والله ما في
منو هااد المحشش احبو دائماً
يسلموو على موضوعك الجمييل
ودييي