مولود جديد...الجنس أنثى...تكبر هذي الأنثى وتعيش طول حياتها تحت مسمى أنثى...وتموت وهي أنثى... خلقت وعاشت وماتت وهي ماتحمل من الأنوثة الا مسماها وبس وهذا اللي صايرفعلا...نشوف بنات ( أفضل أسميهم مخلوقات)...عالة على الانوثة. ..لما أشوفهم نفسي أتحول لذكر ولا يجمعني فيهم نفس المسمى الأنثى انسانة أرقى...كانت ومازالت...الملهم الأول لغزل الشعراء وبموضوعي اليوم...راح أحاول بقدر استطاعتي...اني أكتبلكم عن ملامح الأنثى (مكتملة الأنوثة). ..من كل الجوانب...(باختصار)...
قبل لاأبدأ بالموضوع...أبي كل وحدة منكم تقول أنا راح أتغير ومن اليوم...مو عشان فلانة.. .ولاعشان أقهر علانة...ولاعشان أنخطب... ولاعشان الناس يشوفوني.... ألين متى راح تعيشين عشان خاطرالناس...؟؟؟أحد كلف نفسه عشانج؟؟؟ قولي راح أتغير...عشان أنا انسانة...لي ذاتي...لي كياني المستقل عن كل الناس. ..عشان أحترم وأسعد الروح اللي قدر لها انها تعيش داخل هذا الجسد.. معقولة أموت وأنا ماحققت شي لذاتي؟؟؟ماأسعدت نفسي بيوم؟؟؟ماعشت لنفسي؟؟؟ لوحطيتي ببالج أقهر واغيظ فلانة وفلانة...حتى ربنا ماراح يوصلج لمرادج...تأكدي من جذي...وكل وحدة ونيتها...
والموضوع راح يكون على عدة أجزاء مثل ما قلنا...
وهذي ملامح الأنثى الحقيقية...
*ملتزمة بدينها *حسنة الأخلاق *مؤدبة مع الصغير والكبير *تحترم الكبير والصغير لأنها تحترم نفسها أولا وأخيرا *توقف احترام وتقدير للي أكبر منها بالسن *تبعد بأكبرقدر عن المشاكل *لها قيم ومباديء صحيحة ماشية عليها بحياتها. *ماشية بحدودالشرع والعرف *ابتسامتها دايما مشرقة على وجهها *كلها حيوية ونشاط لما تشوفيها تحسي انها فعلا شابة *لما تكون بمكان تملأه حياة وتترك بصمتها فيه *لها أهداف وطموح ...انسانة منتجة *متعلمة...مثقفة...( موثقافة مطربين وستارأكاديمي )...ولاثقافة مقتصرة ع الجمال والميك أب... *اذا جلستي معاها تفيدج وتستفيد مو بس تضيعلج وقتج بالحش والنميمة *ناصحة...صادقة...متزنة...رزينة ...بعيدة كل البعد عن التكبر والغرور
*تعرف قيمة نفسها وأهلها...حريصة ع سمعتها... *ماترفع صوتها على أحد.
وغيرها كثير...ماتخفى عليكم وأنتم أعرف فيها باذن الله...
*جلستها صحية *هادئة *خجولة *صوتها منخفض مو متذبذب. *مشيتها راكزة واثقة وقورة هادية زي النسمة بدون تغنج ولاتمايل *ضحكتها ناعمة ساحرة أقرب للابتسامة من القهقهة. *تحركاتها ناعمة وقليلة *ماتتدخل في اللي مايعنيها. *ماتتفلسف ع الفاضي والمليان. *حكيها واضح مفهوم يخرج من فمها بانسياب. *ماتسمعي منها ولالفظة صبيانية أبدا ولا(عربجية) *الكلمات النابية ماتنطقها أبدا. *الكلمات اللي تخدش الحياء لوتموتي ماتسمعيها أحد من فمك *الدق والتطبيل وشغل الدقاقات هذا مافي أمل تسويه. *اذا اتكلمت بالتيليفون أو ع السيلولير صوتها منخفض مع وضوح. *تراعي قواعد الاتيكيت والذوق العام. *مستمعة جيدة...ومحاوره ممتعة. *حكيها ذوق ومريح . ..ولاتتكلم عن غيرها بلفظ هاذي...خيرفين احنا...استغفرالله في بنات أخاف منهم أشك انهم خريجات سجون. *تبعد عن الهمز واللمز والمناجاة والضحك من غيرسبب لأنو............؟؟؟ *طبيعية غير متصنعة. *كل تعاملاتها تحت بند ( لوسمحتي – حاضر – ممكن؟)...وكل الألفاظ اللي تدل على أدبها. *نشيطة...مستبشرة...ماتسمعي منها:مافيا...تعبانة...تفشانة. ...زهقانة....وكل الألفاظ اللي تحسسك انها بعمر ال 80 سنة.
وعشان تكوني أنثى حاولي تتخلصي من اللزمات السيئة اذا كانت موجودة...فيه بنات أول ماتقوليلهم موضوع او خبرين ..يروحوا لارادي يقولوا ( جذابة)!!! أو ( قولي والله)!!!أو ( حلفي)!!! أو بعضهم تقوليلها شي ...تلاقيها فجأة شهقت ( شوي انتي بنفسك تدخلي بفمها)... وضربت بيدها ع صدرها(تحسي ان صدرك انتي آلمك)..
ومن التصرفات اللي كثير بنات يسوها وآخذينها عادة..وهي تشوههم...وتخرب أنوثتهم:
*أكل العلكه( اللبان) بكل وقت...شكلها بجد موحلو...والأفضع انهاتتكلم مع أحد واللبانة بفمها...... *قضم الأظافر...بجد حركةبشعة واللي تعاني منها...في محلول بالصيدليات خاص فيها مروطعمه وريحته وييييع. ..تحطيهم على أظافرك خلال فترة بسيطة راح تتخلصي منها. *حك الاذن...واذا عندك التهاب حاولي تعالجيه عشان تتخلصي من هذا الموقف المحرج. *لمس الشعرباستمرار. *في بنات عندهم بثور بوجههم...تلاقيهم طول الجلسة وهم يلمسوها وشغاليييييييين. *وهذي الحركة بعد تلوع الجبد وملفتة...وهي تقشيرالشفايف...سواء بالأسنان أو اليد. *بقولكم على حركة بس لاتضحكوا...لكنها والله صايرة كثيييييير وشايفتها...وهي: الوحدة أول ماتقوم...لارادي تلاقيها سحبت الاندروير... *فرقعة الأصابع... *أوقات تجلس وحدة وحاطة رجل على رجل وطول الوقت تهز رجلها وتمرجحها. *أو تجلسي جنب وحدة تلاقيها تهز وتهز وتهز...افففففففف مزعجة توترج وترفعلج ضغطج غير منظرها طبعا. *أوتجي وحدة طول الوقت كل شوي مطلعه شي من الجنطة ...عشرين ألف مرة تطلع المرايا( ماعندها ثقة).
*أوطول ماهي جالسة والموبايا بيدها ومشغولة فيه *العصبية...دمارالأنوثة...وتقلل الهيبة والوقار... *كثرة التلفت وتركيز النظر ع الأشخاص ...ماوراهذي الحركة الا (الخفة)... *اذا كنتي بقعده اياج من الكلام الكثيرالمتواصل وماتعطي مجال لغيرك بالمشاركة...أومقاطعة غيرك. *أوتسمعي وحدة قالت شي...تروحي على طول مجذبتها... * اذا كنتي من الناس اللي طول الجلسة تردد: أنا رحت وأنا اشتريت وأنا جبت وأنا وأنا وأنا.....حاولي تتخلصي منها ...لانه اسلوب منفر...والناس راح تقول عليكي حديثة نعمة...أول مرة تشوف خير...
