وعليكم السلام ورحمة الله وبركاته
ازيك يا رموسة؟ أخبارك ايه حبيبتي؟
اعذريني بس أنا مافهمتش اقتراحك بصراحة
بس خليني أتكلم عن المشكلة بوجه عام .. واللي انتشرت جدًا الأيام دي
ومش بس الأيام دي .. لأ . دي منتشرة من زمان .. ومن زمان وفي اقتراحات بتقدم لأجل حل هذه المشكلة
وكأنها فعلًا مشكلة .. بس أنا ليا وجهة نظر في الموضوع ده ..
أنا بصراحة شايفة إنها مش مشكلة خاااالص .. وبصراحة اللي بيساهموا في الألعاب لا يُعاب عليهم ذلك أبدًا
ليه بقى يا ست الكل؟ لإن إحنا أصلًا فاتحين فئة للألعاب والترفيه في أحلى بنات ..
لو إحنا مش عاوزين حد يساهم ألعاب .. وعاوزين المساهمات دي ما تتحسبش
طب ما نقفل بقى الأقسام دي أحسن؟؟؟؟ معلش يعني مهو مينفعش أعاقبهم على حاجة أنا أصلًا بسمح لهم إنهم يعملوها
هو أنا ينفع أفتح قسم للنقاشات ولما انتي تيجي تساهمي فيه أقووولك لاااااااااء مساهماتك مش هتتحسب؟
أومال أنا فاتحة القسم ليه؟ وعلى فكرة مش من مصلحة أحلى بنات إن القسم يبقى نايم
بالعكس خالص خالص .. احنا المفروض هدفنا تنشيط كل الأقسام .. الارتقاء بكل الأقسام
بما فيهم فئة الألعاب .. وكل عضوة لها كااامل الاختيار .. والحرية المطلقة في اختيار الفئة أو القسم اللي تشارك فيه
لكن نيجي بقى لنقطة مهمة جدًا وفارقة جدًا جدًا جدًا جدًا .. أنا لما آجي أعمل تكريم هل ممكن أساوي اللس ساهمت في الألعاب
مع اللي ردودها جميلة وهادفة وفعالة؟ مستحيل طبعا
لذلك غاليتي لا تقلقي أبدًا من هذه الناحية
لإن دائمًا وأبدًا بيكون غرض التكريم إييييه؟ أيوه برافو عليكي غرض التكريم تقدير جهود المتألقات وحثهم على المزيد من الإبداع
يبقى لما نيجي نكرم هنكرم مين؟ هنكرم الأفضل .. هنختار أفضل بنات من كل مجموعة ونكرمهم
اللي هما فعلًا النجوم .. اللي مساهماتهم ومواضيعهم كانت فعالة .. ساهموا بإيجابية
هذا لا يمنع انهم ساهموا في الألعاب أيضًا
عااادي جدًا .. بس المهم أغلب المساهمات تكون هادفة .. البعض في الألعاب لكن الأغلب في باقي الأقسام
أما اللي كل مساهماتهم ألعاب فهذه حريتهم ولكن لن يتم تكرميهم
هذه القضية باختصار شديد وجزء من وجهة نظري حول الأمر
وأتمنى تكوني اقتنعتي حبيبتي
لا تحرمينا جمال اقتراحاتك القادمة يا متميزة
بالتوفيق |~ يغلق
وأستودعكم الله الذي لا تضيع ودائعه.
Hitskin.com
موضوع: حل لمشكلة..... 
يعني المساهمات بهذا القسم
أتمنى تكونو فهمتو ويكون حل مناسب ومتوفر موفقين
