ابعتذر ومنك العذر والسموحه
هذا العذر جاك من شخص غلطان

ابعتذر لك يا بعد قلبي وروحه
والندم فيني كسر القلب ولهان

ابعتذرلك عن خطأ شرّف بروحه
ما كنت قاصد اسفهك ياعز انسان

ابعتذرلك والقلب كاشف شروحه
واحكم علي بالموت ان كنت خوان

العذر مشروح وواضح صروحه
باقي انتظار الحكم ومنك الاعلان

ان كنت غلطان فلك سري ابوحه
ما ني بندمانن اذا بحت يافلان

راضي بحكمك والله وراضي ببوحه
ولا اجادلك يا حب ان قلت غلطان

القلب يطلب رضاك غاية طموحه
متعشم بحبك والقلب عطشان

كنت اعتبر حبنا رسمه ولوحه
اول معي بالقلب واليوم ضميان

مديت لك يدي طالب سموحه
ونخوتك ما تردني اليوم خسران

القلب في غيبتك تنزف جروحه
ينتظر عطفك والحب لي كان

حبنا ارجوك لا تكسر جموحه
لا تبخل علي وانالك حيل شفقان

أقسم بحبي لي شامخ وضوحه
حبك بقلبي دوم يا غالي الاثمان

que3n
سيسو

ممنووع اححد ياخذها إلا ويكتب اسممي عليها لآني انا كتبتها