Killua !
كبار الشخصيات VIP
مسآهمـآتــيً $ : : 1480
عُمّرـيً * : : 21
تقييمــيً % : : 43289
سُمّعتــيً بالمّنتـدىً : : 80
أنضمآمـيً للمنتـدىً : : 17/02/2014
 |  موضوع: غزه يا ارض العزه والصمود 25/8/2014, 12:12 am | |
| 
اشعار قصيرة عن غزة,شعر حزين عن غزة,اشعار مدح غزة ,شعر عن حرب غزة,اشعار عن قوة غزة,خواطر عن حب غزة,شعر حب غزة,ابيات شعر عن غزة,اشعار روعة في غزة,خواطر عن غزة,شعر قوي عن غزة,اشعار عن فلسطين وغزة غزة
هذي غزة ارض العزة
فيها الشجر وفيها الحجر عاش بعزة
فيها الشب وفيها العاجز مات بعزة
فيها البنت وفيها الطفل بات برعبة
هذي غزة .........
كانت غزة تنام بسلام ...
صارت غزة في الاحلام...
راح الشجر ... وراح الحجر ... راح الشب وراح العاجز
ماتت غزة ....
هذي غزة
غزة تقاوم .... لا ماتساوم ....احنا نكابر والله ياغزة....
مين يقاوم ...كيف نقاوم ... وين نقاوم ..
زنانة بتكشف ..
عملا بتعرف ...
اباتشي واف16 بتقصف ..
دبابة وجرافة بتجرف ...
ودم اطفال غزة بينزف ...
هذي غزة...
راحت دور ...
بنت قبور ...
وكل ارضك صارت بور ..والله ياغزة
كل العالم شاف غزة ...
كل العالم ناصر غزة ...
كل العالم صاح وقال ...سقطت غزة ..
احنا في غزة لا ما سقطنا ......
احنا في غزة والله صبرنا ........
احنا في غزة جعنا وقلنا .....
بنموت وبتحيي يا غزة ....
بنموت وبتحيي يا غزة
هذي غزة ....
فيها البيت راح ادمر ...
فيها الام قلبها اتحسر ....
فيها الطفل صاح وكبر ...
الله يحميكي ياغزة ....
هذي غزة .....
صاحت نادت وين الامة تصون العزة ....
قامت أمة ...
نامت أمة ....
وسابت أطفالك يا غزة .. تعيش بظلمة ...
هذي غزة ...
كل شي بغزة فيها راح ....
وصارت مدينة أشباح ...
ما بتسمع غير صوت سلاح ...
سلاح بيضوي ...
اسعاف بيدوي ....
والشهداء فوق الالاف ......
هذي غزة ....
كل حاكم فيها تاجر ....
حتى الطير هج وهاجر .....
سابوا غزة هربو وشردوا...
والجيش ارتكب المجازر ...
هذي غزة ....
صار الموت فيها عادي .....
اسطورة للعدو النازي ......
اقصف .. اقتل .... دمر ..... خرب ....
واشفي صدور هاالاعادي ....
هذي غزة ..........
قطعوا الكهرب وقطعو المي .......
وسابو الشهدا بكل حي ........
فيها الطفل عاش اتشرد .....
بدون مأوى وبدون بي ........
هذي غزة .....
كنا بغزة بنبني احلام ....
نحلم لنعيش بسلام ....
فجأة صحينا ...
قمنا اجرينا ....
لقينا غزة في الاوهام .....
هذي غزة .........كل شي بغزة فيها اتقلص ......حتى العمر نفذ وخلص ....هدموا قصورك .....دكوا حصونك .....والمتخبي بجحروا ظل .....هذي غزة .........يمكن بكرة يصير حل .....والمتخبي بيظهر ويطل ....بيحمل راية ...بيروي رواية ....والشعب بيهتف للكل ....هذي غزة.........احنا بغزة بين الموت ......ما بنعرف نطلع ونفوت ......يمكن نطلع ...ومش حنرجع .....وبيستنانا شبح الموت ..........هذي غزة ..........فيها الطفل كبر بليله .....والشب شاب بليله .....واليتيم بدون عيلة ....تحميه من هالبرد .........هذي غزة .....كل العالم طلع أتظاهر ....مافي واحد منهم كابر .....رفعوا علمنا .....حملوا رايتنا ....بشعار الله عالظالم ......هذي غزة .......كل العرب حلف أتوعد.....وأكثر شي هدد وندد.....وما في واحد منهم صعد ....لانو العربي ما بيتوحد.....هذي غزة ..........صغير غزة صار كبير ....والكبير متخبي في بير ....وماظل فيها والله أمير ......ولاواحد بيستجري يبين .......هذي غزة .........ما بيختلف نهار وليل .....كلنا في غزة ذقنا الويل ......والظالم ياويله ويل .....من الله رب الكل ......هذي غزة ......أحنا بغزة برقبة مين .؟؟؟؟شو بيستنوا صلاح الدين ؟؟؟؟ولا حجارة من سجين ؟؟؟؟تنزل على راس المحتل ....هذي غزة ...كبار غزة هجوا ورحلوا ....اكلوا وشربوا ونهبوا وسرقوا ....والي ظلوا بنفق اتخبوا ....وبنستنى منهم يحكواااا؟؟؟؟؟؟هذي غزة.....لكبار احنا اعرفناهم .....والي برة الله يمحاهم ....دمروا غزة ...وباعوا ترابا ...وسابوا اهلها تعيش بغابه ....وتقولوا الله يحماهم ..؟؟؟؟هذي غزة ....كل شي بغزة صار مسيس ....بدك تحيا روح تحيز ....مابدنا فتح ولا حماس ....ولا بدنا جبهه ولا جهاد ...والله زهقنا ....والله قرفنا ....والله بدنا نعيش يا ناس ....هذي غزة ......صارت غزة سوق سودة ...بدك شغلة بتبعت سوقة ....حتى العيشة صارت سودة ....بأسوارك والله ياغزة ....على كرسي والله مالو جنب ...راحو فيها ناس كثيرة ....والله ما الهم ولاذنب ....هذي غزة ....يلا اتحدوا شدو الهمه ....على الله تزول هالغمة ....وترجع بيناتنا اللحمة ....ونحيا بوطن مالو هم ....هذي غزة .....والله يا عالم احنا غلابه .....ما بدنا نعيش بهالغابه .....ولا بدنا أسود ولا ذيابه ....تنهش فينا من كل جنب .....هذي غزة ....أحنا بغزة بدنا سنين ....لتشفى جراح الغاليين ....الي استشهد ....والي اتقطع .....والي بيقضي عمروا أنين ......هذي غزة ....احنا بغزة بكل حارة ....بتيجي علينا كل يوم غارة ...والعالم بلبس نظارة .....وما في عندو غير يا خسارة ......هذي غزة .........يرحم روحك يا ختيار .....ما بتقبل ذل ولا عار .....بصمودك كبروا الثوار .....يا غالي يا أبو عمار .......هذي غزة .....اخر كلمة بدي اقولها ....والعالم كلوا لازم يقولها ......يرحم شهدائك ياغزة ....يشفي جرحاكي ياغزة .....يحرر أسراكي يا غزة .....الله ...الله...الله يحماكي يا غزة ......... | |
|
جوهرة الزمرد
إنجاز صغير
مسآهمـآتــيً $ : : 89
تقييمــيً % : : 38339
سُمّعتــيً بالمّنتـدىً : : 11
أنضمآمـيً للمنتـدىً : : 15/08/2014
| | موضوع: رد: غزه يا ارض العزه والصمود 25/8/2014, 2:57 pm | |
| ششششكرا
كتيرا
اكيد
غزة
تستاهل
اكتر من هيك
شششكرا
شكرا
حبيبتي | |
|
Aуα_Ƈнαη
كبار الشخصيات VIP
مسآهمـآتــيً $ : : 5297
عُمّرـيً * : : 23
تقييمــيً % : : 59205
سُمّعتــيً بالمّنتـدىً : : 325
أنضمآمـيً للمنتـدىً : : 30/06/2011
| | موضوع: رد: غزه يا ارض العزه والصمود 30/8/2014, 11:30 pm | |
| بسم الله الرحمن الرحيم..وعليكم السلام ورحمة.. الله تعالى!!وبركاته:)
اللهم صلي على سيدنا محمد عليه الصلاة وعلى اله وصحبه اجمعين
اسعد الله اوقاتك بالفل والورد والياسمين والجوري وكل الاشياء الزينه اخبارك حبيبتي؟؟ عساك بخير وصحه وسلامه ان شاء الله يارب <333 ماشاء الله شعر جميل وهشي اقل شي نقدر نعطيه لغزه وان شاء الله تنتصر اكثر واكثر بحول الله تعالى ننتضر جديدك في حفظ الرحمن | |
|
!Beren Saat
كبار الشخصيات VIP
مسآهمـآتــيً $ : : 5733
تقييمــيً % : : 69221
سُمّعتــيً بالمّنتـدىً : : 294
أنضمآمـيً للمنتـدىً : : 17/05/2013
| | موضوع: رد: غزه يا ارض العزه والصمود 31/8/2014, 3:31 pm | |
| بسم آلله آلرحمن آلرحيم آلسلآم عليكم ورحمة آلله وبركآته كيفك ؟؟؟ سلمت انمالك حبي و الله ينصر اخواننا المسلمين في كل مكان بنتظار جديدك ودي لك ي قميلة تقبلي مروري موفقة تشاو | |
|
Heroo Hore
كبار الشخصيات VIP
مسآهمـآتــيً $ : : 10016
عُمّرـيً * : : 24
تقييمــيً % : : 635642
سُمّعتــيً بالمّنتـدىً : : 797
أنضمآمـيً للمنتـدىً : : 06/07/2013
| | موضوع: رد: غزه يا ارض العزه والصمود 18/9/2014, 7:25 pm | |
| السلآم عليكم ورحمه الله وبركاته
كيفك حبي ان شاء الله بخير
ما شاء الله الشعر مرة روؤعة الصرآاحة
تسلمي ققلبي للطرح المميز , استمري ححبي
وفي امانه تعالى ~
| |
|
Hitskin.com
