وعليكم السلام ورحمة الله وبركاته، بخير الحمد لله وانتي حبيبتي اخبارك ايه؟
ماشاء الله عليكي يا هيكارو وعلى أخلاقك الرفيعة، أحييكِ بشدة حبيبتي على موقفك اللي اتخذتيه السنة الماضية
وإنك ماعملتي مثل الأغلبية، وأخرجتي صديقتك من عزلتها
يكفي انك أسعدتيها وغيرتي وجهة الناس عنها! هذا عمل عظيم جدا
ومن أحب الأعمال إلى الله: سرور تدخله على أخيك المسلم <333
لكن حبيبتي لا تضيعي ثواب عملك بانك تتمني انها ترجع للي كانت عليه
انتي رائعة، وأخلاقك عالية ماشاء الله لكن أحيانًا بيغلبنا غضبنا ومش بنقدر نسيطر على نفسنا
أنا عارفة ان هالكلام قلتيه في وقت غضب
لكن حبيبتي راجعي نفسك،
تذكري ان الكل كان يكرهها!! وانتي الوحيدة اللي تقربتي منها وصلحتي الوضع
حافظي على اختلافك، خليكي مختلفة دايما
أي حد في موقفك هذا اكيد هيظل يشتم عليها، ومايكلمها تاني، ويتمنى لها السوء
ويكرهها، لكن لانك مختلفة ولان اخلاقك عالية وجميلة في زمن نادرا لو لقيتي فيه حد محافظ على اخلاقه
انتي هتسامحيها ^__^ <33
أنا بجد بحسدك، عملتي خير ومحدش قدره ونكروا الجميل، الناس مقدرتش الخير اللي انتي عملتيه
بس مفيش حاجة عند ربنا بتضيع أبداااااااا يااااه تخيلي ربنا هو اللي هيجازيكي عالخير اللي عملتيه !
عاوزة ايه بقى اكتر من كده؟؟ اكيد ثواب ربنا أعظم وأفضل مليون مرة من اعتراف اي حد بالجميل
يا بختك يا هيكارو ،
انتي عارفة ان عمل خير زي ده ممكن يفتح لك ابواب التوفيق، والرزق والنجاح؟
انتي بس احتسبي، واعملي كل حاجة لوجه الله !
-
النقطة الثانية:
التمسي لها العذر، يمكن كانت متضايقة او عندها مشكلة في هاليوم
لما تأتي المدرسة لو قابلتيها كلميها عادي جدًا
تعرفي! حتى لو هي ماعندهاش عذر وكانت متعمدة تبعد عنك
هتخجل جدا من نفسها لما تشوفك بتبتسمي لها وتكلميها بلطف
خليكي فاكرة دايما ان "خيركم من يبدأ بالسلام"
ولو كمان تجاهلتك يبقى خلاص تجاهليها لكن لا تكرهيها
وبكل الاحوال هتكوني اخدتي ثواب انك بدأتي بالسلام
حبيبتي هيكارو لو كرامتك تمنعك انك تكلميها لا تكلميها خلاص
بس عالاقل لاتحقدي عليها، لا تخليها سبب في غضبك جميلتي <333
-
النقطة الثالثة:
أنا عارفة انه شيء يضايق لما حد يقلدك في كل صغيرة وكبيرة
لكن هقولك على حاجة
استغلي النقطة دي واعملي حاجات كويسة، يعني تخيلي لو هي شافتك مثلا
مش بترمي اكياس الطعام في الارض وقلدتك!!
المدرسة هتبقى نظيفة
تخيلي لو شافتك بتعاملي الكل بلطف وطيبة وابتسامة حلوة
وقلدتك!! هتاخدي ثواب
تخيلي لو شافتك بتقرئي قرآن وقلدتك هتاخدي ثواب
تخيلي لو كانت مش محجبة
وغيرت طريقة لبسها للافضل وتحجبت وقلدتك هتاخدي ثواب
"الدال على الخير كفاعله"
يعني المشكلة كلها بتصب في مصلحتك حبيبتي ^___^ <33
انظري للجانب الإيجابي ومتزعليش، الزعل هيضايقك انتي ومش هيحل المشكلة،
-
أهم حاجة حبيبتي لا تحقدي على صديقتك مهما حدث، تريدي تجاهلها تجاهليها لكن خلي قلبك نقي وصافي
افتكري دايما انه "لا يؤمن أحدكم حتى يحب لأخيه ما يحب لنفسه"
لا تتمني لها السوء أبدًااا
.
حبيبتي هيكارو في حياتنا بنقابل ناس كتير ناكرة للجميل، ناس بتحبطنا
وممكن يخلونا نكره كل حاجة في الدنيا حتى نفسنا
لو الناس دي نجحت فعلا في انها تغيرنا يبقى احنا الخسرانين
انا فهمت من كلامك وقصتك انك بنوتة مهذبة ماشاء الله واخلاقك رفيعة
لا تخلي اي حد يغيرك، اوعك تتخلي عن مبادئك، مهما واجهتك صعوبات ومهما قابلتي ناس أساؤوا ليكي
خليكي نقية القلب
الأمر صعب لكن انتي رائعة وهتظلي رائعة
فكري في الموضوع كويس واتمنى لك كل خير جميلتي :59: 
أتمنى أكون ساعدتك ولو بالقليل
تقبلي مرور أختك: إيمان
بالتوفيق،
أترككي في حفظ الله ورعايته <3
؟ أمورك ؟ عسآكِ بخيرَ وبصحهةةَ 
درجة الحرآرةَ 35 ياعينيَ هههههههَ 