السلام عليكم
بنت خالتي متزوجة وعندها بنت عمرها 10 وولد عمره 9 واسمه عبد الرحمان وولد عمره 3 سنين وولد عمره سنة ونص .
قبل شهرين تقريبا كان قدام بيتهم حفرة حق الصرف الصحي ( بلاعة ) ومغطية بخشب خفيف ( ابلكاش ) ينكسر بسرعة ووكان يوم الأربعاء .
زوج بنت خالي راح شغله بعدين جا اخوها اسمه عبدلله ولد خالي المهم جا وكان يبغا يوديها بيت امها وطبعا مع عيالها .
بعدين لما جا كانوا عيال اخته بنت خالي جوا في البيت وعبدالرحمان كان يتكلم مع عبدلله جمب السيارة بعدين امه نادته
وقالتله قول لعبدلله تعال سويت ايس كريم تعال كلوا معانا بعدين لما جا عبدالرحمان يقووول لعبدلله قال عبدلله لامولازم بس
جيبلي موية راح وجابله موية بعدين شربها وقاله بعد ماخلص روح جيبلي ايس كريم راح جابله واعطاه إياه بعدين كان في سيارة ورا
سيارة عبدلله ويبغا يمشي الرجال لكن مهوا قادر بسبب سيارة عبدلله وجا عبدلله يبغا يصلح السيارة بعدين سبحان الله لمن كان يصلحها
عشان يمر الرجال كان عبدالرحمان يلعب مع بسة ومعاه قارورة جا رماها على البسة بعدين البسة جريت ومرة من الحفرة إلي قدام بيتهم
حق الصرف الصحي وكان عبدالرحمان يجري وراها وعبدلله مو شايف كان يصلح السيارة وبعدين عبدالرحمن وهو يجري ورا البسة طاح
في الحفرة والبسة هربت وبعدين بعد ما صلح عبدلله السيارة وسار دا كله الساعة 2 الظهر وعبدالرحمان لسا مدرسته بتخلص بعد اسبوع
المهم طاح وخرج عبدلله من السيارة وكان يحسب عبدالرحمان في البيت عند امه جا دخل البيت وقال لأخته يالله نروح قالت طيب وكانت
تحسب انوا عبدالرحمان عند عبدلله فخرجت هيا وعيالها الباقيين ودخلوا السيارة وقالت ام عبدالرحمان فين عبدالرحمان وخرجه من السيارة يدوروله
ولما طاح عبدالرحمان في الحفرة كان في العمارة إلي قدام العمارة إلي يسكن فيها ولد كان يتفرج على عبدالرحمان عمره 4 سنين وهو يعرف
عبدالرحمان من زمان وشاف لما طاح في الحفرة انفجع الولد وقال لأمه عبد رحماان طاح بس ماعرف يقولها عبدالرحمان طاح في حفرة فسكت
وعبدلله واخته يدورون لعبدالرحمان من الساعة 2 ونص لين 5 العصر وعبدالرحمان طايح في موية سااااامة لمدة ساعتين ونص .
بعدين نزل الولد إلي عمره اربعة سنين هو وابوه وقال لعبدلله يقول الولد انو عبدالرحمان طااح واشر على الحفرة بعدييين انفجع عبدلله وتصل على
الدفاع المدني عشان يخرجونوا وعشان يتأكد عبدلله جاب عود طويل ونزله في الحفرة وحس انوا في احد وبعدين تطلع جزمة عبدالرحمان تطفوا على الموية
بعدين نزلوا وودوا مستشفى وبعدين الدكتور قال لعبدلله عبدالرحمان مات من قبل ساعتين :اسـفة:: :اسـفة:: :اسـفة::
http://www.alsharq.net.sa/2013/05/29/850901#comment-234482?change_theme=mobile?change_theme=desktop
بنات كل مااتذكر ابكي وش اسوي عشان انساه لأنوا كان هوا واخته إلي عمرها 10 دايما يجون عندنا
هاذي صورته
