موضوع: سلطة الطبقات salade montée 30/8/2013, 11:42 pm
السلام عليكم المقادير les pâtesمصلوقين و مخلطين بالمايونيز و الماييس و الفلفلة حلوة خضرة مقطعة صغييورة+خيزو محكوك غليضو مخلط بالسكر+مطيشة مقطعة صغيورة و مخلطة مع الفلفلة حلوة خضرة مقطعة صغيورة و للتزيين كتافيت بالخص و الماييس و الزيتون كحل.نتوما ديرو لي بغيتو. الطريقة كنخلطو ليبات بالمايونيز هو الاول عاد نزيدو الفلفلة حلوة و الماييس باش يبقاو باينين الالوان و مايتغطاوش بالمايونيز. كنديرو السيركل فطبق التقديم ونعملو طبقة اولى ديال ليبات ونديرو طبقة ديال مطيشة والفلفلة ونغطيو بليبات ونديرو طبقة ديال خيزو محكوك ونغطيو بطبقة اخيرة ديال ليبات ونضغطو بالمعلقة باش كلشي يتقاد ونغطيوها ب le filme alimentaire وندخلوها للتلاجة حتال وقت التقديم ونزينوها كيف بغينا. هاهي وممكن ديرو عوض ليبات الروز مصلوق حتى هو كيجي زوين وكتجي مقادة حسن من ليبات حنت الروز تيتملس مزيان وكياخد la forme ديال المول
