السلام عليكم ورحمة الله وبركآته . كيفكم بنآت ان شاء الله بخير وبصحه وسلامه . اليوم حبيت اسوي موضوع بسيط جدا يعني مو مرا حيكون مزبوط بس بمناسبه اني اجزت :$ حبيت اسويه . حيتكلم موضوع اليوم عن الخطوآت الاولى للمبتدئات ف اذا انتي متوسطه او محترفه ماتوقع يفيدك هذا الموضوع بشكل كبير , عموما خلونا نبدا كذا عسريع بالخطوه الاولى .
STEP 1
الخطوه الاولى هي اهم خطوه بنسبه " للمبتدئه " ولازم تركز عليها بكم نقطه . اول نقطه حنتكلم فيها هي :
1 - الصبر
شيء مهم الي حابه تبدا التصميم لازم يكون عندها صبر بشكل مو طبيعي لان يحتاج وقت طويل عبالي ماتتعلمي " التصميم " يمكن سنه سنتين على حسب شده حيلك . وتذكري " ان صبر جميل " .
2 - الآمل والطموح .
عشان تصممي لازم تكوني طموحه بشكل كبير حتى لو مانجحتي او ماصممتي شيء عآجبك لازم يكون عندك آمل وانك حتصيري مصممه محترفه بشكل كبير آحيان انا اشوف بشات " احلى بنات " او غيره . القى بنات يحطمون نفسهم بنفسهم مثلا : انا صممت وصممت بس بالاخير ماطلع حلو معي فتركت الفوتوشوب . ذا آكبر غلط يطلع منك ليش ي ريام اكبر غلط ؟ انا اقلك . اذا مآكنتي طموحه وفيكي امل كيف بتكملي شغل حياتك وهذا هو فوتوشوب فخليكي متفائله وطموحه على اصغر شيء وهو الفوتوشوب .
" وصبر والطموح يعتمدون على بعض . فاذا راح واحد الثاني محا يكمل الي راح . "
STEP 2 ال الخطوه ثانيه وهي كمان لها اهميه الخطوه الاولى وهي الخطوه ال قبل الآخيره . تعتمد على نقطه وآحده .
1 - التعليم .
فالبدايه انتي مو محتآجه دورات او اشياء لتتعلمي الفوتوشوب ماتحتاجين . فنهايه لازم تعلمي نفسك بنفسك لاتعتمدي على " احد غيرك " لان بنهايه هذا هو مستقبلك وانتي الي راح تبنيه كيف راح تبنيه اذا اعتمدتي على احد غيرك . لازم تتعلمي وتتعلمي وتعتمدي بنهايه العلم نور < مدري لو له دخل او لا XD تعلمي مو مشكله ترا الفوتوشوب له فوائد كثيره مثل
- زياده اللغه الانقليزيه " اذا حاطه البرنامج انقليزي " - التركيز والدقه فشغل . - الآبداع وتوسيع المخيله لتخيل الاشياء وتطبيقها
يعني الفوتوشوب مو مجرد تسليه تقدري تستفيدي منه مو مضيعه وقت وكذا :)
STEP 3
وآخيرا وصلنا للخطوه الاخيره وهي اهم من كل الخطوات بالبدايه . وحطيتها بالاخير عشان تكون لخاتمه الموضوع :)
1 - الدعاء . عشان تبي تنجحي لازم تدعي ربك بكل امورك مو لم تبي حاجه تروحي وتدعي لازم تتوكلي على ربك بكل حاجه تصميم الاختبارات المدرسه بكل شيء حتى شيء الصغير توكلي على ربك وآدعي لان بنهايه هو الي بيوفقك مو احد ثاني .
-
وكذآ وصلنا لنهايه الموضوع آتمنى انه نال اعجآبكم ولاتركزو على الآستايل ذا XD لان اول مرا اصمم زي كذا عموما ادري الموضوع مو مرا مفيد او مو مرا منسق لآن شوي موفاضيه الفتره تعرفون اجزنا ونبي نخرج ونطلع XDD لآتنسوني من " الدعاء + التقآيم والردود .
فآمان الله .
| 
