السلام عليكم ورجمة الله وبركاته إزيك ؟ تمام إن شاء الله تمام حبيت اعملكو الموضوع ده لان في ناس كتير مبتفهمش كلام المصريين فاهمين الى أنا بقوله حالياً >ههههههههههه وطبعاً بما إن الشعب المصري له لهجه فريده تختلف عن باقي شعوب العرب هنجيب شوية كلمات مصريه (ينفرد بها الشعب المصري) طبعاً زي ما انتو عارفين احنا بنتكلم فرعونى ههههههههههه نص الكلام مش مفهوم فهحط هنا كلمات ومعناها
. .
نبـدأ علي بركـة الله . .
انا هبدا بالكلمات السـهله علشان ما تتلخبطوش (بندرس فرنساوى احنا ههههههه)
-أوزعه كلمه بتتقال والمعظم يعرف معناها أوزعه معناها (قصير/ه القامـه) -تعشب شاي ومعناها (هل تود إحتساء الشاي؟) بس احنا بنختصر ....
-أهبـل وهبلة وهبولة وهبآل ، الكل عارف الكلمه ده هى مشتقه من كلمة (أبله) لكن في مصر ليها مشتقات تانيه زي (سبهلله واستهبال) وسبهلله تعنى الإدعاء أو تمثيل الغباء او (أنه أبله) واستهبال نفس المعنى ونقول (بيستهبل) يعنى بيدعى إنه أهبـل (وصلـــــت؟)
-قشطه تقال عند الإعجاب بشئ أو عند تحقق شئ تريده فمثلا في كرة القدم لما اللاعب يجيب جون يقولو (قشـطـه)
-زمبؤلك كده عارفه نطقها غريب شويه هي لو فككناها هتبقي (زى ما بقولك كده) أى مثل ما أقول لكَ هكذا يعنى أنت تقول حاجة لحد ولتأكيد ما تقوله تقول (زمبؤلك كده بالظبط) ^^
-حدق ابن الناصحه ^^ برده بتتقال كتير ومعناها مش مفهوم لناس كتير هو معناها (شديد الدهـاء)
-فكك منى معناها (دعك منى أو إليك عنى) بتتقال لما تكون متضايق من حد بتقوله فكك منى
-منشكح ^^ يقولو : (إنت منشكح كده ليه؟) هي تحوير لكلمة (منشرح الصدر) أى متماشي مع الجو بس المصري لازم يحط التاتش بتاعه
-مما / أمبو / واوه / كخه / بعبع / بخ / تاتا هذه الكلمات التى تقال فى كل مكان وهى كلها كلمات تستعمل مع الأطفال فى بداية تعلم الكلام وهى كلمات فرعونية الأصل وتؤدى إلى نفس المعنى المراد الذى تريد أن توصله للطفل مما تعنى : أكل أمبو تعنى : أريد أن أشرب واوه تعنى : ألم أو جرح وهذه معروفه لدى الكثير كخه تعنى : هذا سئ بعبع وتعنى :الشبح بخ :هي وسيلة تخويف أو مفاجأه يعنى مثلا حد يجي من وراك ويقول (بخ) تاتا : يعنى أمشي وهذه معروفه
-يا حوستى | يآ لهوي مأخوذه من كلمة (خشيتى) يعنى لما تحصل مصيبه بعد الشر يقولك (يا حوستى ) وهى منتشره بين البنات والنساء وتفرعت منها كلمات ك (حوسه ومحتاس ولحوسه )ههههههه ولكن هذه الكلمات المتفرعه تعنى (اللخبطه وعدم الترتيب)
-التالتة تابتة التالتة تابتة دى حكاية فى الحرب العالمية التالته قصدى ،، التانية صدر أمر عسكرى بأن من يشعل سيجارة لا يشعل للتاني ولاالتالت ليييييييييييييه؟!!!!!!! قالوا لأنه لو أشعل الأول ..للتانى..ثم التالت أصبح مكانهم معروف للعدو وأصبح طلقات العدو موجهة لهم ولأصابت الطلقة الثالث وذلك فى حالة إصابة الهدف للأول فإن خفقت الطلقة الأول فمن المحتمل النجاح فى التصويب فى الطلقة الثانية فإن لم يحدث ذلك فمن المؤكد أنها ستنجح فى إصابة الثالث ومن هنا تصبح التالتة تابتة وبعد القصه دي المقصود بـ (التالته تابته) إن لو مره واتنين فشلو التالته تنجح
-مناخوليا حالة عقلية توجد فى عدد من الأمراض العقلية وبعض النشاط الحركى ويتميز بالإنطواء والقلق ورغبة الأنتحار واسمها الحقيقى ( ماليخوليه ) ولكنها بعظمة الشعب المصرى تحولت إلى مناخوليا هههههههه
-استنى هى تحوير لكلمة (تأنى) فى اللغة العربية بمعنى عدم الإستعجال
-عقبالك يقابلها فى اللغة العربية ( العاقبة عندك) عقبالنا كلنا ^^
-شهر زاد كلمة فارسية تعنى بنت البلد والبعض يسمى بهذا الاسم
-اتخمد ، تقال كثراً ( اتخمد نام ) جاءت من ( خمدت النار باللغة العربيبة أى أنطفئت )
- فضيحته بجلاجل ما أصل هذه الكلمة ،، الجلاجل هى الأجراس وللكلمة قصة طريفة فقديما كان عقوبة المجرم أن يركب المحكوم عليه على حمار بالمقلوب بصحبة الشرطة وهم يحملون أجراسا يدقونها لكى ينبهوا الناس إلى رؤية المجرم وهو يطوف بالقرية رغم أنفه لكى يتعرفوا عليه سكانها وتكون فضحته بجلاجل
وبكده وصلت للنهايه (:
إيه رأيكوا بقا في المصري >هع آكييد حلو .. عندكو زيو >هههههههههههه
أتمنى انكم حبيتو الموضوع
ملحوظه: إذا كان في كلمه من كلامى مش فاهمينها قولو وانا هترجم *_^
- في أمان الله | 
Hitskin.com
و كويس
