ا
حلى زهرات 
واحسن بنات
بحـــ
ــبكم جـــــــــدا جــــــــــــــدا
وعشان بحبـــــــكم هتكلم معاكم النهارده ولاول موضوع ليه
وطبعا من غير احراج
لان فى بنات منكم سنهم صغير
[u]وانتى يا زهرتى الصغيره اللى بيبدا عمرك من 6 سنين وانتى طالعه [/u]
[u]يعنى كل الاعمار بما فيهم سن 6 سنين [/u]
[u]معرضين للامــــــــــــــر ده وبكثرة
[/u] ولانهم بيخافو يتكلمو او يقولو لحد كبير عن اللى حصلهم
طيب افتحى قلبك يا حبيبتى 
وعقلك وروحك وافهمى كلامى كويس
وانا هتكلم من حبى ليكم وخوفى عليكم
ولان كتير منكم متقدرش تتكلم مع امها فى الموضوع ده
وبرده ماما مش بتقدر تتكلم معاكى وبتبقى مش عارفه تفاتحك فى الموضوع ازاى
موضوع التحرش الجنسى
ايه هو التحرش الجنسى وكتير منكم اكيد بتسمع عنه
طيب تعالو نتعرف عليه
التحرش الجنسى بيتعدد اولا بالمـــــــــــلامســـــــه
ازاى.........
تلاقى المتحرش يقرب منك ويلمس اي مكان فى جسمك وبالاخص كمان الاماكن اللى بتتكسفى منها اوى
زى الثديين او اعضائك التناسليه
ثانيا التـــحرش بالكـــــلام
تلاقى المتحرش يسمعك كلام مش مؤدب او نكت خارجه وفيها الفاظ اباحيه
طب ايه وقت التحرش ومكانه
التحرش الجنسى مالوش وقت ولا مكان معين
لان المتحرش بيحاول يشبع رغبته باى طريقه
فممكن فى اى مكان فى الشارع او فى المدرسه او فى البيت او فى المواصلات
وبرده كذلك الوقت
مين هو اللى بعمل كده
طبعا من غير كلام اى واحد او واحده معندهاش دين او حياء او ضمير
وطبعا متستغربيش من كلمه واحده ؟؟؟؟
ايوه فى بنات او ستات ممكن تتحرش بيكى حتى لو بالهزار
نرجع تانى مين اللى ممكن يتحرش بيكى ومتتخضيش لانه وارد جدا
الاب ......ممكن جدا لو اب اخلاقه وحشه يعتدى على بنته
الجد.......بيكون كبر فى السن وبرده متضمنيش اخلاقه
العم ابن العم .الخال ابن الخال
الاخ ابن الاخ لو كان فى سنك او لسه شاب او حتى كبير
طبعا فى الشارع
ممكن جاركم يتحرش بيكى على السلم باى شكل حتى لو ملامسه عابره
ممكن البائع اللى فى السوبر ماركت
ممكن المدرس فى المدرسه
وممكن وممكن وممكن
عشان كده بنبهك وبحظرك 
ايوة يا حبيبتى
عارفه انك مخضوضوه وبتقولى دلوقتى معقوله اللى بتقوليه ده يا طنط
ايوة وبكل صدق وبامانه انا بنفسى سمعت تجارب من بنات كتير فى سنكم حصلهم تحرش جنسى من اقرب المقربين
مش معنى كلامى انى اخوفك من اللى حواليكى
انا بحذرك عشان تاخدى بالك من نفسك كويس
ادى الامان وكل حاجه
بس المثل بيقول حرص ولا تخونش
يعنى تحرصى على نفسك كويس
احيانا كتير بتبقى عايزة تباتى عند حد من اقاربك او تزوريهم لوحدك
وتلاقى بابا وماما رفضوا
معرفتيش بابا و ماما رفضو ليه
رفضوا عشان خايفين عليكى انك تتعرضى لاى اذى
وانتى بنتهم الغاليه اللى بيخافو عليها من الهوا الطاير
طيب هحكلكو على حكايه
بنت اعرفها اسمها(............)
حكت لى
[u]كنت صغيره وعمرى كان حوالى 13 سنه [/u]
وفى يوم كنت عند خالى ونمت عندهم
[u]وطبعا لان خالى شايفنى صغيره وابنه صغير كان عمره 6 سنين [/u]
فعمرة ماكان يشك فى حاجه
بتقول ....نام البيت كله وانا كمان نمت......
[u]وبعديها قلقلت من النوم واذا بابن خالى اللى عمرة 6 سنين فاتح زراير بيجامتى وايده جوه ؟؟؟؟؟؟[/u]
طبعا انا قمت مفزوعه وزعقت فيه وماكان منه الا انه قالها
انا بهزر معاكى
وبتقول كل ماكانت فيه فرصه بيستغلها وبيمد ايده
[u]تخيلى طفل عمرة 6 سنين وبيعمل كده [/u]
واخرى تقول انا حصلى تحرش من اختى الكبيره ايوة اختها متستغربوش وطبعا من المناظر اللى بتشوفها فى التليفزيون والاغانى والمسلسلات جبت تجرب مع اختها باللمس
طيب لو حصلك حاجه زى كده لا قدر الله هتعملى ايه؟؟؟
طبعا يا حبيبتى مش محتاجه تفكير ولا تردد
امك هى اقرب الاقربين ليكى متتردديش لحظه انك تحكيلها اللى حصل
روحى اترمى فى حضنها وهى هتكون احن واحده ليكى
وهى اللى هتكتم سرك وهى اللى هتوجهك للصح وهى اكتر انسانه بتجبك وعايزة مصلحتك وبتخاف عليكى
طبعا لو مامتك مش موجوده
يبقى اختك الاكبر منك او عمتك او خالتك وتكونى واثقه فيهم
لان مش اى حد ممكن يحافظ على سرك
يعنى مش تروحى تحكى لصديقتك وانتى مش عارفه اذا كانت هتحكى لحد تانى ولا لا
انا كده خلصت
وردتي يا غاليات
اظن الموضوع كده واضـــــح بما فيه الكفايه
واكيد هنا فى المنتدى اتكلمو فيه
بس انا حبيبت اركز تانى فى الموضوع ده وخصوصا اننا دلوقتى فى اجازة
والاشياء دى بتكتر قوى مع الفراغ
بالله عليكى خدى بالك من نفسك قوى وحرصى على نفسك
متتديش فرصه لغيرك يتسلى بيكى ويمد ايده عليكى
حافظى على نفسك يابنى وعلى حيائك
انا بحبكم قوى وارجو انكم تكونو فهمتونى كويس
وفى الختام اسال الله ان يحفظكم حميعا من كل شر
واسفه لو خرج مني حاجه محرجه
ملحظه : زهره يعني بنوته صغيره
استودعكم الله يا ورداتي
