ليش هي مصره على كلامها

-
وعليكم السلام ورحمة الله وبركاته 
أول شيء لازم تكون اعصابك باردة حبيبتي، البكاء ما راح يفيد إلا أنه راح يتعب أعصابك زيآدة ويعميكِ عن التفكير السليم 
رآح أتكلم معك بصراحة، في بعض الأهالي المقربين ما يحبون يشيفون أولاد الناس تصعد وترفع رأس أهلهم أو تكون أحسن من أولادهم
وممكن توصل بهم الدرجة أن يلعبوا برأس الأهل أن بنتهم أو أبنهم ما راح يفلح ، وما راح يحصل شغل او غيره .. 
التصميم الداخلي مجال رائع، وكل تخصص له مميزاته وهالعالم بأكمله ما في يوم راح ينعدم الشغل أو تعيين الموظفيين فيه 
إذا سمعتي خالتك تتكلم على هالموضوع بهالطريقة مرة تانية وأمك ظلت تقتنع بكلام خالتك وتردده
هو شيء وحيد الي بتسويه ، تجري على غرفتك بس هالمرة مو للبكاء ! لا.. هالمرة عشان تفرجيهم كيف أنك راح توصلي 
اتوكلي على الله وأبدأي أهتمي أكثر بدراستك، أجعلي الكلام السلبي من الناس سلالم تصعدي عليها لحلمك وللشيء يالي بدك توصلي له
الناس تقول كلام سلبي لحالة واحدة دائمًا إلا وهي تحطيم الإنسان، عشآن يصيبه الإحباط .. 
أنتِ لو سمعتي لكلام خالتك ممكن يصيبك الإحباط لدرجة تفكري انه فعلًا ما راح تحصلي شغل 
عشآن هيك طنشي أي كلام سلبي يجيكِ من خالتك أو غيرهآ 
وأكبر دليل أنك تبحثي وتلاقي قد ايش المجال مليـــان شغل وفي طلب عليه، 
أنك تكوني مُحيطة بكلام سلبي أو كلام مُحبط عشآن تظلي بمكانك وما توصلي لحلمك .. هذه صارت مهمة بعض الناس 
تحلي بالصبر والقوة والإيمان .. واعرفي أن إذا تمسكتِ بشيء ونويتي عليه بكل نية صادقة أنك راح تحققيه .. راح يتحقق بإذن الله تعالى في يوم من الأيام 
وكل شخص قال كلام سلبي لكِ وقتها بتعرفيه أن كلامه مآ آثر فيكِ إلا أنك أخدتيه تحـدي
كوني قوية وتحملي قسوة هذا العالم ! ♥ 
وفقكِ الله وكتب لكِ كل خير ..

عادي حبيبتي ماعليكي مادام انتي عاجبك هادا التخصص والوظايف هي توفيق من رب العالمين للانسان 
وياما ناس تخصصاتهم طب وحاسب وغيرها ومالقوا وظايف وفي بعضهم مبتعثين و درسوا برا ورجعوا ومالقوا وظايف وناس حتى ماكملت تعليمها وساروا شي كبير على مستوى العالم 
انا اؤمن انو الانسان بعد توفيق الله ثم يقدر يسير حاجه كبيرة لو كان عندو اول شي ايمان بالله ثم ايمان بالحاجه الي بيسويها مهما كانت في نظر البعض مو مهمة 
وانا تخصصي رسم وفنون بس انو ندرس فيه اشياء كثيرة غير الرسم وتخصصي الاساسي تصميم حلي ومجوهرات وكتييير كنت اسمع يقولوا لي تخصصك ماله مستقبل ودا الشي زعلني لانو تخصصنا له جانب كبير يعني عمرك شفتي شي مافيه تصميم؟
المهم طنشت وقلت هادا شي انا احبه واؤمن فيه ورح امشي فيه وماهمني احد وفعلا الحمدلله تخصصت فنون واتعلمت اشياء كثيرة والي يضحك انهم لما بعد كدا يشوفوا اعمالك تعجبهم وينبهروا بيها طيب بعد فضل الله ثم هادي الاعمال طلعت بالتخصص الي كنتوا تشوفوا ولا حاجه هههههههه, عشان كدا اقولك شفتي كيف نظرت الناس احيانا تكون محدودة للاشياء.
وبالعكس التصميم الداخلي شي مرا كبير وانا درست مادة تصميم داخلي صراحة ابداع ماله نهاية ودحين كثير ساروا يهتموا بالديكور والابتكارات يعني زي عندك مثلا ليش االناس تحب ايكيا اكثر شي؟اكيد عشان تصاميم الديكورات حقتهم حلوة ومبتكرة طيب فكري بينك وبين نفسك كيف شركة ايكيا وصلت لهادا المستوى العالمي مو بالدراسة بعد فضل الله ؟هادا مو اسمه  تصميم داخلي وديكورات صح ولا لا؟ يعني شفتي كيف تخصصك كبير وله قيمة!!
وعندك زي مثلا في الافراح والقاعات الغالية الي تصاميمها فخمة والي الناس تنبهر فيها هادا كلو ايش غير تصميم زي تخصصك!! 
وعلى فكرة ترى احلى شي في اي تخصص تصاميم انو يكون له عدة جوانب يعني مثلا دحين كثير مصممين ازياء يصمموا ديكور والعكس يعني انتي بتخصصك تقدري تبحري في كذا مجال لانو التصميم في اشياء كثيرة :في الجولات في البيوت في الحفلات في الملابس في السيارات في كل شي انتي بتخصصك تقدري تصممي اشياء كثيرة وبالذات لو كنتي انتي مرا تحبيه رح تتفجأي بنفسك كتير كيف انو ممكن تبدعي في اشياء عمرك ما اتخيلتي تسويها 
ادري طولت عليكي بكلامي ههههههه بس لاني عشت التجربة الي انتي عايشتها دحين وحاسه بيكي واقولك طالما انتي حابه ومرتاحه فيه اتوكلي على الله واثبتي للكل قيمة الشي الي بتسويه امني بقدراتك وامكاناتك واهم شي انو رب العالمين معاكي والتوفيق بفضله ثقي بالله واساليه التوفيق فكل حاجه ثم ثقي وتأكدي انك انتي اكبر مما تتخيلي وتظني وابداعك ماله حدود