البارت السابع
عند عبيرالساعة12 في الليل
بعد ما راحت مروة
عبير: يووه ايش فيها ليلى ما ترد اهه شكلها نايمة بس انا م في عيني نوم
عامر : عبيير صاحية
عبير: ايوة ادخل
عامر :ليش صاحية للان
عبير:حاولت انام بس ما جاني نوم
عامر: زي نروح نشوف التوأم
عبير : خلاص يا لاخ لهم اسم دحين
عامر : اووه نسيت مني متعود
عبير : سهل نوف و نواف
عامر :زينا عبير وعامر
عبير : ما افهم ليش سمونا كذا بس عشان انت اكبر مني بـسنة الا شهر <<يعني 11شهر
عامر:احم احم اصلا اسمك مقتبس من اسمي بس زودوا ياء و باء و حذفوا الميم
عبير:عادي اصلا اسمي احلا من اسمك
عامر :لا اسمي احلا
عبير: اقول مني فاضية لك جاني النوم يلا اخرج برا بعد بكرا مدرسة
عامر :ايوا يا ختي بعد بكرا اول سنة لنا في الثانوي
عبير: طيب اخرج براا
عامر :طيب بشويش على جبهتي
عبير :برااا
عامر :خلاص طيب خرجت
خرج وقفل الباب وعبير نامت
.......................
......:انتي يا حيوانة تعالي هنا
....:خيير ايش تبغي
......:اتكلمي عدل مرة ثانية فاهمة ليش ما تكوني زي عبير
...........: اوووف عبير عبير اكره هذي العبير بلا
......: مالي شغل كرهتيها ولا لا قومي نظفي غرفة طلال
....:وليش انظف غرفته انتي روحي نظفيها مو هو ولدك
......: حنان قدامي روحي نظفيها ولا ما يسير لك خير
حنان : ماراح انظفها يا سوسن فاهمة
وطلعة غرفتها
.....................
حنان ذكرتها قبل وسبب كرها لعبير بعيدييييين
امها مطلقة وابوها حارمها تروح عندها واتزوج
سوسن كانت متزوجه من قبل بس زوجها طلقها وجابت من زوجها الاول طلال عمره 19 سنه بينه وبين حنان كره متبادل
..................................
دخل البيت وهو نعساان و يبي ينام
سمر :ريان انا اس...
ريان :اعرف اعرف خلاص بنام
سمر تطالعه وهي مستغربة اول مرة يسوي فيها كذا
ام ريان :سمر ايش فيك
سمر:خالة ايش فيه ريان كذة
ام ريان : ايش فيه
سمر: اول مرة يسوي كذا فيني ليش لما جيت اعتذر له قال لي طيب طيب وراح
ام ريان:اها هو كذا دائما لما يكون نعسان انتي ما تعرفيه تمام
سمر انصدمت لما سمعت كلمة ام ريان انتي ما تعرفيه تمام
ام ريان :سمر حبيبي روحي نامي شكلك تعبانة
سمر:طيب
في غرفة سمر
سمر :انا ما اعرف عنه شيء كيف انا اقرب انسانه له كيف ...........لاسمر اصلا انا الغلطانه بس ليش ليش هو السبب ليش حبيته لييش سمر هو في الاخير اخوكي خلاص سمر انتي ماتحبيه ما تحبيه اخخ ريان انت السبب
عند ريان
في سابع نوومه
.......................
في الصباح الساعة 4:00
محمود:مروة يلا تعاالي
مروة :صبر صبر
محمود :تعالي بسرعة
مروة:خيير
محمود:فين رحتي بعد بيت عبير
مروة :مريت على صاحباتي في الكافي
محمود :طيب ايش قدرتي تعرفي
مروة : بس هي ما تكلم أي ولد ولا تدخل شات وما تخرج اسواق تكرهها .....وقالت له كل شيء
محمود :هذي صعبة بس انتي سوي الي اقلك عليه وكملي الخطة مثل ما هي ولو بتزيدي شيء كلميني اول مفهوم
مروة :اوكي
.............................
عند ليلى
لأن عبير ما عندها خبر
وصل الدكتور
وفحصها وحدد ان العملية راح تكون بكرا
ابو هاني : هاني روح طمن امك
هاني : امرك
وراح
.................
نرجع لريان وسمر
الصباح الساعة 7:00
سمر دخلت غرفة ريان :ريان ريان قوم لازم تتعود بكرا مدرسة
ريان :طيب طيب
سمر :ريان انا خايفة
ريان: ليش
سمر :ما اعرف صدري ضيقواحس شيء مو حلو راح يسير
ريان :طيب روحي صلي ركعتين عسى يروح الخوف
سمر توردت خدودها وسكتت
ريان : ايش فيكي ساكتة
سمر :احم ريان
ريان ولسا ما استوعب : نعم
سمر عصبت منه : لا ولا شيء بس مو على كيفك ما راح اصلي ومدت لسانها وطلعت
ريان عصب من حركتها جاية تطلب نصيحته بعدين تقله مو على كيفك
نزل معصب
ام ريان : بسم الله ايش فيك معصب
ريان :شوفي سمر هذي ............. قال لها الي صار
ام ريان كاتمة الضحكة : و انت ما تفهم بختصار يا فهيم ما عليها صلاة
ريان صنم دقايق :طيب ليش ما قالت لي
ام ريان: لا والله اكيد استحت منك
ريان اتفشل :طيب انا طالع اغير
ام ريان: طيب روح
.................................
الى هنا وخلاص
اتمنى يكون عجبكم
الاسئلة
1_ تعتقدوا سمر تحب ريان من جد او انه مجرد اعجاب لانه الولد الوحيد في حياتها
2- ليلى راح تنجح عمليتها
3- ايش هي خطة محمود
4- حنان و ليش تكره عبير
5- عبير كيف راح يكون اول يوم في المدرسه
و لا تحرموني من توقعاتكم وتقييمكم وردودكم ومنوريين
Hitskin.com
روووعة في واحد آخر؟