وعليكم السلام ورحمة الله تعالى وبركاته
بخير الحمد لله وانتي حبيبتي ندي ؟ طمنيني عنك ندوشتي ؟ ^-^
شوفي ندوش لازم تعرفي ان "رضا الناس غاية لا تدرك"
مهما فعلتي هتلاقي ناس بتنتقدك، هتلاقي ناس بتحبك اوي وشايفاكي تمام التمام
وناس شايفاكي خطأ ومش عاجبهم حالك ، علشان كده مش اي كلمة تنقال لنا تأثر فينا
وتدمر نفسيتنا ! ، في نوعين من النقد ندو ، نوع بيكون من ناس خايفين عليكي وعاوزين مصلحتك
ونوع بيكون لمجرد التثبيط والإحباط واحيانا كمان بيكون بسبب الغيرة
وطبعا مهم جدااااااااااا اننا نفرق بينهم ، خليكِ قوية وحاولي تستمعي للنقد البناء وتحسني من نفسك
لان احيانا كتيرة الانسان بيكون على خطأ ومش بيكون شايف اخطاؤه
لو اقتنعتي بوجهة نظر اللي قدامك واكتشفتي انك فعلا على خطأ ، دي حاجة كويسة المفروض تشكري اللي انتقدوكي
وتحاولي تصلحي من نفسك ، لكن اللي بينتقدوا بالاسلوب ده الاسلوب المحبط اللي يأثر في نفسيتك بالسلب
ويخليكي متضايقة، واصلا كلامهم مش مقنع بالنسبالك واغلبه خطأ إيااك تسمعيلهم
الناس دي كتير أوي في مجتماعتنا للأسف ندوشتي وأفضل حل ليهم التجاهل
خليكِ ذكية وقوية اوعك تحققيلهم اهدافهم "بانك تبقي ضعيفة وتزعلي وشخصيتك تتدمر"
حاولي تثبتي انك اقوى من اي كلام وسيبيهم غيرتهم هتاكلهم وتدمرهم >_^
شوفي يا ندى انا هكلمك كـأختك علشان انتي عارفة طبعا معزتك عندي قد ايه وعارفة مقدار حبي ليكي
حددي جوانب شخصيتك ، كوني لنفسك شخصية محددة وطريقة للتعامل تختلف حسب كل موقف
تبني مجموعة من المباديء والمعتقدات تسيري عليها في حياتك وتكوني انتي مقتنعة تماما بيها
اوعك تتركي حياتك للناس يمشوكي حسب اهواءهم ورغباتك ، يعني مثلا واحدة تقولك اعملي كده تعملي
واحدة تانية تقولك لا كده غلط اعملي الحاجة التانية دي تسمعي كلامها علطول
لااااااااااا إياك تكوني كده ما تخليش كلام حد يمشيكي ، خليكي عندك رأي وشخصية وزي ما قولتلك
لو حد انتقدك بطريقة كويسة واقتنعتي باراؤه وقتها مفيش مانع انك تغيري شوية في شخصيتك للأفضل
لكن المثبطين اللي بنتقدوا بالطريقة البشعة دي اوعك تسمعيلهم خلي عندك ثقة في نفسك وفي اسلوبك وفي شخصيتك
وما تغيريهمش علشان حد ولا تتأثري بكلام حد ، اللي يمشي ورا كلام الناس يضيييييع
مش كل الناس عندها ضمير ولا كل الناس بتراعي ربنا في كلامها ولا كل الناس بتعمل حساب لكلامها
ولا كل الناس بتحب الخير لغيرها ، علشان كده خليكي قوية وتحملي واصبري ^__^
كلامي ده من أخت لأخت اتمنى يفيدك ندوشتي ، واسمحيلي انقل الموضوع لقسم المشاكل الاجتماعية
بعد إذن حبيبتي عيوشة طبعا ^_^ لانه الانسب ليه ، ففي النهاية المشكلة ليست متعلقة بأحلى بنات
المشكلة خاصة بيكي ، ومن الجيد انك تشوفي آراء ونصائح باقي البنات كمان ، اكيد هتفيدك
استفيدي من اي نقد بناء يا جميلتي <3 ، أحبك في الله ندوش وأسأل الله أن يبعد عنكِ كل هم أو ضيق أو حزن
تقبلي مروري البسيط ، بالتوفيق، وأستودعكم الله الذي لا تضيع ودائعه.
.. و لا تحزني ندوش فآنتِ فتاة رائعة 
ههههههههههه
