ملك سأل الشعب سؤال و قال الا يجاوب عليه صح راح أعطيه فلوووس مررة كتير وكل شئ يبغاه والسؤال ايش اكتر شئ و اكبر شئ راح الخادم على بيته و قعد يفكر جته بنته و قالت : ايش فيك ؟؟ قال:اليوم سأل الملك الشعب سؤال وقال اللي يجاوب عليه راح يعطي فَلَوس و كل شئ يبغاه و انا مو عارف الإجابة البنت:ايش هو السؤال الخادم : ايش اكثر شئ و ايش اكبر شئ البنت روح عند الملك و قله اكبر شئ ارضك و اكثر شئ مالك راح الخادم عند الملك وقال له : يا ملك انا لقيت اجابة سؤالك قال الملك :تفضل الخادم : اكثر شئ مالك واكبر شئ ارضك الملك :مين قال لك الإجابة ؟؟ الخادم: بنتي الملك:طيب روح قلها لابسة و مو لابسة ماشية و مو ماشية هدية ولا مو هدية؟؟ الخادم راح عند بنته و قالها : الملك يقول لك لابسة و مو لابسة ماشية و مو ماشية هدية ولا مو هدية قالت البنت :طيب روح و جيب لي شبكة و غنمة و لحمة استغرب الأب من الطلبات بس راح و جابها لبست البنت الشبكة و ركبت الغنمة و مسكت اللحمة و راحت و دخلت عند الملك وقالت: يا ملك انا لابسة شبكة و مو لا بسة و ماشية بس مو على رجولى عل غنمة وهذي لحمة تعتبرها هدية ولا ماهي هدية الملك اعجب بذكائها وقالها تتزوجيني ؟؟ تزوج الملك بنت الخادم و عاشو في سبات و نبات و خلفوا صبيان وبنات المهم بعد سنتين كان في خادم من الخدم أعطاه الملك حصان هدية وفي يوم نام الخادم ونسى يأكل الحصان قام هاج الحصان فجاه الملك و قاله هات الحصان و رووح راح الخادم وهو زعلان المهم شافته الملكة و قالتله ايش فيك قال لها :الملك الملك طردني و أخذ مني الحصان قامت و قالت له:خذ صناره و اقعد اصطاد بالحديقه على العشب ولو جاك الملك و قال لك ايش تسوي قل اذا انت ما رزقتنى يمكن ربي يرزقني سوا الخادم زي م قالت له الملكة جاه الملك و قال له ايش قاعد تسوي الخادم: اذا انت ما رزقتني يمكن ربي يرزقني قام الملك قال له مين قال لك تقول كذا الخادم:الملكة عَصّب الملك من ذكاء البنت وراح لها و قال لها :شوفي يا بنت الناس لمي أغراضك و روحي على بيت اهلك بس قبل ما تروحي سويلي شاي و خذي أغلى شئ عندك المهم قامت البنت و سوت له شاي و حطت فيه منوم المهم صحي الملك و لقى نفسه في بيت الخادم (ابو البنت) قام قال : ايش اللي جابني هنا البنت :مو انت قلت لي روحى بيت اهلك و خذي أغلى شئ عندك و انت أغلى شئ عندي
