بسم الله الرحمن الرحيم
السلام عليكم ورحمة الله وبركاته
ازيكوا يااحلى أخواااااات
في كل المنتديات
ان شاء الله كلكوا بخير وصحة وسعادة كمان
صلى الله وسلم وبارك
على سيدنا محمد خير الانام
شكلي عرفت أكتب كلمتين حلوين
والحمد لله
مش لاقية كلام تاني
هههههه
ندخل في الموضوع أحسن
بما إن احنا في موسم الفراولة
والدنيا مليانة فراولة
عملت كيك موس الزبادي بالفراولة
أول حاجة
بسم الله مقادير الكيك
2 كوب دقيق منخول مع
2 ملعقة كبيرة بكينج بودر
4 بيضات
1 كوب سكر
3/4 كوب زيت
1/2 كوب حليب
1/2 م ص ملح
1/2 م ص فانيليا
الطريقة
تخفقي بالمضرب الكهربائي البيض والملح والفانيلا
وتحطي السكر وانتي بتخفقي
يعني مش كله مرة واحدة على 3 مرات
عالبيض وانت مستمرة في الخفق
هينفش على طول
ودي اكتشفتها بالصدفة الصراحة
عملت مرة كده
لقيت ان البيض نفش على طول
وبأه سميك اسرع من اي مرة
كنت بحط فيها السكر هيلا هوبا كوله عالبيض
ده البيض لما خفقته مع السكر
والفانيلا والملح
ووبعدها حطيت الزيت وخفقت برده
ودي لما حطيت الدقيق المخلوط مع البكنيج بودر
على 3 مرات بالتبادل مع الحليب
ولما خلصت جبت صينية التشيز كيك مدهونة
اللي بتتفتح من الجنب
وحطيت تحتها فويل
عشان والكيكة في الفرن ان شاء الله
مرتاحة ماتنزلش في الفرن
هيا بصراحة عمرها مانزلت
بس انا مش بطمنّ إلا ولازما ولابد
انه يكون تحتها فويل
ودي لماصبيت الكيك في الصينية
ودخلتها فرن 150 الى 160
لمدة 45 دقيقة ان شاء الله
وده شكلها لما خرجت وارتاحت وشمت نفسها
ايه بأه المفاجآة وحتة التوفير الخطيرة
اللي في الموضوع
الكيكة لانها عالية بفضل الله يعني
ودي حاجة مش بتكرر كتير
ههههههه
قسمتها نصفين واستخدمت نصف واحد بس
لان الكيكة دي هتحطي فوقها ان شاء الله
الموس لما يتعمل فلو تكون عالية جامد كده
مش هيبقى فيه مكان للموس
فا أنا شلت النصف التاني في الفريزر
منها توفير وجع دماغ لما تعوزي تعملي
كيك موس فاكهة
بدل ماتعملي الكيك من البداية
لااااااااا لااااااااا
هتلاقي نصف الكيكة موجودة في الفريزر
وهتعملي الموس بسس
وده لو عايز توفري وقت ومجهود
هتلاقي الكيكة بتناااااادي ليكي في الفريزر
وهيا دي نصف الكيكة الي شيلتها في الفريزر
عشان في اي وقت
تعملي بيه اي حاجة ممكن تحطيها
كقاعدة للتشيز كيك الباااااااااااارد
وده لما حطيت النص اللي باقي
في صينية التشيز كيك
دلوقتي بس باقي الموس اللي هتحطيه
وبس وده سهل جداااااا
بيتكون من صلصة فراولة
وكريمة وزبادي وبس
اول حاجة البداية انقعي 4 شرايح جيلاتين
في ماء عادي من الحنفية
وخليهم يطروا
دي لما حطيت الجيلاتين في المية
وسيبته وروحت اعمل صلصة الفراولة السهلة
مقادير صلصة الفراولة
1 و 1/2 كوب فراولة
يعني 250 جرام فراولة
3 م كبيرة جيلي فراولة
عصير ليمونة
1/2 كوب سكر
كول دوول تطحنيهم بدون ماء
في الفود بروسيسور
وتحطيهم عالنار في كسرولة
يغلوا وبعدها تهدي النار عليها لـ 10 دقائق
عشان تتسبك زي كأنك بتعملي صلصة مكرونة
وده شكلها وهيا بتغلي
ودي وهيا على نار هادية
لمدة 10 دقايق بس عشان تتقل
وتبقى لذيذة
شايفين اللون الجميل اللذيذ
اللي يدوخ
دلوقتي طفيت النار عالصلصة
نحط عليها الجيلاتين
الطري ونعصره بايدينا كويس اووي
ونحطه عالصلصة وهيا مولعة
ونقلب بأقصى سرعة
عشان يذوب ويتوغل ويسيح
هههههههه
وده شكله لما طري
ودي وانا بقلب الجيلاتين بسرعة
دوخيني ياليمونة
لغاية اما يذوب تقلبي مش بياخد 5 دقايق
خليه حرارته تهدى شوية على جنب
ودلوقتي خلصت خالص
اخفقي في بولة
كيسين دريم ويب يعني 10 ملاعق
كريمة سايبة مع 1 كوب ماء بارد
لغاية اما تنفش
وبعدها تحطي عليها كوب ونصف زبادي
مع 3/4 كوب سكر مطحون عشان تحليّهم
يعني 5 وحدات من اي نوع زبادي
جهينة دانون اي نوع
و الاعلانات شغالة ههههه للشركات
بتاعة الزبادي
ودي الكريمة بعد الخفق وعليها الزبادي
ووبعد اما نخفقهم نحط عليهم صلصة الفراولة
الي عليها الجيلاتين الللي هديت حرارتها
ونخفق عشان تتقلب
وحطيتها عالكيك اللي مستني النجدة
وعالفريزر عدل لمدة 6 ساعات
او ليلة وخلاص
وتوتة توتة خلصت الحدوتة
يارب تكون حلوة زيكوا كده
بسم الله نكمــــــل على خيرة الله
وبعد مابااتت الكيكة في الفريزر
واسترحيت ليلة
عشان الجيلاتين يمسك
طلعتها وحطيت عليها
جليز فراولة
هو مش أساااااسي أبدا بس بيدي شكل حلو اوووي
للكيك ساعة الاكل اللذيذ وطعم كمان والله
بس مش ليه لازمة تعمليه يعني
لو مستعجلة
هو عبارة عن
كيس بودرة مشروب فراولة
زي تانج كده
حطيته في كسرولة مع 2 كوب ماء
و4 ملاعق كبيرة نشا
وقلبتهم عالنار لما تماسكوا زي اي مهلبية
وخليتها تبرد شوية دفيت بس كده
وحطيتها عالوجه كيك
موس الفراولة
دي صورة مهلبية الفراولة وهيا سخنة
ودي الكيك وهو طالع من الفريزر
هيييييه لما حطيت المهلبية عالكيك
ودخلتها يجي 1/2 ساعة الفريزر تتماسك
ومش عارفة ليه
لونها برتقالي هنا في الصورة دي
ودي لما اتقطعت بكرم الله وفضله
ودي كمان حتة صغيرة
يارب تعجبكم هستنا التعليق
