السلاااااااااااااااااااااام عليكم ورحمة الله وبركاااااااااااااااااااته
م فتره قريت مدونه لاخت (بمنتدى ثااني ) ماابالغ اذا قلت انه اكثر م 97%
منهاا بتتكلم فيه ع الشجن والمعانااة والالام بكل انواعه م الم الفراق والهجران لالم الشوق والوله
لالم الخياانه والغدر لالم الغربه والوحشه بدونه ل ..................... !!
الله يستر عليهاا ماكو الم وعذاب الا وعااشته ولهاا معه قعداات وسوالف . طيب ماعليه
واايداات مثلهاا خصوصاا في مرحله عمريه معينه بس اللي مو فاهمه ولااقاادر استوعبه هو
انها وبعد كل هالكلام والفصول بتختم دوم بعباارات الحب وانها في انتظاره ومارح تكون لغيره !!!
(وعشان ماتقولون نفس رد الاخت سهومه هي قالت فاول مدونتها انها رح تحكي ع نفسها )
__
ودي افهم وان شاء الله القى اللي يقدر يشرحهاا لي :
1) هي تدري انه خاين وكذاب وجارحهاا م الوريد للوريد فباي منطق بتنطره وتتعذب ... بدل ماتبدى
مشوار نسياانه وتحااول تطوي صفحته وتبلش حيااة جديده مع اللي يقدرهاا ويراعيهاا ويحطها ع راسه
ويخليها حلاله !! ................................... شو
2) لو يحبهاا صج ماكاان هانت عليه وعيشهاا كل هالعذااب وفي ايدينه الحل
هي ماسالت نفسها ليش يسوي جذيه !! واذا هو نااضج ليش مايخطبهاا ويريحها ويريج عمره !!
3) والغريب اكثر انه اذا تقدم لها احد ولو كان منااسب بترفضه ع طول وقبل تشوفه وبدون ماتفكر
واذا سالتها تقولك ( مستحيل اخونه ويضمني صدر غير صدره !!) ........... اي منطق !!
4) هي تدري وتدري بس ماتبي تسوي الصح وع قولتهم الوهم ولا الوهن
بالله ذا مابيعني انهن غبياات وناقصاات عقل ويستاهل ماجااهن واذا هو خاين ونذل اهي اللي
عطته الفرصه وماتلوم الا نفسهاا والحيااة لاتحمي المغفلين صح كلامي او لا !!
