Hitskin.com

موضوع: مستحيل احب غيرك 1/5/2014, 5:21 pm

تذكير بمساهمة فاتح الموضوع :

مستحيل احب غيرك ..

للكاتبه: حمالة الاسيه ..

الشخصيات :

بوعبدالله ((خالد)): انسان طيب و حنون .. عنده شركة مقاولات كبيره يديرها مع اخوانه ..

ام عبدالله((شيخه)): طيبه و ماتشل في خاطرها على احد ..

عبدالله ((البجر)): 28 سنه مدير الماليه في الشركه .. غاااااااوي ابيضاني طويل و عيونه سوده ..

حمدان: 26 دكتور قلب .. وسيم و عيونه عسليه على امه ابيضاني .. خقاق درجه اولى ...

جاسم: 26 سنه توأم حمدان يدرس في بريطانيا اخر سنه يتشابهون واااااايد و محد يقدر يفرق بينهم ..

ريم: 21 سنه تدرس في الجامعه فنون .. تعق الطير من سماه .. بيضه و عيونها عسليه على امها ..

بومحمد ((ناصر)): انسان قلبه كبير ..

ام محمد ((عاشه)): حنونه و ماتعرف درب للزعل ..

محمد ((البجر)): 27 سنه ضابط .. عيونه سوده بشرته بيضه و غااااااااااوي ..

طلال: 26 سنه يشتغل مهندس في احدى الدوائر الحكوميه .. و يشبه اخوه واااااااااايد بس عينه عسليه ..

دلال: 21 سنه ..صدفه حلوه انها انولدت في نفس اليوم اللي انولدت فيه ريم و هو الثنتين واااااااايد مع بعض .. تدرس اداره و اقتصاد ..

بوسلطان ((علي)): انسان حنون و طيب ..

ام سلطان ((مريم)): انسانه حكيمه و طيبه ..

سلطان ((البجر)): متزوج من بنت خالته ((العنود)) و عندهم ولد ((احمد)) خمس سنين مدير العلاقات العامه في الشركه ..

خليفه: 27 سنه طيار .. عيونه سوده على ابوه .. شعره شوي طويل بس حلو ..

هزاع: 26 سنه توأم روح حمدان و طلال .. يحب الشعر ..يشتغل في احدى الدوائر الحكوميه ..

هيا+نوره: توأم 20 سنه اول سنه جامعه اداره و اقتصاد ..

بوذياب ((ابراهيم)): مع اخوانه في الشركه و نفس الصفات طيب و متسامح ..

ام ذياب ((موزه)): طيوبه و حليوه ..

ذياب: 27 سنه وحيد امه و ابوه و يشتغل في الشركه .. وسييييييييييم ماشاء الله عليه ..

بو راشد((عيسى)): عنده شركه في ايطاليا ..

ام راشد: متوفيه من سنتين ..

راشد ((البجر)): 28 سنه خقاق درجه ثانيه بعد حمدان يدير الشركه في ايطاليا مايرجع الا مره وحده في السنه ..

حميد: 26 سنه غرشوب و عليه حركات و سوالفه حلللللللللللوه ..

اليازيه: 20 سنه مع هيا و نوره في الجامعه و حللللللللوه ..

يوم الاربعاء في بيت بوعبدالله ..

في غرفة حمدان ..

حمدان: اشتقت لك ياخي ..

جاسم: حتى انا ياتوأمي ..

حمدان: متى الرجعه ان شاء الله ؟؟

جاسم: والله لحد الحين مب متأكد .. و بعدين انت تعرف انها آخر سنه و علي شهاده و امتياز ان شاء الله ..

حمدان: الله يسمع منك ..

جاسم: شحال الاهل ؟؟؟

حمدان: و الله الكل بخير بس امايه كل ماتسمع طاريك تصيح ..

جاسم: ههههههههه ..فديتها الغاليه بكره باتصل لها ..

حمدان: لالالالا لاتتصل ...

جاسم: ليييييييييييش ؟؟؟

جمدان: بعدين بتقعد تصيح و محد بيقدر يسكتها ..

جاسم: عنلالالالالالالالالاتك يالخام تعرف نحاسه فيك بتصل فيها ..

حمدان: انت بس ارجع البلاد و برد لك بدل الصاع صاعين ..

جاسم: فديييييييييتك توأمي ..

حمدان: هيه هيه حق المصلحه مافي احسن عنك ..

جاسم: شفت عاااد طالع عليك ..

حمدان: يحصل لك تطلع علي انا دلوع الكل ..

جاسم: هههههههههههههه مبين كل دقيقه و الثانيه امايه تصارخ عليك ..

حمدان: خلك مني شحال احمدووووووه ؟؟؟

جاسم: بخير مايشكي باس ..

((احمد ربيع جاسم في الدراسه عمره 23 سنه كل صفات الجمال فيه)) ..

احمد وهو يصارخ: اصغر عيالك احمدووه يالسبال ولا لاعب معاك تيله ..

حمدان: لعنبوه هب اذن عليك شلون سمعت ؟؟؟

احمد وهو يسحب السماعه من جاسم: لا يكون على بالك مااسمع و اطرش مثلك ..

حمدان: ههههههههه شحالك الغالي ؟؟؟

احمد: الحمد لله مانشكي باس ..

حمدان: ها مافي شي مني مناك ؟؟؟

احمد: الا فيه كثر شعر راسك و كلهم عن جسيم ..

جاسم: شوووووووووو؟؟؟؟ .. احمدوووه عن الفضايح ..

حمدان: طبه و خبرني شوو السالفه ؟؟

احمد وهو ينسدح على ريل جاسم: الله يسلمك اخوك طايح على غرشوبه ..

جاسم وهو يصارخ: والله هي اللي تلاحقني ..

احمد: جذااااااااااااب...

حمدان: شو منو هذي اللي تلاحق اخوي ؟؟؟

احمد: الله يسلمك هذي وحده بريطانيه ...

حمدان: اوب اوب جسوم من قدك بريطانيه بعد اشوف غيرت الجنسيه الحين .. حلووه؟؟؟

احمد: يامحلاها تقول حق القمر خوز انا بيلس بدالك ..

جاسم: هي اللي تلاحقني لا و ترقم بعد ..

حمدان: هي اللي ترقم ولا العكس ..

جاسم: ما يمديني احفظ الرقم وااايد طويل ..

حمدان: هههههههههههههههههههه ..

احمد: لالالالالا الصراحه هي اللي ترقم بس شووو رقمها طويل ماينحفظ ..

حمدان: ههههههههه .. اريد اسمع السالفه من طأطأ ليين السلاك عليكم ..على قوله اخوانا المصريين ..

احمد: الله يسلمك السالفه صايره من 3 شهور كنا انا و جاسم في الكوفي شوب وقت البريك والا البريطانيه داخله الكوفي و عمدا مرت من عند طاولتنا ..

جاسم يقاطعه: احمد عن الفضايح ..

حمدان: انت اسكت يالسبال .. كمل اخوي ..و الله يعينك بعدين على غضب جسوم ..

احمد: المهم خطفت من عندنا و فجأه تخرطفت و توها بطيح الا الاخ جاسم يمسكها لا ووين من خصرها ..

حمدان: جسوم عند العيوز ..

جاسم: لالالا الله يخليك يالشيخ عشان تقصبني ..

حمدان: ان ماخليتها تهزبك ماكون توأمك ..

احمد: جان الحبيبه تصدق عمرها و من وقتها و هي تلاحقه شرق و غرب ..

جاسم: الحمد لله انها ماادل الشقه ..

احمد: ماادري اتنيذل و اخبرها ..

جاسم: بتنيذل عليك و بورطك مع الثانيه ..

حمدان: بريييييك منو الثانيه ؟؟؟

جاسم وهو يسحب السماعه من احمد : انا اخبرك ..

احمد: جسووووووووم الله يخليك ترى سالفتي محرجه ..

حمدان: دام انها محرجه خبرني ..

جاسم: اسمع ياتوأمي بعد سالفتي بأسبوع ..في واحد بريطاني معانا في الكلاس وااااااااايد يكره احمد ..

حمدان: ليييييييييييش ؟؟؟

جاسم: اللحين السالفه يايه في الطريج ..

احمد: جسوووووم الله يخليك بعدين بطيح من عينه ..

حمدان: لا تخاف يالحبيب بتظل معلق ...

جاسم: اسمع كنا في الكلاس انا كنت يالس في الصف الاول و البنت في الصف الثاني و بعدها في الصف الثالث احمد و الولد في الصف الرابع ..و الحمدالله انه ماكان فيه في الكلاس غيرنا ..

حمدان: انزين و بعدين ..

جاسم: المهم الولد حذف ورقه على البنت و طاحت على طاولتها عاد البنت التفت و شافت احمد يكتب و صدت و فتحت الورقه و كان مكتوب فيها ((انتظرج في الشقه ياحبي )) ..

حمدان: هههههههههههه و بعدين ..

احمد وهو يصرخ: جسووووووم لااااااا لا ترمس الله يخليك ..

جاسم: وقتها البنيه قامت و جابلت احمد و قعدت تتحلطم على راسه و ماوعى الولد الا بذاك الكف السنافي اللي فر مخه و راحت عنه و من ذاك اليوم كل ماتمر عندنا تخزه بنظرات صدقني حتى انا اخاف منها ..

احمد: انزين شوي اسوي اذا نظراتها تخرع ..

حمدان: هههههههههههههههههههههههههههههههههههه الصراحه طحت من عيني اللحين تخلي بنت تصك راسك بطراق ..

احمد: شفت شلون الحين طحت من عينه ..

حمدان: والله السالفه عيبتني تصدق بحط الموقف في كل المواقع على النت ..

احمد: كله منك جسووم صرت علج بحلج توأمك عنلالالالاتك يالخام انت و هو ..

و مره وحده جاسم و احمد صخوا ..و ماانطقوا بكلمه ..

احمد و التوتر باين على صوته: حمدان ارمسك وقت ثاني ..

حمدان: شوو استوى و وين جاسم ؟؟؟؟

احمد: هاااااا هيه جاسم راح المطبخ لأنه الاكل احترق ...

حمدان: خلاص ديروا بالكم على اعماركم ..

احمد: ان شاء الله امايه ههههه .. و صكر ..

و قام حمدان عشان ينام ..

اليوم الثاني يوم الخميس ...

رن جوال حمدان ..

حمدان: الووو .. مرحبا بك اخوي .. شووووو .. عشر دقايق و انا عندك .. فمان الله ..

بو عبدالله: حمدان وين ساير ؟؟؟

حمدان: عندي عمليه في المستشفى و لازم اسير ..

ام عبدالله: حاسب على عمرك لا تسرع ..

حمدان: ان شاء الله .. و سار ..

في المستشفى ..

دخل حمدان غرفة العمليات و المريض كان يتنافض و الدم مخيس السرير و الدكاتره ماقادرين يسيطرون على المريض .. بعد ساعه ظهر حمدان من الغرفه و شاف ام المريض جان تربع صوبه و هي تصيح ..

ام المريض: هاا دكتور بشر ؟؟؟

حمدان: انتي امه ؟؟

ام المريض: هيه بشر ولدي فيه شي ؟؟

حمدان: لا الحمد لله هو بخير بس عنده كسر في اليد و كدمات على ويهه و بتروح مع الوقت ان شاء الله ..

ام المريض: مشكور ..

و سار..

بعد صلاة العشى رجع حمدان البيت و كان تعبان حيييييل و شاف السيايير تارسه الحوي جان يقول في خاطره (( اجتمعت الشله الحين عزة الله بسير انام )) و دخل..

حمدان: مرحبا الساع بالحلوين ..

الكل: مرحبا ملاييين ولا يسدوووون ..

حميد: مشكور حمدان والله ادري اني حلوووو ...

خليفه: تهبا هباك انا احلى ..

هزاع: اشتغلوا ظرب و مظارب حنا ناقصين يهال في البيت كفايه حميد بعد انت ياخليفه ..

الكل: هههههههههههههههه ..

عبدالله: من وين ظاوي ؟؟؟

حمدان يتنهد: آآآآآآآآآآآآآه كنت في المستشفى ..

طلال: عسى ماشر ؟؟

حمدان: كان اليوم في واحد مسوي حادث و يده مكسوره بس الحمد لله هو بخير ...

محمد: شوو اسمه ؟؟؟

حمدان: امممممممممممممم صقر ابراهيم ..

ذياب وهو يفز من مكانه: شووووووووووووووووو ؟؟ اي غرفه هو الحين ؟؟؟

حمدان: في الطابق الثالث ليييييييييييييييش ؟؟؟

بدون مايرد ذياب على حمدان خذى سويج السياره و دعس و سار المستشفى ..

الكل كان مستغرب من ذياب بلاه ؟؟؟

اول ماوصل ذياب المستشفى سأل عن المريض ..و بعد ماعرف سار عنده فوق و كان خايف واااايد عليه .. دق الباب ..و طلعت له الوالده ..

ذياب: السلام عليكم ..

ام صقر: وعليكم السلام بغيت شي ولدي ؟؟؟؟

ذياب: هذي غرفة صقر ابراهيم؟؟

ام صقر: هيه ولدي هذي هي منو انت؟؟

ذياب: انا ربيعه ذياب ممكن اشوفه ؟؟؟

ام صقر: هيه ولدي تذكرتك مو انت اللي تغديت عندنا ذاك اليوم ؟؟

ذياب و بابتسامه تذوب الصخر: هيه انا ..

ام صقر: تقضل ولدي ..

اول ماسمعوا خوات صقر انه في ولد بيحدر الغرفه اشتلن و سارن الغرفه الثانيه .. دخل ذياب و شاف صقر على السرير .. و يده مجبسه و راسه ملفوف .. ضحك ..

صقر: عنلالالالالالالاتك يالخام ..

ذياب وهو يضحك عليه: الحمد لله على السلامه ..

صقر: الله يسلمك تفضل ..

ذياب: شوووو صار فيك ياريال ؟؟

صقر: الله يسلمك كنا على تل مرعب نتسابق ..و انقليت فيني السياره و الله ستر ماصار شي ..

ام صقر: شوووووووووووو كم مره خبرتك ماتسير هناك ..

ذياب: خخخخخخخ قفطه ..

و البنات يظحكون على اخوهم ..

صقر ربيع ذياب في الروح بالروح و يشتغل معاه حنطاوي بس سماره حلوووو ..

خوات صقر ..شهد و فاطمه ..و هم كبر ريم و دلال.. و حلوات ماشاء الله عليهم ..

ام صقر: فاطمه ..

فاطمه بصوت واطي: لبيه امايه ..

ام صقر: لباج قلبي الغاليه صبي جاي حق الريال ..

فاطمه: ان شاء اهلل .. و سارت صبت له .. اول ماكانت تبا تعطيه كوب الجاي هو لا اراديا رفع راسه و شافها .. واااااااااي تينن تذبح ولا عيونها اففففففف عجيبه .. بس استحى من صقر و نزل راسه ..

ذياب: تسلمين ختيه ..

فاطمه: يسلم غاليك .. و سارت دخلت الغرفه الثانيه عند اختها ..

صقر: قول حق حمدان مشكور و مايقصر ..

ذياب: افااااااااا عليك احنا اخوان لا تخاف بوصيه عليك يالياهل..

صقر: ههههههههههههه اخخخخ بطني عنلات صداك لا تضحكني ..

ذياب: خخخخ انا اقدر اضحك و انت لا .. انزين انت شلون فقدت السيطره على السياره ؟؟؟

ام صقر: انا اترخص منكم بسير عند البنيات .. و سارت ..

ذياب: قول لي شلون ولا تخبي علي انا اخوك ..

صقر: تقدر تقول بالي ماكان معاي ..

ذياب: عن اللف و الدوران شلون ؟؟؟؟

صقر: تذكرتها ..

ذياب: و انت اصلا متى نسيتها عشان تتذكرها خلاص ياولد الحلال البنت على ذمة ريال غيرك خلاص عاااااااد انساها ..

صقر و بدأ يعصب: هالريال ربيعي ياذياب ربيعي شلون تبيني اسامحه هو طعني في ظهري و تقول لي سامحه لالالالا مستحيييييييييييييييييييييل انا الغبي بعد خبرته اني احبها هو سار خطبها عشان ينتقم مني بسبب هالضرابه اللي صارت بيننا لين كنا في القهوه ..

ذياب: لو تعزني لو اني اخوك انساها ..

صقر: مااوعدك بس احاول ..

ذياب: خلاص انا اترخص .. و قام بعد ماسلم على صقر و ام صقر و سار البيت ..

وهو في الطريج اتصل فيه حمدان ..

ذياب: مرحبا الساااااااع ..

حمدان: مرحبا ملايين بلاك ذياب لييييييييييش ظهرت بهالسرعه ؟؟؟

ذياب: الله يسلمك هذا ربيعي صقر اللي يشتغل معاي بس ها مااوصيك عليه غالي على قلبي ..

حمدان: تامر امر يلا عاااااااد تعال حميد عازمنا على العشى ..

حميد يصارخ: شووووووووووووو ذياب ترى حمدان جذاااااااااااب لا تصدقه ..

ذياب: حمدان حط على السبيكر ..

ذياب: لا ياحميد حمدان مايجذب انا اعرفه ..

حميد: لا انت جذاااااااب مثله ..

طلال: افاااااااااا حميد يعني تكسر بخاطري ..

حميد: لالالالا عااااااااااد كله ولا انت اذا انكسر خاطرك محد يقدر يصلحه خلاص انا عازمكم و امري لله ..

هزاع: فديييييييييييييييييييييييتك حموده ..

حميد: انت جاااااااااااااب حق المصلحه مافي احسن منك ..

الكل: ههههههههههههههههههههههههههههه ..

عبدالله: شوووووووووووو رايكم نسير مطعم هندي ؟؟

محمد: فدييييييييييتك عبود تقرى افكاري ..

طلال: يلا قمنا ..

و ساروا الشبيبه المطعم و كلوا لين قالوا بس طبعا الاكل حار فكيفوا الشباب عليه و بعدين قاموا يتحوطون في الشوارع و كل واحد رد البيت الساعه 1 و نص الفجر .. و طبعا كلوا هزبه من الشواب هههههه..

اليوم الثاني يوم الجمعه دايما الغدى يكون في بيت بوعبدلله ..بعد صلاة الجمعه اجتمعت العائله كلها و كانت اللمه حلوه ..

ام عبدالله و الدموع في عينها: ماناقص الا جاسم .. و قامت تصيح ..

حمدان: تريدين ترمسينه ؟؟

ام عبدالله: هيه ولدي ..

اتصل حمدان في جاسم ..

جاسم: هلا والله يتوأمي شحالك ؟؟؟

حمدان: تمام الحمد لله انت شو الاخبار عندك و احمدوه ؟؟

جاسم: يسره حالك ..

حمدان: جاسم اماايه تبا ترمسك...

ام عبدالله تسحب السماعه من حمدان: جاسم شحالك يمه ؟؟

جاسم: بخير و بعافيه انتي شحالج و شحال الوالد ؟؟

ام عبدالله: الحمدلله الكل بخير ..

و قعد يرمسها نص ساعه و بعدين سكر و الحريم و البنات ساروا يجهزون الغدى ..

بعد الغدى ساروا البنات المطبخ عشان يجهزون السويت و جان يدخل عليهم حمدان ..

حمدان وهو يأشر على الكيكه اللي بالاسكريم: منو اللي تحبني اللي تموت فيني سوت هذي الكيكه خلى ابوسها على خدها ..

البنات سكتوا و طلعوا من المطبخ و مابقت الا هيا و ريم ..

ريم: الوالده تزقرني .. و سارت .. كانت متعمده تسوي هذي الحركه عشان تخلي حمدان و هيا بروحهم<< اما مصاخة البنات ..

حمدان: غناتي اذا انتي مسويه هالكيكه خبريني عشان ابوسج على خدج ..

هيا: هيه انا مسويتها و تهبا هباك تبوسني على خدي ..

حمدان: صبري علي لين اخذج ..

هيا: في احلامك .. و قبضت الصحن و ظهرت من المطبخ ..

و بعد ماكلوا السويت ..

بو عبدالله: حمدان ..

حمدان: عيون حمدان ..

بو عبدالله: تسلم لي عيونك سمعنا شله ..

حمدان: على هالراس و هذي الشله اهداء حق الغاليين ..

بنفس المكان لكني هالمــــــــــره وحيد

أبكي ألم وأقــــــــــــــــــول ليتك معايه

بنفس المكـــــان وما معي غير القصيد

أكتب عسى في يــــــــــوم تسمع ندايه

أكتب بإيد ٍ وأمســـــــــــح دموعي بإيد

أكتب وأقـــــــــول أحسن بك الله عزايه

أكتب وكل ما أكتب جروحـــــــــي تزيد

وش ذنب قلبه أجرحـــــــــــه م البدايه

أقرب من عروقـــــــــــــي مع إنك بعيد

وأقرب من إحساسي وفي وسط الحنايا

وأقرب من الآهات ومــــــــن كل تنهيد

وأقرب لعيني من عيــــــــــــون المرايا

إسمع حبيبي بعدنا والله مـــــــــــا يفيد

يا كيف ترضى لنفسك ولــــــــي شقايه

أرجوك إرجــــــع نبتدي بحب من جديد

بس لا تخلي شمعتي تـــــــــذوب كفايه

مرت ليــــــــــــالي عشت بلحالي وحيد

ياما وياما قلبي يكتب وصــــــــــــــــايا

ويقـــــــــول فيها كنت وما زلت يا سيد

إنت أجمل الإحســــــــاس وإنته النهايه

واليوم صرت أكتبك على أوراقي قصيد

من بعد ما كنت إنته أجمــــــــــل حكايه

شف هالمكان دايم أجـــي له وأنا سعيد

عل وعسى ألقاك صــــــــــــــدفه ورايا

بنفس المكـــــان أكتب وأنزف لك قصيد

و اقول و اتمنى ياليتك معااااااااايه..

و سوالم ..
بو ذياب: صح لسانك ..
حمدان: صح بدنك عمي..

اذن العصر و الشباب و الشواب راحوا المسيد و البنات صلوا في البيت .. بعد اذان المغرب راحوا الشباب حق صقر المستشفى ..
الشباب: سلاماااااااااااااااااااات صقور..
صقر: الله يسلمكم ..
حمدان: شحالك اليوم ؟؟
صقر: والله تمام الحمد لله ..
عبدالله: شو صار لك شلون سويت حادث ؟؟
حميد: اكيد كنت تفكر في وحده ..
هزاع: اكيد لأنه كل الحوادث اللي تصير في الشباب من البنات ..
صقر: هههههههههه لا كنت على تل مرعب مع واحد من الربع ..
طلال: شلون سويت الحادث انا اخبرك فنان في السواقه ..
صقر: كنت ابي احطم الرقم القياسي مع واحد بس صار عطل في السياره و انفجر المحرك و ماوعيت الا انا غايص في الرمل ..
الكل: هههههههههههههههههههههههههههههه ..
ذياب: انا اترخص بسير شوي و برجع .. و سار عنهم ..
فاطمه اخت صقر كانت عند الدكتور عشان تطمن على حالة صقر و طمنها الدكتور و خبرها انه بيظهر بعد يومين .. و هي راجعه الغرفه ماانتبهت و صقعت في ذياب ..و من الخرعه انعقت الغشوه ..
فاطمه: آسفه اخوي السموحه ..
ذياب: لا عادي مسموحه ..ممكن سؤال ..
فاطمه: نعم ..
ذياب: انتي كنتي عند دكتور صقر؟؟
فاطمه: هيه ..
ذياب: شو خبرج الدكتور ؟؟
فاطمه: الحمد لله هو بخير و بيظهر بعد يومين ..
ذياب: الحمد لله اوكي مشكوره .. و سار عنها ..

بعد نص ساعه كل واحد سار بيته و مر اليوم عادي على الكل ..

توقعاتكم :::
شو يبصير بعد اسبوع ؟؟؟؟
امتحانات البنات شو بتكون النتايج تبيض الويه ولا تسوده ؟؟؟
انتظروني في الجزء الياي

موضوع: رد: مستحيل احب غيرك 4/6/2014, 11:44 pm

اليوم الثاني بعد المغرب ..
جاسم: طلال ياالله اظهر انا عند الباب ..
طلال: تريا شوي يالس البس كندورتي ..
جاسم: شوو بلاك انت مب خبرتك تكون جاهز قبل المغرب ..
طلال: ياخي نمت و محد وعاني شوو تباني اسوي يعني و بعدين اللي يقول انك يالس في الحر الا في السياره و المكيف عليك لا و الربشه و الاغاني بعد ..
جاسم: بل بل انزين يلا جلدي بابا ..
طلال: والله انك حنان ماادري طالع على منو اله يعين حرمتك عليك ..
جاسم: انت الحين يالس تلبس ولا احدر عليك و البسك ..
طلال: تهبا هباك لا يالس ارمسك و البس ..
جاسم: ماتفوت دقيقه ماشاء الله عليك انزين بسرعه ترى بسير ..
طلال: انت تباها من الله عشان تكون مع غناة الروح ..
جاسم: انزين عن الهذره الزايده و يلا .. و سد السماعه ..
بعد مانزل طلال ..
طلال: مرحبا ..
جاسم: بالمهلي ..
طلال: انزين يلا تأخرنا على غناة الروح ..
جاسم: جب .. و ساروا ..
اول ماوصلوا نوره كانت المسكينه جاهزه من العصر .. اتصل فيها جاسم ..
جاسم: يلا نواري ظهري..
نوره: جان تأخرتوا زياده صار لي من العصر جاهزه و انت الحين توك ياي ..
جاسم: بل بل شوي شوي علي انزين هذا طلال اخرني ..
نوره: والله ماعندك سالفه شو طلال اخرك .. و سدت السماعه في ويهه و ظهرت ..
جاسم: بل بل فلفل اليوم البنت الله يستر ..
نوره: السلام عليكم ..
طلال+جاسم: وعليكم السلام ..
نوره: وانت الاخ طلال ليش تأخرت ؟؟؟
طلال: هاااااااااااااااااا ..
نوره: اللي قال هاااااااا سمع انا صار لي متنقعه من العصر اترياكم و انتوا بكل رواقه يايين و الاخ جاسم متصل يلا اظهري .. و تقلده ..
جاسم: اسفين حضرة الملكه و ان شاء الله ماتتكرر ..
طلال: خلاص عشان ترضين بنعشيج برع و على حساب جاسم ..
جاسم بخبث: انا كلي لها اذا تباني ..
نوره استحت: مشكور جسيم يلا سرنا ..
طلال بصوت واطي حق جاسم: قفطت البنت خسك الله ..
جاسم: هههههه ادري ماتشوفها صخت مره و حده ..
نوره: لا ماسكت بس مالي مزاج ارمس اليوم ..
جاسم: لييييش حد ضايقج خبريني و انا اراويه شغله ..
نوره: انت اللي ضايقتني ..
طلال: انا اراويج فيه ..
جاسم: لا بويه تريا شوي ليش انا ضايقتج ؟؟؟
نوره: لا الشيخ امزح معاك ..
جاسم: على بالي ..
طلال: انزين حط لنا شي نسمعه ..
جاسم: تامر امر .. و حط لهم (( سلمان حميد .. لحن المفارق )) ..
عاد الشباب ارتبشوا و يلسوا يغنون و نوره مستانسه عليهم كل واحد صوته احلى من الثاني شعليها..

بعد ماصلوا ..
دخلوا اول محل و خذوا لهم اللي يبونه و بعدين ساروا ياخذون اغراض من اللسته اللي عطاهم ياها بوسلطان ..
طلال: انا بسير ذاك المحل و راجع ..
جاسم: انزين حنا بنكون في محل العطور هناك ..
طلال: اوكي .. و سار ..
جاسم حس انه نوره متضايقه ..
جاسم: نواري..
نوره: نعم ..
جاسم: بلاج متضايقه ؟؟؟
نوره: انا لا ماشي ..
جاسم: العبي غيرها الكل ينقص عليهم الا انا ..
نوره: صدقني ماشي بس امس مانمت زين ..
جاسم: لا مب هذا السبب انزين انا ضايقتج في شي ؟؟؟
نوره: ............................. و نزلت راسها ..
جاسم: في شوووو انا مضايقج ؟؟؟؟
نوره: ماشي ياجاسم صدقني ..
جاسم يوايهها: الا في شي شوو هو ؟؟؟
نوره: ............................. و نزلت دمعه من عينها ..
جاسم: ليييييش تصيحين ؟؟؟
نوره: ماشي .. و توها بنسير الا يقبضها من يدها و يمسح دموعها ..
جاسم: انتي تحبيني ؟؟؟
انصدمت نوره من سؤال جاسم ..
نوره: شووو ؟؟؟
جاسم: تحبيني ؟؟؟
نوره: شو اللي خلى هالسؤال يطري على بالك ؟؟؟
جاسم: بس حبيت اتأكد ..
نوره: وليييييييش انت شاك في شي ؟؟
جاسم: مجرد سؤال بسيط بس ماشي ثاني ..
نوره: انت جاوبني ..
جاسم: انا اعرف اني احبج بس انتي عمرج ماخبرتيني ..
نوره: مفروض تفهمها و هي طايره .. و سارت ..
جاسم: لا اباج تنطقينها ..
نوره: و اذا قلت لك اني مااحبك ..
جاسم:
كتبت للشوق قصيده تختلف ..
تختلف في معانيها و كل مافيها ..
كتبت فيها مشاعري و بديت انكشف ..
احبها و احب لحظة لقاها و طاريها ..
دار الزمن و قلبي ماعاد يعترف ..
انه يحبها و يموت على تغليها ..
طولت الغيبه و روحي بدت تستخف ..
على فرقا الغلا و شوقي اليها ..
حسيت اني وحيد و دمعي ينذرف ..
على نوره اللي مشتاق اليها ..
نوره: صح لسانك بس لييييييش تبا تعرف ؟؟؟
جاسم: بس جي .. و مسك يدها ..
نوره: جسيم خوز يدك ..
جاسم: اول شي ابا اسمع كلمة احبك ..
نوره: لازم ..
جاسم: هيه صار لي فتره ماسمعتها ..
نوره: جسيم الله يخليك طلال ياي ..
جاسم: عادي طلال يعرف بالسالفه ..
نوره: انزين احبك ..
جاسم: و بعد ..
نوره: لازم الجمله كامله ..
جاسم: مايصير تقولين بيت الشعر نصه لازم كامل ..
نوره: و امووووووووت فيك ..
جاسم: و انا اهواج .. و خوز يده..
طلال: شووو تسوون ؟؟؟
نوره: ماشي ..
جاسم: ها خلصت كل شي ؟؟
طلال: هيه و يلا ترى انا يوعان حدي .. و ساروا المطعم ..
وقتها نوره و جاسم استلموا طلال اسئله يعني فتحوا معاه تحقيق ..
جاسم: طلال ..
طلال: شووو ؟؟؟
جاسم: انت تحب ؟؟؟
طلال: احم شوو هالسؤال ؟؟؟
نوره: مجرد سؤال ..
جاسم: جاوب علي ..
طلال: هيه احبها و بخطبها بعد مانرجع من العمره ..
نوره: منو ؟؟؟
طلال: بتعرفون لين اسير اخطبها ..
نوره: اليازيه ..
طلال: و انتي شوو عرفج ؟؟؟
نوره: العصفوره خبرتني ..
طلال: اليازيه ..
نوره: ياخي باين عليك ..
طلال: شلون ؟؟؟
جاسم: انت ماتلاحظ نفسك اذا هي كانت يالسه معانا ماتعرف تركب كلمتين على بعض ..
طلال: هههههه صدق والله ؟؟؟؟
نوره: هيه والله شكلك يفطس من الضحك ..
طلال: الفال لكم .. و سار يطلب له ..
نوره تقفطت بس الشيخ جاسم عادي عنده متعود على هالرمسه .. ويهه لوح ما يحس ..
جاسم: احم شو تبين تاكلين ؟؟؟
نوره: اي شي ..
جاسم وهو قايم: فديت اللي استحوا .. و سار
بعد ماخلصوا اكل ساروا البيت ..

اليوم الثاني في بيت بوسلطان ..
هزاع: ياخي ارجع البيت وحشه بدونك ..
خليفه: تحمل ..
هزاع: شو هالحاله يعني لين متى بتظل على هالحال البنت تبا تعرف عنك شي ..
خليفه: انا اتصلت فيها ذاك اليوم بس تروم تقول ماكانت الامور مثل ماتوقعت حسيت انها بتحن علي بتشتاق لي بس خبرتني انه كبريائها مايسمح لها انها ترجع لي صدقني ياهزاع خبرتها اني قطعت علاقتي بهند البنت تزوجت و سارت في حال سبيلها و الحين هي على ذمه ريال شو ابابها و الله اني تبت بس دلال مب راضيه تقتنع ولا تفهم شو تباني اسوي انا تعبت والله لو تشوف شكلي ماتقول هذا خليفه تقول هيكل عظمي يمشي ..
هزاع: انزين سرت لها البيت ..
خليفه: لا و مابا ..
هزاع: تراكم مصختوها لين متى ؟؟؟
خليفه: خلنا على هالحال حنا مرتاحين ..
هزاع: بكيفك انا حاولت معاك و الكل بعد بس ماشي فايده فيك و فيها انتوا عناد ..
خليفه: المهم سلم على الوالد و الوالده و سلطان ..
هزاع: يوصل الغالي و انت حط بالك على نفسك الا شحال قلبك ؟؟؟
خليفه: قلبي تعبان ساعات يضرب علي احس اني ماقدر اتنفس ..
هزاع: انزين سير المستشفى ..
خليفه: المستشفى مامنها فايده خلني على حالي احسن ..
هزاع: الله يكون بعونك ..
خليفه: شحال احمدوووه ولد سلطان ؟؟؟
هزاع: حاله مايسر لا عدو ولا صديق كل يوم يصيح يباك يقول وين بابا خليفه و وينه ..
خليفه: فديته والله اشتقت له الغالي ..
هزاع: خلاص اخليك الحين واذا تبا اي شي اتصل فيني ..
خليفه: اوكي باي .. و سد السماعه ..
احمد: بابا هزاع..
هزاع: انا خاطري اعرف كم ابو عندك ؟؟
احمد: واااااااااااااايد ..
هزاع: هااا حبيبي شو بغيت ؟؟
احمد: وين بابا خليفه ؟؟؟
هزاع: بابا خليفه سافر ..
احمد: ليش يسافر هو مايحبني ..
هزاع: لا الشيخ هو يموووت فيك بس عنده شغل ..
احمد: شو هالشغل اللي يخليه يسافر و يخليني انا مااحبه ..
هزاع: افاااااااا عيب لا تقول هالرمسه يدام بابا خليفه بيزعل عليك ..
احمد: انزين وين دلوله ؟؟؟
هزاع: دلوله في بيت ابوها ..
احمد: ليش ؟؟؟
هزاع: لانه بابا خليفه مب موجود و بعدين لين هو يرجع هي بترجع ..
احمد: انزين .. و سار ..

يوم الخميس .. موعد السفر ..
الكل كان في المطار طبعا محد بيسافر غير بوسلطان و نوره و جاسم و طلال و اليازيه و حميد و فاطمه و محمد .. ام سلطان فجت مناحه ليش نوره بتفارقها الحين بتم بروحها و محد عندها ..
ام سلطان: بوسلطان حط بالك على نوره ..
بوسلطان: لا توصين حريص يالغاليه نوره في عيوني و الشباب بعد مايقصرون ..
جاسم: لا تخافين خالتي نوره في عيونا ..
طلال: عاد كله ولا نوره الغاليه ..
جان يخز جاسم طلال بنظره معناتها سد حلجك ..
بوراشد: و انت ياحميد حط بالك على فطيم ..
حميد: لا الشيخ فطيم في عيوني و بعدين شو بيصير فيها انا و الشباب موجودين و اذا البنات احتاجوا شي حنا في الخدمه ..
بومحمد: طلال ..
طلال: هلا الغالي ..
بومحمد: مااوصيك على عمرك ..
طلال: لا توصي حريص ..
محمد: عزة الله ماسافرنا الا هي فرة حصاه الا حنا في السعوديه مب الهند شو عاد يلا ..
حمدان بصوت واطي حق جاسم: جسيم اظبط عمرك هناك يدام نوره ولا تخورها ..
جاسم: انزين ..
حمدان: انت تعرف شو انا اقصد حركاتك طبها ..
جاسم: حلال عليك حرام علي ..
حمدان: حنا سرنا العمره من قبل و ماسويت شراتك اصطلب تراك في بيت ربك ..
جاسم: انزين انزين لعنبوه مايسوي علي ..
حمدان: بس حط بالك عليها لا تخليها تغيب عن عينك ..
جاسم: انا مب خايف من شي الا محمد و حميد و فطيم ياخي حمود يحبها ..
حمدان: لا صدقني نساها انت بس شوف و خل بالك عليهم ..
جاسم: انزين بوس ولي العهد بدالي ..
حمدان: انزين يلا باي ..
و سلم على اخوه و ساروا الشبيبه الطياره ..

في الطياره ..
بوسلطان و محمد يلسوا عند بعض و فطيم و اليازيه مع بعض و حميد و محمد و طلال و جاسم عند بعض و نوره عند البنات ..
طلال: شو ها نص الطياره فاضيه ..
جاسم: هيه والله محد في هالقسم غيرنا حنا و البنات ...
حميد: شو رايكم نسير عندهم .. و ساروا ..
الشباب: السلام عليكم ..
البنات: وعليكم السلام ..
اليازيه: الا وين محمد ؟؟؟
طلال: عند عمي ..
جاسم: شو تسوون ؟؟؟
فطيم: ماشي نسولف..
حميد: عن شو ؟؟
نوره: مالكم شغل ..
اليازيه: انزين كم باقي لنا على مانوصل ؟؟
طلال: ربع ساعه ..
نوره: انزين اول مانوصل بنسير نعتمر ؟؟؟
جاسم: لا الفليل احسن يكون المكان اخف و مافيه ناس وااااااااايد و بعدين مافي شمس ..
نوره: حتى ولو بيكون حر...
جاسم: بروحنا سمر بعد تبينا نعتمر العصر لا عيل صرنا فحم ..
حميد: اذا ترمس عن هزاع هيه ..
طلال: هيه والله هو اسمر واحد فينا ..
عند بوسلطان و محمد ..
بوسلطان: اقول محمد ..
محمد: هلا عمي ..
بوسلطان: شحال حرمتك ؟؟؟
محمد: الحمد لله بخير ..
بوسلطان: بلاك مستهم ولد اخوي ؟؟؟
محمد: ماشي عمي ..
بوسلطان: خبرني يابوك و انا عمك لا تستحي مني ..
محمد: .................................... نزل راسه ..
بوسلطان: بلاك خبرني .؟؟
محمد: ماشي ..
بوسلطان: شوف يالغالي ادري انك ماتقدر ترمس ابوك و تخبره اللي في خاطرك لانك تستحي و عيال عمك الا حمدان و جاسم انت تخبرهم ياولدي مب زين تكتم اللي في قلبك ..
محمد: ادري ياعمي ادري بس انا لحد الحينه نادم على اللي سويته في فطيم والله اني نادم و ماعرف شو اسوي عشان ترضى علي من بعد رضى ربي ..
بوسلطان: اعتقد انه فطيم خلاص نست هالسالفه ..
محمد: لا ياعمي فطيم بعدها مانست انا اعرفها زين هي ماتنسى بهالسهوله ..
بوسلطان: انت خلها على الله و ان شاء الله تتيسر كل امورك ..
محمد: تسلم الغالي ماتعرف شكثر ريحتني ..

عند الشباب ..
الشيوخ كانوا يالسين على الارض و يلعبون ورقه خبركم محد موجود في هالقسم غيرهم و الضحك و الوناسه شاله البقعه كأنه افي احد في الطياره غيرهم ..
جاسم: طلال لا تغش ..
طلال: انا مااغش ..
حميد: عن الجذب انت من اول اللعبه و انت تسحب الاوراق و تحطهم في مخباك ياخي استح على ويهك انت بتسير تعتمر ..
طلال: اليازيه دافعي عني ..
اليازيه: شو تباني ادافع عنك و انت تغش ..
طلال: افاااااااااا حتى انتي في صفهم حرام عليكم نوراي انقذيني ..
نوره: هيه صح طلال مايغش هذا جاسم ..
جاسم فج عينه: شووووووووو انتوا الاثنين غشاشين ..
وقتها حدر عليهم محمد ..
محمد: جاسم اعرف سواياك انت اللي دايما تغش و تحط على طلال ..
حميد: و اخيرا كلمة الحق ظهرت ..
محمد: انا بلعب ..
فطيم: يلا شباب اشتلوا ماشي لعب باقي عشر دقايق يلا ..
جاسم: ياهادمة اللذات ..
فطيم: انزين بتكملون لعب بعدين يلا .. و كل واحد سار يلس مكانه ..
وصلوا بالسلامه و ساروا الفندق .. كانوا البنات و بوسلطان في غرفه و جاسم و حميد و طلال و محمد في غرفه على قولتهم عشان ناخذ راحتنا .. نزلوا الشباب تحت عشان اييبون الغدى و البنات يجهزون السفره و الصحون و بوسلطان سار الغرفه يرتاح شوي لانه تعبان لانهم بالليل بيسيرون يعتمرون .. بعد مارجعوا الشباب و تغدواساروا يرتاحون ..

في شقه الشباب ..
كان محمد و حميد في غرفه و جاسم و طلال في غرفه ..
حميد: محمد ..
محمد: خير ..
حميد: نمت ؟؟؟
محمد: لا ماقدرت ..
حميد: تعال نسير تحت لين المغرب و بعدين نوعيهم عشان نسير نعتمر ..
محمد: يلا .. و ساروا ..
حميد: شحالك ؟؟
محمد: و الله تمام و انت ؟؟؟
حميد: عايشين ..
السكوت كان سيد الموقف بينهم عشان السالفه اللي صارت .. و بعدين ..
محمد: شحال فطيم معاك ؟؟؟
حميد: بخير و انت ؟؟؟
محمد: بخير ..
حميد: محمد ..
محمد: نعم ..
حميد: ليش مانفتح صفحه يديده ..
محمد: و المعنى ..
حميد: انسى اللي صار و خلنا نبدأ من يديد شو رايك ؟؟؟
محمد: ..................................... .
حميد: محمد اللي فات مات انسى ..
محمد: تتوقع اني مانسيت خلاص انا الحين احب نوف و مااشوف غيرها في هالدنيا هي حياتي و عمري و قلبي و روحي و كل مافيني خلاص بس احس ياحميد اني ظالمها معاي حاس اني مابسعدها ماادري شو اسوي ماادري حاس انها ماتباني ماتحبني يمكن مغصوبه علي ..
حميد: ...............................
محمد: ارمس قول شي سكوتك يذبحني ..
حميد: صدقني هي تحبك و تباك بس انت اللي مب راضي تقتنع .. تعرف شلون انشاء الله بعد مانرجع تسيرون شهر العسل و هناك بتعرف غلاها في قلبك ..
محمد: الله يسمع منك ..
حميد: ادري انك تحب فطيم ..
محمد: خلاص عاد ياحميد هالسالفه انتهينا منها انا احب نوف و مااشوف غيرها ..
حميد: على راحتك ..
وقتها اذن العشى ..
محمد: تعال انششهم .. و ساروا ..
سار حميد حق شقة البنات و سار محمد حق الاولاد ..
محمد: جاسم طلال يلا عاد تراني تعبت منكم يلا نشوا ..
جاسم: اممممممممممممممم شو تبا ؟؟؟
محمد: يلا نشوا اذن العشى يلا عشان نسير الحرم نصلي و منها نعتمر يلا عاد ...
طلال: حنان واااايد انزين يلا نشينا .. و نشوا بعد عناء طويل ..

عند البنات ..
البنات نشوا من النوم و قاموا يتجهزون حق الصلاه ...
فاطمه: نواري وين عمي ؟؟؟؟
نوره: الحين بيي ..
اليازيه: حميد الشباب جهزوا ؟؟؟
حميد: اعتقد في الشقه شوفيهم اذا ظهروا سيري معاهم ..
سارت اليازيه حق الشباب و في طريجها كانت منزله راسها و صقعت في طلال ..
اليازيه: اخخخخخخ راسي خس الله بليسك .. هالرمسه كلها و هي لحد الحين مارفعت راسها .. و لين رفعته ..
اليازيه: انت ماتستحي على وي...................................... و سكتت يوم شافت طلال يطالعها و يبتسم ..
طلال: هلا والله ..
اليازيه: هلا فيك ها جهزتوا ؟؟؟؟
طلال: بلاج صايره فلفل اليوم ترييي شوي في التأني السلامه و في العجله الندامه ..
اليازيه: مب انت اللي تعلمني علم روحك بعدين تعال ..
طلال: بل بل بلاج يزوي ؟؟؟
اليازيه لا شعوريا: ماشي الغالي بس تأخرنا ..
طلال تشقق: شووووووو عيدي الرمسه ..
اليازيه مستغربه: شووو اعيد انا ماقلت شي ..
طلال: لالالا الرمسه اللي قلتيها من شوي ..
اليازيه: بلاك انا قلت يلا تأخرنا ..
طلال: عن الاستهبال يلا عاد ..
اليازيه: شوو استهبل عليك يلا ازقر جاسم و محمد .. و سارت ..
جاسم من ورى طلال: احم احم الغالي بلاك ؟؟؟؟
طلال: صخ خلني اعيش في الاحلام ..
جاسم: نعم الغالي قلت شي ؟؟؟
طلال: جسيم يوز عني بروحي مااروم ايود عمري يدامها ..
جاسم: طحت طيحه في هواهم يالغالي ..
طلال: مب اي طيحه من العميق بعد ..
جاسم: هههههههههههههههههه يلا سير يالغالي..
طلال: الا وين حمود ؟؟؟
محمد: ريال طول و عرض و هيبه متزوج و تقول عني حمود ..
طلال: اسفين يالشيخ محمد ..
محمد: هيه اباك جي ..
ظهروا كلهم و ساروا بيت الله الطاهر اللي ترتاح له النفوس بذكر الرحمن .. كان المكان ممزور ناس من كل انحاء العالم يايين يعبدون ربهم و يدعونه بالهدايه و الطاعه و الرحمه .. حميد كان ماسك يد فاطمه و طلال و جاسم و محمد عند بعض و اليازيه ماسكه يد نوره الي كانت ماسكه يد ابوها .. خلصوا الطواف و البنات تعبوا واااايد لانه زحمه .. ساروا السعي و كان اسهل بوااايد من الطواف خلصوه و صلوا و بعدين رجعوا البيت .. الشباب ساروا يطلبون العشى و البنات يتسبحون و يجهزون السفره .. بعد العشى كل واحد سار شقته و ناموا من التعب ..

موضوع: رد: مستحيل احب غيرك 4/6/2014, 11:45 pm

في البلاد ..
مها: ذياب الحقني ..
ذياب: بلاج الغاليه ؟؟؟
مها: باولد ..
ذياب: شوو الحين ؟؟؟
مها: لا بعدين هيه الحين ..
ذياب: انزين اتريي شوي خلى ازقر الوالده .. و سار يرابع ..
نقلوا مها المستشفى و دخلوها غرفة الولاده و ذياب مثل الخبل يسير يمين و يسار و يدعي ربه انها تكون بخير .. قام و اتصل في حمدان ..
ذياب: حمدون الحقني ..
حمدان: بلاك ؟؟؟؟
ذياب: مهاوي في غرفة الولاده ..
حمدان: اوكي يلا انا و هيا في الطريج ..
بعد ربع ساعه وصل حمدان مع هيا و بواحمد و احمد اخوها و الكل تقريبا كان موجود ..
احمد: ذياب ماظهرت ؟؟؟
ذياب: لا صار لها ساعه و نص ماادري شو اللي مأخرها ..
شوي الا ظهرت الدكتوره من الغرفة ..
الدكتوره: مبروك على الولد ..
ذياب: ولد !!!!!!!!
الدكتوره: نعم ولد و هو الحمد لله بصحه و بخير تقدر تشوفه هو الحين في الحضانه ..
سار ذياب مع الدكتوره و احمد .. و دخلت ام ذياب على مها ..
ام ذياب: مبروك الغاليه ماياج ..
مها: الله يبارك في عمرج حبيبتي ..
ام ذياب: شحالج الحين ؟؟؟؟
مها: والله تعبانه .. الا وينه ذياب ؟؟؟؟
ام ذياب: سار يشوف البيبي ..

في الحضانه ..
ذياب: وااااااااي فديت قلبه يشبهني ..
احمد: شوو يشبهك توه ماصار له ساعتين مولود تقول يشبهني ..
ذياب: اصلا بلا منازع الولد يشبهني ..
احمد: انزين شو بتسميه ؟؟؟
ذياب: صقر بن ذياب ..
احمد: عاشت الاسامي يا بوصقر مبروك و يتربى في عزكم ..
ذياب: الله يبارك فيك ..
وقتها حمدان حدر عليهم ..
حمدان: مبروك يا بو ..............
ذياب: بوصقر ..
حمدان: مبروك يا بوصقر و يتربى في عزك ..
ذياب: الله يبارك فيك الا شحالها مهاوي ؟؟؟
حمدان: هيا تقول انها تعبانه شوي ..
ذياب: هاك ماباه الولد اذا هو من الحين بيتعب امه هاك انا بسير اشوف حرمتي ولو سمحتوا مانبا اي مقاطعات .. و سار ..
احمد: الله يستر الابو مينون الله يعين الولد شو بيظهر ..
حمدان: ذاك الشبل من ذاك الاسد ..

في الغرفه ..
دخل ذياب على مها و ام ذياب ظهرت برع ..
ذياب: مبروك عليج صقوري ..
مها: الله يبارك فيك يا بوصقر ..
ذياب: شحالج الحين ؟؟؟
مها: تعبانه ..
ذياب: فيني ولا فيج الغاليه اكيد لازم هالسبال واايد تعبج الله يهداه ..
مها: بسم الله عليك من التعب ..
ذياب: الله يعني تخافين علي ؟؟؟
مها: لا الحين صاروا اثنين في حياتي اخاف على منو ولا منو ..
ذياب: افاااااااااااااا انزين انا الحب الاول و صقر الحب الثاني ..
مها: بعد يقولون الحب الاول يتحول للحبيب الثاني ..
ذياب: لا خلاص انا زعلت دامج تحبينه اكثر خلاص انتي ربيه انا مالي شغل ..
مها: لا شو مالك شغل مب انت ابوه و هو طالع عليك ..
ذياب: فديتك و فديت منطوقه والله ..

الكل عرف بولادة مها حتى الجماعه اللي في مكه اتصل حمدان في جاسم و خبره و كانت عندهم الساعه 1 بالليل .. عاد الاخ جاسم من الوناسه سار غرفة البنات .. الكل كان نايم الا نوره اللي كانت واعيه .. دق الباب ..
نوره: منو ؟؟؟؟
جاسم: انا جسيم غناة روحج ..
نوره: خير اخوي بغيت شي ؟؟؟
جاسم: بل بل انزين فتحي الباب خست من الحر .. لا و تقول لي اخوي بعد .. حلوه هذي ..
فتحت نوره الباب ..
جاسم: قولي مبروك ..
نوره: مبروك بس على شو ؟؟؟
جاسم: خطبتج ..
نوره: شووووووووووووووووووووووووو ؟؟؟؟
جاسم: بسم الله الرحمن الرحيم اللهم سكنهم في مساكنهم ماخطبتج بل كلتنا ..
نوره: عيل شوو ؟؟؟
جاسم: مها حرمة ذياب يابت ولد سموه صقر ..
نوره: احلف !!!
جاسم: ريال طول و عرض تكذبيني ..
نوره: لا انا مااقصد بس مبروك و يتربى في عزهم ..
جاسم: الفال لنا ..
وقتها ظهر بوسلطان لانه سمع حس برع ..
بوسلطان: جسيم شو تسوي هني ؟؟؟؟
جاسم: هاااااااااا عمي هيه هيه صح حرمة ذياب يابت ولد سموه صقر ..
بوسلطان: صدق منو خبرك ؟؟؟؟
جاسم: حمدان خبرني ..
بوسلطان: مبروك مبروك ..
جاسم: الله يبارك فيك ..
قام جاسم و سار يوعي الشباب عشان يبشرهم .. طبعا الكل كان في سابع نومه ..
جاسم: يلا شباب نشوا ..
طلال: اممممممممممم شو تبا ؟؟؟؟
جاسم: يلا عاد نشوا عندي خبر بمليون ..
محمد: انت تعرف الساعه كم الحينه ..
جاسم: هيه الساعه 2 بالليل ..
حميد: جاسم سير برع ولا ترى اخليك ترجع البلاد بعاهه دائمه ..
جاسم: هبا هباك انزين سمعوا و بعدين اخمدوا ذياب ياه ولد سموه صقر .. و ظهر من الغرفه .. وقتها الشباب نشوا يرابعون برع ...
الكل: شووووووووووووووووووووووووو ؟؟؟؟
جاسم: رمسة الملوك لا تعاد ..
حميد: جسوم ...
جاسم: ذياب ياه صقر ..
محمد: صدق متى ؟؟
جاسم: من ساعتين تقريبا حمدان اتصل فيني ..

اليوم الثاني الكل اتصل في ذياب و بارك له و لمها .. بعد يومين ميره كانت يالسه في غرفتها و صقر كان في الميلس مع الشباب يلعبون ورقه ..
صقر: حمدان لا تغش ..
عبدالله: ماادري على منو طالع هالغشاش ..
صقر: على منو اكيد على اخوه العود ..
هزاع: تقصد توأمه ..
حمدان: و منو معلم التوائم الغش ..
صقر: الاخو العود طبعا ..
عبدالله: هزاع ...
هزاع: هلا الغالي ..
عبدالله: شحال خليفه ياخي من مده ماشفناه شحاله عايش ولا لا ؟؟؟
هزاع: ماادري شو اخبركم حبه لدلال من صوب ثاني و الوالده و الوالد من صوب..
حمدان: انزين خله يرجع و ان شاء الله كل الامور بتتصلح ..
هزاع: انا مااروم ارمسه تعبت منه انتوا رمسوه ..
اتصل عبدالله في خليفه ..
خليفه: هلا بوسهيل ..
عبدالله: هلا الغالي وينك ماتبين استح على ويهك عاد ترانا ملينا يلا عاد ارجع تراها دلال تعبانه بدونك ..
خليفه: والله هي اللي ماتباني ارجع شو اسوي بها اتصلت فيها كم من مره بس ماشي فايده تبا الطلاق ..
عبدالله: لا حول ولا قوة الا بالله انزين انت تعال و بنشوف شو بيصير ..
خليفه: الا وينه احمد ولد سلطان ..
عبدالله: كاهو يلعب برع في الحوي ..
خليفه: انزين اخليك بوسهيل عندي شغل ..
عبدالله: فمان الله .. و سد السماعه ..

احمد ولد سلطان كان يلعب في الحوي برع بالكوره الا و واحد حادر عليه وقتها احمد شافه و ربع صوبه يصيح و يشهق ..
احمد: بابا خليفه حبيبي انت وينك ؟؟؟
خليفه: هلا عيون باباتك شحالك حبيبي ..
احمد: اذا انت بخير انا بخير.. انا زعلان عليك وااااااااايد ..
خليفه: افااااااااااااااا ليش ؟؟؟
احمد: ماتنشد عني انا كل يوم انشد عنك عند بابا هزاع يخبرني انك مسافر و عندك شغل و خالوه دلال في بيت ابوها ماتبا تيي الا و انت هني تبا تكون معاك عشان تعرف انها تحبك وااااااااااااااااايد هي خبرتني امس ..
خليفه: شو بعد خبرتك ؟؟؟؟
احمد: واااااااايد تحبك و تباك بس انت ليش ماتحبها ؟؟؟؟
خليفه: انا احبها احمداني احبها .. انزين اسمعني اذا رمستها مره ثانيه خبرها انه بابا خليفه يحبج واااااااااااااااااااايد و عطها هالبوسه مني انزين ..
احمد: انزين تعال داخل بابا هزاع كان يباك و يسأل عنك ..
خليفه: تباني ادخل عليهم ؟؟؟؟
احمد: هيه بويه من زمان ماشافوك ..
خليفه: بس انت تدخل معاي ..
الشباب كانوا ملتهيين يلعبون اللي يصرخ على الثاني واللي يضرب و اللي و اللي .. حدر عليهم خليفه بس الشباب ماانتبهوا له ..
خليفه: احم احم ..
الكل انتبه عليه و انصدموا يوم شافوه كان ويهه شاحب من التعب و ضعفان بدرجه فضيعه ..
خليفه: مابتسلمون ؟؟؟
هزاع: انا في حلم ولا علم ..
خليفه: اقرصك عشان تعرف ..
هزاع يربع ناحية اخوه: خلوف اشتقت لك يالغالي ..
خليفه يحضنه: و انا اكثر ..
حمدان: يالقاطع وينك ..
عبدالله: سلامات بوزايد ماتشوف شر ..
خليفه: الشر مااييك بوسهيل ..
صقر+ذياب: و حنا مالنا رب ..
خليفه: انتوا شيوخهم ..
عبدالله: بارك حق ذياب ..
خليفه: مبروك بس ليش ؟؟؟؟
ذياب: انت الحين ترمس بوصقر ..
خليفه: اوب اوب بوصقر والله و ارتفع مستواك بعد صرت ابو يتربى في عزك اخوي ..
هزاع: حياك تفضل ..
خليفه: لا انا بس ياي اسلم و اسير .. و قبل مايظهر .. احمداني لا تنسى اللي وصيتك عليه ..
احمد: من عيوني الحينه بسير ..
و ظهر خليفه ..
هزاع: شو خبرك بابا خليفه ؟؟؟؟
احمد: بعد اسرار ... و سار .
حمدان: هههههههههههههههههه تقفط من ياهل ..
وقتها اتصلت ميره في صقر ..
صقر: هلا غناتي ..
ميره: صقور الحقني ..
صقر يفز من مكانه: بلاج ؟؟؟؟
ميره: حاسه بألم تعال فوق ..
صقر: يعني بتولدين ؟؟؟
ميره: هيه هيه ..
ربع صقر فوق و زقر امه و ساروا المستشفى و دخلوها غرفة الولاده .. شوي الا العيله كلها مازره المكان و يتريون ميره .. بعد ساعه ظهرت الدكتوره ..
الدكتوره: مبروك ياكم ولد ..
صقر: خلنا من الولد ميره شحالها ؟؟؟؟
الدكتوره: هي بخير بس تعبانه شوي ..
صقر: ممكن اشوفها ؟؟؟
الدكتوره: مابتشوف ولد ؟؟؟
صقر: لا بعدين حرمتي اهم .. و دخل عليها ..
صقر: الحمد لله على السلامه غناتي اكيد ذياب تعبج واااااايد ..
ميره: الله يسلمك لا و اخترت له اسم بعد ..
صقر: هيه ذياب بن صقر ..
ميره: الله يخليه ماشفته ؟؟؟
صقر: لا بغيت اشوفج انتي بالاول ..
ميره: سير شوفه و خبرني شلون شكله علي ولا عليك ..
صقر: اصلا بلا منازع علي انا لاني حلو و الوالده شوي مب حلوه ..
ميره: بنشوف ..
سار صقر مع خالد اخو ميره و عيال اعمامها سعود و فهد ..
صقر: فديته يشبهني ..
خالد: لا الشيخ يشبهني انا ..
صقر: ليش منو انت عشان يشبهك ..
خالد: انا خال الولد ..
سعود: مبروك يا بوذياب ..
صقر: الله يبارك فيك ..
فهد: هاته ابا اشيله ..
صقر: لا الشيخ اسمحلي اخاف يصير في الولد شي يطيح من يدك ..
فهد: لاتخاف انا مب شراتك هاته .. و خذاه ..

في مكه ..
اتصل حمدان في جاسم و خبره .. كانوا على العشى ..
جاسم: مبروك ..
حمدان: الله يبارك فيك ..
جاسم: شو سموه ؟؟؟؟
حمدان: ذياب ..
جاسم: ههههههههههههههههههههههه صدق انهم اخوان ..
حمدان: هيه تصدق ذياب بن صقر و صقر بن ذياب ..
جاسم: والله هالثنائي نكته ..
حمدان: انزين انت شحالك ؟؟؟
جاسم و قام عنهم: انا بخير ..
حمدان: لا انا اقصد شحالك مع غناة الروح ؟؟؟
جاسم: بخير ..
حمدان: ماشي حركات مني مناك ؟؟؟
جاسم: ليش الشيخ على بالك شراتك لا الحمد لله ..
حمدان: متأكد ..
جاسم: هيه بس في موقف واحد ماغيره ..
حمدان: شوووو ارمس ؟؟؟
و خبره جاسم عن الموقف بالليل لين سار يبشرهم عن ولادة مها ..
حمدان: هههههههههههههههههههه بذمتك ..
جاسم: هيه ..
حمدان: انزين متى بترجعون ؟؟؟؟
جاسم: بعد يومين ان شاء الله ..
حمدان: دعيت لي ؟؟؟؟
جاسم: هيه دعيت لك بالحرمه الثانيه ..
حمدان: فال الله ولا فالك شو حرمه ثانيه انا مافي في حياتي غير هياوي ..
جاسم: الله يهنيكم ..
حمدان: و انت ياجسيم ؟؟؟
جاسم: انا شووو ؟؟؟؟
حمدان: متى ناوي تخطب نوراي ؟؟؟
جاسم: بعد عرس طلال ان شاء الله ..
حمدان: انزين انت خبرت احد انك مب مريض خلاص ؟؟؟
جاسم: لا بس انت و حميد و يوم الملجه ان شاء الله بخبرهم اباها تكون فرحتين ..
حمدان: الله يتمم عليك ..
جاسم: اخليك الحين عمي يباني ..
حمدان: يالمطيع من الحين عاد ...
جاسم: جب ويلا باي ..
حمدان: سلم عليهم ..
جاسم: يوصل .. و سد السماعه ..
بوسلطان: منو ترمس هالكثر ؟؟؟
طلال: وحده ياعمي ..
جاسم: لا تتبلى علي كنت ارمس حمدان و ابشركم صقر ياله ولد سماه ذياب ..
حميد: يتربى في عزهم ..
بوسلطان: بنات سيروا سووا لنا جاي ..
نوره: ان شاء ... و اشتلوا ..
فاطمه: اليازيه بلاج الغاليه ساكته ؟؟؟؟
اليازيه: ماشي ..
نوره: تفكرين في .........................
اليازيه: في منو ؟؟؟؟
نوره: اللي خبري خبرج ..
اليازيه: ماخبر انه في حد في بالي ..
نوره: علينا يالحلوه و الغرشوب اللي يالس برع منو ..
اليازيه: عنلاتج من وحده سوي الجاي ..
فاطمه: فديت طلال ..
اليازيه: سباله انتي عندج حميدوه مالج دخل في طلال هذا مالي ..
وقتها طلال يبا يظهر من الشقه عشان يسير شقتهم جان يسمع الرمسه اللي قالتها اليازيه تشقق الولد يوم عرف انها تحبه لا و بعد مالها هي مب غيرها و البنات يضحكون عليها .. و سار عنهم مستانس ..
نوره: يزوي ماشي سكر سيري شقة الشبيبه و هاتي ..
اليازيه: ليش كله انا ..
فاطمه: يلا عاد ..
اليازيه: اففففففففففففففففف انزين .. و سارت ..
طلال كان ياخذ له شور .. خلص و ظهر كان لابس بنطلون جينز و حاط الفوطه على كتفه و شعره المبلول .. وقتها دخلت اليازيه و هي تتحرطم على نوره و فاطمه ..
اليازيه: افففففففففففف ليش كله انا اللي اسير والله حرام انا اراويهم والله مايصي............................................. .. و صخت ... شافت طلال واقف يدامها و ينشف شعره .. نزلت راسها ..
طلال متشقق: شو تسوين هني ؟؟؟؟
اليازيه: نبا السكر ..
طلال: كاهو في المطبخ ..
سارت اليازيه و الويه شرات الطماطه احمرررررررر و المسكينه مب عارفه تركب كلمتين على بعض .. اليازيه في قلبها شو هالحاله كفايه في ايطاليا .. و رجعت المطبخ حق البنات و هي محرجه ..
نوره: توه الناس جان ماظهرتي من الشقه ..
اليازيه: جب انتي كله منج الحين لو خليتي فطيم تسير ولا انتي مب احسن واااااي ويهي انقص شو هالحاله ..
فاطمه: بلاج تتحلمطين ؟؟؟؟
اليازيه: طلال كان هناك ..
نوره+فاطمه: و بعدين شو صار ؟؟؟؟
اليازيه: عنلالالالالالاتكم كان الولد توه ماخذ له شور و يالس ينشف شعره جان ادخل عليه ..
نوره: هههههههههههههههههههههههههه وشو سويتي ؟؟؟؟
اليازيه: تصدقين يلست اهز و ارقص طبعا ما سويت شي نزلت راسي ..
طلال: جان انا اتشقق من الفرحه ..
اليازيه: من متى و انت واقف تسمع ؟؟؟؟
طلال: من مده كافيه اعرف فيها انج تحبيني و انا احبج .. و سار ..
اليازيه: اتمنى الارض تنشق و تبلعني ..
فاطمه+نوره: هههههه ظهر الولد على حقيقته يحبج موووووووووووووت و يهواج ..
فاطمه: انا مابرتاح الا لين اسمع انه طلال اخطبج ..
اليازيه: اففففففففف هاتي خلي اودي الصينيه لا يحرج علينا عمي .. و سارت ..
بوسلطان: جان تأخرتوا ..
اليازيه: سامحنا عمي بس نوره كانت واايد ترمس و ماتشتغل انا اقول لها بسرعه عمي بيعصب تقول لا عادي ..
نوره: الجذب حرام و بعدين لا بويه اليازيه سارت شقه الشباب عشان تيب السكر بس تأخرت ماادري ليش ..
طلال: هيه عمي اليازيه تأخرت انا كنت هناك ..
محمد: شو تسوي هناك ؟؟؟
طلال: هاااااااااااا كنت اتسبح ..
حميد: انزين ييبوا لنا جاي و بعدين كملوا الهوشه ..
و بعد ماتقهووا الشباب ساروا تحت يتحوطون خبركم مكه جوها حلو و الناس ماتنام موليه و البنات حنوا عليهم بس ماشي فايده ساروا البنات يطالعون تلفزون و بوسلطان سار ينام لانهم اليوم الثاني بيسيرون السوق فوراهم نشه من الصبح ..

موضوع: رد: مستحيل احب غيرك 4/6/2014, 11:46 pm

اليوم الثاني العصر ساروا الشباب مع البنات السوق و بوسلطان سار الحرم .. دخلوا السوق و تفرقوا جاسم و طلال و نوره و اليازيه و محمد
مع بعض و حميد و فاطمه مع بعض خبركم معاريس .. نوره و اليازيه عيبهم محل عطور و ساروا له و الشباب وراهم وين ماساروا ..
نوره: يزوي شو رايج في هالعطر حلو ؟؟؟
اليازيه: هيه خذي هذا حلو ..
جاسم: انزين نواري شو رايج تاخذينه حق هيا ؟؟؟
نوره: و هذا اللي كنت بسويه ..
طلال: اليازيه ..
اليازيه: لبيه ..
طلال: لباج قلبي ممكن تختارين لي عطر بس يكون نسائي ..
اليازيه: لا يكون انت تحط لك عطور نسائيه ؟؟؟
طلال: لالا انا اباه حق وحده ..
جاسم عرف انها اليازيه اللي يبا يعطيها العطر و نوره بعد بس اليازيه بطلت عينها منو هالخايسه اللي بيعطيها العطر لا و بيشتري سلة عطور ..
اليازيه: انت اختار لها شو له انا ؟؟؟
طلال استانس انها عصبت: لا بس انتي ذوقج حلو و حبيبتي مايعيبها شي مب حلو قلت لها بخلي بنت عمي تختار لج جان تقول لي بس اذا ذوقها مب حلو رده لها ..
اليازيه: والله هالغبيه اللي ماعندها ذوق انت اخذ لها عطر مب انا دام مابيعيبها شو له تاخذ لها ..
طلال: عاد غبيه مره وحده ..
جاسم: حرام عليج انا شفتها والله انها حلوه و طيبه اتذكر مره تغدينا عندهم والله عليها طباخ لا و السويت الي تسويه اخخخ عليها حرام تقولين عنها غبيه ..
اليازيه: حرمة عليك عيشتك انت و هو ..
نوره: ههههههههههههههههههههههههههههههههههههه ..
اليازيه: بلاج تضحكين ؟؟؟؟
نوره: تصدقين حتى انا شفت البنت ماشاء الله عليها جمال و اخلاق و ادب و علم و حسب و نسب و حلوه من فوقها لين تحتها ..
محمد: و انتي ليش محتره اخوي يبا البنت انتي ليش يالسه تسبينها ..
دفعت اليازيه و ظهرت من المحل محرجه و الشباب دفعوا و طاروا وراها لا تسير مكان ..
طلال: يزوي يزوي دخيلج ردي ..
اليازيه: لا الشيخ خلها تنفعك ..
طلال: انزين تبين تعرفينها عشان يرتاح قلبج ؟؟؟
اليازيه: ارمس منو ؟؟؟
طلال: لا لين نرجع البلاد ..
اليازيه: انزين ..
محمد: و ازيدج من الشعر بيت بيخطبها رسمي هو رمس ابوها و اخوانها و ان شاء الله توافق و ماتكسر بخاطره ..
اليازيه: ان شاء الله عاد طلال اذا انكسر خاطره مايتصلح موليه ..
حميد و فاطمه توهم واصلين من بعد ماخلصوا حواطه ..
حميد: ها الشبيبه خلصتوا ؟؟؟؟
جاسم: نوره .. اليازيه خلصتوا ؟؟؟
اليازيه: هيه هيه ..
طلال: بلاج انزين قلت لج بتعرفينها بعد ماترجع البلاد ..
اليازيه: مابا اعرفها انزين .. و سارت و سحبت نوره معاها و ساروا الفندق بوسلطان رجع و معاه الغدى ..

على الغدى ..
بوسلطان: طلال ..
طلال: هلا عمي ..
بوسلطان: متى ناوي تخطب ان شاء الله ؟؟؟؟
طلال: بعد مانرجع ان شاء الله ..
بوسلطان: و انت ياللي ماتدري وين الله حاطك ..
جاسم: منو انا ؟؟؟
بوسلطان: لا قرينك اكيد انت ..
جاسم: والله اسمعني ياعمي انا ابا الكل يكون فاضي حق عرسي ان شاء الله و مثل ماخبرتكم اباه يكون عرس اسطوري ..
محمد: مخطط الحبيب من الحين ..
جاسم: هيه طلال و بيخطب اللي خذى لها العطور و بعد عرسه انا ..
اليازيه: عمي ..
بوسلطان: عيون عمج ..
اليازيه: متى بنرجع ؟؟؟
بوسلطان: بكره ان شاء الله بعد المغرب ..
وقتها طلال قام و اتصل في دلال ..
دلال: هلا وغلا بالغالي ..
طلال: هلا غناتي شحالج ؟؟؟
دلال: بخير الحمد لله ..
طلال: و النونو ؟؟؟؟
دلال: يسلم عليك ..
طلال: شحال الوالد و الوالده ؟؟؟
دلال: بخير ...
طلال: و انتي و خليفه ؟؟؟؟
دلال: على حالنا ..
طلال: انزين درى انج حامل ؟؟؟
دلال: لا بس طرش لي رساله مع احمد ولد سلطان ..
طلال: هيه صح نسيت اخبرج انه حدر عليهم ذاك اليوم في الميلس ..
دلال: صدق منو خبرك ؟؟؟
طلال: هزاع دق لي و خبرني لو بس تشوفين شكله يا دلال ضعفان و تعبان هزاع يقول هيكل عظمي يمشي على الارض والله انه تعبان بدونج الله يخليج سامحيه و حني عليه شويه صدقيني يحبج بس انتي اللي ماادري شو بلاج عليه خلاص الولد تركها و مسح رقمها من عنده البنت تزوجت و راحت في حال سبيلها عايشه حياتها ..
دلال: هي تعيش حياتها و تشيبنا ..
طلال: انسي الله يخليج ..
دلال: ان شاء الله بس عشانك ..
طلال: انزين متى موعد ولادتج ؟؟؟؟
دلال: باقي لي شهرين انا الحين في بداية السابع ..
طلال: انزين انا بروحي بوديج المستشفى و بدخل معاج ..
دلال: تحلم تدخل معاي هذا اللي قاصر محد بيدخل معاي الا اماااااايه ..
طلال: بنشوف ..
دلال: متى بترجعون ؟؟؟
طلال: بكره بعد المغرب خبريهم يستقبلونا احسن استقبال ..
دلال: هيه صح و نفرش لكم الred carpet و عليها ورود و البخور شال البقعه ..
طلال: لازم لانه الشيخ طلال موجود معاهم ..
دلال: ماادري على منو انت خقاق ..
طلال: الله يخلي طويل العمر الوالد .. الا اخبرج خذيتي اغراض حق النونو ؟؟؟؟
دلال: هيه بس ماخلصت ..
طلال: عيل لا تاخذين شي انا باخذ له على ذوقي الراقي و الحلو ..
دلال: بنشوف الراقي و الحلو ..
طلال: انزين اخليج الحين ..
دلال: سلم على الكل ..
طلال: يوصل .. و سد السماعه ..
حميد: منو ترمس استح على ويهك انت معتمر ..
طلال: لا كنت ارمس دلال و تسلم عليكم ..
الكل: الله يسلمها ..
بوسلطان: والله اني اشتقت لها و لسوالفها هي و نوره اللي كانوا ماليين على البيت ..
طلال: قريب ترجع ان شاء الله قريب ..
بوسلطان: الله يسمع منك .. الا هي شحالها في اي شهر الحين ؟؟؟؟
طلال: في بداية السابع ..
فاطمه: الله يتمم عليها ..
بوسلطان: انزين تبون شي من هني عشان نخلص اغراضنا و نصكر الشنط ..
جاسم: لا سلامتك عمي خذينا كل شي ..
بوسلطان: انزين بنسير نصلي العشى في الحرم و بعد العشى بيبدأ الشغل العدل ..
الكل: ان شاء الله ..
بوسلطان: ان شاءا لله استانستوا ؟؟؟؟
محمد: هيه والله هالسفره ماتتعوض ..
طلال: اكيد ماتتعوض صح اليازيه ؟؟؟؟
اليازيه تخزه بنظره: هيه صح ..
جاسم: و ليش ؟؟؟؟
نوره: لانه السفره مب حلوه بدون المينن ..
حميد: منو ؟؟؟؟
نوره: جسيم على راس القائمه و بعدين طلال الخبل الثاني و بعدين محمد و حميد نفس المرتبه و بعدين عبدالله و صقر و ذياب و خليفه و هزاع و سلطان الوحيد العاقل اللي بينكم و اخر واحد العقل المدبر لهالعصابه حمدان ..
فاطمه: هيه والله ..
طلال: و انتوا البنات شوووو ترتيبكم ؟؟؟؟
بوسلطان: ماشاءالله عليهم بناتي ملاك نازل من السما كل وحده اعقل من الثانيه ..
جاسم: هيه مبين ..
بوسلطان: شوووووووووووووو ماسمعتك ...
جاسم: هاااااا ولا شي عمي بس اقول انهم عقال ..
بوسلطان: انزين انا بسير تحت عندي اغراض ابا اخذها و انتوا شيلوا السفره و الشباب خلوكم عقال ..
محمد: انا بيي معاك عمي ..
بوسلطان: هيه و الله تعال ابا حمالي ..
محمد: افااااااااااااااااااااااااا انا حمالي ..
بوسلطان: لا الشيخ محشوم ولد اخوي اسف و حقك علي تبا ارضيك بأسكريم ؟؟؟
محمد: هيه ..
الكل: ههههههههههههههههههههههههههههههههههههه ..
ساورا بوسلطان و محمد تحت و حميد و فاطمه ساروا يتمشون تحت لانه اخر يوم و مابقى غير الحبايب فوق.. نوره و اليازيه ساروا المطبخ يسوون جاي و الشباب يطالعون تلفزون و يلعبون ورقه >> الحياه حلوه ..
اليازيه: طلال ..
طلال مندمج في اللعب: هلا الغاليه ..
جاسم يضربه على راسه: توك معتمر ..
طلال: اخخخخخخخ شوووو بلاك ؟؟؟
جاسم يقلده: هلا الغاليه انت اللي بلاك .. اصطلب ..
طلال: خير شو تبين حنا مانفتك منكم موليه يالسين على جبودنا افففففففف ..
اليازيه: افااااااااااا ياولد العم انا يالسه على جبدك خلاص زعلت .. و دخلت المطبخ مره ثانيه ..
طلال: خلاص خلاص اسفين ..
اليازيه: ............................. و تكمل شغلها ..
طلال: افففففففف الحين شو بيعدل مزاجها يزوي دخيلج ردي علي ..
اليازيه: ................................. و ترمس نوره ..
جاسم: زين الحين زعلتها سير راضها ..
سار لها طلال و وايهها و نوره سارت تييب السكر من غرفة الشباب و جاسم طار وراها ..
طلال: يلا عاد انا اسف ..
اليازيه: ............................. ..
طلال: اسف ترى والله مااروم على زعلج اكره عمري اذا زعلتي مني خلاص عاد ردي اللي تبينه بسويه ..
اليازيه: اي شي حتى لو كان مستحيل ؟؟؟؟
طلال: لو تطلبين عيوني و قلبي و حياتي اعطيج ..
اليازيه: صدق ..
طلال: ريال و عند كلمتي ..
اليازيه: مابا لا قلبك ولا عيونك ولا حياتك ابا اسكريم من تحت ..
طلال: ههههههههههههههههه انا على بالي بتطلبين شي مستحيل اثر به اسكريم افاااااا غالي و الطلب رخيص اييب لج كل الاسكريم اللي تحت كم اليازيه عندنا ..
اليازيه: وحده و ماتتعوض ..
طلال: صحيح انها ماتتعوض .. و سار تحت ياب لها كل النكهات ..
جاسم سار ورى نوره اونه شو عذره يمكن في رياييل في الممر و يعقون عليها رمسه او شي ..
نوره: شوو تسوي هني ؟؟؟
جاسم: انا ييت وراج قت يمكن يكون فيه رياييل و انتي عارفه و بعدين انا المينن على راس القائمه صبري علي لا خذيتج اراويج ..
نوره: هيه انت على راس القائمه و بعدين ماتعرف اجذب ياجسيم اونه شو رياييل .. ماشي احد هني ..
جاسم: و انا اروم اجذب عليج ..
نوره: لا .. و رجعوا الشقه ..
جاسم: اليازيه وين طلال لا يكون كليتيه ..
اليازيه: هيه و طعمه حلو ..
جاسم: لالالا طلال حبيبي ظهريه من بطنج قلت لج ظهريه انا اباه ..
طلال و توه راجع: برافو برافو على المشهد التمثيلي الرائع انت بتاخذ صفر من عشره على هالتمثيل الزفت ..
جاسم: مالت عليك انا الحين ياي انقذك من اكلات لحوم البشر ... و يأشر على نوره و اليازيه .. و انت تقول لي خذيت صفر من عشره في المشهد خلاص انا زعلت ..
طلال: ازعل عادي كاهو اسكريم و بترضى ..
نوره: انزين شوو يبت ؟؟؟؟
طلال: كل الانواع الموجوده ..
جاسم: انا برضى بس على شرط ..
اليازيه: شووووو ؟؟؟؟
جاسم: ابا نوره تأكلني ..
نوره: شووووووووووووووووووووووووو هذا اللي ناقص ..
جاسم: ليش ان شاء الله لا ..
نوره: منو انت ؟؟؟؟
جاسم: انا ري........................... وقتها طلال حط يده على حلج جاسم ..
طلال: انطب لا تفضحنا ..
جاسم: امممممممممممممممممم ..
طلال: انطب انا باكلك ..
جاسم يتنفس: لا خلاص انا باكل بنفسي و بعدين هي تعرف..
نوره: شو كنت بتقول ؟؟؟؟
طلال: ماشي ..
جاسم: تبين تعرفين ؟؟؟؟
نوره: هيه ..
طلال: بتندمين و ويهج بيصير شارت اللحم اللي سوته اليازيه في ايطاليا ..
اليازيه: احلف انك ماكليت صبوعك وراه ..
طلال: لا الصراحه كان حلو تسلم يدج ..
جاسم: تبين تعرفين ولا لا ؟؟؟؟
نوره: هيه ..
طلال: جسيم عن السخافه انطب خلاص عاد ..
جاسم: لالا هي تبا تعرف ..
نوره: شووو ؟؟؟؟
جاسم: انا ................ ولا تعرفين شلون مابخبرج .. و يلس ياكل اسكريمه ..
اليازيه: تصدق جسيم انت و طلال شكلكم مثل اليهال و انتوا تاكلون الاسكريم ..
جاسم: انا ياهل يالبزره ..
طلال: لا عاد كله ولا اليازيه ..
جاسم: عاااااااااشواااااا و ادافع عنها بعد اشوف خلها ادافع عنك ..
اليازيه: اكيد بدافع عنه ولد عمي و مالي بد منه لازم ادافع عنه ..
طلال: يعني مجبوره ؟؟؟
اليازيه: ماعاش اللي يجبرني ..
نوره: اوب اوب ..
وقتها حميد و فاطمه رجعوا ..
حميد+فاطمه: السلام عليكم ..
الكل: وعليكم السلام ..
فاطمه: ابا اسكريم ..
طلال: انضمي حق قائمة اليهال ..
حميد: و انا بعد ..
جاسم: لا عاد انت الياهل العود هاك ..
و يلسوا ياكلون .. محمد رجع قبل بوسلطان و دخل عليهم بدون مايسوي اي صوت و ظهر جواله و يلس يصورهم فيديو و هم يصارخون و ياكلون و اللي وصخ عمره بالاسكريم و الثاني يضحك و الثالث يتطنز على الاول يعني بالمختصر المفيد صدق انهم يهال ..
محمد: السلام عليكم ..
الكل: وعليكم السلام ..
محمد: ماخليتولي اسكريم ؟؟؟؟
جاسم: لا انت بتاخذ نصيب الاسد .. و عطاه ..
بعد ربع ساعه بوسلطان و شافهم ياكلون و يلعبون ورقه و يضحكون و شاليين البقعه ..
بوسلطان: ماناقص غير هالمينن عيال عمكم و تكتمل السهره ..
جاسم: الله يخلينا لبعض ..
بوسلطان: انزين يلا اشتلوا شباب سيروا توضوا عشان تسيرون الحرم و انتوا بعد يالبنات ..
الكل: ان شاء الله .. و قاموا ..

في البلاد ..
ذياب: وينه صقر ؟؟؟؟
مها: ذياب الله يخليك خله ترى نومته و بعد عناء طويل ..
ذياب: دخيلج ابا اوعيه ..
مها: هيه الشيخ انت اللي توعيه و تلعب معاه و انا اللي ابتلش بعدين ..
ذياب: هذا هو المقصد ..
مها: لا خله ..

عند صقر و ميره ..
صقر: وينه ذياب ؟؟؟؟
ميره: كاهو يالس مايبا ينام ..
صقر: هاتيه .. و شاله و ظهر برع وقتها ظهر ذياب و معاه صقر ..
ذياب: اوه هلا بوذياب ..
صقر: ياهلا بوصقر ..
ذياب: شحال السنداره معاك ؟؟؟؟
صقر: سندارتي نفس سندارتك ..
ذياب: هيه والله تصدق يصيحون في نفس الوقت و ينامون في نفس الوقت ..
صقر: و يوعون في نفس الوقت ..
ذياب: حرام علي اذا نمت ساعتين على بعض ..
صقر: هيه والله و انا بعد ..
ذياب: خذ خذ سميك و هات سميي ..
نزلوا تحت حق ام ذياب و بوذياب ..
صقر+ذياب: السلام عليكم ..
ام ذياب+بوذياب: وعليكم السلام ..
ام ذياب: اشوف اليهال بدون امهاتهم ..
ذياب: امهاتهم تعبانات و يبون يرتاحون شوي ..
بوذياب: ماشاء الله عليهم ماتلاحظون انهم فيهم شبه من بعض ..
ذياب: اشوف ..
صقر: هيه والله نفس الخشم و الشفايف ..
ذياب: ياخي شو اسوي دام انهم طالعين علي جميلين ..
صقر: اشوف الجمال يقطر منك ..
ام ذياب: هاتهم انا بنومهم .. و خذتهم ..

في مكه .. بعد العشى ..
بوسلطان: يلا بنات اشتلوا جهزوا الشنط مالتكم و مالت الشباب ..
نوره: ليش بويه اعتقد الشباب عندهم يد و ريل و يقدرون يجهزون شناطهم بنفسهم ..
جاسم: انا من قبل قلت انكم حريم بيت بس الحين سحبت رمستي ..
نوره: حريم بيت غصبن عنك .. و سارت الغرفه ..
محمد: تستاهل ..
جاسم: ياعمي كلامها يسم البدن ..
بوسلطان: بسم الله على بدنك و بعدين لازم تتعود هذي حرمتك بعد 3 شهور ..
جاسم: الله يسمع منك ..

اليوم الثاني ..
وصلوا الجماعه المطار و استقبلوهم حمدان و هزاع و ذياب و صقر و عبدالله ..
الشباب: الحمد لله على السلامه و عمره مقبوله ..
الجماعه: تقبل منا و منكم ..
عبدالله: ان شاء الله استانستوا ؟؟؟؟؟
جاسم: افااااااااااااا عليك في احد مايستانس مع المينن ..
نوره: احم احم ..
عبدالله: شو منو المينن ؟؟؟؟
حميد: في غيرنا في العيله ..
هزاع: لا ..
محمد: خلاص عيل ..
و ساروا البيت و الكل تحمد لهم بالسلامه و تعشوا و بعدين كل واحد سار بيته ..

اليوم الثاني سار بومحمد و محمد و طلال حق بوراشد عشان يخطبون اليازيه حق طلال اللي كان متشقق من الفرحه ..
بوراشد: حيا الله من يانا ..
بومحمد: حيا الله فيك شحالك ؟؟؟
بوراشد: مانشكي باس ..
بومحمد: ياخي اليوم يايين لكم نبا اليازيه حق طلال ..
بوراشد: و هذي الساعه المباركه طلال ولدنا و اليازيه بنتكم بس لازم اخذ رايها ..
بومحمد: اكيد ولا تستعجلها ..
حميد: والله و كبرت ياطلال ..
طلال: شفت عاد العيال كبرت ..
محمد: الله يرزق جسوم و يفكنا ..
طلال: هيه تصدق محد بيبقى في العيله بعد ..
حميد: عيالنا ان شاء الله ..

سار حميد و خبر اليازيه ..
حميد: ها شو رايج ؟؟؟؟
اليازيه: والله ابا افكر ..
حميد: خذي راحتج الغاليه ..
اليازيه: حميد انا مابا اقلب المواجع بس انت تزور شيخه ..
حميد: هيه اسير لها كل جمعه بعد الصلاه و مثل ماوعدتيني انج تلبسين فستانها في يوم عرسج ..
اليازيه: افااااااااااااااا عليك مايحتاي اتذكرني ..
حميد: خلاص غناتي خذي راحتج و فكري و بعدين ردي علي ..
اليازيه: اوكي ..
ظهر حميد و هي يلست تفكر .. صدق اني غبيه في حد يسب عمره والله انك ياطلال لا الشيخ يخبرني انها حبيبته وااااااااااااي صدق غبيه انا حبيبته و العطور حقي و على ذوقي اخترتها و صدق تغدوا هم عندنا الحين اكيد الشيخ طلال و جاسم يضحكون علي ..

مر اسبوع و اليازيه واقفت على طلال و اخونا طار من الفرحه مابقى فيه عقل غناة روحه وافقت عليه .. حددوا الملجه يوم الخميس و بعد شهر العرس لانها تقريبا زاهبه .. سارت اليازيه السوق مع نوره و ام سلطان عشان اتكمل باقي اغراضها ..

موضوع: رد: مستحيل احب غيرك 4/6/2014, 11:47 pm

يوم الخميس موعد الملجه ..
اليازيه كانت مع البنات يتزهبون و الشباب تحت في الخيمه .. اليازيه كانت تتنافض من الخوف و البنات يهدون فيها بس ماشي فايده لحد مااتصل فيها حميد و رمسها و هداها ..
عند الشباب..
محمد: بلاك حميد صاير شي ؟؟؟؟
حميد: لا بس اليازيه خايفه ماتبا تيلس مع طلال بعد الملجه ..
حمدان: ههههههههههههههه انت ماتلاحظ انه كل بنات العيله فيهم هالصفه يخافون ييلسون معانا بعد الملجه ..
جاسم: هيه والله يعني البنت مابترضى تدخل على ريلها الا و اخوها معاها ..
هزاع: وحليله طلال ساكت مانطق بكلمه وحده من اول ماوصل ...
عبدالله: بلاه ؟؟؟؟
هزاع: ماادري .. و ساروا له الشباب ..
سلطان: طلال ..
طلال: ............................ كان في عالم ثاني ..
صقر: طلال ..
ذياب: بلاه الولد سرحان طلااااااااااال ...
طلال: هااااااااا نعم شو تبون شو صاير ؟؟؟؟
جاسم: بلاك سرحان ؟؟؟؟
طلال: خليفه وعدني انه بيحضر بس ماشوفه موجود ..
خليفه من وراه: و انا اروم مااحضر عشان ينزل علي غضبك ..
طلال: زين ييت ولا جان سحبتك من شعرك و يبتك هني ..
خليفه: كله ولا شعري الحلو .. على العموم مبروك يالمعرس و عقبال ناس مايدرون وين الله حاطهم ..
طلال: الله يبارك فيك ..
جاسم: الله يسمع منك ..
عند البنات ..
نوره: اليازيه بلاج انتي مب داخله على وحش الا هو طلال ..
اليازيه: والله خايفه ما تشوفيني شلون اتنافض ..
هيا: ماعلينا انتي بس هدي اعصابج و كل شي بيكون تمام ..
اليازيه: الا وين نوف حرمة محمد ؟؟؟؟
فاطمه: تحت مع مها و ميره ..
شوي الا حميد يتصل في فطيم ..
فاطمه: الووو .. هلا الغالي .. الحين .. ان شاء الله .. و انا بعد .. هههههه يلا عاد البنات يتريون .. لا والله بعدين مب الحين .. انزين انت شفتني .. انزين الفليل ماتروم تتريا 3 ساعات .. بل بل عليك انزين و هي نازله تحت انا بكون معاها .. الحين .. اوكي ..
اليازيه: هالكثر ترمسين شو خبرج حميدوه ؟؟؟
فاطمه: اصغر عيالج ولا لاعبه معاه تيله ..
اليازيه: لاعبه معاه تيله ..
فاطمه: الحين هو ياي و في يده الدفتر عشان توقعين ..
حميد يدق الباب: انا ييت ..
البنات ساروا الغرفه الثانيه الا فاطمه و اليازيه ..
حميد: الله الله على الاميرات الصغيرات ما شاء الله عيوني عليكن بارده ولا فطيم يامحلاج بالعنابي ..
اليازيه: هات الدفتر و بعدين ايلس تغزل في حرمتك ..
حميد: حتى انتي حلوه بس بنظر طلال الله يعين الولد لا شافج بيطير عقله من جمالج وحليلج طالعه علي جميله ..
اليازيه: وين اوقع ؟؟؟
حميد: بل مستعيله هني هني ..
وقعت اليازيه و يا دورها عشان تنزل و يلبسها غناة الروح الشبكه .. نزلت العروس علىانغام موسيقى حلوه و كانت جنااااااااان روعه و حلوه من الخاطر .. لابسه فستان على لون دم الغزال مدموج بالذهبي .. دخلت الميلس و الكل سمى بالرحمن عليها .. بعد عشر دقايق دخل طلال و كان مستحي من الحريم اللي كانوا يالسين .. اول شي لبسها السلسله و بعدين الخاتم .. يده هو تتنافض و يدها تتنافض اكثر منه ..
طلال بصوت واطي: و بعدين يعني ياانا اللي اتنافض يا انتي ..
اليازيه: شو اسوي دام يدك بااااااارده واايد ..
طلال: ياي من اسكيمو و انا ماادري ..
اليازيه: اسال عمرك ..
طلال: تبين ادفيج ؟؟؟؟
اليازيه: لا مشكور ..
طلال: ترى في الخدمه ..
اليازيه: طلال اخلص احس انه بيغمى علي ..
طلال: طيحي بعدين مب الحين بعد ماانا اظهر من عندكم ..
اليازيه: افاااااااااااااا لهالدرجه انا رخيصه عندك يعني ماتحبني ..
طلال: الحب لج انتي و بس يالغاليه ..
اليازيه: بنشوف ..
طلال: ببرهن لج في الميلس ...
اليازيه: و منو قال اني بيلس معاك في الميلس ..
طلال: انا قلت حق اخوانج و ابوج و وافقوا ..
اليازيه: مب على كيفهم انا صاحبة القرار ..
طلال: و انا ريلج واللي اقوله تسوينه و انتي تضحكين ..
اليازيه: و انا اضحك هااا انزين بنشوف ..
طلال: تتحدين انج بتيين ...
اليازيه: تتحدى اني مب يايه ..
طلال: انزين اذا ييتي تبوسيني يدام الشباب و البنات بكره في بيتنا ..
اليازيه: و اذا ماييت اممممممم بعدين نتفاهم ..
طلال: لا شو بعدين نتفاهم انزين انا ابوسج يدام الكل ..
اليازيه: لا الشيخ قفطه يدام الكل ..
طلال: الا يدام الكل ..
اليازيه: انزين ..
طلال: فديت اللي تعصب بسرعه ..
<< خوش معاريس يتراهنون ليلة الملجه ...
ظهر طلال من عند الحريم و كله امل انه اليازيه تيي الميلس بس البنت حلفت انها ماتدخل و صدق مادخلت الكل استغرب منها بس فسروها على انه البنت تستحي وحليلهم محد يعرف انهم متراهنين .. طلال عطى حميد جوال عشان يعطي اليازيه بس هي رفضت تاخذه على قولتها خله يعرف منو اليازيه اللي يتحداها بس بعدين الله يستر شو بيسوي فيها ليلة الدخله خخخخخخ ....
بالليل ..
البنات يلسوا شوي عند اليازيه جان يفتحون لها تحقيق ..
نوره: ليش كنتي تضحكين و انتي واقفه عند طلال ؟؟؟؟
اليازيه: ماشي ..
دلال: شو ماشي و ابتسامتج واصله لين اذنج ..
اليازيه: بكره بتعرفون ..
في هاليوم لا اليازيه غفا لها جفن و نفس الحاله طلال .. والله هالبنت قويه صدق لا قالت مابدخل عليك بس خلها تتريا علي شوي لا اراويها شغلها بكره ان ماقفطتها يدام الكل .. و اليازيه المسكينه تفكر في شو ممكن يروم طلال يسوي فيها بكره لانها مايلست معاه في الميلس .. الله يعين ...

اليوم الثاني ..
كان بوسلطان مسوي غدى و عازم الكل .. البنات وصلوا بالاول عشان يجهزون و الشباب كانوا في المسيد .. في المطبخ البنات كانوا يجهزون الغدى و الخدامه توديه الصاله حدر عليهم طلال بس ماانتبهت عليه اليازيه ولا جان شردت منه ..
طلال: السلام عليكم ..
البنات: وعليكم السلام ..
اليازيه بصوت واطي: الله يستر ..
طلال: قلتي شي غناتي ..
اليازيه: لا الشيخ ماشي الا وين الباقي ؟؟؟
طلال: الحين بدل ماتسألين عني شحالك حبيبي شو علومك عايش ولا ميت تقولين وين الباقي الصراحه انتي فاشله كزوجه ..
اليازيه: انا الفاشله ولا انت اللي ماقدرت توفي بوعدك لي امس ..
طلال: لا الشيخه ناوي بس مب الحين ..
اليازيه: متى ؟؟؟
طلال: يدام الشباب و الكبار احلى ..
اليازيه: حق القفطه صح ؟؟؟؟
طلال: انزين غناتي انا الحين بسير تبين شي ؟؟؟؟
اليازيه: لا سلامتك الغالي مابا شي .. و صدت عنه تكمل شغلها وقتها هو يا وراها و باسها على خدها و ظهر من المطبخ ولا كانه مسوي شي ..
نوره: احم احم الله على الحب ..
هيا: فديت يزوي العروس ..
فاطمه: الولد يحبج و يمووت عليج ..
اليازيه: ادري مايحتاي تخبريني ..

في الصاله بعد الغدى ..
بوسلطان: كاهو طلال و ملج على بنت عمه و انت ياللي ماتدري وين الله حاطك متى ناوي تخطب ؟؟؟؟
جاسم: احم احم انا هــــالاسبوع ان شاء الله ..
طلال: اوب اوب تطورنا ..
جاسم: مليت حياة العزوبيه ..
صقر: لازم تملها ..
بوعبدالله: و منو اللي ماتبا روحها بتاخذك ...
جاسم: بويه لا تقول هالرمسه انا ابا البنت و اكيد البنات تباني ..
بوعبدالله: ادعيلها من كل قلبي ..
جاسم: و انا بعد ادعيلي ..
اذن العصر و الرياييل ساروا المسيد و الحريم ساروا فوق وقت ماكانوا البنات بيسيرون فوق زقرهم طلال ..
طلال: شباب و بنات قبل ماتسيرون ابا اسوي شي ..
حميد: شوووو ؟؟؟؟
سار طلال و باس اليازيه على خدها و على طول طار للمسيد قبل مايهزبه حميد وقبل مايظهر ..
طلال: عشان تعرفين انه انا افي بوعدي ريال و عند كلمتي .. و سار ..
الشباب: هههههههههههههههههههههههههههههههههههههههه ..
حميد: طلاااااااااااااااااااااااال ..
اليازيه: حميد لا تسوي في الولد شي ..
حميد: لا تخافين الغاليه بس بكسر راسه و بافقع عينه ..
اليازيه: حرمتك يالسه معانا ..
حميد: اففففففففففففففف انزين ..
اليازيه: لا تلمسه ..
حميد: ان شاء الله حضرة الاميره .. و ساروا الشباب المسيد ..

بالليل ..
اجتمعوا الشباب في السنتر مع معضد اخو نوف حرمة محمد و ناصر اخو جراح الله يرحمه و سعود و فهد عيال اعمام ميره و اخوها خالد و احمد اخو مها ..
سعود+فهد+خالد: السلام عليكم ..
الكل: و عليكم السلام ..
خالد: شحالكم شباب ؟؟؟؟
حمدان: دام انت بخير حنا بعد بخير ..
خالد: تمام التمام ..
جاسم: وينكم ماتبينون ولا حس ولا خبر شوو ها هانت العشره اللي بينا ..
سعود: الله اللي يقول مع بعض من 20 سنه الا هي سنتين ..
عبدالله: و هالسنتين شكلهم مايبينون في عيونك ..
فهد: لا حشا احلى سنتين في عمرنا ..
ناصر: طلول .. جسوم ..
جاسم+طلال: شووو بلاك تصارخ من قمة راسك ؟؟؟؟
ناصر: اشوف الكل عرس الا انتوا و بعدين معاكم يعني ..
جاسم: ليش يالسين على جبدك ..
طلال: انا عن نفسي ملجت و الحمد لله بس ناس مايدرون وين الله حاطهم مايبون يخطبون الا بالخميس ..
جاسم: خلاص ولا يهمكم من بكره اسير بيت عمي ..
حمدان: و انا وراك ..
معضد: الا خليفه وينه ؟؟؟؟
هزاع: عنده شغل و مااعتقد يروم ايي ..
بعدين استأذن هزاع و سار عنهم و محمد و طلال بعد لانه دلال اتصلت فيهم قاموا الشباب و خموا السنتر ماخلوا بنات في حالهم و ماتطنزوا عليهم و ماخلوا مشكله ماطاحوا فيها مع الشباب خبركم الكل عرس و انتهت ايام العزوبيه .. بعد اذان العشى سار جاسم حق ابوه و خبره انه مايروم يتريا زياده و سار بيت عمه عشان يخطب غناة الروح نوره ....
بوسلطان: هلا بولدي جاسم ..
بوعبدالله: ريال طول و عرض يدامك واقف تسير و تسلم على الولد ..
بوسلطان: شو اسوي فرحان ..
جاسم: دوم مب يوم عمي ..
حمدان+عبدالله: شحالك عمي ؟؟؟؟
بوسلطان: انتوا بعدين انا ابا جسيم .. و سار يلس عنده ..
بوعبدالله: شو هالحب الي نازل عليك اليوم ..
بوسلطان: ولدي و كيفي انتوا شو حارنكم ..
بوعبدالله: انزين اعتقد انك عارف ليش حنا اليوم عندك ..
بوسلطان: و هذي الساعه المباركه بس بشاور البنت تعرف يمكن غيرت رايها ..
جاسم فج عينه: شوووووووووووووو لا شو غيرت رايها فال الله ولا فالك بسم الله علينا انا و نوراي من هالطاري ..
بوعبدالله: اظهر على حقيقتك نوراي هااااااااااا ..
جاسم: عمي سير اسئلها الحين ..
بوسلطان: فالك طيب .. و سار ..
نوره: هلا بويه بغيت شي ؟؟؟؟
بوسلطان: هيه الغاليه البسي شيلتج و تعالي الميلس عمج بوعبدالله يباج ..
نوره مستغربه: ان شاء الله .. و سارت ...
دخلت عليهم الميلس ..
نوره: السلام عليكم ..
الكل: وعليكم السلام ..
نوره: شحالك عمي ؟؟؟؟
بوعبدالله: هلا بحبيبتي هلا ..
نوره: شحالكم شباب ؟؟؟؟
جاسم: دامج بخير انا .. اقصد حنا بخير ..
حمدان بصوت واطي: اركد ترى الركاده زينه و يمدحونها ..
جاسم: و ليش الشيخ شو شايفني ..
حمدان: ماتروم تركب كلميتن على بعض من دخلت علينا غناة الروح انطب لا تفضحنا خلني انا ارمس بدالك ..
جاسم: ان شاء الله عمي ..
بوعبدالله: غناتي نوراي ..
نوره: هلا عمي ..
بوعبدالله: سمعيني جاسم يباج من الخاطر و حن على راسي الا تخطبها اليوم شو رايج الغاليه موافقه ولا لا انتي عارفه جاسم و رابيه معاه مايحتاي اخبرج عنه ..
نوره انصدمت ..
بوسلطان: نوره ..
نوره: ................................ مستحيه البنت تقول هيه يدام جاسم وحليلها ...
جاسم: نوره ردي علي انتي موافقه ولا لا ؟؟؟؟
نوره: انا ................... موافقه .. و سارت برع و الويه شرات الطماطه ...
بوسلطان: مبروك عليك ياجسيم ..
جاسم: الله يبارك فيك ..
بوعبدالله: منك المال و منها العيال ..
جاسم: الله يخليك لي يالغالي ..
حمدان: شو اللي تحس فيه الحين ؟؟؟؟
جاسم يتنهد: احس اني اسعد انسان في هالكون ..

هزاع كان يتحوط برع بالسياره ملان و ماعنده شغله .. مر من عند عماره سكنيه و انتبه على خليفه حادر من سيارته و بيسير الشقه فسار وراه ..
هزاع: السلام عليكم ..
البواب: وعليكم السلام ..
هزاع: هذي ريال يجي الحين وين شقه مال هوه ؟؟؟؟
البواب: شقه رقم 10 ..
هزاع: شكريا .. و سار فوق .. دق الباب .. و خليفه فتح ..
خليفه: هزاع ..
هزاع: هلا و اخيرا عرفت وين مكانك ..
خليفه: تفضل ..
كانت الشقه معفسه فوق حدر .. قام هزاع بنظف لانه اصلا مب عارف شو يرمس مع خليفه او شو يقول له .. اما خليفه دخل الغرفه و سد الباب وراه .. بعد عشر دقايق سمع هزاع صوت ضربه قويه على الارض و يايه من غرفة خليفه حاول يقتح الباب بس ماشي فايده كان مقفول .. يلس يضرب الباب الين انكسر و انصدم .............................

خليفه كان طايح على الارض و راسه ينزف دم .. على طول شاله هزاع و وداه المستشفى .. و هو مار من عند الغرف انتبه على طلال و محمد يالسين عند الغرفه و يتريون مع ام محمد و ام سلطان طبهم و كمل طريجه لين العنايه وطلال وراه ..
هزاع كان يالس و ملابسه كلها دم شافه طلال و خاف ..
طلال: هزاع شو صاير لك ؟؟؟؟؟
هزاع: خليفه ياطلال خليفه طاح و الدم قام ينزف من راسه و الحين هو بالعنايه ..
طلال: انت شلون عرفت مكانه ؟؟؟؟
هزاع: ماشي شفته بالصدفه نازل من سيارته و ساير العماره اللي يسكن فيها سرت له و هو دخل الغرفه و ماوعيت غير اسمع صوت ضربه قويه كسرت الباب لانه كان مقفول و دخلت لقيته على هالحال مابسامح عمري اذا صار فيه شي ..
طلال: ليش هذا مب خطأك ...
هزاع: ياطلال خليفه فيه القلب من زمان بس ماحب انه يخبر احد حتى الوالد و الوالده مايعرفون ..
طلال منصدم: القلب من متى ؟؟؟؟؟
هزاع: من مده طويله .. و انتوا شوو صار لكم ليش الكل هني ؟؟؟؟؟
طلال: دلال تعبانه و بتولد صار لها ساعه و نص ماادري شو له ..
هزاع: سير لها سير و اذا صار اي شي انا باتصل فيك ..
سار طلال و خبر محمد بالسالفه بس ماخبر ام سلطان عشان ماتخاف كفايه اللي فيها كافيها ..
ظهروا الدكاتره من عند خليفه ..
هزاع: دكتور بشر شحاله اخوي ؟؟؟؟؟
الدكتور: لا الحمد لله انه الضربه مااثرت على المخ و هو الحين بخير عطيناه بنج عشان ينام و يرتاح و لازم نخليه عندنا كم من يوم عشان نراقبه و انت عارف انه فيه القلب ..
هزاع: يعني عدى مرحلة الخطر ؟؟؟؟
الدكتور: هيه هو الحين بخير و تروم تشوفه ..
في الصوب الثاني من المستشفى عند دلال ..
الدكتوره: مبروك ياكم ولد ..
طلال: و دلال شحالها ؟؟؟؟
الدكتوره: هي الحين نايمه لانه العمليه تعبتها وااااااااايد ..
ام سلطان: و الولد شحاله ؟؟؟؟
الدكتوره: الولد بخير ..
ام محمد: مشكوره ... و سارت الدكتوره .. طلال و محمد ساروا حق خليفه ..
محمد: مبروك صرت عم مره ثالثه ...
هزاع: الله يبارك فيك الا شحالها دلال الحين ؟؟؟؟؟
طلال: نايمه الدكتوره تقول انه العمليه وااااااايد تعبتها ..
هزاع: و الياهل ؟؟؟
محمد: الحمد لله تقول الدكتوره انه بخير و بيخلونه في الحضانه ..
طلال: و خليفه ؟؟؟؟؟
هزاع: الحمد لله الضربه ماوصلت راسه ..
محمد: قلوبهم على بعض ..
طلال: شوو تقصد ؟؟؟؟
محمد: اعتقد خليفه كان حاس بدلال و دلال حست في خليفه ماتتذكر شو كانت تقول في السياره ...
طلال: هيه هيه صح كانت تنادي باسمه و تقول خبروه اذا انا مت ..
هزاع: اذا هي ماتت !!
محمد: ماادري بس اعتقد انه دلال كانت حاسه انها بتموت ..
هزاع: لا فال الله ولا فالك ان شاء الله تعيش هي وخليفه مع بعض و مابيفرقهم غير الموت و الله يطول بعمرهم ..
طلال: انزين الحين شو نسوي عشان هالسبلان يرجعون حق بعض ..
خليفه بصوت واطي: محد السبال غيرك انت و حرمتك ..
طلال: اوه انت تسمع ..
محمد: سلامات خلوف ماتشوف شر ..
خليفه: الشر مااييك ..
هزاع: خليفه نبا نخبرك شي ..
خليفه: شوووو ؟؟؟؟؟
طلال: بس اوعدنا انك ماتعصب و تنفعل لانه مب زين حق قلبك ..
خليفه: شوووو تراكم خرعتوني ؟؟؟؟
محمد: اسمع بعد ماظهرت دلال من عندك ذيج الليله كانت بتقول لك انها ..........
خليفه: انها شوووووو ؟؟؟؟
طلال: انها حامل ..
خليفه انصدم: شوووووووووووووو حامل و ماتخبرني من متى ؟؟؟؟؟
هزاع: ياخليفه افهم هي كانت بتخبرك بس انت كنت ترمس هالخايسه وقتها دلال سمعتك و انت عارف الباقي ..
خليفه: و نتوا ليش ماخبرتوني ؟؟؟؟
طلال: دلال ماكانت تباك تعرف ..
خليفه: انزين الحين هي شحالها ؟؟؟؟
محمد: هي تعبانه لانه الولاده كانت صعبه..
خليفه: بنت ولا ولد ؟؟؟؟
هزاع: انت شو تبا ؟؟؟؟
خليفه: هزاعووووووه خبرني ..
هزاع: ولد ..
خليفه: و دلال وينها الحين ؟؟؟؟
طلال: في الغرفه اللي عندك ..
خليفه: ابا اسير لها ..
محمد: انت غبي ولا تتغيبى ارتاح الحين و بعدين سير لها ..
خليفه: انت اسكت اباها الحين ..
طلال: بس هي نايمه ..
خليفه: احسن مابها تشوفني بهالحاله ..
هزاع: انزين انت ماتروم تصلب عمرك شلون بتسير لها ؟؟؟؟؟
خليفه: و انا ليش عندي اخوان و عيال عم يلا ودوني ...
قاموا الشباب اسندوه و ودوه عند دلال .. هي كانت نايمه .. دخل عليها خليفه الغرفه و الشباب ظهروا برع عشان ياخذ راحته .. سار عندها و كان مبين عليها التعب يلس على الكرسي اللي عند السرير و الدموع في عينه مسك يدها و باسها و حط يده الثانيه على خدها ..
خليفه: سامحيني الغاليه انا عذبتج معاي دلال دلال تسمعني الله يخليج ردي علي انا محتاجج اكثر من قبل الحين عندنا زايد نربيه دلال ..
دلال حست بأحد يرمس و يالس عند راسها فتحت عينها شوي شوي و شافت خليفه ..
دلال: خليفه ....
خليفه: سامحيني الغاليه ..
دلال: ...............................
خليفه: دلال ردي علي انا اسف و ان شاء الله بعوضج عن كل شي بس بالاول سامحيني ...
دلال: انا مسامحتك ياخليفه بس انت اللي كسرت بخاطري ذاك اليوم كنت بخبرك اني حامل بس لين سمعتك ترمسها هونت ..
خليفه: بعوضج عن كل اللي راح بس ردي لي انا بدونج مااسوى شي ....
دلال: الا وين ولدي ؟؟؟؟
خليفه: هو الحين في الحضانه ..
دلال: شفته ؟؟؟؟
خليفه: ييت اشوفج بالاول و بعدين لاحقين على الصغيرون ...
دلال: انزين تتذكر الاسم اللي اتفقنا عليه ؟؟؟؟؟
خليفه: و انا اروم انساه ياام زايد ...
دلال: هههههههههههههههههه ...
وقتها دخلت عليهم ام سلطان و ام محمد ...
ام سلطان: طاح الحطب ؟؟؟
خليفه: طاح و انكسر بعد ...
ام محمد: مبروك ماياكم ياعيال ..
ام سلطان: يتربى في عزكم ان شاء الله ..
دلال: ان شاء الله ...
و دخلوا طلال و محمد عشان ياخذون خليفه لانه الدكتور بيكشف عليه ..
طلال: خليفه يلا تعال نسير عشان الدكتور يكشف عليك ...
خليفه: مابا ..
دلال: ليش خليفه بلاك ؟؟؟؟؟
طلال ماعرف شلون يخبر دلال انه خليفه فيه القلب و خليفه بعد مب عارف شلون يخبرها و ام محمد و ام سلطان مايعرفون يعني بالمختصر المفيد العيله كلها ماتعرف الا هزاع و طلال و محمد و الحين لازم دلال تعرف ...
دلال: خليفه بلاك ؟؟؟؟
خليفه: ماشي الغاليه بسير حق الدكتور و برجع لج واوكي ..
دلال: و انا اترياك ...
سار خليفه و كشف عليه الدكتور و بعدين رجع حق دلال و ام محمد و ام سلطان ساروا البيت مع محمد عشان اييبون ملابس حق دلال .. و خليفه دخل عند دلال و طلال يتريا برع ..
دلال: بلاك خليفه ؟؟؟؟
خليفه: قبل ماارمس و اقول شو صار لي انتي ليش ماخبرتيني انج حامل ؟؟؟؟؟
دلال: اعتقد محمد و طلال خبروك و الحين خلينا في المهم شوو بلاك مرقد بالمستشفى ؟؟؟؟؟؟
خليفه: سمعي الغاليه اليوم ياني هزاع الشقه و انتي عارفه اني اسكن في شقه من بعد ماتركتيني المهم انا فيني القلب من مده طويله و محد يعرف الا هزاع من كم من شهر و اليوم في الشقه بدأ قلبي يتعب و ضرب علي بغيت اموت و مارمت اشوف يدامي و طحت و راسي ضرب في طرف الطاوله الحاد و يابني هزاع المستشفى و مثل ماتشوفين الحين راسي ملفوف ..
دلال منصدمه: فيك القلب و ماتخبرني ليش و اقول ليش طحت علي لين كنا في ايطاليا لا و مب مره بعد مرتين ..
خليفه: دلال خلينا نبدأ صفحه يديده دخيلج اللي فات مات و خلينا الحين نعيش الحاضر و المستقبل و ننسى ...
دلال: انا ابا ابدأ صفحه يديده بس شو يضمن لي انك مابترجع حق سوالفك البطاليه ...
خليفه: انتي حياتي و روحي و قلبي و عيوني و كل مافيني و انا اوعدج اني مب راجع حق هالسوالف البطاليه على قولتج و انتي و زايد بتكونون في عيوني ...
دلال: الله يخليك ابا اشوفه ..
خليفه: انزين تريي لين بكره و بعدين تلاقينه الحين نايم ..
دلال: انزين انت سير ارتاح ...
خليفه: لا انا بنام عندج الليله مشتاق لج حيييييييييييييييييييل ..
وقتها طلال دق الباب و دخل ..
طلال: و بعدين يعني تراني خست و انا اتريا برع و انت خليفه تعال ارتاح و انتي بعد يا ست الحسن و الجمال ارتاحي بعد ..
خليفه: انزين انزين ياهادم اللذات ..
دلال: شفت الولد ؟؟؟؟
طلال: ليش ماله اسم ..
خليفه: زايد ..
طلال: عاشت الاسامي بوزايد بس ممكن الحين تيي معاي و ترتاح و اخوانك و عيال عمك الحين بيون ..
خليفه: ليش انتوا خبرتوهم ؟؟؟؟
طلال: هيه لانه عبدالله كان يتصل لك بس انت ماترد فخاف عليك و اتصل في هزاع و خبره بالسالفه ..
خليفه: و هذا هزاع مشخاله مايسكت شوي ..
طلال: والله عيال عمك و كانوا خايفين عليك ..
دلال: انزين يلا انقفطوا برع لوسمحتوا ابا انام تعبانه ..
خليفه: توه شحلاتج شزينج و كلامج مثل العسل شو له انقلبتي ..
دلال: تعبانه ياناس ..
خليفه قبل مايظهر باسها على خدها و مشى مع طلال و لا كأنه مسوي شي و طلال يتحلف له طول الطريج و هذاك طابه .. الحياه حلوه عنده شعليه رجعت له غناة الروح ...

بعد يومين ظهرت دلال من المستشفى بس كانت ترجع كل يوم عشان تيلس معاه شوي و بعدين ترجع البيت و هي الحيت يالسه في بيت ابوها .. خليفه رجع البيت و امه عاتبته و ابوه بعد و اعمامه فتحوا معاه تحقيق ليش سويت جي و ليش و ليش طبعا خبرهم بسالفته انه فيه القلب الكل انصدم و ابوه زعل عليه بس بعدين راضاه و كل الامور تصلحت ... جاسم و نوره يتريون يوم الملجه اللي هي يوم الخميس كانت تسير السوق مع امها و تقريبا خلصت كل اغراضها ... نوف حرمة محمد حامل و فاطمه بعد في الشهر الثاني ... شهد حرمة عبدالله ربت و يابت بنت سموها شمسه ...

موضوع: رد: مستحيل احب غيرك 4/6/2014, 11:48 pm

يوم الخميس .. ملجة جاسم و نوره ...
الكل كان مستانس حق هالاثنين و الكل كان يتمنى جاسم حق نوره و نوره حق جاسم و اخيرا هاليوم بيتحقق البنات في بيت بوسلطان يتجهزون و الشباب في بيت بوعبدالله يتجهزون .. نوره كانت ساكته ماترمس ولا شي خايفه و تتنافض و البنات يضحكون عليها ..
هيا: نوراي بلاج ؟؟؟؟؟
نوره: اسكتوا عني ...
دلال: هههههههههههههه مسكينه والله ..
نوف: انزين اخذي الامور ببساطه عادي ..
نوره: شووو عادي والله اخاف ..
ريم: بل بل لهالدرجه شو مسوي جاسم فيج ترى اخوي مايخرع ولا شي ولا هو من اكلة لحوم البشر ..
نوره: قصوره يكون من اكلة لحوم البشر هذا اللي ناقص لا تخلوني احلف ماادخل الميلس بعدين ..
اليازيه: انتي و قعي على الدفتر بعدين دخلي ..
ميره: في خاطري اشوفج بعدين و هو يلبسج الشبكه ..
نوره: حق التطنز مافي احسن منكم ..
مها: نسلي عمرنا شوي ..
نوره: اوووووووووووووووه تراكم طفرتوني بروحي خايفه و مااروم اوقف على ريلي شلون بنزل تحت اخاف اتخرطف لالالالا ولا اخاف اعطس و الكل يضحك على لا و انتوا بعد بتصورون وابويه على حالي ...
اليازيه: هههههه حبيبتي انتي اصلا من دخلتي الغرفه و الكيمره مثبته عليج هناك ..
نوره: عنلاااااااااااااتج يالسباله و انا من اول مايلست و انا اتحلطم على عمري و عليكم شو هالحاله لا يكون جاسم بيشوف الفيديو ؟؟؟؟
اليازيه: هيه بيشوفه اصلا هو اللي خبرني صوريها قبل ماتنزل ...

عند الشباب ..
حمدان بصوت واطي: بتخبرهم اليوم ؟؟؟؟
جاسم: هيه هيه بعد ما المعازيم يسيرون بجمعهم كلهم في الميلس و بخبركم ..
حميد: جسيم سمعت انك بتخبرهم ..
جاسم: هيه ..
ذياب: شوو بتخبرنا ؟؟؟؟
جاسم: بعدين ..
صقر: الملاج وصل ..
جاسم: هونت ..
خليفه+هزاع+سلطان: شووووووووووووووووووووووو ؟؟؟؟ << اخوان العروس ماينلامون ..
جاسم: بل بل بل كليتوني اقصد هونت مابخبركم بــــشي ..
حمدان: شو له ؟؟؟
جاسم: اول شي بخبر حرمتي و بعدين ..
عبدالله: انزين يلا تعال وقع عشان خليفه يودي الدفتر حق نوره ..
وقع جاسم و هو متشقق من الفرحه الدنيا مب سايعته خلاص غناة روحه بتكون في حضنه .. خذى خليفه الدفتر و وداه حق نوره .. البنات ساروا الغرفه الثانيه و مابقت غير دلال و نوره ..
خليفه: هلا بالغزلان ..
دلال+نوره: هلا فيك الغالي ..
خليفه: يامحلاتج ياحرمتي ..
دلال: تسلم لي عيونك الحلوه ..
نوره: رجعت له حبيبة القلب جان ينسى اخته ..
خليفه: افاااااااااااااااا لا حبي انسى الدنيا و ماانساج ..
نوره: علينا هالرمسه ..
خليفه: صدق والله هالرمسه طالعه من صمصومة قلبي ..
دلال+نوره: هههههههههههههههههههههههههههههههه ..
خليفه: يلا وقعي ..
نوره: جاسم شلون شكله ؟؟؟
خليفه: صدق انج ماتستحين على ويهج اخوج و تسأليني عن ريلج بنات اخر زمن ..
نوره: يعني شكله حلو ولا لا ؟؟؟؟
خليفه: لا الشيخه النور يشع من ويهه و الابتسامه شاقه الحلج و واصله لين اذنه ..
و قبل مايظهر خليفه باس نوره على خدها ..
دلال: و انا ...
خليفه: انتي غير بعدين بعدين .. و سار ..
دلال: فديت اخوج رومنسي ..
نوره: لانه انتي اللي ضويتيه حبيبتي ..
نزلت نوره على انغام موسيقى هاديه اختارها جاسم و كانت لابسه فستان ذهبي و بني و درجاته و لامه شعرها الطويل كانت من اروع مايمكن ملاك نازل من السما .. شوي الا يدخل جاسم عشان يلبسها الشبكه اللي اختاروها الشباب كلهم .. اول مادخل شافها و استخف عليها قعد يتفداها ..
جاسم بصوت واطي: فديت هالقمر اللي نور علي ليلتي ..
نوره: ..................................
جاسم: ماهقيتج بتظهرين حلوه لهالدرجه مابقى فيني عقل ..
نوره: انت اصلا كان فيك عقل عشان يطير ..
جاسم: شو تبيني اسوي دام اني مربوش كنت راكد شحلاتي شزيني قبل ماادخل بس لين شفتج فصخت الحيا ..
نوره: لا والله ..
جاسم: يسلم لي هالصوت شو ناعم ..
نوره: جسيم اخلص و سير قبل ماتستخف زياده ..
جاسم: من عيني يا غناتي ..
لبسها و سار برع و الويه شرات اشارة المرور .. الشباب استغربوا شو بلاه الولد ساكت ماينطق ..
حمدان: جسيم ..
جاسم: ............................
خليفه: جسوم ..
جاسم: امممممممممممممممممممم ..
هزاع: الولد امره عجيب ..
عبدالله: بلاك جاسم شو صار لك داخل ؟؟؟؟
جاسم: شووووووووو ؟؟؟
صقر: لالالالالا الولد فيه شي ..
ذياب: جاسم مزكم شي حرارتك مرتفعه تبا تسير المستشفى ؟؟
جاسم: هاااااااااا لا انا بخير بس الحين بسير الميلس و انت يا خليفه خل حرمتي تدخل .. و سار ..
سار خليفه حق نوره ..
خليفه: يلا دخلي الولد يتريا ..
نوره: مابا استحي ..
وقتها جاسم يا و مسكها من يدها و وداها داخل و رقع الباب في ويه خليفه ..
خليفه: هذي ثاني مره يرقعون الباب في ويهي .. افففففففف ..
جاسم: لا تستحين مني ..
نوره: ..................
جاسم: مبروك عليج انا ..
نوره: الله يبارك في حياتك ..
جاسم: احس اني اسعد انسان في هالدنيا ..
نوره: ليش ؟؟؟
جاسم: لانج يالسه عندي ..
نوره: لهالدرجه ..
جاسم: و اكثر بعد انتي ماتعرفين بشو احس كنت اتريا هاللحظه من مده طويله و الحمد لله الحين تحقق كل بس مابقى غير نكون تحت سقف واحد ..
نوره: الله يتمم على الكل ..
يلسوا شوي و بعد ماساروا المعازيم اجتمعت العيله كلها في الميلس و نوره كانت يالسه عند جاسم و كل وحده يالسه عند ريلها و الشواب و الحريم عند بعض ..
بومحمد: خير جاسم شو تبا ؟؟؟؟
جاسم: حبيت اخلى فرحة هالليله تكون فرحتين ..
بوراشد: شو تقصد ؟؟؟؟
جاسم: انا اقول لكم تتذكرون يوم سرنا انا و حمدان و حميد عشان نسوي العمليه يوم وفاة جراح الله يرحمه ..
بوعبدالله: هيه و حمدان خبرني انه العمليه مانجحت ..
جاسم: بالعكس انا خبرت حمدان و حميد انه يقولون لكم انها مانجحت حيبت اخلي هالمفاجأه في يوم ملجتي و تكون الفرحه فرحتين ..
ام عبدالله: يعني انت الحين مب مريض ..
جاسم: الحمد لله ..
نوره: صدق هالرمسه ؟؟؟؟
جاسم يوايهها: هيه صدق ..
قامت نوره تصيح من الفرحه و الحريم بعد و ام عبدالله ماسكتت خير شر مستانسه وحليلها .. جاسم سحب نوره برع و ساروا الميلس الثاني و هي لحد الحين تصيح ..
جاسم: بلاج ليش هالدموع كلها ؟؟؟؟
نوره: مستانسه انك بخير ..
جاسم: دوم ان شاء الله ويلا مسحي دموعج ترى غاليه على وايد ..
نوره: مااروم اسكت ..
قام جاسم و لوى عليها ..

هالليله مثل ماانا قلت كانت حلوه بالنسبه للكل .. على الساعه 2 كل واحد رجع بيته و الدنيا مب سايعتهم ..

اليوم الثاني ...
مثل ماقال جاسم كل شي بيكون اسطوري من ملجتي لين عرسي بدل مايسوون غدى في بيت واحد من اعمامهم ساروا كلهم مطعم على حساب الشباب .. سوالفهم و ضحكهم كانت شاله البقعه الكل مستانس .. بعدين جاسم خذى نوره و ساروا يتمشون و طلال خذى اليازيه و محمد خذى نوف و عبدالله و شهد و حميد و فاطمه و ميره و صقر و ذياب و مها و خليفه و دلال استأذنوا و ساروا البيت لانهم مايرومون يخلون زايد بروحه و هزاع و ريم و سلطان و العنود و احمد ودوه الالعاب حمدان و هيا و ولي العهد حمد و الشواب و الحريم يلسوا يسولفون .. و بعد هالطلعه الحلوه ساروا اجتمعوا في بيت بوعبدالله يكملون السهره هناك ...
بعد ثلاث شهور عرس طلال و اليازيه كان من احلى الاعراس في العيله لحد الحين اليازيه مثل ماوعدت حميد انها بتلبس فستان شيخه و طلع عليها رهيييييييب كان كل شي مثالي الموسيقى و الطاولات و الكوشه و في خيمة الرياييل كانت اليوله ولا اروع .. طبعا حمدان و جاسم لازم يضيفون على العرس شي من اصواتهم الحلوه و غنوا لهم و الباقي يرزفون .. البنات خلصوا و اليازيه كانت على عكس عادتها هاديه و مب خايفه تسولف و تضحك حق الكيمره و كانت حلوه من الخاطر بالفستان كان شويه عاري و كله شك بالفضي و الوردي و الطرحه ولا اروع .. نزلت على الساعه 10 و كانت زفتها حلوه .. تصوروا معاها البنات و الكل رقص و مستانسين عشان اليازيه اللي كانت فرحانه بهالليله الحلوه .. الساعه 11 دخل طلال و بومحمد و بوسلطان و حميد و المفاجأه الحلوه انه راشد كان موجود عاد البنت استانست و اتشققت لانه اخوها موجود سلموا عليها و باركوا لها و بعدين ساروا .. عاد طلال مايحتاي اقول لكم ولا اوصف لكم سعادته بهالليله و اخيرا تحقق الحلم اللي كان يتمناه من كل قلبه يلس معاها شوي و بعدين ساروا فوق .. بعد ماساروا المعازيم و مابقى غير الاهل دخلوا الشباب القاعه و كملوا يولتهم و رزيفهم داخل و الله يخلي حمدان و جاسم اللي اطربوهم بالصوت الحلو .. الساعه 3 انسحبت العيله و كل واحد سار بيته و هالذكرى الحلوه محفوره في بالهم ...

في سياره جاسم و حمدان ..
جاسم: ها هياوي شو رايج في العرس ؟؟؟؟
هيا: ليش اصلا ولد اخوك خلى احد يشوف العرس ..
حمدان: هههههههههههههههه فديت شبيهي هاتيه الغالي ولد الغالي ..
هيا: هاك هاك و انت الليله نومه انا تعبانه و ابا انام ..
حمدان: لا عيل خذيه ..
جاسم: لا انت ولا هي انا بنومه عندي ..
هيا: تروم على صراخه فليل ؟؟؟؟
جاسم: ان شاء الله قريب و اييب عيال و لازم اتعود ..
حمدان: زين عيل عطيتنا مساحه الليله ماانسى لك هالجميل ..
جاسم: بل ماصدق ..
حمدان: هيه من زمان ماتميت مع حرمتي بروحنا كل مايلسنا قام ولي العهد يصيح ..
جاسم: انزين عشان خاطرك اليوم استراحه بس لا تاخذ راحتك واايد ..
حمدان: يسلموووو يالغالي ..
وصلوا البيت و جاسم بدل ملابسه و سار خذى ولي العهد حمد و نومه عنده كان شكلهم طفولي و هو حاضنه ..

نرجع حق المعاريس شوي ..
دخلوا السويت و ياتهم المصوره و بعد مامل منها طلال روغها المسكينه.. اليازيه ماانطقت بكلمه وحده من دخلوا الغرفه مستحيه وحليلها .. و اخونا الحياه عنده حلوه ..
طلال: مبروك عليج يالغاليه ..
اليازيه: الله يبارك في حياتك و مبروك عليك انا ...
طلال: الله يبارك فيج الا شو رايج في عرسنا ؟؟؟
اليازيه: حلو ..
طلال: ببببببببببس ..
اليازيه: هيه كان حلو بس انت لين دخلت صار احلى ..
طلال: لالالا مااروم على هالرمسه ..
اليازيه: انزين ممكن اسير و اعق هالحديد اللي انا لابسته ..
طلال: تبين اساعدج ؟؟؟؟
اليازيه: هيه لوسمحت ممكن تفتح الجرار ..
طلال: انزين انتي شيلي يدج مسويه عائق سير انتي ..
اليازيه: عادي تروم تفتحه ..
طلال: انزين شيليها ..
اليازيه: مابا ..
طلال: انزين و امري لله .. و بعد مافتحه .. لا اطولين ماروم اصبر عنج ..
اليازيه: صدق لين قال محمد اخوك انك عيار مايفصل بيننا الا يدار تسمع صوتي و انا اسمع صوتك ..
طلال: لا الشيخه انتي معاي بالصوت مب بالجسم ..
اليازيه: يصير خير بعدين ..
طلال: انزين قبل ماتسيرين انا بختار قميص النوم ..
اليازيه: انزين ..
سار طلال و اختار قميص نوم حلللللللللللللللو لون ابيض و احمر و عطاها اياه ..
اليازيه منصدمه و مستحيه في نفس الوقت من القميص .. يالله عليه ذوقه حلو يعرف يختار بعد ..
اليازيه: نعم انا البس هذي مستحيل ..
طلال: ظهري على حقيقتج يالشيخه ليش ماتبين تلبسينه مافيه شي شحلاته و شزينه ابيض و عليه ورود محمديه حمره اخخخخ على القميص عذاب ..
اليازيه: لا الشيخ انا بردانه و مااروم البسه ظهر لي اي شي ثاني شورت مثلا او برمودا ..
طلال: لا الشيخ بتلبسينه و انتي تضحكين و اذا على سالفة بردانه انا جاهز بدفيج ..
اليازيه: قلت لك لا انا بلبس برمودا ..
طلال: شو برمودا ليلة الدخله البنات يلبسون شي حلو حق رياييلهم و انتي برمودا ..
اليازيه: يا البس برمودا ولا اتم بفستان العرس ..
طلال: انزين انزين اخاف اذا تميتي بفستان العرس ظهرج ينكسر خلاص غناتي لبسي اللي يعجبج ..
اليازيه: مشكور .. و سارت ..
طلال يرمس عمره: يعني مايصير جي الحين انا مستانس انها بتلبس لي شي حلو اثر بها اخر شي بتلبس لي برمودا افففففففففف الله ينطب هالحاله ..
اليازيه في الحمام و تضحك على طلال مسكين والله .. المهم بعد ماخلصت سبوح كسر خاطرها الولد و لبست اللي يباه حرام من اول ليله اناحسه الحياه يدامنا ان شاء الله و لبست روبها و سارت برع تنشف شعرها .. طلال دخل الحمام بعد ماهي ظهرت و ماانتبه على اللي هي لابسته متضايق وحليله .. عروستنا بعد مانشفت شعرها سارت و يلست على الكرسي الهزاز و يلست تفكر شو ممكن يصير في حياتهم او شلون بيعيشونها و من زود التفكير غطت عينها و نامت .. اخونا ظهر من الحمام نشف شعره و انتبه عليها يالسه على الكرسي و شكلها كان طفولي و هي نايمه .. طلال يقول في قلبه وحليلها ماكسرت بخاطري و لبست اللي انا اباه زوجه مطيعه سار و وايهها ..
طلال: الحين اخاف اذا وعيتها ماتروم تنام بعدين و اذا خليتها على الكرسي ارقبتها بتعورها خلاص الحين ماشي الا حل واحد ......... شالها و حطها على السرير و لحفها و يلس يتأملها حلوه و هي نايمه ... اخخخخ عليها انا شلون بنام الليله من هالجمال مافي الا اعطيها ظهري و انام .. باسها على راسها و عطاها ظهره و نام ..

اليوم الثاني في شقة محمد و نوف ...
نوف: محمد يلا قوم بسك رقاد بنتأخر على بيت ابوك ..
محمد: اممممممممممممم خليني تعبان و ابا انام ..
نوف: بسك يلا عاد ..
محمد: ان شاء الله .. وقام .. الساعه كم ؟؟؟؟؟
نوف: 1 الظهر ..
محمد: اوكي يلا اجهزي ..
نوف: ان شاء الله ..
و بعد ماخلصوا ..
محمد: الله الله شو هالزين كله ..
نوف: يعني حلوه ؟؟؟؟
محمد: انتي تقولين حق القمر قوم و انا بيلس مكانك بس بعد النونو اللي في بطنج احلى ..
نوف: افاااااااااااااااااا يعني الحين الغلا كله حق النونو و انا ؟؟؟؟
محمد: و ما الحب الا للحبيب الاولي بس بعد الحبيب الثاني يكون غالي ..
نوف: انزين يلا تأخرنا .. و ساروا ..

الكل اجتمع في بيت بومحمد و كانوا يتريون المعاريس .. وصلوا المعاريس و الكل سلم عليهم و بارك لهم و يلسوا يتغدون .. بعد الغدى الشباب ساروا الميلس و البنات في الصاله الشواب و الحريم ساروا يقيلون شوي ..
في الميلس ..
جاسم: طلال ..
طلال: خير ..
جاسم: شووو سويتوا امس ؟؟؟؟
طلال: مالك شغل ..
حمدان: و منكم نستفيد ..
طلال: انت متزوج و تعرف ..
جاسم: انزين بقيت انا الوحيد اللي ماتزوجت علموني ..
عبدالله: ياجاسم انت تعلم مب تتعلم ..
جاسم: افااااااااا لهالدرجه انتوا ماتحسون فيني ابا الليله تكون كامله و حلوه يعني شوي منك انت و شوي من طلال و بعد صقر و ذياب و خليفه الرومنسي ..
خليفه: لا الشيخ لا تتوقع مني انه اعلمك خله هزاع يعلمك الرومنسيه عنده زايده ..
هزاع: لا شو زايده ذياب م و حمد معلم في الرومنسيه ..
محمد: يالله انا ولا انت ياعبدالله ولا الاخوين شوقي صقر و ذياب ..
صقر: شمعنى حنا اللي سميتنا الاخوين شوقي والله هالاثنين اخوان و توأم بعد مفروض حمدان و جاسم ..
سلطان: منو الاخوين شوقي ؟؟؟؟؟
عبدالله: سلطانوه خبرك لين كنا صغار انتابع كابتن ماجد و فيه هالاثنين التوأم اللي ضروسهم على برع ..
ذياب: سلطان اللي كانوا يركبون على المرمى ..
سلطان: هيه هيه تذكرت لا الشيخ حمدان و جاسم يليق عليهم هالتشبيه ..
جاسم: ليش ان شاء الله سبلان ولا قرود نركب على المرمى ..
خليفه: ههههههههههههههههه لا شمبانزي من النوع الصغير ...
الكل: هههههههههههههههههه ..
حمدان: ها ها ها ها سخيف ..
جاسم: خلوف الا وينه زيود ابا اشوفه ..
خليفه: عند امه اتريا بسير اييبه .. و سار ..
البنات كانوا يحاولون يظهرون الرمسه من اليازيه عن شو سووا امس بالليل وقتها خليفه سمعهم و قال ..
خليفه: لا تخبرينهم ..
التفت عليه اليازيه: ادري ..
خليفه: دلال وينه زايد ؟؟؟؟
دلال: نايم ..
خليفه: انزين هاتيه بس رقاد بيخيس الولد ..
دلال: خاست ريحة العدو بسم الله على ولدي .. و سارت تييبه ..
خذاه خليفه و وداه عند جاسم ..
خليفه: اندوك..
جاسم: لا ماباه ..
خليفه: ليش بلاك ؟؟؟؟
جاسم: شوفه تقول لعبه لا مااروم اشيله اخاف يطيح من يدي ..
خليفه: ياخي عادي مابيطيح انت بس شيله ..
عبدالله: هيه بلاك عشان تتعود من الحين ..
جاسم: لا شو بعد العرس ..
خليفه: انت جرب ..
حمدان: خليفه هاته انا بعلمه ..
طلال: ايوه يامعلم ..
حمدان: جاسم اصطلب ..
وقف جاسم ..
حمدان: هاك الولد ..
جاسم: والله اخاف يطيح من يدي ..
محمد: لا تخاف انت بس سم بالرحمن و شيله ..
شاله جاسم شوي شوي و الشباب مجهزين جوالاتهم عشان يصورون الحدث التاريخي على قولة ذياب ..
جاسم: خلاص خلاص خذه ..
خذاه خليفه: لهالدرجه تخاف ..
جاسم: هذي ياهل مب لعبه ..
شوي الا اليازيه يايه ..
اليازيه: جاسم ..
جاسم: نعم ..
اليازيه: اندوك ..
جاسم: شووو ؟؟؟
اليازيه: شريط فيديو ملجتك انت بس شوف نوره ..
جاسم: طلال ابا تلفزون و فيديو ..
طلال: تعال غرفتي ..
جاسم: لا اروم اركبه بروحي ..
سار جاسم فوق و ركب الفيديو و يلس يطالع الشريط و يضحك من قلب .. وقتها دخلت عليه نوره ..
جاسم: شو له كنتي خايفه لا تخرطفتي ولا عطستي ..
نوره: تطنز ..
جاسم: تعال يلسي عندي ..
سارت نوره و يلست عنده .. الحين طلع مقطع يوم تنزل نوره من على الدري ..
جاسم: فديت هالويه و المشيه يامحلاتج قمر ..
نوره: ادري مايحتاي تخبرني ..
جاسم: انتي على منو طالعه خقاقه ؟؟؟؟
نوره: الخقاقه حرمة الخقاق ..
جاسم: لا والله ..
نوره: هيه والله ..
جاسم: انتي بس شوفي شكلج و انا البسج الشبكه بلاك كنتي زايغه ..
نوره: بعد كل وحده تخاف يوم الملجه ..
جاسم: مفروض ماتخافين لاني بظل قربج على طول الزمن ..
نوره: ان شاء الله ...

اليازيه و طلال قرروا مايسافرون الحين بس بعدين بيسيرون استراليا ..

مرت 8 شهور على كل اللي صار الافراح عمت البيت كله .. العيله ازدادت علاقتهم ببعض و الشباب و البنات صاروا مايصبرون عن بعض كل مجتمعين في مكان .. محمد و نوف ساروا المستشفى عشان يطمنون على الياهل و طلعت بنت .. اليازيه الحين حامل في الشهر الرابع و طلال مب مصدق وحليله بيصير ابو .. جاسم نوره بدو يجهزون حق العرس بس لحد الحين ماحجزوا الفندق و الفرقه و ازدادت علاقتهم ببعض .. شهد حامل في الشهر الخامس .. دلال و خليفه عايشين حياتهم بحلوها و مرها و مستانسين انهم مع بعض و مابفرقهم شي غير الموت .. هزاع و ريم سافروا الصين اسبوعين و رجعوا و خلوا عهود عند امه .. حمدان خبر هيا عن بيت جاسم و انهم بيعيشون فيه بعد زواج جاسم هم الاربعه و هي عادي عندها المهم انها تكون مع حمدان .. سلطان و العنود و احمد و عهود عايشين حياتهم مستانسين .. فاطمه حامل و عايشه مستانسه مع حميد نست محمد و محمد نساها .. صقر و ذياب و ميره و مها هالفنتك الاربعه مستانسين مع اليهال ماليين عليهم حياتهم ..

قربنا من النهايه ... ان شاء الله عجبكم البارت ؟؟

موضوع: رد: مستحيل احب غيرك 4/6/2014, 11:50 pm

السلام عليكم بنااات
السمووحه منكم ع التاخير
بس و الله كنت مضغوطة بالامتحانات نهاية السنه
اتمنى تقبل اعتذاري

موضوع: رد: مستحيل احب غيرك 5/6/2014, 4:48 am

سلام حبي و كمان شو هالرمسة اكيد مسموحة حبيبتي
بس كمليها بسرعة لاني كتييير متشوقة و الله ابدعتي كتييير

موضوع: رد: مستحيل احب غيرك 5/6/2014, 2:14 pm

السلام عليكم
همسة بنت مشكووورة حبيبتي و الله رفعتي معنوياتي كثير

موضوع: رد: مستحيل احب غيرك 5/6/2014, 2:15 pm

الجزء ما قبل الاخير .... بدايه النهايه ....

بعد ال 8 شهور ....
جاسم كان عند نوره عشان يعطيها المهر ظهر من عندها و مستانس و الفرحه مب سايعته .. ماكان منتبه على الشاحنه اللي يايه ناحيته و فجأه .........................
دخل تحتها و صارت السياره مية قطعه ...

في بيت بوعبدالله ..
عبدالله كان يالس في الميلس هو و حمدان وقتها رن جوال عبدالله ..
عبدالله: الوو ..
الضابط: السلام عليكم ..
عبدالله: وعليكم السلام ..
الضابط: اخوي انت عبدالله خالد بن ...............
عبدالله: هيه نعم منو الشيخ ؟؟؟؟
الضابط: انا الضابط ................... اخوك جاسم مسوي حادث هو الحين في العنايه ممكن تيي ..
عبدالله: مسافة الطريج و انا ياي ..
حمدان: شو بلاك معتفس ؟؟؟؟؟
عبدالله: قوم قوم بسرعه جاسم مسوي حادث و هو الحين في المستشفى ..
حمدان: شوووووو؟؟؟؟؟ .. و قاموا ..
وصلوا المستشفى و شافوا الضابط خلصوا الاوراق اللازمه و يلسوا يتريون عند باب الغرفه .. شوي الا يظهر الدكتور ..
عبدالله+حمدان: دكتور بشر ؟؟؟؟
الدكتور: انتوا منو ؟؟؟
عبدالله: حنا اخوانه ممكن تقول لنا جاسم شو بلاه ؟؟؟؟؟
الدكتور: تفضل معاي ..
حمدان: ممكن اشوفه ؟؟؟؟؟
الدكتور: لا هو الحين في غرفة العمليات ..
عبدالله: ليش ؟؟؟؟؟؟
الدكتور: تعال معاي و انت تعرف .. و سار عبدالله و حمدان تم يالس عند باب الغرفه ..
عبدالله: دكتور ترى بديت افقد اعصابي جسيم شو بلاه ؟؟؟؟
الدكتور: الحادث كان قوي واايد و عنده اصابه بالعين و يده اليمين مكسوره و رضوض وااايد في جسمه الحمد لله انه مامات ..
عبدالله: اصابه بالعين ؟؟؟؟؟
الدكتور: انا مااقدر احدد شو فيه اخوك الحين الا لين يظهر من غرفة العمليات و اكشف عليه اليوم الثاني و بعدين بنعرف النتايج ..
عبدالله: مشكور .. و سار ..
حمدان: هاااااااا شو خبرك الدكتور ؟؟؟؟
عبدالله: عنده اصابه بالعين مايعرف شو فيه الا لين يكشف عليه بكره و يده اليمين مكسوره و عنده رضرض في جسمه الدكتور يقول الحمد لله مامات ..
حمدان: شلون اصابه بالعين يعني جاسم مابيشوف مره ثانيه ؟؟؟
عبدالله: فال الله ولا فالك لازم نتريا لين بكره و بعدين بنعرف ..
حمدان: انزين لا تخبر الوالد و الوالده ..
عبدالله: بكره بعد مانعرف شو فيه جسيم بس مااقول الا الله يعين نوره ..
حمدان: وحليلها ماتستاهل اللي يصير فيها حنا ماصدقنا يتزوجها ..
عبدالله: هذا قضاء و قدر ..
حمدان: نتريا و نشوف ..
اتصل عبدالله في هزاع و خليفه و خبرهم بالسالفه و قال لهم مايخبرون احد .. وصلوا المستشفى ..
هزاع+خليفه: السلام عليكم ..
عبدالله+حمدان: وعليكم السلام ..
هزاع: شحال جسيم الحين ؟؟؟؟
حمدان: ماندري الدكتور بنفسه مب عارف ..
خليفه: شو قال بالضبط ؟؟؟؟
عبدالله: مايعرف شوفيه الا لين يكشف عليه اول مايظهر من غرفة العمليات ..
شوي الا مظهرين جاسم من غرفة العمليات و لافين راسه و ويهه و جسمه و مجبسين يده و حالته ماتسر لا عدو ولا صديق ..
حمدان: لااااااااااااااااااااا شوف شكله .. جاسم ..
عبدالله: مستحيل ..
حمدان: شوفه هذا مب جاسم شكله غير انتوا جذابين وينه جاسم هذا مب هو شوف شكله ..
عبدالله: نص ويهه رايح ماشي ويه ..
هزاع: خلاص ياجماعه استهدوا بالله و ادعوا له الله يشفيه ..
نقلوه في غرفه خاصه و الشباب يالسن عنده حمدان صاده انهيار عصبي لما شاف جاسم و رقدوه في سرير عنده و عطوه مهدي و عبدالله مايروم يمشي على ريله و خليفه و هزاع يحاولون يتماسكون معاهم و يهدونهم ..
اتصل بوعبدالله في عبدالله و اسأله هم وين عبدالله ماحب يخرع ابوه فخبره انهم بيباتون عند واحد من الشباب ..

اليوم الثاني ... الساعه 6 الفجر ..
عبدالله و حمدان و خليفه و هزاع كانوا يالسين حول السرير عند جاسم .. فتح جاسم عينه ..
جاسم: حمدان ..
حمدان: جسيم انت بخير ارتاح الحين لا اتعب عمرك ..
جاسم: الدنيا سوده مااروم اشوف شي ..
الكل: شوووووووووووووو ؟؟؟؟؟
وقتها دخل الدكتور عليهم عشان يكشف على جاسم ...
الدكتور:السلام عليكم ..
الشباب: وعليكم السلام ..
الدكتور: شحالك اليوم جاسم ؟؟؟؟
جاسم: الدنيا سوده يدامي مااشوف شي ..
الدكتور: ممكن تظهرون برع ابا اكشف عليه ..
ظهروا الشباب من الغرفه وكانوا خايفين على جاسم لانه قال الدنيا سوده و مايروم يشوف .. و فجأه ...
جاسم يصارخ: لااااااااااااااااااااااااااااااااااااااااااااااااا اااااااااااااااااااااااااااا ...
الشبيبه تخرعوا و على طول ساروا داخل يشوفون شو بلاه اخوهم ..
خليفه: جسيم بلاك ؟؟؟؟
جاسم يصارخ: اظهروا برع كلكم مابا اشوف احد اظهروا ...
الدكتور ظهر و خلاهم يتفاهمون معاه ...
حمدان: جاسم بلاك خبرنا ؟؟؟؟
هزاع: انت اهدأ و خبرنا بلاك تصارخ ؟؟؟
جاسم: انا مااشوف فقدت نظري فقدته ..
اخوانا انصدموا من اللي سمعوه و طار حمدان حق الدكتور عشان يعرف شو السالفه خبركم دكتور و يفهم بهالسوالف ..
حمدان: دكتور شو يالس اخوي يرمس مايشوف ...
الدكتور: اخوك فقد عينه في الحادث و مايشوف اكيد في متبرعين في المستشفى ...
حمدان: يعني خلاص ماشي امل ؟؟؟؟
الدكتور: انا اسف ..
رجع حمدان الغرفه و هو مكسور الخاطر اخوه فقد بصره ..
جاسم: حمدان .. حمدان ..
حمدان: هلا توأمي ..
جاسم: شو خبرك الدكتور ؟؟؟؟
حمدان: ان شاء يكون في متبرعين في المستشفى يعطونك عين ..
جاسم: يعني خلاص انا مااشوف ؟؟؟؟
هزاع: هذا قدر و مكتوب ياجاسم خل ايمانك بربك قوي و الله بيعوضك خير ان شاء الله ..
خليفه: قول الحمد لله ..
جاسم: الحمدلله .. الا الوالد و الوالده و الاهل دروا ؟؟؟؟؟
عبدالله: لا لحد الحين محد درى ..
جاسم: خبروهم ..
اتصل عبدالله في ابوه و خبره بالسالفه و اتصل خليفه في اعمامه و خبرهم بعد و هزاع اتصل في الشبيبه و خبرهم .. بعد نص ساعه الكل وصل و ام عبدالله تصيح على ولدها ..
بوعبدالله: شلون سويت الحادث ؟؟؟؟
جاسم: بويه ماشي كنت اسوق عادي و ماوعيت الا ادخل تحت ذيج الشاحنه ..
ام عبدالله: يعني خلاص ياولدي ماتشوف ؟؟؟
جاسم: امايه خلي ايمانج بالله قوي قضاء و قدر خلاص ..
بوسلطان: بنوديك تتعالج برع في احسن المستشفيات ..
جاسم: عمي ماشي فايده خلاص اللي صار صار ..
طلب جاسم من حمدان انه اذا يات نوره مايبا يشوفها .. اول ماوصلت نوره بغت المسكينه تدخل بس ماخلاها حمدان .. يلست تصيح من الخاطر على جاسم ليش مايبا يشوفني ..
بعد صلاة العشى الكل سار بيته و مابقى غير حمدان و عبدالله عند جاسم ..
حمدان: حرام عليك كانت تبا تشوفك لو تشوفها بس شلون كانت تصيح عليك جان حن قلبك عليها ..
جاسم: انا الحين مااشوف و تعالوا ابا اخبركم شي و اتمنى انكم تتفهمون موقفي و تخبرون الباقي ..
عبدالله: شووووو ؟؟؟؟
جاسم: انا مابا نوره خلاص ...
حمدان+عبدالله: شووووووووووووووووووووووووو ؟؟؟؟؟
حمدان: انت مينون ولا ينيت شو هالرمسه الي اسمعها ...
جاسم: مايحتاي اعيد رمستي اعتقد انك سمعتني ..
عبدالله: حرام عليك انت كنت تتريا البنت من زمان و الحين ماتباها ..
جاسم: شلون تبوني اخذها يااخواني افهموني انا ضرير مااشوف تعرفون شو يعني مااشوف ليش اعلق البنت معاي خلاص انا ماباها يعني ترضي على حرمتك انها تعيش مع واحد مايشوف ليش انا ماخذها عشان اعيشها في الم و حزن و حسره ولا عشان اسعدها و بعدين اخوانها مابيرضون انها تعيش معاي مهما كان هذول اخوانها و اولى بها مني خلها تشوف حياتها مع واحد غيري ..
حمدان: جسيم انت شو تقول بطلق البنت قبل ماتدخل عليها ..
عبدالله: حرام عليك ياجاسم انت تحبها و هي تحبك شلون اخوانها بيتقبلون هالموضوع شو تتوقع بيقولون عنك ..
جاسم: ياصبر ايوب على بلواه خلاص اذا انتوا ماترومون تخبرون اخوانها انا بخبرهم خلاص ارتاحوا ..
حمدان: عنبوك ياجسيم وايد تغيرت ياخي اتريا شوي يمكن الله يفرجها عليك ..
جاسم: انا احبها ياحمدان احبها و اموووت فيها بس مستحيل هي بترضى تعيش معاي حتى اذا عاشت مابتكون سعيده ..
وقتها اتصلت نوره من جوال هزاع حق جاسم ..
جاسم: شوف حمدان منو ؟؟؟؟
حمدان: هذا هزاع ..
جاسم: الووو ...
نوره: الحمد لله على السلامه ولد العم ..
جاسم يعق التلفون على حمدان: خذها هذي نوره خبرها انه جاسم مايبا يرمس احد ..
حمدان: حرام عليك ارمسها على الاقل دام انك ماتبا تشوفها ..
جاسم: الله يخليك الي فيني كافيني ..
حمدان: الووو ..
نوره: حمدان اسمعني خبر جاسم انه انا يايه الحين و ابا اتفاهم معاه .. وسدت السماعه ..
عبدالله: شو قالت ؟؟؟؟
حمدان: جاسم نوره الحين بتيي و تبا تتفاهم معاك ..
جاسم: جان قلت لها لا ماباها تشوفني بهالشكل ..
حمدان: والله كيفك الصراحه رمستك ماتدخل العقل ...
ربع ساعه و نوره و هزاع واصلين المستشفى .. دخلت الغرفه و الشباب ظهروا عشان ياخذون راحتهم في الرمسه ..
نوره: الحمد لله على السلامه ..
جاسم منزل راسه: الله يسلمج ..
السكوت كان سيد الموقف بينهم .. بس بعدين ..
نوره: جاسم بلاك تغيرت علي وايد حتى رمسه ماتبا ترمسني شو صار لك ؟؟؟؟
جاسم: نوره سمعي بلا لف و دوران حنا لازم نفترق ..
نوره: شووووووو ؟؟؟؟
جاسم: نوره انا مااشوف شلون بتعيشين حياتج من انسان مايروم يشوفج ولا يشوف الدنيا خبريني شلون لا انتي بترضينها على نفسج ولا اخوانج بيرضونها عليج و حتى انا مابرضاها عليج مثل مادخلنا بالمعروف خلينا نطلع بالمعروف صدقيني انا احبج و مستحيل اتخلى عنج بس الظروف اجبرتني و خلينا نفرض انه عشنا مع بعض بعد سنه او اقل بتملين مني انتي لحد الحين صغيره و الدنيا يدامج و الف من يتمناج و مثل ماقلت لج الظروف اجبرتني ...

نوره منصدمه و نفس الوقت تصيح: مستحيل انت اللي تقول هالرمسه ياجاسم انا احبك و على طول العمر حبك هو الوحيد اللي سكن قلبي شلون تباني اتخلى عنك بهالسهوله لو تباني اعطيك عيني انا حاظره اعيش بدون عيون بس لجل اشوفك سعيد و مرتاح في حياتك مااروم اتخلى عنك مااروم انت تحس فيني انا كنت اتريا يوم زواجنا مثلك كنت اسعد انسانه بهالدنيا و الحين اتعس انسانه لاني سمعت هالرمسه منك حس فيني ياولد العم تعرف انا بدونك مااروم اعيش انت حياتي و عمري و قلبي شلون تباني اتخلى عنك لا بحارب الدنيا عشانك و اذا كان على بالك انه باستسلم لاي واحد ايي يخطبني بعدك فأنت غلطان بظل عايشه على ذكراك طول العمر حتى لو كنت معلقه على عمره ماراح يتحقق ...

جاسم: خلاص يانوره خلاص ماعدت اتحمل رمستج الجارحه خلاص اللي فيني كافيني انا اعزج و احبج بس الله يخليج اظهري من حياتي و خليني ابقى على ذكرى عشت فيها احلى ايام عمري و اللي الله كاتبه بيصير بس مستحيل اعيش معاج بهالحاله مستحيل ....

سارت نوره عند السرير و مسكت يده ...............

جاسم: تعرفين انه لمستج ترد الروح بس خلاص ابتعدي مابا اشوفج خلاص ... و خوز يده ..

ظهرت نوره من الغرفه و هي تصيح من الخاطر على الرمسه اللي سمعتها من جاسم .. خلاص ياجاسم هانت العشره اللي بيننا نسيت قلب حبك و صان حبك مااروم اصدق انه هالرمسه تظهر منك بس بعد كل اللي قلته بظل احبك مهما كانت الظروف محد بيفرق بيننا الا الموت يالغالي .... شافها هزاع و لوى عليها ..
حمدان: نوره شو قال لج جاسم ؟؟؟؟
نوره: ياحمدان اصعب جرح انك تنجرح من انسان عزيز و قريب من قلبك و ياليت هالجرح يبرى ..
عبدالله: ان شاء الله الامور بتتحسن و جاسم بيرجع مثل الاول و اكثر بس انتي اتريا شوي و الله بيفرجها هونيها و تهون ..
سارت نوره مع هزاع البيت ... حمدان و عبدالله دخلوا الغرفه على جاسم ..
حمدان: جاسم انت شو قلت حق نوره ظهرت من عندك مكسورة الخاطر شو قلت لها ؟؟؟؟
جاسم: الرمسه اللي قلتها لك ..
عبدالله: حرام عليك والله حرام عليك ...

في شقة محمد و نوف ..
نوف تصارخ: آآآآآآآآآآآآآآآآآآآآآآآآآه محمد الحقني ..
محمد متخرع: بلاج الغاليه؟؟؟؟؟
نوف: تعبانه ودني المستشفى ..
وداها محمد المستشفى و اتصل في طلال و امه و ابوه و بومعضد و ام معضد و و اخوها معضد وموزه تمت في البيت ..
محمد: تحملي غناتي الله يخليج ...
الكل وصل و دخلوها غرفة العمليات طبعا نوف درت بسالفة جاسم انه فقد عيونه .. محمد كان مثل المينون يدور يمين و يسار خايف يكون فيها شي .. بعد نص ساعه طلعت الدكتوره من الغرفه ..
محمد: ها دكتوره بلاها نوف ؟؟؟؟
الدكتوره: انا اسفه ياتنقذ حرمتك ياالبنت و من بعد هالعمليه حرمتك ماتروم تييب عيال ..
محمد: انزين ممكن ادخل اشوفها ؟؟؟؟
الدكتور: تفضل ..
دخل محمد و حالته حاله مب عارف منو يختار الياهل اللي ترياه طول عمره ولا حرمته الغاليه على قلبه صعب الاختيار ..
محمد: سلامتج يالغاليه ماتشوفين شر ..
نوف: الشر مااييك حبيبي انا الدكتوره خبرتني و اباك تختار البنت ..
محمد: انتي مينونه انا اباج انتي ..
نوف: بعدين انا مابييب عيال دخيلك اختار البنت و اباك تحافظ عليها مثل ماحافظت علي صدقني انا احبك و حتى في قبري بظل احبك و باغار عليك سمها على اسمي دخيلك انا حاولت كثر مااقدر اني اخليك تنسى فاطمه بس الحب الاول صعب نسيان راعيه ..
محمد: مااروم مااروم اخسرج انتي غاليه على قلبي مستحيل اتخلى عنج مستحيل انا احبك انتي مب فاطمه انا نسيتها من زمان و محد في حياتي غيرج ..
نوف: ابا ورقه و قلم ..
طلع لها و عطاها .. في هالورقه كتبت نوف وصيتها الاخيره .. محمد اختار البنت و خبر الدكتوره .. باس نوف على راسها وظهر برع منصدم من القرار اللي اختاره خلاص انا بافقدها للابد .. نوف قبل مايظهر محمد خبرته انه يعطي عيونها حق جاسم و يعيش هو و نوره مع بعض ..
طلعت الدكتوره و في يدها البنت مارام محمد يشيلها و عطاها امه و دخل عند نوف .. كانت مبتسمه و ويهها يشع بالنور مسك يدها و يلس يصيح المسكين على حبه اللي راح انكسر قلبي مرتين و مااروم ينكسر مره ثالثه ... شال البنت من عند امه و سار عند جاسم الغرفه .. كانوا الشباب مجتمعين عنده و السكوت سيد الموقف دخل عليهم محمد و في يده البنت اللي سماها نوف الكل انصدم لين شاف محمد في هالحاله ....
محمد: جاسم ..
جاسم: منو محمد ؟؟؟
محمد: لقيت لك عين يالغالي ...
جاسم: عين منو ؟؟؟؟؟
محمد: عين حرمتي نوف ...
الكل: شوووووووووووووو ؟؟؟؟
محمد: طلال الله يخليك خذها مابا اشوفها هي السبب ..
طلال ياخذ البنت: محمد بلاك ؟؟؟
محمد: حرمتي ياناس حرمتي ماتت كنت لازم اختار بين البنت و نوف بس هي قالت لي اختار البنت حرام والله حرام ...
حمدان: متى يامحمد متى توفت ؟؟؟؟؟
محمد: الحين من قبل عشر دقايق ..
صقر: عظم الله اجرك اخوي ...
جاسم: محمد تعال ...
سار محمد حق جاسم ..
محمد: اسمعني ياجاسم هذي عين الغاليه و وصيتها انك تاخذها بس اباك تحافظ عليها ..
جاسم: انا ......................
محمد: لا تقول ولا شي بس اللي اباه منك تحافظ عليها ... و سار
طلال: و البنت يامحمد بنتك ..
محمد: بنتي خلها عند الوالد و الوالده ماباها بدون امها ...
طبعا لين محمد قال هالكلام ماكان في وعيه لحد الحين منصدم من نفسه ليش وافق على هالقرار اللي اتخذته نوف مايروم يعيش بدونها هي اللي نسته فاطمه و الحين لازم يربى البنت بروحه كفايه انه قلبي انكسر مرتين مااروم اكسره الثالثه ... ظهر من عندهم و ماكان يرمس احد الكل كان يزقره بس ماشي فايده محد عارف وين محمد سار .. سووا العمليه حق جاسم و الحمد لله انجحت الكل استانس و خاصه نوره اللي طارت من الفرحه ان جاسم رجع يشوف مره ثانيه بس ماتروم تنسى الرمسه اللي قالها جاسم لها ..
ايام العزى محمد كان يحضر و يسير لمدة ثلاث ايام البنت ماكان يشوفها و دلال تحاول معاه بس ماشي فايده اخونا كارهها ... بعد الثلاث ايام محد عرف شي عن محمد ولا دروا وينه ساروا الشباب الشقه بس مالقوه اتصلوا على جواله كله مغلق او مايرد اسألوا عنه في المستشفيات و المراكز بس ما لقوه في اي مكان ...

مر اسبوعين على هالحال و محمد محد يعرف وينه .. جاسم ظهروه من المستشفى و الكل استانس له و هو مارضى يشوف نوره بعد الرمسه اللي قالها وحليله مستحي ...

بيرجع جاسم لـــ نوره ؟
محمد بيحب بنته ؟

موضوع: رد: مستحيل احب غيرك 5/6/2014, 2:17 pm

تفضلوا (( اخر جزء )) يا احلى بنااات في منتدى احلى بنااات للبنات فقط

و ان شاء الله اعجبتكم الرواااية ...

في يوم كانوا جاسم و حمدان في بيت جاسم اليديد ..
جاسم: ها شو رايك في البيت ؟؟؟؟؟
حمدان: رهيب الصراحه و انا خبرت هيا و هي موافقه و انت الحين شو الحال عليك متى بترجع نوره حرام عليك اطلقها ....
جاسم: ياحمدان انا فقدت الامل يوم دريت اني مابشوف مره ثانيه بس الحين و الفضل كله حق ربي و نوف الله يرحمها ابا نوره تكون لي مره ثانيه و محد غيري بياخذها بس مب عارف شلون اراضيها و انت عارف انه الشيخه راسها يابس و ماترضى بسرعه يعني لازم اسوي المستحيل عشانها و عشان ترجع لي ...
وقتها رن جوال جاسم و المتصل كان محمد ...
جاسم: هلا محمد انت وينك ياخي ؟؟؟؟؟
محمد: هلا فيك اباك تيي لي محتاج ارمس مع احد ..
جاسم: غالي و الطلب رخيص انت وينك الحين ...
محمد: مكانا المعتاد انت عارفه اللي صطرتني فيه ...
جاسم: هههههههههه اوكي ربع ساعه و اكون عندك ... و سد السماعه ..
حمدان: هذا محمد وينه ؟؟؟؟
جاسم: بسير له الحين بس اول بوصلك البيت ..
وصل جاسم حمدان البيت و سار حق محمد صوب البحر .. شافه يالس على الرمل و قرب منه ...
جاسم: افاااااااااا يا بونوف تسير و ماترجع ...
محمد: سامحني بس بغيت اكون لحالي ..
جاسم: محمد امك خايفه عليك و البنت انت ماتعرف شو حالها من دونك و هذي امانه ولازم تحافظ عليها ...
محمد: مااروم اشوفها مااروم ..
جاسم: اسمعني هذا طلب من نوف الله يرحمها و انت لازم تسوي اللي تباه منك ...
ظهر محمد ورقه من مخباه و عطاها جاسم ...
محمد: هذي وصية نوف اقراها انا لحد الحين مافتحتها ...
جاسم: انت افتحها ..
محمد: مااروم مااروم الله يخليك ...
فتحها جاسم يلس يقراها ..
جاسم: حبيبي محمد .. مااوصيك على غناة روحي وروحك هذي الغاليه حافظ عليها مثل ماحافظت علي و اباك تتزوج من بعدي و تخلي بالك على نفسك و على نوف .. احبك و بظل احبك .. حبيبتك .. نوف ...
محمد: شو تقول هذي اتزوج من بعدها مستحيل انا مااحب الا هي ..
جاسم: فكر في البنت تبا ام ولازم تحس بحنانها ..
محمد: بحاول بس مااروم اتزوج كفايه اني انجرحت مرتين مااروم على الثالثه ...
جاسم: انزين تعال شوف بنتك تراها تشبه امها خذها في حضنك حسسها بحنانك ..
محمد: حلوه ؟؟؟؟
جاسم: اقول لك تشبه امها تقول لي حلوه تعال تعال احضنها ..
ساروا الشباب بيت بومحمد ..
جاسم+محمد: السلام عليكم ..
الكل: وعليكم السلام ..
بومحمد: وينك ياولدي ماتنشاف ..
محمد يبوس راس ابوه: سامحني يالغالي اسف اذا ضايقتك ..
بومحمد: انت ماضايقتني انت ضايقت امك ..
محمد يبوس راس امه: افاااااااااااا الغاليه تروم تزعل علي ..
ام محمد: مهما كان انت ولدي العود و مااروم استغنى عنك و بعد مااروم ازعل عليك ..
محمد: الا وين نوف ؟؟؟؟؟
طلال: فوق عند دلال ..
سار محمد فوق و شاف دلال تنوم نوف ..
محمد: هاتيها .. و خذاها ..
دلال: هي محتاجتك الحين ..
محمد: ادري يلا الحين اظهري برع ابا ايلس معاها بروحي ..
ظهرت دلال و يلس محمد مع نوف و حضنها لصدره .. الله يقدرني و اروم اعيشج الحياه اللي انتي تستاهلينها ... و بعد نص ساعه نزل و خبر امه و ابوه انه بيعيش معاهم ..

يوم الخميس .... الساعه 9 بالليل ..
نرجع حق مشكلة جاسم و نوره .. الحين اخونا يبا يرجع البنت بس مفتشل من الرمسه اللي قالها .. خليفه و حمدان و عبدالله يالسين في الميلس و يتناقشون وقتها جاسم بدأ يرمس عمره شكله الولد سرح في نوره شوفوا شو قال و شو بعدين بيسوي عشان يرجعها ..
جاسم: والله اسف اسف مااعرف شلون اخبرها هالكلام اللي قلته لها صعب انها تتقبله وانا الحين مفتشل انزين يمكن البنت ماتباني الحين انزين يمكن هونت لالا اكيد هي تحبني اكيد هي بنفسها قالت انها مابتتخلى عني بهالسهوله اكيد اكيد بس شلون اقول لها هالرمسه صدق اني غبي في احد يقول هالرمسه حق حرمته و غناة روحه و حبيبة قلبه غبي غبي ياجاسم انت شو له تقول هالرمسه الحين جرحت البنت و خليتها تصيح و خليت دموعها الغاليه تنزل مره ثانيه و ثالثه و رابعه الله ينطب هالحظ شو اسوي الحين انزين اذا انا خبرتها باللي احسه تجاهها يمكن تحن علي و اكسر خاطرها لالالا اخاف تفشلني و تطلب الطلاق افففففففففف شو هالحاله...
الشباب: هههههههههههههههههههههههههههههههههههههه ...
خليفه: جاسم ..
جاسم: امممممممممممم هاااااااا شو تبا خلني اركز و القى حل حق هالمشكله اللي حطيت نفسي فيها صدق لين قال عمي ماتدري وين الله حاطك ..
حمدان: ههههههههههه انزين اهدى شوي عشان نعرف شلون نلقى حل ..
جاسم: شلون تباني اهدى و البنت ماترمسني موليه ...
عبدالله: انت شفت شلون كنت ترمس عمرك من دقايق ..
جاسم: شلون يعني مثل الناس ...
حمدان: انت مثل الناس لا الشيخ انت غير شوف عمرك .. و عطاه الجوال و اخونا كان مصور فيديو ..
جاسم: افففففففف هذا انا لالا مااصدق ..
خليفه: صدق صدق لهالدرجه اختي ماخلت فيك عقل ..
جاسم: من يوم الملجه ..
عبدالله: انزين انا عندي فكره لك بس لازم تنفذها بالحرف الواحد ..
جاسم: و انا معاك ..
عبدالله: انزين اسمع الخطه العبقريه ....

ظهروا حمدان و جاسم و عبدالله من عند خليفه .. و خليفه سار عند نوره و خبرها انه يبا يظهرها برع يعشيها بروحهم عاد البنت على نياتها و سارت معاه ..

في سيارة حمدان ..
حمدان: انزين الحين حفظت الرمسه اللي بتقولها ..
جاسم: حووو ياهل انا اعرف شو بقول لها مب لازم تحفظني ..
عبدالله: انزين شو بتقول ؟؟؟؟
جاسم: بعد الرمسه ماتظهر الا حق غناة الروح و ان شاء الله ان رضت نوره بقول لكم خبر يمكن يزعلكم بس بعدين بتنحطون يدام الامر الواقع و الوالد و الوالده بيرضون ..

خليفه ودى نوره المكان اللي معتادين الشباب يسيرون له اللي هو البحر نزلها و سار عنها .. عاد اختنا خافت و قامت تصيح المكان كان ظلام خبركم البنات يخافون من الظلام .. حمدان و عبدالله نزلوا جاسم مكان مانزلت نوره و ساروا مع خليفه و خلوا سيارة حمدان حق جاسم لين بيرجعون البيت .. الحبيبه لحد الحين تصيح لا و لين شافت احد يقرب منها من بعيد خافت زياده و جاسم يضحك عليها وحليلها ..
جاسم و هو كاتم ضحكته: نوره هذا انا جاسم ..
نوره: جاسم شوف خليفه خلاني في نصايف الليل بروحي و سار ..
جاسم: انا قلت له ..
نوره: ليش ان شاء الله ؟؟؟؟
سار لها جاسم و مسك يدها و يلسها على صخره و يلس على ركبه و وايهها الله على الرومنسيه ..
جاسم: حبيبتي انا اسف على الرمسه اللي قلتها في المستشفى والله ظهرت غصبن عني انا كنت يائس و حزين لاني مااشوف و كنت افكر فيج شلون بتعيشين معاي ادري انج بتقولين في خاطرج هو خذاني عشان يعيشني في عذاب ولا استانس معاه احبج يانبض القلب والله احبج و اباج تسامحيني على الرمسه الي قلتها يمكن هالكلام اللي اقوله الحين ماينفع الحين بس مهما كان انا لازم احاول عشان ترضين علي و تسامحيني انا بفضل الله ثم نوف حرمة محمد الله يرحمها رجع لي نظري و الحمدلله تبانا نكون سعيدين في حياتنا نعيش في البيت اللي بنيته انا و حمدان لج انتي و هيا و النونو اللي بيي في الطريج ان شاء الله يمكن الحين ماترضين ترجعين لي و انا ماالومج بس لا تحكمين على قلبج اعدام ولا على قلبي لاني مااروم اعيش من دونج ولا دقيقه انتي ماتعرفين شلون كانت حياتي جحيم بعد ماظهرتي من عندي ذيج الليله في المستشفى مارمت انام حمدان عاتبني و عبدالله عاتبني على الرمسه اللي قلتها و انا بعد عاتبت نفسي اجذب على عمري و عليج اذا قلت اني اروم اعيش من دونج جذاب انا .................................
نوره تحط صبعها على شفايفه: خلاص ياجاسم خلاص انا مسامحتك بس لا تعيد هالرمسه مره ثانيه انت في قلبي خلاص خلنا نبدأ صفحه يديده و نعيش في هالبيت اللي تقول عنه ..
جاسم: ابا اعرف اذا انتي مسامحتني يعني لازم برهان ...
نوره: شو تبا الشيخ اهز و ارقص يدامك ..
جاسم: يعني تعرفين اني ريلج و اروم اسوي اي شي ..
نوره: مثل شو الشيخ لا يكون بتعقني في البحر ولا بتسير عني ..
جاسم: افاااااااااا حد يعق حياته في البحر بس ابا شي منج شي واحد لا اكثر ..
نوره: شو ؟؟؟؟
جاسم: مااروم اقول الكلمه استحي اخاف تعصبين علي ..
نوره: جسيم ارمس ..
جاسم: بوسه اعتقد عادي لانه انا الحين ريلج ..
نوره: الحين بتتحجج انك ريلي انزين بس بوسه ..
جاسم: هيه ..
نوره: نجوم السما اقرب لك ..
جاسم: بل بل يعني ماتحبيني ؟؟؟؟
نوره: هيه احبك بس استحي ويلا ترى انا تعبانه حيييييييييييييييييل و ابا انام ..
جاسم: فيني ولا فيج ..
نوره: يلا انزين خلنا نسير البيت ..
جاسم: اي بيت ؟؟؟
نوره: بيت ابوي ..
جاسم: اهاااااااااااااا انزين اول شي البوسه و بعدين ..
نوره: يعني لازم تعرف انه حركاتك نفس حركات حمدان مع هيا ..
جاسم: توأم لازم .. يلا يلا وين البوسه ..
نوره: مابا ..
جاسم: انزين خلاص على راحتج .. و ساروا ..
و طول الطرج اخوانا ساكتين مايرمسون .. لين وصلوا بيت بوسلطان الكل كان موجود ..
نوره+جاسم: السلام عليكم ..
الكل: وعليكم السلام ..
بوسلطان يستهبل: وين كنتوا ؟؟؟؟
نوره: انا ......................
يقاطعها جاسم: كنت اراضيها ..
بوعبدالله: ليش تراضيها صار شي بينكم ؟؟؟؟
حمدان: هيه صارت وايد اشياء ..
جاسم: خلونا في المهم الحين ..
بوراشد: ليش في اهم من مشكلتكم ؟؟؟؟
جاسم: هيه عمي اسمعوا اجهزوا كلكم الاسبوع الياي يوم الخميس عرسي انا و نوره لا تخافون الفندق علي و كل شي ..
ام عبدالله: شووو انزين البنت مازهبت ماعندها فستان ولا شي شلون تبا تسوي العرس ...
جاسم: لا تخافين امايه الفستان جاهز و كل شي الطقم اللي بتلبسه و كل شي ملابسها و شنطتها حق شهر العسل كل شي ..
ام سلطان: شلون ؟؟؟؟
جاسم: مثل ماقلت لكم كل شي جاهز ولا تحاتون العرس ان شاء الله بيكون اسطوري و في شي ثاني ..
بوعبدالله: شو ياولدي انت خليت شي ماسويته ..
جاسم: لا في شي ماخبرتكم اياه و الحين يا الوقت اللي اقوله ..حمدان تعال ..
حمدان: متأكد ؟؟؟
جاسم: هيه اسمعني بويه انا و حمدان عندنا بيت بنسكن فيه انا و نوره و حمدان و هيا و عيالنا ان شاءالله ..
بوعبدالله منصدم: من متى انت عندك بيت ؟؟؟؟
جاسم: من ثلاث سنين كنت ايمع عشان ابني و الحمدلله البيت خلص و جهز و الديكور و الاثاث جاهز بس ماشي الا تسيرون و تشوفونه ..
بوعبدالله: انزين ليش ماخبرتني عشان اساعدك ؟؟؟
حمدان: بويه كنا نبا نعتمد على نفسنا حنا الحين بنكون عيله و كل هذا مسؤوليه ..
جاسم: بويه و كلكم اباكم تييون بكره عشان تشوفونه ..
بوسلطان: انزين ..

اليوم الثاني العصر الساعه 4 ..
الكل سار البيت عشان يشوفونه و عجبهم الشباب ساروا و بخروه و عدلوه و سووا كل شي .. بعدين سارت نوره السوق مع جاسم و هيا وحمدان عشان تختار اللي تباه من ملابس و غيرها تعرفون زهاب العروس .. بعد ماخلصوا ساروا بيت جاسم عشان يجهززونه و يعدلونه و هيا و نوره يحطون اغرااضهم و البنات بعد ساعدوهم ...

يوم الخميس .. اليوم الاسطوري ..
البنات كانوا في الفندق يزهبون و الشباب في بيت جاسم و حمدان .. نوره كانت تحاتي لانه لحد الحين فستانها ماوصل ..
نوره: الله ينطب هالحاله لحد الحين الفستان ماوصل ..
ريم: تريي شوي باتصل في جاسم ..
جاسم: الووو ..
ريم: هلا جسيم ياخي وين فستان نوره البنت قامت تحاتي ..
جاسم: كاهو وصل خلها تفتح الباب و تلقاه يدامها ..
ريم: اوكي و انتوا بعد لا تتأخرون ..
وصل الفستان و بعد ماخلصوا البنات ساروا القاعه الا اليازيه و هيا عشان يساعدون نوره و يهدونها لانها خايفه ..
هيا: خلاص عاد مابيستوي شي ان شاء الله انتي بس اهدي ..
اليازيه: هذا كله عشان بتشوفين جاسم اخخخ على الحب ..
نوره: اسكتوا عني ترى ماعاد فيني صبر ابا انزل و افتك ..
هيا: انزين شفتي الفستان ؟؟؟؟
نوره: لا و اخاف انه مايطلع على مقاسي ..
اليازيه: اكيد بيطلع على مقاسج ولا بفوتج معاه باقة ورد كبيره ..
نوره: اي لون ؟؟؟؟
اليازيه: ورد محمدي احمر و ابيض ..
هيا: من منو تتوقعين ؟؟؟؟
نوره: من جسيم بعد منو عليه هالحركات غيره ..

في البيت عند الشباب ..
جاسم يصارخ: حمدان وين كندورتي ؟؟؟
حمدان يصرخ عليه من الغرفه الثانيه: تريا شوي يالس اكويها ..
و خليفه يصورهم و هم مختبصين و مب عارفين شو يسوون ..
خليفه: جاسم حمدان حرق الثوب ..
جاسم: شووووووووووووووووو ؟؟؟؟ (( يصارخ )).. حمدان ...
حمدان: حووووووووووووو يعلك تصير ابو ان شاء الله ماحرقته خلوف جذاب ..
صقر: انتوا لو بس تشوفون اشكالكم والله تضحكون على نفسكم ..
ذياب: جاسم شوي شوي العروس مابتطير ..
جاسم: لا بس ابا اشوفها بالفستان ..
عبدالله: انزين شلون شكل الفستان ؟؟؟؟
عطاهم رسمة حق الفستان ..
سلطان: انت اللي مصممه ؟؟؟؟
جاسم: هيه الرسام جاسم ..
طلال: انزين يلا ترى بويه اتصل و قال يلا تعالوا الخيمه ..
ساروا الشباب الخيمه بعد ماجهزوا و بدت اليوله و الرزيف و الاغاني و الطرب عند اخوانا ..

عند البنات ..
نوره بعد مالبست الفستان طلع عليها روعه ((( بعدين بوصفه وقت الدخله ))) ..
اليازيه: والله جسيم عليه ذوق رهيب ..
هيا: هيه والله صدقيني حلوه بالفستان ..
اليازيه: اتريا لين يشوف جاسم الفستان عليج بيطير عقله ..
نوره: جان استحي ..
البنات: هههههههههههههههههههه ...

الساعه 11 دخلت نوره القاعه و كانت رهيييييييييبه جاسم اللي مختار الموسيقى و كل شي و هو اللي مضبط الكوشه و مختارها .. اما العروس كانت حلوه من الخاطر فستانها عاري شوي و عليه كريستالات صغيره نازله من على الخصر و اليد و غير اللولو معاه و الورود الصغار و الطرحه اللي كلها ورود وكريستال و لولو و شك و باقة الورد اللي ملتفه حول يدها و فيها لولو و لمعه و غير الطقم وايد كان مناسب مع الفستان و مكياجها كان خفيف و حلو .. وصلت الكوشه و الكل كان يسمي بالرحمن عليها من جمالها .. البنات سلموا عليها و صوروا معاها ... عند الشباب جاسم مايروم يتريا زياده و الساعه 12 دخل مع بوعبدالله و بوسلطان و خليفه و سلطان و هزاع .. اخونا طاااااااااااااار عقله يوم شافها مارام ايود عمره سار عندها و باس خدها بدل راسها و ابوها و عمها سلموا عليها و ظهروا عاد اخونا مامصدق مسك يدها و يلس على الكوشه .. جريئ الولد ..
جاسم: محلوه غناتي ..
نوره: مشكور عيونك الحلوه ..
جاسم: تعرفين كنت خايف انه الفستنا مايكون على مقاسج بس طلع رهييييب عليج
..
نوره استحت و تقول في خاطرها اذا انت الحين يالس تقول هالرمسه الحلوه الله يعين في الغرفه شو بيستوي ..
بعد نص ساعه زفة المعاريس كانت ولا اروع ساروا السويت و يوا البنات سلموا عليها و ظهروا بعدين ياتهم المصوره عشان تصورهم عاد الحبيب ماخلى حركه ماسواها و هي منقفطه مسكينه تستحي .. بعد ماخلصت المصوره سارت و دخلوا الغرفه يلست هي على السرير و جاسم يلس عندها لزق فيها من قلة الاماكن في الغرفه هههههه..
جاسم: مبروك عليج انا ..
نورهك الله يبارك فيك ..
جاسم: بلاج انزين مستحيه خلاص عاد مفروض تعودتي علي ..
نوره: بعد استحي شو تباني اسوي ..
جاسم: افصخي الحيا ..
نوره: و الله انت اللي فاصخ الحيا مب انا ..
جاسم: يعني كل هالجمال يالس يدامي و ماتبيني افصخ الحيا مايصير ..
نوره: انزين ..
جاسم: سمعيني اباج تغيرين ملابسج ويلا عشان اوديج مكان ..
نوره: صدق الحين نص الليل لا و بالفستان ..
جاسم: لا بساعدج عشان تغيرينه و لبسي بنطلون عشان تاخذين راحتج هناك ..
نوره: انت وين بتوديني ؟؟؟؟
جاسم: باخطفج يعني .. وين بوديج اكيد مكان يرد الروح ..
نوره: متأكد ؟؟؟
جاسم: هيه يلا ...
بعد ماغيروا ملابسهم ساروا البحر و ولع جاسم الضو و يلسوا حوله ..
نوره: الحين هذا هو المكان اللي يرد الروح ..
جاسم: هيه هذا هو قولي لي انج ماترتاحين هني المكان هادي و شاعري و رومنسي شو تبين زياده يعني اذا بردانه بدفيج ..
نوره استحت بدأ المغازل عنده الحين شو يسكته والله مااروم على رمسته الحلوه الله يعين بييلس طول الليل يقول لي جي ناوي علي الولد ..
جاسم يقرب منها: وين وصلتي صار لي ساعه ازقرج ..
نوره: هاااااااا لا ماشي ..
جاسم: في شو تفكرين ؟؟؟؟
نوره: ماشي بس سرحت ..
جاسم: في منو ؟؟؟؟
نوره: فيك ..
جاسم: في شو سرحتي فيني ؟؟؟؟
نوره: جسيم خلاص عاد استحي ..
جاسم: لا عاد من صدقي في شو كنتي تفكرين ؟؟؟؟
نوره: كنت افكر في عيونك ..
جاسم: في شو في عيوني ؟؟؟؟
نوره: جسيم خلاص عاد بسك اسأله ...
جاسم: نوره ..
نوره: عيون و قلب نوره ..
جاسم: تسلم لي عيونج و يسلم لي قلبج بس بغيت اقول اني احبج ..
نزلت نوره راسها و الويه صار شرات الطماطه ..
جاسم: فديت اللي يستحون انزين شو رايج نبات الليله هني انا في السياره و انتي برع لانه انتي عارفه انه ماشي مكان في السياره و بعدين لازم الواحد يخاف على عمره من اسماك القرش و غيرها و يمكن يكون في ذيابه بعد..
نوره: ليش انت اللي تبات في السياره و انا لا المفروض العكس على اساس انك ريلي و تخاف علي من نسمة الهوى ...
جاسم: حبيبتي لا طلع القرش عاد ذيج الساعه حلاة الروح و الواحد يبا ينقذ عمره ..
نوره: انزين خلنا نرجع ترى انا تعبانه و ابا انام بلا مايظهر لنا قرش ولا حوت ..
جاسم: بعده لحد الحين في وقت ..
نوره: شو بعده و الحين الساعه 3 الفجر يلا عاد عشان بكره نسير بيت بويه عازمينا على الغدى ..
جاسم: يعني لازم نسير لهم خلينا نسافر شهر العسل على طول ..
نوره: لا الشيخ انا ابا اسلم علي بويه و امايه ..
جاسم: انزين توج تقولين انج تعبانه يلا تعالي نرجع .. و ساروا الفندق ..
نوره: جسيم خذ لك شور عشان ترتاح ..
جاسم: انزين ممكن اجهزين لي ملابسي ..
نوره: من عيني .. و سارت ..
ظهر جاسم من الحمام كرمكم الله و غير ملابسه .. الحين يا دور اختنا عشان تتسبح ..
جاسم: افففففففف انزين لازم تتسبحين تعالي نامي عندي ..
نوره: انت اللي ترتاح و انا اللي اتملل من عمري شعليك خذيت لك شور و بعدني اتريا شوي شي بيصير عليك ..
جاسم: مااروم اعيش من دونج ياقمر ..
نوره: و انا بعد بس تريا شوي ..
جاسم: 5 دقايق ماغيرها ..
نوره: بالله عليك شو بسوي بهالخمس دقايق تروم تقول نص ساعه ...
جاسم: الله نص ساعه و انا شو اسوي في هالنص ساعه ارمس عمري ..
نوره: اعرف شو بتسوي اتصل في حمدان و خبره شو سويت تراه توأمك و ماتروم تصبر عنه ..
جاسم: انزين باتصل فيه بس خذيتي لج ملابس النوم من الكبت ولا لا ؟؟؟؟؟
نوره: الحين بسير ..
جاسم: لا الشيخه يلسي ارتاحي و انا بسير ..
نوره: بس اختار شي دافي انا بردانه ..
جاسم: مافي شي دافي انا موجود .. و سار ..
نوره: الله يعين و تعدي هالليله على خير انا بروحي تعبانه و ابا انام و شكله اخونا رايق و مب تعبان و سهرته صباحي الله يستر..
جاسم: شو رايج في هذي ..
نوره: ليش الشيخ سايره الدسكو انا ولا مرقص ..
جاسم: بلاج حلو ..
نوره: ازرق عاد اختار شي رومنسي ..
جاسم: عيل شو تبين ؟؟؟؟
نوره تستهبل: اسود و كم طويل لوسمحت ..
جاسم: شووووووووو اسود في عينج بتلبسين ازرق ولا شلون معاج ..
نوره: قلت لك ازرق مابا انزين ظهر لي واحد غيره ..
جاسم: انزين تريي .. و سار داخل .. شوي و ظهر ..
جاسم: انزين شو رايج في هاا ؟؟؟؟
نوره: هيه هذا السنع ..
جاسم: هيه جوري احمر و ابيض شو تبين زياده ..
نوره: هات هات خلني ادخل صدعت راسي .. و سارت داخل ..
جاسم: فديت قلبج والله يعلي مااخلى منج ..
وقتها اتصل في حمدان ..
جاسم: يامرحبا ..
حمدان: بالمهلي ..
جاسم: شو تبا متصل في معاريس ؟؟؟
حمدان بخبث: عسى ماقاطعت شي عليكم ..
جاسم: لا الشيخ العروس مب موجوده ..
حمدان: ويلي عليك شو سويت فيها ؟؟؟؟
جاسم: ذبحتها .. اكيد ماسويت فيها شي تونا رادين من برع ..
حمدان: وين سرتوا ؟؟؟
جاسم: البحر و بعدين تعال انت شو دخلك فينا معاريس يداد شو له تسأل ..
حمدان: لا بس بغيت اتطمن عليك ..
جاسم: جي ياهل و انا ماادري ولا توى ارضع ..
حمدان: لا محشوم انزين اخليك غناة الروح تباني الحين و انت تريا غناة روحك باي ..
جاسم: باي ... و صكر .. عنلاته هو اللي يستانس و انا اللي اتريا برع خلني اسير اطالع تلفزون يمكن الله يصبرني شوي .. و سار
نوره خلصت من الشور و ظهرت برع ..
نوره: الحمدلله انه جسيم مب هني استحي اخليه يشوفني بهاللبس شو مختار لي والله مايستحي على ويهه هالولد .. نشفت شعرها و انسدحت على السرير ..
نوره: جسيم ..
فز اخونا من مكانه: نعم ..
نوره: صكر الليت و انت ياي انا بنام ..
جاسم: لا شووو تنامين بعدنا ..
نوره: شو بعدنا و الحين الساعه 4 يلا عاد ورانا العمر كله ان شاء الله ..
جاسم: الله يسمع منج ان شاء الله الا صح نسيت اقول لج اذا يبنا عيال ان شاء الله و اذا كان الولد بجر بسميه حمدان و اذا بنت قمر و اذا توأم ان شاء الله حصه و حمدان ..
نوره: ماشاء الله عليك مختار الاسامي من الحين تخطط للمستقبل ..
جاسم: هيه صح و هم في بطنج ان شاء الله بافتح حق كل واحد فيهم خط موبايل بنفسه و حساب في البنك ..
نوره: بطره هي شو هااا انت اول شي خلهم يفتحون عيونهم على الدنيا و بعدين سوا اللي تباه ..
جاسم يستهبل: انزين متى بنييب عيال ؟؟؟؟؟
نوره: و بعدين يعني تونا في اليوم الاول اتريا شو بعد سنتين ..
جاسم: بل بل سنتين عاد لا الشيخه انا ابا عيال من الاسبوع الاول و بعدين انتي غلطانه في الحسبه هذا اليوم الثاني ..
نوره: عيل خل وحده غيري تييب لك انا ابا استانس و بعدين نفكر في العيال و بعدين تراك صدعت راسي جسيم تعال يلا نام ..
جاسم: انزين اشوف فستان النوم عليج ..
نوره: جسيم حط راسك و اخمد تراك طفرت بي ..
جاسم: اشوفه الله يخليج ..
نوره: تصبح على خير ..
جاسم: و انتي من اهله و لا تخافين باشوفه باجر الصبح انزين نونو بس ممكن سؤال اخير لوسمحتي ...
نوره: شوووو ؟؟؟؟؟
جاسم: قولي لي شي ابا اسمع منج شي حلو رمسه حلوه كلام شاعري ..
نوره: ليش ؟؟؟؟؟
جاسم: بس من زمان ماسمعت رمسه حلوه منج ..
نوره: بس بعدين تخليني انام ..
جاسم: وعد اني اخليج تنامين على يدي بس يلا عاد ..
نوره: مستحيل احب غيرك ...

بعد خمس سنين ...
سلطان و العنود عندهم احمد و عهود و عيسى ..
خليفه و دلال عندهم زايد و جراح على اسم ربيعهم ..
هزاع و ريم عندهم شما و خالد ..
عبدالله و شهد عندهم سهيل و سالم و شمسه ..
حمدان و هيا عندهم حمد و جاسم ..
جاسم و نوره عندهم حمدان و قمر ..
محمد عنده نوف وهي الوحيده ..
طلال و اليازيه عندهم محمد و ناصر ..
حميد و فاطمه عندهم مريم و راشد ..
صقر و ميره عندهم ذياب و علي ..
ذياب و مها عندهم صقر و مايد ..

اول ايام عيد الفطر المبارك ...
حمدان+قمر: ماما بابا قوموا يلا عاد بسكم رقاد ..
جاسم: اممممممممممممممممم شو تبون سيروا عند امكم ..
نوره: لا حبايبي سيروا عند ابوكم ..
حمدان: و بعدين يعني متى بتنشون اليوم عيد و نبا نلبس يلا عاد ..
قمر: ماما ماما يلا عاد ..
نوره: ان شاء الله غناتي .. و قامت ..

عند حمدان و هيا ..
جاسم: بابا يلا نش رقادك واااااااايد ثقيل حمدان و قمر نشوا و انت بعدك ..
حمدان: انت ليش ناش الحين و حمد لا ..
حمد: انا هني ..
حمدان: اعوذ بالله منكم تنشون مع بعض و ترقدون مع بعض شو هالحاله و امكم وين ؟؟؟
هيا: كاني هني اجهز كناديركم ..
حمدان: طقم كلنا هااا ...
هيا: هيه كلكم طقم ..

اجتمعت العيله بيت بوعبدالله ...
الشباب و البنات و الكبار يالسين في الصاله و اليهال يلعبون في الحوي .. شوي الا قمر بنت جاسم داخله عليهم و تصيح و تربع في حضن ابوها و تدفين ويهها في صدره ..
جاسم: فديت هالويه انا ليش تصيحين غناتي ؟؟؟؟
قمر: خلووود ولد خالي هزاعووووووه ضربني و انا العب مع عهود و نوف و مريم ..
جاسم: وينه هالسبال ولدك ليش دايما يضرب بنتي عنده بنت سلطان و محمد وحميد ليش بنتي بالذات ..
شوي الا خالد ولد هزاع يدخل ..
جاسم: خلووووود ليش تضرب بنتي ؟؟؟؟
خالد: خالي انا احبها فجي اضربها انا اسمع بابا يقول حق ماما اللي يضربك يحبك فجي انا اضربها ..
جاسم: مشكله لا كان الابو قدوه سيئه للولد ..
هزاع: و انت يالسبال بنتك ماتعلمها تقول خالي هزاع كله تقول خالي هزاعووووووووه جي اصغر عيالها انا .. قمر تعالي اضربج ..
قمر: مابا انا بتم عند بابا لانه حضنه دافي و يدفيني و يحميني منك ياخالي هزاعوووه ..
الكل: ههههههههههههههههههههههههههههههههههههههه ...
جاسم: فديتج انتي قمر جاسم ...
بعد الغدى ..
بوعبدالله: شباب و بنات تعالوا ايلسوا ابا اخبركم شي مهم و صار الوقت انكم تعرفنه ..

يتبع ..

موضوع: رد: مستحيل احب غيرك 5/6/2014, 2:18 pm

و بكذاا انتهت روايه (( مستحيل احب غيرك ))

الجزء الثاني يتبع ..... (( اعشق تراب مشت رجلك عليه ))

موضوع: رد: مستحيل احب غيرك 5/6/2014, 2:26 pm

بنات فكرووااا و قووولووو لي اذا كنتم تريدوون الجزء الثاني يتبع ..... (( اعشق تراب مشت رجلك عليه ))
قووولوووا لي علشان انقله لكم يا احلى بنات
و اذا ما تريدون راح اكتب لكم رواية (( حبك يا و لد عمي خيال و اني اسيبك يبقى مُحال ))
فكروااا و ردووو علي حتى لو على الخاص
وشكرااا كثييير على المتابعة و رفع معنوياتي يا اجمل و احلى و اغلى بنااات في منتدى احلى بنااات 213cevc43

:شكراً:: :شكراً:: 1509

موضوع: رد: مستحيل احب غيرك 6/6/2014, 2:59 am

سلام حبي روووووعععععة ابدعتي عن جد و انا من نفسي ابغاك
تكمليها الجزء الثاني بلييز و شكرا حبي على كل جهودك
في امان الله + انا رح استنى الجزء الثاني بس ممكن ترسليلي على الخاص و شكرا حبي

موضوع: رد: مستحيل احب غيرك 6/6/2014, 11:04 am

بصراااااااحة القصة روووعة وعجبتني مستحيل احب غيرك - صفحة 3 3265104639

لكن طووييلة :fjp:: :ertert44:
بلا ماورانا شي hjgyu

تسلم يدك على مجهوودك الرااااااائع hyugy

» أحب غيرك
» سامح غيرك كي يسامحوك
» [ إن لم تقدرهـ أنت فـ سيحتقرهـ غيرك ||
» لا تنظر فى مرأة غيرك
» زهرة الصفاء, ومن غيرك ..؟