السلام عليكم ورحمة الله ..

ما أعرف اسوي مقدمات المهم .. قبل أسبوع صارت لي مشكله تعبت منها حرفيًا *قلب مكسور* ..

أنا احل المشاكل ونادرا ما أدخل ذا القسم بس صراحة قلت بشوف المشكله عندكم ولا بس عندي ؟!؟!؟!؟

لما أدخل اي موضوع أي قسم بالمنتدى أي شيء تجيني نافذة دخول *يستهبل؟* وانا يا حياتي أحط اسمي والباسوورد ويدخل وبتلت كذا ..

بعدين صاير مايدخل المنتدى أبدًا أبدًا وأنا كمان رحت تأكدت من المودِم طلع يشتغل مية بالمية .. بس طلع المشكله من المنتدى .. 

كل المواقع تشتغل الا منتداكم رحت علمت أبوي قال شكل لابتوبي مليان فايروسات .. وفعلا فحصت اللاب وطلع كثير بشكل ..

المهم رحت اشتريت برامج حماية أنتي فايروس وأفاست وكاسبر وإلخ :$$ <\33 .. 

وفعلًا لاحظت اللاب صاير خفيف ومافيه تعليقات ولا يطول واختفت بعض الأعلانات يعني حرفيا ارتحت .. بس المشكله حقت المنتدى بتلت معاي ما أنحلّت .. 

فياليت تخففون الأكواد لان برنامجي مصنف المنتدى كَ إباحي لكثرة صور الأنمي المهولة .. وكمان كود الماوس صحيح كيوت بس مسبب لي أزمه ..

أذا ماتبون تخففون الأكواد بكيفكم ()* .. زبدة الموضوع ياصديقتي لما أدخل اي شيء في أحلى بنات يطلع لي نافذة دخول وأنا اساسًا ماضغطت زر الخروج .. 

يارب فهمتم علي شرح ال%$0*&%# مايفهمه *كف* .. تكفون أحد صارتلها ذا المشكله من قبل وكيف حلتها ؟!؟! ..

 وترى استخدمت مليون متصفح ولا زالت المشكله نفسها ..

رجعت استخدمت قوقل كروم اللي الكل يمدحه بس سبحان الله ما أطيقه مدري كيف : ( <3 وجربت الفايرفوكس لاكنه ثقيل وبطيء بشكل فظيع ..

وجربت الأنترنت اكسبلولر العادي xDD ! يا أنّه سلحفاة .. بس للأسف رجعت للحبيب الاول والأخير أوبرا بس هو مشكلة الرئيسية فيه ..

الحين ومتأكده لما اسوي ارسال للموضوع تجيني نافذة دخول يعني مجمليًا يخرب السالفة كلها : ( 

وتراي المفروض منزله أكثر من 4 مواضيع لكن المشكله ماتخليني ياخي شفتوا كيف تخرب مشواري الفني *كف* أمزح أمزح .. بس صدق قاعدة أعلمكم 

وأنا دموعي اربع اربع .. تخيلوآ عاد أصيح عشان مشكله زي كذا .. المهم يارب فهمتوا ترى صبري نفذ واللي عندها الحل لاتبخل :$$ ..

بس يلآ صبرا جميلاً والله المستعان .. 

جانا