المكونات
كيلو ريش ضاني
بصلة كبيرة مقطعة شرائح
4 ثمرة طماطم مقشرة ومفرومة
1½ ملعقة صغيرة بهارات لحمة
2 ملعقة كبيرة صويا صوص
4 ملعقة كبيرة دبس رمان
3 ملعقة كبيرة زبدة
مكعب مرقة دجاج
2 ملعقة كبيرة خل
4 فص ثوم مفروم
ملح وفلفل
دقيق
طريقة التحضير
1- تبلي الريش بالملح والفلفل والصويا صوص وسيبيها في الثلاجة لمدة ساعة وطلعيها بعد كده وغلفيها بطبقة خفيفة من الدقيق.
2- سيحي الزبدة على النار وشوحي فيها الريش الضاني من كل الجوانب، وبعد كده طلعيها على مناديل ورقية وسيبيها على جنب.
3- في نفس الطاسة، سخني زيت الزيتون وشوحي فيه البصل والثوم وبعدين ضيفي عليهم الطماطم ومرقة الدجاج ودبس الرمان والبهارات وقلبي الخليط لغاية ما الطماطم تتسبك وبعد كده ضيفي الريش المقلية.
4- غطي الطاسة، وسيبيها على نار هادية لمدة 40 دقيقة أو لغاية ما الريش تستوي، وممكن تضيفي شوية ميه لو حسيتي إن الصوص نشف ولسه الريش ما استوتش، وبعد ما تستوي اغرفي الريش بالصوص بتاعها وقدميها مع محشي ورق العنب.
