كيكات صغار بالبنان والشكلاط.

زائر

نتمنى تكونو دوزتو العيد مزيان مع عائلاتكم.
جبت ليكم اليوم كيكة بالبنان والشكلاط لذيذة وتتشهي للكبار والصغار.

2 بيضات.
1 كاس سنيدة ناقص شوية.
نصف كاس زيت.
نصف كاس حليب.
نصف معلقة صغيرة سكينجبير. نسيت مصورتهاش.

2 كيسان طحين.
2 بنانات.
2 خمارات حمرين ديال 7غ للوحدة.
1 ألزا ماء الزهر.
نصف كاس حبيبات شكلاط.
نصف كركاع مهرمش .

نخلط البيض و السنيدة والحليب والزيت وألزا ماء الزهر وسكينجبير بالخلاط الكهربائي.

ثم نزيد طحين ولخمارات. لخليط غيكون عاقد متخافوش ملي تيتزاد فيه البنان ممعوك تيترخف.

نزيدو نطربو بالخلاط الكهربائى وفالأخير نزيدو نصف مقدار حبيبات شكلاط ونخلط بمعلقة خشبية.

نكب الخليط فأكياس ورقية بعدما حطيناهم فمول المافن. ونحط عليهم حبيبات شكلاط لي بقات ولكركاع مهرمش. وندخلها للفران 20 دقيقة .

هاهي ملي خرجات.

وهاي واجدة.

تفضلو مع كويس عصير منعش.

هادي درتها كبيرة ودردرت عليها اللوز مهرمش.