السلام عليكم انا طالبة في ثالثة ثانوي عمري 18 ومشاكلي كثييرة بسردها لكم ....
1_ وزني 36 وطولي 148 كل الي في المدرسة سواء كانت طالبة او معلمة يقولو عني " واو البنت ذي كيوت " وانا ما عجبني انهم ياخذوا فكرة عني اني لطيفة على فكرة انا شيطانة شوي لمن اقل ادبي لمعلمة تتكلم وتضحك معاي كأني صغيرة هف.
2_ درجاتي عالية في الختبارات مو كلها بس اغلبها اطالع فيهم يستغربون .
3_ كان عندنا حصة تدريب عملي اليوم وشردت من الحصة رحت اكلم صاحباتي بعدين جات بنت معاي في النشاط وقالتلي المعلمة اماني تبغاكي قمت رحت لها وقالتلي انتي فين كنتي طول الوقت ذا قلت لها " كلمت ابلة عزة " ونا اصلا كنت اتكلم مع صاحباتي بعدين قالت لي " جيبي ورقة توقيع من عندها عشان اتأكد انك كنتي معاها " وانا في دا الوقت خﻻص قلبي طاح في سروالي مني عارفة ايش اسوي بعدين قلت لها طيب ورحت لغرفة المعلمات م لقيتها قالولي انها عندها حصة قمت انتضرت لين ماخلصت الحصة وانصرفوا البنات ماعادا زميلاتي قمت قررت اني اقول الحقيقة لابلة اماني عشان حتى لو اني رحت ﻻبلة عزة وقلتلها اكتبيلي توقيع حتقلي ليش وتروح وتسوي قروشة عند الادارة وانفضح
جيت وع اساس اني بعتذرلها بطريقة دكية كتبت لابلة اماني في ورقة " الصراحة ي ابلة انا كلمت صاحباتي ما كنت عند ابلة عزة "
قالتلي تعالي تعالي قلت ليش ﻻتضربيني قالت ﻻ انا زي امك قلت انا م عندي ام شدتني من يدي وحضنتني وباستني واعطتني حﻻوتين . انا الي حزينة منه اني مااخدت الحنان من امي ليش اخده من غيرها والله كل البنات يقولولي والله حضك حلو العناق حلو ومدري وش انا قلت في قلبي "انا اخذت الحنان من غير امي ليش " ونا راجعة للبيت في الطريق بكيت بصمت حزينة لين الحين . واسفة اذا طولت

ينقل للقسم المناسب ض1