تذكير بمساهمة فاتح الموضوع :السلام عليكم ورحمة الله وبركاته
كيف حالكم عزيزاتي
____________
أكيد مستغربين من عنوان الموضوع ومستغربين من إسمي
إلي مو عارفة مين أنا ترا أنا { هدوئها سلام}
بس بإسمي الحقيقي
Maryam Qadan
عيب اذا كل وحدة فينا حطت إسمها الحقيقي ولا حرام ؟!
انا إكتشفت أنه الناس مقدرة الشخصية الي إسمها هدوئها سلام
مو الشخصية الي إسمها مريم قعدان
ليش ؟!
لإني قدرت إسمي المستعار أكثر من نفسي
تخيلوا لو كأنك كنتي مجاهدة عظيمة في التاريخ القديم
أو مو شرط مجاهدة يمكن انسانه عظيمة
بس ما ترضي انه الكل ينادوكي بإسمك الحقيقي
الكل ينادوكي بإسمك المستعار
واذا يا سمح الله متي
الناس رح تبكي على اسمك المستعار
مو عليكي
ليش إحنا بنعمل هيك
بنستحي بإسمآئنا ولا إيش؟
أنا عنجد قررت إني مستحيل اضع لي إسم مستعار
مارح أستفيد منه شي
بالعكس هو الي بتسفيد
_____________
لنفرض إنه اسمك المستعار مشهور
والكل يسمي مثله
الناس رح يقدرو الإسم المستعار الي انتي حملتيه بأحد المواقع
ووحدة تحمل نفس الإسم المستعار بموقع ثاني ويحسبوها إنتي بس ما تطلع إنتي
ورح يقدروها ويفكروها إنتي ويمكن هي تكذب وتنتحل شخصيتك
بس بإسمك الحقيقي مستحيل تعمل هيك لانه لكي إنتي أما الإسم المستعار فهو للجميع !
كل تعبك وجهدك رح يضيع بمجرد إسم مو إسمك
انا عنجد لما فكرت بالموضوع منيح حزنت من داخل قلبي لانه طول هالسنين تعبي كله بإسم هدوئها سلام
حزنت كثير كثير ليش هيك عملت
ليش ما سميت نفسي بإسمي الحقيقي
اللقب لا يعطيك مجداً بل أنت تعطيه
_________________
أحب أعرفكم على نفسي من جديد
انا إسمي مريم قعدان
مين حابة تكون معي وتفتخر بإسمها ينقال بكل مكان على وجه المدح
بصراحة حسيت نفسي سخيفة طول هالمدة لإني بإسم مستعار { لا أقصد أي إهانة }
انا قلت خلص رح أغير إسمي لإسمي الحقيقي
وأقول وداعا هدوئها سلام
أهلا وسهلا مريم قعدان
وهذا شعار بسيط
الي تحب تضعه بتوقيعها
عشان تشجع الأسماء الحقيقة
___________________
الي حابه تغير لقابها لإسمها الحقيقي
تنتظر ليوم الخميس القادم
لما نفتح قسم تغيير الألقاب
فيكم تغيروا أسمائكم
_______________
أتمنى من كل قلبي إن كل بنت ما كانت عارفة بهذا الشي
تعرفه وتحسبه منيح
عشان يقدروكي الي حولك
بإسمك الحقيقي
بشخصيتك الحقيقية
لا تتستحي بنفسك
لا تخبي نفسك
خلي كل الناس تعرف إبداعك
ومدى تفوقك
نعم للأسماء الحقيقة
لا للألقاب
________________
والسلام عليكم ورحمة الله وبركاته
مع تحياتي
Maryam Qadan
{ ما حدا يقولي هدوئة اذا حابين تدلعوني دلعوني ميمي }
هههههههههه
مع السلامة
Hitskin.com
