موضوع الصور (=| ؟ابليس بكبره مربوط بهالشهر الفضيل ؟وراهم شياطين اﻻنس ماخزاهم كرم هالشهر واستحوا على دمهم!يعني صدق لﻸسف لﻸسف الكبير!!!!!إن بذات هالشهر كل يومين وحدة منتشرة صورها؟ليه يا أمي انتِ وهي ؟ مين علمكم ان اﻻنتقام بهالطريقة!فيك حيلة تنحرمين من ريحة الجنة؟فيك حيلة تتخيلين ان كل احساسك ينحرق بالنار وتموتين ألم بس ماتقدرين تطلعين! ﻷنك خنتي أمانه! ﻷنك غدرتي بانسانه ! ﻷنك أفشيتي عارها ! ﻷنك شوهتي صورتها بعين أهلها ! ﻷنك أوجعتي قلب أمها ! ﻷن أبوها شاب راسه يوم شاف بنته بالنت!كل هاﻷشياء سويتيها وين قلبك؟خافي ربك قبل تخافين من أهلك!ربك يقول نمدهم في طغيانهم يعمهون!ويقول إن الله يمهل وﻻ يهمل!الله قاعد يعطيك وقت يافﻼنه خافيني؟ يامخلوقة اخشيني ! وأنتِ مازلتي تسمعين بهالقصص ومستانسة يﻼ خنّ أنشر صورت فﻼنه قبل سنتين هفتني !!!! ليه يمه ليه؟والله حرام!!!!!! والله مايجوز!!!!! والله إنه ذنب عظيم! قاعدين تتسأهلون بهالموضوع ! أستغفرك يارب ﻻ تعمي أبصارنا وثبت قلوبنا على طاعتك.في النهاية بأقول عسى كل من مشى بهالدرب وأوجع قلب وأبكى عين الله ﻻ يستر عليها ﻻ بالدنيا وﻻ باﻷخرة الله يوريها بنفسها وبأقرب أشيائها اللي تحب اللي يحرق قلبها على كل قلب حرقته.ولحد يقولي حرام تدعين ﻷنه هاﻷشكال حتى الحرام مو حرام عليهم.قسم قسم الموضوع زاد عن حده صار شيء يوجع صار الكل يتسأهل بهالذنب! أحس بيصير فينا عقاب من الله من هاﻷشياء اللي نستسهلها ! وغيرنا يذبل كل لحظة بسببها ! لطفك ياربي لطفك فينا!وترى أبشركم انتقموا واشبعوا انشروا قد ماتقدرون الحمدلله الشباب صار فيهم خير وايمان واحساس أكثر من البنات راعيات اﻻحاسيس صاروا البنات ينشرون والشباب يهكرون يسترون على صديقتك وهم مابينهم وبينها شيء ! بس ﻷنهم أخير منك وﻷنهم يحسون بقول ربي إن من ستر على مسلم ستر الله عليه في الدنيا واﻷخرة! انشري وتسأهلي ويجيك يوم صدقيني بيجيك يوم.مايخلص الحكي بهالموضوع وأدري محد بيتعظ ﻷن القلوب ﻻ ماتت صعب تحيا بس نقول خﻼص والله ﻻ يميت قلوبنا ويهدي الجميع.
