لاتشتكي للناس لاضاق صدرك .... الناس ماتملك مسره ولا ياس الناس مثلك حالهم مثل حالــك.... والكل من مر الليالي شرب كاس ولا تحسب انك بالتعاسه لحالك.... اعرف ترى عايش معك بالشقا ناس
ارجي السنين المقبله تنصف الحال ... عقب السنين اللي مضت لي حزينه مشيت كل دروب الايام رحـال... طال الشقا والحزم طالت سنينه وكل من نشد ويقول وش هي الاحوال... اجامله بالرد واقول زينه!!
بحجز على لندن تذاكر وترحيل .... وآخذ بدل هالقلب قلب صناعي قلب صناعي مابه احساس ويميل .... وطيفته للدم يعطي اندفاعي والقلب الاول ارسله لك بمنديل .... واقول خذ هذا السبب في ضياعي
بعض العرب من جور الايام مجروح.... وبعض العرب دله وسالي ومرتاح مرتاح ماشاف الطباشير واللوح .... ولا راح وقته بين تحضير وصياح حصه نشاط وبالتعاميم مذبوح .... وبين الاحتياط وبين الاشراف سواح
خزنت لك بالقلب عشره ملايين.... ماهو رصيد فلوس لكن موده زكاة حبك هي غناة المساكين.... من الساحل الشرقي الى حد جده بمشي معك والله على العسر واللين .... الموت والمقسوم ماحد يرده
ابيك تدري صوتك العذب لاغاب ....احس نفسي تنكسر من غيابه كذا غيابك للحزن يفتح ابواب.... غصب علي البس شقاه وثيابه ادمنت صوتك وأن تثيقلت كذاب .... من يعشقك لاغبت يفقد صوابه
محد يشق القلب من غير تفكير .... حتى الكاتر ترتجف ثم تحتار الحب يشق القلب من غير تخدير .... ويبني قصور بداخل القلب وانهار هذي نصيحه قلتها بصدق وتعبير .... وارسلتها للي حافظن كل الأسرار !!
لا لاتلوم القلب يوم إنه اغلاك.... وش حيلتي مدام قلبي عصاني غصب علي قلبي يوديني هناك.... جيت اشتكي لك من عذاب الزماني ياروح روحي وش حياتي بلياك.... لاشفت زولك ارتبك في مكاني
بسم الله الرحمن الرحيم السلام عليكم ورحمة الله وبركاتة ازيك يا قمر ان شاء الله بخير يا رب ما شاء الله تبارك الرحمن مشكؤورة على هذه الخوآطر الجميلة عزيزتي الله يحميكي بارك الله فيكي و في مجهودكك وآصلي أبدآعكك في حفظ الله
سسلآم عليكم ورحمه الله وبركاته كيفك حبي ان شاء الله تمام وبخير آلآشعار مرة مرة روؤعة والكلمات حلوة مشكوره ققلبي للطرح المميز , واصلي موفقة وفي امانه تعالى
