بعد تليفون ام فرح بصراحة ما نمتش واول مرة يتملكني الخوف يعني زي الي شاف فيلم رعب قبل النوم وبدأ يتخيليه...انا حاسيت بكده ....استغفرت ربنا وحاولت انام....لكن اول حاجة كانت تيجي عل بالي... (لو كانت علياء درويش فعلا عايشة ايه الموقف بقة)......كل ما تيجي الصورة دي في ذهني كنت اخاف بجد...يعني نكون دخلنا في حتة تانية خالص خالص...انا لغاية ما زرتها اخر مرة لسه مقتنعة انها بتتخيل وكلو تأليف...بس عندي احساس ان في حاجة كبيرة في الموضوع... من الصبح اتصلت بسمر عشان تروح معاية...وكنا قدام بيت فرح شاهين... استقبلتنا الام كعادتا بهدوء...واول ما شافتنا قالتلانا تعالوا الصالون مش عاوزة فرح تعرف انكم هنا قبل ما خلص كلامي.. قلت بتفاؤل: خير الظاهر في حجات مهمة من بصتها لية عرفت ان في حجات خطيرة حتساعدنا اوي...لقتها جابت ورقة وادتهالي... -ايه ده حضرتك - مش وصيتيني امبارح ارقب بليل فرح واكتب كل الي بتقوله في نومها -صح -شوفي قالت ايه.... بصيت للورقة.... انت خاين يا جبراان....عاوز تحبسني ليه....عذبتني ليه.....تعبانة...عطشانة.....هاتولي ريم انا اوزة ريم.... الراجل ده لو شفتو مرة تانية حموتو....مش عاوزة سلاح في البيت....خبوا الاكل....الله يرحمك يا نصار....نصار...نصار......سيبوني في حالي.....عاوزة ارجع بيتي..... -قلت لسمر: بصي على الكلمات المتقاطعة دي ممكن تطلعي بحاجة -قالت الام: انا ما فهمتش حاجة....بجد انا تعبت والله... - قربت من الام وقلتلها بحنان: معلش...صدقيني العلاج النفسي مش سهل...بياخخد وقت -انا لو علية اخدها اخر الدنيا واهم مصحات العالم بس مش عاوزة نتفضح في العيلة انا باعدةعن كل الناس لا بروخ ولا بجي مش اوزة حد يعرف ايه الي بيحصل لبنتي وخايفة حد يسمع الكلام الفاضي الي بتقوله يقولو عليها مجنونة... -سمر: اسميني يا مدام....الي قالتو بنتك مهم..لان في النوم صعب الواحد يألف...يعني ممكن هي وفي وعيها تخترع تألف ..انما في النوم دي حالة لا وعي...يعني ممكن تجزمي ان كل الي بتقولو صح...صدقيني...بنتك عندها حالة من تملك شخصية غير شخصيتها عايشة بيها ومقتنعة بيها في وعيها وعدم وعيها -قالت ام فرح بخوف: ايه ييعني...البنات ضاعت -قلت بصبرها: لا...اي حاجة في الدنيا ليها حل ...انا بقترح ناخدها الطبيعة نطلعها الجبل ايه رأيك -ماعنديش مانع تمام وفعلا طلعنا كلنا مع فرح الجبل..واخدنا شوية حجات معانا على اساس نقنعها ان دي رحلة....اخدتهم بيت خالة ماما في ضيعة اسمها كفريا في الكورة...كلها شجر وبيتوها ريفية وجميلة...عايشة لوحدها...استقبلتنا ورحبت بينا ...فرح من اول ما وصلت ما شلتش عيني من عليها...بصاتها ونظراتها...كل حاجة... البنت سرحت في عالم تاني..ما نطقتش...بتلف ف ي البيت وتطلع برة ناحية الشجر...وتتأمل...جنب بيت خالة ماما...في بيت ريفي صغير...صاحبته كانت قاعدة برة بتخبز وبتعجن على التنور (بتعمل عيش زي فطير وحجات زي دي على الحطب)قربت منها فرح وقالت.. -ممكن اساعدك... -بصتلي ام يوسف وقالت: ازيك يا ورد لوحدك.. -اهلا يا ام يوسف لا معاية جماعة بنزور خالتي -مين الحلوة دي(قصدها فرح) -دي بنت صاحبتي -رجعت فرح كررت عليها السؤال: ممكن اساعدك.. -الست احرجت وقالت: اتفضلي راحت فرح مشمرة على ايدها..وقادة زي ما بيقعودو اهل القرى اما يعجنو او يخبزو ....ومسكت عجينة ولفتها في ايدها ولا اجدعها فران ....ومدت العجينة على التنور....انا ذهلت بجد..وام يوسف تبص لفرح ومستغربة...لقتها فرحت وقالت.. -ماشاءالله يا بنتي ايه الشطارة دي مين علمك... -راحت فرح نفضت ايدها وقامت وقالت: من زمان ان كنت بخبز كل يوم الصبح... -اه كويس...انتي ساكنة هنا يعني.. -احرجت ومسكت فرح وقلت لام يوسف : سلام نشوفك بعدين(خفت ل احسن يطور الموضوع اكتر ) دخلنا جوة وفرح قعدت عادي....وجريت على سمر وقلت.. -الحقي دي البنت بتعرف تعجن وتخبز ولا اجدعها فران -قالت ببرود: فيها ايه عادي -قلت بعصبية: ايه هو الي ع ادي....بنت عندها 8 سنين تعجن...وتخبز بطريقة فنية...مش شايفة اهلها ووضعهم...دول الخدامين في الشقة اكتر من الي ساكنينها ...بقلك عجنت وخبزت بطريقة فنية رهيبة كأنها متعودة طول عمرها على ده.... -نتكلم بعدين عيب يا ورد سايبين الجماعة لوحدهم... رجعنا بعد ساعة تقريبا وانا عيني على فرح....بجد البنت دي حتجنني ...اول ما وصلنا البلد..جري انا وسمر عند الاستاذ خليل...اطلعه على اهم الي حصل.. اول ما دخلت مكتبه سلمت ليه وقلتله.. -دكتور خليل.....البنت عرفت تعجن وتخبز ولا حريفة...بإتقان -بصلي وقلي:بتشكي ففي ايه -انا ضعت بصراحة....مش بشك في حاجة -قالت سمر: اصل ورد شايفة ان الموضوع اكبر من مرض نفسي...اما توصل انها تتقن حجات الستات الكبار المتمرسين في الحجات دي يعملوها يبقى مش موضوع مرض نفسي.. -قلت: انا من اول ما سمتها بتغني لنجاة عرفت ان البنت دي مش بتعاني من مرض نفسي.. -قال الدكتور وهو بيحاول يكسر حماسي: مش يمكن شافت حد بيخبز او اتعلمت منو مش يمكن تكون ذكية بتلقط بالنظر... -سمر: انا فكرت بده بردو قلت باصرار:لق...الحجات دي زي حركة الايد وازي بترفع الرغيف وتمده محتاجة خبرة طويلة... -عاوزة تقولي ايه -اديت الورقة للدكتور وقلت: شوف الكلامات المتقاطعة دي حضرتك...ده كلام في نومها يعني مش ممكن يكون هلوسات... -مين قلك يا ورد...حتى الهلوسات ممكن تتملك الشخص وهو نايم -بس فين دور الوعي لو قلنا بتخرف او بتألف دي نايمة.. -قالت سمر: ورد اعتقد ان الموضوع اكبر مننا خلينا ننسحب... -قلت بثقة:خلوني بس الاول اتأكد من حاجة... -ايه هي؟؟ -علياء درويش دي حقيقية ولا لق.. رجعت لدليل التليفونات ودورت كتير حتى رجععت لدليل سنة 90...مافيش... قلت يمكن ما يكونوش فكروا في حياتهم يركبوا تليفون....اهل القرى عادة ما بيهتموش ....طب انا بدور في حجات قديمة ليه...ماا دور في الجديد...مش قالتلي ان اسم ابنها الكبير ...كريم جبران درويش..يبقى ادور على اسمه مش يمكن يكون دلوقت عنده تليفون باسمه ولو وصلتلو حوصل للحقيقة... وفعلا دورت على اسمه ولقيت اكتر من 50 حد يحملو نفس الاسم... واتصلت بيهم كلهم....اول ما يردو استفسر عن اسم الام ...يقولو لق فقوم قافلة علطول... معظم المناطق اللبنانية...لغاية ما وصلت للجنوب.... اتصلت بكريم جبران درويش....ردت بنت صغيرة.. -الو.. -اهلا... -ممكن اكلم الاستاذ كريم.. -اه مين حضرتك.. -قوليلو ورد... -حاضر... -مش عارفة ليه خطر ببالي اسألها: انتي اسمك ايه -قالت ببراءة:هند بجد حصلتلي صاعقة...هند...صح...هند...فرح قالتلي ان حفيدتها اسمها هند... عقبال ما جيه الاستاذ كريم يكلمني كنت في شبه غيبوبة وقلبي بيطرق جاممد... -الو...الو.. -اه اه الو مساء الخير -مين حضرتك -انا الانسة ورد..انا بسأل على حد اسمو كريم جبرن درويش... -انا كريم جبران درويش.. -حضرتك والدتك اسمها ايه..؟ -قلي وزي الي مش معبرني: ليه بقة -لا عشان اتأكد انك الشخص الصح اصل في موضوع كده بس انا مش عارفة اذا كنت المقصود بس من اسم الام حعرف...اسم الوالدة ايه -قلي ببرود بس صدمة لية: علياء درويش... اوبااااااااااااااااااااااااااااااااا.......علياء درويش حية... انا قفلت السمة في وش الراجل من الصدمة..فضلت 5 دقايق مبلمة..حتى يوميها ماما دخلت علية القودة انا كنت مخطوبة لسه ما تجوزتش ....دخلت ماما لقتني مبلمة ...قالتلي مالك.. -قلت ببرود: علياء درويش عايشة -نعم مين دي اول حاج عملتها اتصلت بخطيبي اصل ما قلتلكمش انو كمان زهق من فرح شاهين علشان كل ما كنت بشوفو بكلمو عنها فكان قايلي سيبك منها دي عيلة وبتلعب بيكم فأول حاجة عملتها اتصلت بيه وانا فرحانة وبقلو.. -علياء درويش موجودة حقيقية... واتصلت بسمر.....التانية بلمت بردو... -الو سمر بقلك علياء درويش عايشة.. -ورد...لخبطيني بجد... -بقلك عايشة موجودة..فرح مش بتتخيل دي حقيقة...انا متوترة مش عارفة اتصرف.. -اهدي طيب انا حاسة ان رح دي بعد ما تخف حتجننك انتي -ما يهمش المهم وصلت لحاجة..انا حرن لاستاذ خليل فورا -استاذ خليل سافر تركيا راجع بعد بكرة من شوية كلمتو -قلت بذهول : نعم!!!!!!!!!!!!!!1 -اه يا ورد -يا سلام سابنا غارقانين ومشي اعمل ايه انا طيب....انا حولع ...لازم نتصرف يا سمر..البحث ده لينا بوجوده او عدمه لازم نتصرف...اشوفك بعد ساعة نتكلم برة اوك -ماشي علياء درويش موجودة...طيب...تمام كده..الموضوع بقة اسخن..ودخلنا في مواضيع تانية خالص... طيب ايه يعني انها موجودة؟؟؟؟ قعدت اضحك....منا مش عارفة اتصرف..ايه يعني موجودة..؟؟؟؟؟ معناها؟؟؟؟؟تناسخ ارواح....طب ازاي مستحيل.......روح واحدة جسد واحد...زي ما بيقول الاستاذ خليل... طب ازاي فرح اخدت روح علياء درويش ....روح فرح فين؟؟؟ طب لو اخدتها فعلا يبقى دلوقت علياء من غير روح؟؟؟ طب عايشة ازاي؟؟؟ قبل ما اتصرف اي حاجة شفت سمر وقعدت معاها نشوف حنعمل ايه في غياب الاستاذ خليل... حطينا انا وسمر كل حاجة قدامنا...من اول ما شفنا فرح في البيت ....لغاية الرسومات...ونجاة الصغيرة...وحادثة العجن...لغاية ما وصلنا ان علياء درويش موجودة...وحطينا خطوط عريضة...كان لازم نعرف معلومات اكتر عن علياء درويش...ساكنة فين..هي مين..ونتأكد من حجات كتير نقارنها بلي بتقولو فرح..ونقرر بعدين نعمل ايه.. قالتلي سمر: اسمعي يا ورد انتي مش بتقولي كانت متعلقة بجدتها اوي -اه -طب مش يمكن تكون جدتها كانت اصحاب مع علياء درويش من زمان وحكتلها عنها والبنت حطيت في دماغها الكلام بعد موت جدتها وبتتخيله مهو سهل اوي لو ذكية تحفظ كل حاجة عن علياء دي..من جدتها... -قلت وانا بفكر: معقولة كل ده تكون الحكاية بالبساطة -اه يا ورد لازم نتأكد من الموضوع ده قبل اي تصرف... -انا حرجع اتصل بكريم ابن علياء -حتقوليلو على الموضوع -لا حخلي يخليني اكلم علياء شخصيا اتصلت بام فرح واخدت اسم الجدة منغير ما اقلها ليه عاوزاها...ما حبتش اعرفها حاجة قبل ما نعرف حنتصرف ازاي... رجعت اتصلت بكريم جبران درويش...ما حدش رد..يوميها كنت انا وسمر زي الي قاعد في النار حيموت عشان يخرج.... لغاية تاني يوم وانا بحاول اتصل...واخيرا رد.... -الو استاذ كريم -ايوة -انا ورد الي كلمت امبارح اسفة الخط معاية قطع... -مش مشكلة اتفضلي.. -انا اصلي معاية امانة لازم اوديها لوالدة حضرتك علياء -امانة ايه؟ -امانة من جدتي ليها....الظاهر يعرفو بعض وقالتلي قبل ما تسافر اودي دي لعلياء درويش وقالتلي اسم جوزها وانا عمالة ادور... -قالي اسم جدتك ايه(قولتلو اسم جدة فرح الي ماتت): اسمها نعمة علي -لا ما سمعتش قبل كده عنها....خالص...احنا ما نعرف حد في الشمال طول عمرنا عايشين في الجنوب... - طب ست علياء فين ممكن اكلمها؟؟ -علياء والدتي يا انسة اتوفت من سنة.... -نعم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ادي الصدمة التانية الي اخدتها....لقتني بقولوا فورا.. -استاذ كريم...في موضوع خطير لازم اشوفك واطلعك عليه في حياة او موت شخص ..لو سمحت.... اخدت عنوانو....وانا مش عارفة اتصرف ولا اقولو ايه...ولازم كان فرح تروح معاية بس سمر اقترحت انو في الاول نروح لوحدينا وبعدين تروح معانا فرح عشان نهيىء اجوويكون استاذ خليل رجع مش نتصرف من نفسنا... تاني يوم كنت انا وخطيبي وسمر واخوها متوجهين الى جنوب لبنان قطعنا مسافة اكتر من 200 كلم...لغاية ما وصلنا للمنطقة الريفية الي عاوزين نروحها...وصلنا لبيت ريفي جميل دلونا انو بيت كريم جبران درويش..وانا عمالة ابص شمال ويمين...وما نستش اخد معاية الصورة الي رسمتها فرح للعيلة كلها... اول ما وصلنا استقبلنا ست عرفتنا على نفسها انها مراتو...وراها شفت بنات صغيرة الظاهر انها هند...بصيت للرسمة وبصتلها....تمام...تماام...زي الرسمة تمام....اغلضفاير..لون العيون..الطول....ومن الرسمة عرفت الي طلع من باب البيت انو الاستاذ كريم نفس الرسم والدقن الخفيفة والحجم... رحب بينا من غير ما يعرف سبب زيارتنا.... دخلنا عادي وسأل وقال.. -مين الاسنة ورد -قلت باحراج: انا حضرتك الي كلمتك -انتو شرفتونا ايه بق موضوع الحياة او الموت - في بنت اعتقد انها بتشوف الست والدتك في منامها...يعني في الحلم...وبيتكرر معاها كتير...وعن تفاصيل كانت بتعيشها الوالدة الله يرحمها... -قال بذهول: والدتي؟؟؟الله يرحمها..فين البنت دي -- مش معانا دلوقت انا قلت اتعرف عليكم لأني انا المدرسة بتاعتها وكنت فاكرة ان البنت بتألف من دماغها بس لما عرفت ان فيه في الحقيقة حد اسمه علياء درويش تأكدت انها بتحلم صح... (بصت لية سمر زي الي بتقولي كويس انك ما قلتليوش الحقيقة...اكيد حيطردنا ويقول دول مجانين...) -قلي: وانا دوري ايه -انا بس عاوزة اعرف شوية تفاصيلعن الوالدة اشوف كانت ساكنة فين طباعها ظروف حياتها.. -بصلي زي الي ما عجبوش الكلام فتدخلت سمر وقالت: استاذ كريم انا عارفة ان دي خصوصيات بس صدقني الموضوع حيساعدنا اوي في علاج البنت لأن اهلها فاكرينا مجنونة وان الاحلام دي مش صحيحة... -هز براسه وقال: وانا ممكن اساعد ازاي -قلت بحماس: بس جاوبني على شوية اسئلة ووريني المكان الي عاشت فيه علياء درويش.. -ماشي هو البيت بعيد شوية عن هنا عقبال ما نشرب حاجة نروح... -طب جاوبني على الاسئلة دي.. -اتفضلي.. -هي والدتك اتوفت ازاي؟؟ -مرضت وماتت في سريرها... -والدك جبران درويش فين؟؟ -مات....قبلها بسنة... -ازاي؟؟؟ -بردو مرض ومات.. -قالت سمر: عفوا على السؤال هي والدتك كانت بتسمع نوع من الموسيقى تحب حد من المطربين -اه .....كانت تسمع لنجاة بعض الاحيان... -ابتسمت ابتسامة نصر وقلت: هو والدك ما ااتجوزش غير والدتك -لق اتجوز من بنت صغيرة وللاسف امي اتقهرت كتير واتعذبت اوي... -هو حضرتك ابنها بس ولا في حد تاني؟؟؟ -لق في ريم وكمال .... -قلت بثقة: ونصار؟؟؟؟؟؟؟ -فتح عينيه بذهول وقال: تعرفي نصار ده جوز اختي الي مات في حادثة عربية.نصار...طلع جوز ريم الي مات في حادثة عربية..معاها حق فرح شاهين... اخدنا بعدين كريم لبيت علياء الي مقفول من يوم ما ماتت لانها عاشت فيه لوحدها في الفترة الاخيرة.. تخيلو يا جماعة اني قدام البيت شفت زي فرن صغير ده الي بيستعملو عشان يخبزو بيه العجين بتاع الفطير المدور..اول حاجة سألتها لابنها. -هي ماما كانت بتعرف تعجن -قلي بسرعة: ياههههههههه دي متخصصة في الحجات دي ...تخيلي كانت كل الضيعة تحب تاكل من خبزها...محترفة في رق العجين ومده كان الكل يحب يتفرج عليها وهي بتعمله... قلبي دق بسرعة وبصينا لبعضنا انا وسمر زي الي مش مصدقين....وافتكرت فرح يوم ما رقت العجين باحتراف ايام ما اخدتهم عند خالة ماما... يعني انا افهم ان ممكن تكون روح علياء في فرح بس التصرفات يا جماعة..التصرفات..............نفس التصرفات والحرفية المظبوطة.. فتح باب البيت...دخلنا...في صورة جوة البيت متعلقة على الحيطة.... صورة العيلة كلها... حتذهلوا يا جماعة بجد حتذهلوا....الصورة المتعلقة على الحيط في ناس قاعدة وناس واقفة وبتراتبية معينة... فرح راسمهم هما نفسهم بنفس الترتيب ونفس الطول والاحجام وزي ما هما ناس واقفين ناس قاعدين.... مسكت الصورة الي رسماها فرح وحطيتها تحت صورة العيلة المتعلقة على الحيط وبصيت لكل الي معاية..... قعدوا يطلعوا في الصورتين بذهول... قام كريم فاتح بقة وقال: ايه ده؟؟؟منين الرسمة دي قلت وانا عيني بتدمع: دي رسمة فرح شاهين... قرب واخد الصورة مني وعنيه هود دمعت وقال: انا عاوز اشوف البنت دي .... قبل ما نروح طلبت اني ادخل قودة علياء درويش الي قال كريم انها ماتت على سريرها من المرض... المفاجأة ااتانية كانت بقة ان القودة كلها مدهونة باللون الاخضر... بلعت ريقي وقلت: هي القودة ليه مدهونة كده -قلي: الوالدة طلبت كده لانها اما مرضت بطلت تقدر تطلع برة البيت وكانت بتحب الاشجار والطبيعة فطلبت نعملها باللون الاخضر عشان ما تبعدش على الجو الاخضر الي برة..... قربت من سريرها وقعدت المسه....ودولابها ....وحجاتها الصغيرة....في جنب السرير...مسبحة....سألته.. -لمين دي؟؟ -دي لماما كانت ما بتفرقاهاش قبل موتها بتسبح بيها ربنا -ممكن اخدها معاية -اه اكيد... -حردها صددقني المرة الجية حتلاقيني هنا مع فرح شاهين... -يا اهلا بيكم... قبل ما اروح قلتله.. - هي علياء درويش كانت بتحب والدك؟؟؟؟ -ضحك ضحكة يأس وقال: عمرها...خاصة بعد ما اتجوز عليها.... -قلت بثبات: الي اتجوزها اكيد كانت يا جارتكم يا الشغالة عندكم -قلي وهو مصدوم: عرفتي ازاي...صح كانت الشغالة عندنا... -ضحكت بلا مبالة وقلت: واكيد والدتك ...(سكت ) -بصتلي سمر زي الي بتقلي اوعي تنطقي ......بس ما همنيش ....وقلي: قصدك ايه...كانت والدتي ايه -شافت خيانة قبل ما يتجوزها ابوك... -قرب مني زي الي عاوز يضربني: انتي عرفتي ازي مين قلك جبتي الكلام ده منين... -قمت قلت مقطع من اغنية نجاة: لا تكذبي اني رأيتكما معاً...عيناكي في عينيه...شفتاك في شفتيه..لا لا...لا تكذبي... -لقيته حط ايده على عينيه وبدأ يبكي...... وقال: امي اتعذبت اوي قبل ما تموت...اوي... سبناها....وانا في العربية ما حطتش منطق زي ما بيقولو..وعيني بتدمع يا جماعة صدقوني مش عارفة ليه..معقولة ده..ولا في الافلام..ده انا لو خشيت فيلم رعب كان يمكن اقول خيالات هبلة...بس انا في الواقع...الكل يكلمني وانا بقلهم.. مستحيل..مستحيل..مستحيل.. بليل....قعدت في قودتي لوحدي...في ايدي مسبحة علياء درويش....ما نمتش وهي في ايدي.... الصبح....كان الدكتور خليل جيه..... اطلعناه على كل الي حصل....وكان متفاجىء ومذهول...وصمم يروح معانا ومع فرح عشان نراقب ايه الي حيحصل اما فرح تشوف كل ده بعنيها... رحت انا وهو وسمر بيت فرح شاهين...استقبلتنا الام وشرحنالها الوضع الي حصل... وقفت وضربت بأيدها على وشها.. -انتم ايه الي بتقولو ده لالالالا قولو كلام غير ده ارجوكم.. -سمر: والله كان نفسنا بس حقيقة الي بتقولو فرح حقيقة... -طلعت من شنتي مسبحة علياء درويش وادتها للام وانا بقول: شوفي دي...مسبحة علياء دروويش.... -مسكتها وهي مرعوبة وقالت: لق....يعني بنتي ايه...انا مخلفة مين؟؟؟ يعني ايه اشرحولي...بنتي دلوقت مين...ازاي ...طب ازاي...يا جماعة حد يقلي حاجة.. -قال الدكتور خليل: يا مدام اهدي...اسمعيني انا مش حقدر اصرح بالحالة غير اما اشوف ردة فعلها اما تروح معانا بيت علياء درويش ....بععدين حقلك تصوري وما تخافيش ما تخافيش...صديقين بنتك عندها قدرة ذكاء رهيبة في دماغها..انا دلوقت مش قادر اشرحلك..خليني بس اشوفها وهي في بيت علياء درويش.. -قالت برعب: قصدكم ايه حتروح هناك,,,,,لالا...اخاف يحصلها حاجة ووالدها مش موجود اصلا.... قعدنا ساعة نقنعها بضرورة ان فرح تروح معانا.....لغاية ما اقتنعت على اساس تقول لوالدها .... اتصلت بيه وكلم الدكتور خليل واطلعه على كل حاجة..وطلب ان فرح ما تروحش لاي مكان قبل ما يجي خلال يومين فورا.... قلنا الي استنى الوقت ده كلو مش حيستنى يويمين...ماشي.... دخلت قودة فرح قبل ما نروح....لقتها قاعدة بتقرا في كتاب... قلتلها: ازيك يا فرح... -كويسة.. -عارفة جبتلك ايه -قالت بهدوء: ايه حطيت المسبحة في وشها....لقتها بصت عليها ..اكتر واكتر...اكتر واكتر....راحت قايممة...واخدها مني....بصت ليها كويس....ومسكتها وقعدت تسبح ربنا بيها يا جماعة...بهدوء رهيب.... قلي الدكتور بهمس: سيبوها خلاص... وفعلا سبناها....وروحنا على اساس يجي والدها بعد يومين ونروح كلنا بيت علياء من تاني... كان الانتظار ما تتخيلوش عامل ايه معانا ومعاية انا شخصيا.... وجيه و الدها وجيه اليوم الي نروح فيه...كانا في عربيتين...صممت اني اكون جنب فرح عشان اراقب نظراتها واحنا بنوصل... وكنت مستعدة لاي حاجة...مع فرح شاهين بجد احساسي وانا في العربية جنب فرح واحنا رايحين بيت علياء لا يصوف..شيىء من الرهبة والخوف...يعني تخيلو صعوبة الموقف..البنت رايحة المكان الي بتقول انها منه..وليها اولاد واحفاد وبيت...يعني ممكن يا تتصدم..يا تتجنن اكتر..يا تنهار...في اكتر من احتمال...بس الوضع العام يدل ان الامور ماشية كويس... انا كانا كل ما قربنا اكتر من المنطقة قلبي يدق اكتر واعرقققققققققق كأني رايحة امتحان صعب...وخاصة ان على عاتقنا انا والاستاذ خليل وسمر كان كل المشوار لان الاهل كانو خايفين اوي ومش عاوزين بنتهم تتعرض للموقف فده..فربنا يستر... كنا كل ما قربنا اكتر فرح تتنفس بحرية اكبر كأنها رايحة مكانها يا جماعة...تخرج راسها من الشباك كأنها عاوز تتطير لهناك..لعلياء درويش..... وصلنا وقفنا قدام بيتها....كان الكل متجمع...كريم وكمال وريم والاحفاد....بإشارة من الاستاذ خليل لكريم فهمه انو ما حدش يتكلم ... سبناها\ حنشوف حتعمل ايه خاصة انها ما تعرفش هي جاية فين....عشان كل حاجة تكون طبيعية لقيتها بصتلي وضحكت زي الي بتوقلي(شكرا انك جبتيني هنا) ووقفت قدام ابناء علياء وقالت.. -انت كريم ابني...وانت كمال..وانتي ريم..وده جبران..ودي هند... حطيت ايدي على راسي وكلنا بصينا لبعض..... دخلنا وراها...اتوجهت فورا لقودة علياء....قعدت بهدوء على السرير...وحطت راسها على المخدة..غمضت عنيها...وطلعت المسبحة من جيبها وسبحت ربنا.... لقينا كريم بيبكي..بيبيكي يا جماعة ويقول..ماما كانت في الوضعية دي قبل ما تموت... لقينا ام فرح بتصرخ وتقول..: يعني بنتي ماتت..فرححححححححححححححح بس فرح فتحت عنيها...وبصت للكل..وبجد راحت في غيبوبة... ما فقتش...ما فقتش يا جماعة.....اضطرينا نرجع...اخدناها المستشفى وامها بتنوح وتقول بنتي مماتت.... وانا اتوترت وحالات...الا الاستاذ خليل..بصلي وقلي..(حترتاح) المشكلة انتهت... حترتاح ازاي مش عارفة...بس انا شايفة الوضع متأزم خالص.... بعد 5 ساعات فاقت فرح وكلنا حواليها طبعا الا ابناء عليا الي فضلوا هناك....فتحت عنيها ونادت على امها... وبتقول: في ايه يا ماما بتعيطي ليه مالك .... بجد كأن البنت في عالم تاني وصحيت منو...قمت بشكل غير واعي بدل ما نادي عليها بفرح ناديت علياء.. -علياء... -بصت لية وقالت: مين علياء؟؟؟؟؟؟؟؟ بصلي الاستاذ خليل وضحك....ضحكت انتصار... كان يوم رهيب وواقعة اغرب يا جماعة اخدت مني جهد كبير بس انتهت على خير..... بعديها قعدنا انا وسمر والاستاذ خليل...واتكلمنا في كل حاجة....ودلوقت حفسرلكم كل كلمة قالها الدكتور خليل بالضبط عن حالة فرح.... الكل افتكر يا لبسها جن يا تنساخ ارواح يعني روح علياء جت فيها يا مجنونة...انما الحقيقة هي كالتالي.... عارفين الراديو؟؟اه الراديو..وانتم بتسمعو راديو ازاي؟؟ موجات الصوت تتلقط من الهوا وتجي الراديو ونسمعها من خلال جهاز معين... هو ده الي حصل مع فرح شاهين.... ازاي؟ حقلكم.... عقل كل انسان يا جماعة عامل زي الراديو..اي حاجة بنفكر فيها او بنقولها بتضيع في الفراغ...وجوا العقل حجات زي حجات عصبية معينة عامل زي اشكال صغيرة لازم حجات تطبق عليها عشان توصل .... وربنا خلق الحجات دي بين الناس عشان يحسو ببعض والا كلمة احساس جت منين ودي منلاقيها بين الام وابنها الاخ واخته التؤام...بيحسو ببعض اوي لو حد حصلو حاجة تلاقيه التاني يحس علطول.... وفي ناس عندها قدرة تلقط حجات كتير من الهوا وتقلها وتعرفها...زي الي يعرفو حيحصل ايه بعد شوية..او يحسو ان في حد جي..او حيحيصل كذا... موجات عقلهم طبقت على موجات عقل حد تاني فعرفوا بيفكر في ايه نفس الكلام الي حد تاني قالو من غير ما يعرفوه يا جماعة.... ده الي منسمي توارد الخواطر...ياما ناس تقول نفس الجملة مع حد في نفس الوقت...او يدندنو اغنية يلاقو بعد شوية حد بيغنيها ما يعرفهوش... ده الي بقولو بالضبط وده بيحصل معاكم كلكم انما بدرجات معينة على حسب موجات عقولكم..وعلفكرة الحجات دي بتذداد مع الحب..يعني لو حبيتي حد قوي..موجات عقلك تركو معاه جدا..وتتابعو...وتلقط الي بيفكر بيه والحجات دي مكن تكون على مسافة معينة 10 امتار او اكتر...بس في حالات الذكاء ممكن تبقى فوق 200 كلم زي ما حصل مع فرح او بلدين م ختلفين... في حدودتة عن شخصين اصدقاء اوي كل واحد منهم في بلد...الاتنين كتبو على ورقة في نفس الوقت حجات وكلمات غير مفهومة بنفس الطريقة ونفس الحروف وحجات غير مفهومة على الاطلاق وده من زمان اوي...وده العللماء فسرو بتوارد الافكار او موجات العقل المتطابقة...موجة تطير في الهوا وتيجي تطبق على عصب في دماغي وبكده اقول الي حسيت بيه من غير تفكير.. ده الي حصل مع فرح شاهين يا جماعة..البنت ذكية...اوي اوي..حالة الحمى الي جتلها متطابقة مع حالة الحمى الي صادفت علياء درويش....في الفترة دي كل الي كانت بتفكر فيه علياء درويش...جيه وطبق على موجات فرح العقلية في نفس الظروف ونفس الازمة بتاعتههم....خاصة ان توارد الافكاربيبقىى قوي وسريع اوي في الازمات زي المرض والحزن لان ساعتها العقل والاحساس يكون في اوج حركته والاعصاب والموجات قوية اوي اوي ممكن تروح مسافات.... والي حصل مع فرح انها وصلها من علياء مش بس افكار كمان صور معينة..لان علياء في عز مرضها وحزنها كانت بتفكر قبل ما تموت بكل حاجة حصلتلها خلاص حياتها.... اولادها احفادها خيانة جوزها ليها....حبها للعجن...كل حاجة....وصلت لفرح..وفضلت في دماغها ونفذتها اما صحيت من الحمى بتاعتها بعد وفاة جدتها....لان وقت الحمى الي كانت فيه فرح هو نفس الوقت الي كانت علياء فيه على فراش الموت..الظروف كلها مع ذكاء فرح وقدراتها العقيلة ال غير عادية هيأت ده... دي الحالة يا جماعة.....بجد..ربنا خلق الانسان بقدرة رهيبة....رهيبة...احنا عندنا عقل يفوق الخيال بالقدرة بتاعته.. ما اقدرش اقول في الاخخر غير سبحان الله.. وعلفكرة البحث ده خدت فيه وسام التميز في الجامعة انا وسمر....وكنا اول ما لفت انتباه الطلبة للموضوع ده الي سمي في ما بعد(الاستقبال) بحبكم اوي اه علفكرة فرح رجعت طبيعية اوي اوي ونسيت الفترة دي من حياتها كلها..... النهــــــــــايه
Hitskin.com
موضوع: رواية رعب حقيقة عن طفلة تقول ان عندها اولاد واحفاد الجزء الثاني 
