*ღ منتديات احلى بنات للبنات فقط ღ*
*ღ منتديات احلى بنات للبنات فقط ღ*
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

*ღ منتديات احلى بنات للبنات فقط ღ*

.
 
الرئيسيةس .و .جبحـثالأعضاءالتسجيلدخول

 

 رواية الرزق على الله...~

اذهب الى الأسفل 
كاتب الموضوعرسالة
ɱíśś ßŏĥřặ
كبار الشخصيات VIP
كبار الشخصيات VIP
ɱíśś ßŏĥřặ


مسآهمـآتــيً $ : : 1420
عُمّرـيً * : : 20
تقييمــيً % : : 43863
سُمّعتــيً بالمّنتـدىً : : 90
أنضمآمـيً للمنتـدىً : : 20/01/2014

رواية الرزق على الله...~ Empty
مُساهمةموضوع: رواية الرزق على الله...~   رواية الرزق على الله...~ Empty20/9/2017, 2:37 am

[postbg=https://i.servimg.com/u/f55/14/83/59/48/pftcnq10.png]
السلام عليكم

اقدم اليوم لكم روايه حلوة وخفيفه وقصيرة رومانسيه ودراميه وفكاهيه


..روايـــــــــة الرزق على الله ..




للكاتبة هاردلك يا قلب



المقدمه :


في بيت شعبي صغير بحي نائي تسكن اسره فقيره يتكون عدد افرادهاا من 8 اشخاص ..؟..


& ابو يوسف رجال كبير بسن مقعد ولا يقدر يشتغل
كان يشتغل نجار بورشه وصار له حادث سبب له شلل نصفي &


&ام يوسف إمرأه مكافحه ضحت بكل شي من اجل اولادها وزوجها
ووصلت انها تشتغل طباخه بدوام نصفي في البيوت لأجل معيشة زوجها وابناءها&


&ريميه الابنة البكر عمرها 18 وقفت دراستها للعنايه بوالدهاا المريض وعلى
فقرهم وحالتم الكسيفه ألا انها مرحه لابعد الحدوود&


&جميله عمرها 16 وهي في المرتبه الثانيه طلعت من الدراسه لعجز عن مصاريف الدراسه وهي شخصيتها نفس اختها إلا انها حسااااسه حيل بعكس اختها&


&يوسف العمر 14 أصم وأبكم يعاني من حاله نفسيه وهو شخص انطوائي&


عمر العمر 10 سنوات عكس اخوه شيطاني وسكني ويحب المقالب يحاول يوفر لهله فلوس من خلال بيعه للمناديل عند الاشاره &


&دانه 8 سنوات 
و شيخه 5 سنوات طفلتان انحرموا من طفولتهم وهم صغار&


**&& وشخصيات راح تعرفونها مع القصه &&**



..الجزء الاول..


ريميه : يمه يمه لحقي علي بسرعة.
ام يوسف .. تركض : بسم الله شفيك.
ريميه: شباكية الثوب نشبة بشعري فكيها تكفين.
ام يوسف .. وتضربها : الله ياخذك روعتيني احسبه صار لك شي.
ريميه: يعني شنو بيصير الحمد لله مستوره : وتحب ايدها بطن وظهر.
ام يوسف:عن الخبال واللقافه قومي اختك دانه وديها المدرسه وحاولي تقومين اخوك عمر وشوفي يوسف تفطر ولا لأ لاني تأخرت على الدوام
ريميه: أي والله تأخرتي اللحين شيفكك من المراجعين تلاقين توقفت اعمالهم
الله يخليك ويا هالدوام مديرة مكتب مو ام يوسف الطباخه.
ام يوسف .. وهي تلبس عباتهاا : هالدوام اللي مو عاجبك هو اللي ساترك وياهخشه
ريميه: والله يمه حرام يعني من الساعه 7 الصبح إلى 7 الليل وعلى 800 ريال
ام يوسف: احمدي ربك ترى النعمة زواله ولا تنسين المكافأت
ريميه: أي شوية اكل على ملابس مستعمله يمه حرام عليك تكفين افهمينا ضاقت فيني هالملابس صار لنا سنين ماشرينا ملابس جديده كله مستعمله وباليه جلدي عفن على الملابس
ام يوسف: شفيك اليوم ريميه اول مره اشوفك تتحلطمين عمرك ماجيتني واشتكيتي من شي ريميه فيك شي.
ريميه: ههههههههههههههههههههههههههههههههه
ام يوسف: بسم الله شفيك
ريميه: لا اقلد جميله اللحين بتجي تقول لك هالتعبير فقلت اريحها اليوم واقول عنهاا
ام يوسف: ههههههههههه مو مصبرني على الدنيا غير ضحكتك اللي تجي بوقتها
يالله انا بروح اللحين ودي اختك المدرسه وعمر بعد خليه يروح لا يغيب يابنتي
والظهر تعالي عند بيت المعزبه اخذي غداكم
ريميه: ليه يمه انا بطبخ اليوم 
ام يوسف: انتي ناسيه اللحن اخر الشهر والثلاجه تصفر مافي غير شاي وسكر 
ريميه: خلاص بجي بس هالله هالله بالاكل السنع هالاكل مانذوقه غير اخر الشهر
ام يوسف : هههههههههههههه من عيوني


توكلت ام يوسف على الله وراحت شغلها ..؟.


ريميه : اووف أللحين شيقعد عمر ..نيهااهاااي ماكو غير اكب عليه ماي
بس اخاف ازعج يوسف مسكين من امس مانام ولا ذاق شي ياعمي نسوي اكشن شوي..؟..


وهي متوجهه لغرفة اخوانها ولا اختهاا طالعه من الحماام ..؟..


ريميه: نعيما ياقميل انت
جميله: الله ينعم عليك ... وهي تنشف شعرهاا بالفوطه
ريميه: اللحين خمي الحوش والسطح وزهبي فطور لخوانك 
جميله: وليه حظرتك شنو بتسوين 
ريميه: بقوم اخوانك وبلبسهم وبروح اوكل الدجاج بالسطح واكنس قفصهم
جميله: بس امس انا كنست الحوش كله
ريميه: ياعمي اكنسي أي كلام البيت شعبي وارضيته من طين وتراب ماهو باين فيه الوصاخه بس اسمنا كنسناه اليوم عشان امي
جميله: انزين بس عليك تصفيط الفرش وتحطينها بالكبت
ريميه: انزين بس اخلصي علي
جميله: ولا تنسين تصفطين بطانيتي ومخدتي عدل وحطيهاا اخر شي عشان لا بغيت اطلع افراشي وانام مو ألاقي 60 الف بطانيه فوقه
ريميه: انزين تامرين شي عمتي
جميله .. وتتدلع : بس ألحقيني بالكوفي والكيك
ريميه: وتشوشتها .. فنقر خلاها تنقز وتروح تشوف شغلهاا



ريميه: مسويه ازعاج فوق راس عمر وصياح وجدر وملاس وصرقعه


عمر: انتي يازعاج شتبين
ريميه: قوم روح المدرسه
عمر: مابي بغيب
ريميه: ليه 
عمر: المدير غايب
ريميه: وش عليك انت بالمدير
عمر: من اللحين يعاقبني بالمدرسه
ريميه: يعني انت وخشتك تداوم عشان تتعاقب
عمر: لا عشان اهرب من الحصص
ريميه: قووم لانت نافع بدراسه ولا حتى بوظيفه
عمر: انا مو نافعكم بشي خلاص خلاص ححرمكم من الميراث
ريميه: أي ميراث انت وجهك
عمر: الميه ريال اللي اطلعها كل شهر واعطيتس منها خمسه ريال واختك خمسه ريال واخوك اربعين ريال وتقولين مو نافع بشي
ريميه: لا والله نافع بس اللحين وش السوات
عمر: بغيب اصلن حنا ماندرس اللحين كله مراجعه
ريميه: ليه
عمر: يافهيمه قربنا على امتحانات الفصل 
ريميه: واللحين يعني منت مداوم
عمر: خليني ارقد وراي شوي سرحان عند الاشارات
ريميه: كيفك شوي انت تفاهم مع امك
عمر: خلاص بس طسي
ريميه:ماتبي تفطر
عمر: وشو فطوركم
ريميه: شاي وخبز


عمر: ويفز من نومه يوم سمع طاري الفطور..؟..
راحت ريميه قومت اختها دانه ولبستها وتجمعوا على الفطور


كان الفطور عباره عن باديه فيها خبز مقطع صغير وفوقه سكر مع مطارة شاهي


عمر: هيه دانوه خلي لي خبز خلصتيه
ريميه: كل وانت ساكت
دانه: انت اللي لحست الصحن تقول مفجوع مو شايف خير
عمر: ويمسك النعل بيضربهاا
جميله: تمسكه : هيه انت بسك اذلف نام خل البنت تفطر ترى ماهي ماكله غيره لين الغداا
عمر: بترك اليوم لانك جايبه فزعه بكره انطركي ورى المحول
دانه: ماراح ارد عليك
ريميه: انتي بعد استحي على وجهك اخوك اكبر منك احترميه
دانه: هو ماحترمني
جميله: طالعه لسانك طويل على منو
دانه: عليك
ريميه: يالله قومي اوديك المدرسه
عمر: خليني انا اوديهاا
ريميه: عشان تتضارب انت وياها بنص الطريق
عمر: كيفك
ريميه: بس روح نام انت واخذ هالاكل خل اخوك ياكل ولا تعفس الغرفه ترى امس تعبت وانا ارتبهاا
عمر: ابشري من عويناتي ... ويرمش بعيونه بسرعه وبيده الصينيه
جميله: انا بودي فطور لبوي وابدل ملابسه 
ريميه: بس مو تنسين تكنسين الحوش والسماط لان اخوانك المشافيح وصخوه بالخبز
جميله: بس انا توني كنستهاا
ريميه: شتسوين بعد عشان ابوك بيقعد اللحين يشرب قهوته هنا بالحوش
جميله: هو فيه قهوه اصلن
ريميه: ماعليه انتي سوي كل الشغل وانا بدبر القهوه
جميله: خلاص


وراحت ريميه هي ودانه للمدرسه ..؟..


دانه: ريميه
ريميه: بتملل ...خير
دانه: انتي لما كنتي صغيره كان عندك عرايس
ريميه ..بتملل: لا
دانه: كيف كنتي تلعبي
ريميه: كنت ألعب مع جميله ألعاب واجد من غير عرايس
دانه: ماكان نفسك بعروسه وحده تلعبي فيها وتمشطي شعرها
ريميه: إلا انتي نفسك بعروسه
دانه: لالالا بس صديقتي فقيره مثلنا ماعندها عرايس ونفسها بعروسه
ريميه: اها صديقتك خلاص قولي لصديقتك خليها كل يوم قبل ماتنام تتوضى وتصلي
ركعتين وتدعي ربهاا انه يرزقها عرايس وانشالله ربها يرزقها عرايس كثير
دانه.. بفرح :: صحييح
ريميه: صحيح يالله روحي مدرستك انا بستناك هنا لين تدخلين داخل
دانه: ومسكت راس اختهاا بيدهاا وباسته: انا احبك عشان ساعدتي صديقتي
ريميه.. وباست اختهاا : وانا احبك عشان تحبي صديقتك وتساعدينها


وراحت دانه تركض بفرح للمدرسه وكأنها طاحت على كنز...


رجعت ريميه للبيت وكالعاده لقت ولد راعي الدكان يستناها بنص الطريق..؟


ريميه: ياألله على هالادمي ما يفهم كم مره هزأته ومرمطت فيه القاع شسوي فيه
اذبحه عشان اخلص منه


ابراهيم : تأخرتي علي اليوم يا حلو
ريميه: صبرا جميل والله المستعان
ابراهيم: انا جميل يا جميل
ريميه:والله الجمال بعد امريكا عنك
ابراهيم: طب ليه كذا انتي قاسيه
ريميه: ابراهيموه اعويض الله من شرك شتبي انت
ابراهيم: احبك ماتفهمي انتي
ريميه: حبك برص وعشره خرص انقلع عن وجهي لا والله اتصل على الهيئه وابلغهم عنك
ابراهيم: يعني كيف ماتبغيني وهذا انا ولد وسيم ودمي خفيف ومالي كثير وكل البنات ميتات علي
ريميه:روح لهلبنات انا مابيك ترضى انت على خواتك
ابراهيم: ايش فيها دام حب زي حبي ليك شريف
ريميه: انت ماينفع معك غير ...وتنزل زنبوتها تهدد فيها ابراهيم
ابراهيم: ايش هاذا
ريميه: هذا بيلعب بظهرك


قام يركض ابراهيم وريميه وراه بالشبشب..
ريميه : وقفت بنص الطريق لما بعد ابراهيم : حسبي الله عليه تعبني يحمد ربه ماصدته ولا دبغته الله يلعنه خرب علي كنت بروح اخذ منهم قهوه اللحين شسوي
اوووووووووووف تعبت ارجع البيت ابرك


وراحت للبيت...


ريميه وهي توها داخله البيت ... ولا تشوف ابوها بالحوش


ريميه: الله الله شالزين منور ياحق
ابو يوسف: هههههههه النور نورك يابت
ريميه: لا على هالقعده يبي لك بس فول وطعميه
ابو يوسف: هههههههههههه وبعد راس شيشه
ريميه: ونقلبها مقهى صعايده
ابو يوسف:ههههههههههههههههههههه
ريميه: تبي اطلع لك الكرسي يبا وتروح لربعك
ابو يوسف: لا بس روحي سوي لي شنطة سفر
ريميه: ليه يبا شنعندك
ابو يوسف: بروح الاحساء كم اسبوع وبرد
ريميه: وليه يبا ومن بيوديك
ابو يوسف: بروح اشوف عمانك وجدتك كم صار لي ماشفتهم
ريميه: المفروض هم يجونك يبه مو انت تروح لهم 
ابو يوسف: انتي ادرى بالظروف عندهم وظايفهم وشغلهم وين يخلونها ويجون وتدرين العين بصيره والايد قصيره ماعندنا مكان نظيفهم فيه
ريميه: هي جت على المكان ولا مايتشرفون فيناا
ابو يوسف : وش هالكلام ياريميه
ريميه: يبه ترى حنا كبرنا وفهمنا وكلنا ندري انهم مايحبون امي ولاهم موافقين على زواجك حتى بعد عشرين سنه ولا ماكان طردوك وهذي حالتك وبالسنه تشوفهم مره
ابويوسف: هذولا اهلي مهما يكون 
ريميه : ومنو بياخذك ويوديك هناك
ابو يوسف: ابو مناحي بيسافر العصر وقلت له بخاويه
ريميه: تروح وترد بالسلامه بس مو تطول يبه
ابويوسف : وانا اقدر على فراقكم


ريميه راحت ترتب لبوها شنطة السفر وتكمل شغلها بالبيت إلا ان جت حزة الغدا


جميله: ريميوه ماطبختي شي
ريميه: يؤؤؤ ذكرتيني اروح اجيب الغداا
جميله: من وين لا يكون طالبين مطعم
ريميه: لا حبي من بيت المعزبه
جميله: وفضله بعد ماعندكم كرامه
ريميه: مسويه ابو الكرم اسكتي بس نموت جوع وبعدين هذا طبخ الوالده وامك موماخذته ببلاش يحمدون ربهم وحده عندهم 12ساعه باليوم وبمعاش 800 ريال
جميله: بس ما يغني عن ان خذينا منهم
ريميه: المفروض انتي مايصير عندك احساس ينعدم من زمان
جميله: مثلك تماما
ريميه: بلا هرج وين بيت المعزبه الجديده
جميله: وامك راحت بيت جديد
ريميه: أي من شهر وامك تمدح فيهم تقول بيتهم يجيب العافيه وناس طيبه
جميله: مدري عنها اسألي عمر عنهم
ريميه: عمير عمير وانك


عمر: يطل عليهم من السطح : اطير دجااح
ريميه: تعال ماتعرف بيت المعزبه الجديد
عمر: الا اعرفه
ريميه: روح جيب الغدامن امك
عمر: اسمحي لي ماقدر برستيجي مايسمح لي
ريميه: يالله روح بلا مصاخه
عمر: افكر
ريميه: عمر 
عمر: ماني رايح ادليك اياه
ريميه: بعيد
عمر: يبي له نص ساعه مشي
ريميه: يمااا وبالهشمس امشي والله تصقعني
عمر: يعني بالحوش موصاقعتك 
ريميه: اوووووووف وينه فيه
عمر:لما تروحين للشارع العام اقطعيه وروحي للجهه المقابله المهم
تلقين سوبر ماركت وروحي ورى المحطه تلقين شارع امشي سيده مسافة ربع ساعه
لين تطيحين على بيت لونه اصفر كبير مره وحلو عدي عاشر بيت على اليمين
سوره كبير وعليه بواب هندي اسمه باشا هذا هو البيت 
ريميه: تطق على راسهاا الله واكبر كل هذا اقول شرايكم ننطر امي على المغرب
جميله: حرام عليك يموتون اهلك جوع
ريميه: امري لله بروووووووووح


بس جيب اختك من المدرسه بعد ساعه الا ربع تطلع ..؟..
عمر: اوكي


وراحت ريميه تجيب الاكل لهلها ..؟..
الرجوع الى أعلى الصفحة اذهب الى الأسفل
ɱíśś ßŏĥřặ
كبار الشخصيات VIP
كبار الشخصيات VIP
ɱíśś ßŏĥřặ


مسآهمـآتــيً $ : : 1420
عُمّرـيً * : : 20
تقييمــيً % : : 43863
سُمّعتــيً بالمّنتـدىً : : 90
أنضمآمـيً للمنتـدىً : : 20/01/2014

رواية الرزق على الله...~ Empty
مُساهمةموضوع: رد: رواية الرزق على الله...~   رواية الرزق على الله...~ Empty20/9/2017, 2:40 am

[postbg=https://i.servimg.com/u/f55/14/83/59/48/daqtda10.gif]
..الجزء الثاني..


ريميه: أه يمه تعبت كم باقي لي واوصل حسبي عليك يا عمير
وصفك نفس وجهك هذا طريق نص ساعه صار لي ساعه وانا امشي

وظلت ريميه تمشي لين وصلت للبيت الاصفر ..؟..

ريميه: هيااااااا وصلت هذاك هو 

وقامت تركض وعباتها وراها تطير ولا باتمااااان

وصلت للبيت ..؟..

البواب : اس في ماما سنو يبي
ريميه: ابي ماما ام يوسف هي ام انا يقول روح جواا
البواب: لا ماما مافي روح داخل 
ريميه: اقول لك ماما ام يوسف داخل انت يعرف
البواب: أي يعرف هدي سوي طبخ
ريميه: ايه انا يبي ماما لازم هذا في بابا وازد مريض
البواب: انا لازم كلم ماما ام يوسف
ريميه: روح كلم ماما وانا معاك
البواب: لالالا انا ما يروح انتي في يقعد على كرسي
ريميه: روح وانا بجلس بالكرسي اللي بالحديقه
البواب: لا ماما
ريميه: هنا واجد شمس هناك في مظله الله يخليك صديق
البواب: خلاص اقعد بس مايروح داخل
ريميه: مايروح بس انت روح بسرعه وتعال لايسوي طول وراي مشوار
البواب: اوكي عشرة دقيقه انايروح بس مايروح مني مناك
ريميه: ابك درينا رح طس وتعال الله يرج مخك على هالحر.

راح البواب وجلست ريميه تتحلطم ..؟..
ريميه : أيه هالعز يختي والله ان حديقتهم كبر بيتنا كله حول خمسطعش مره
هذا البيت السنع ولله مو بيت شعبي دور واحد وثلاث ارباع كله حوش طين
ولا بعد غرفتين ومطبخ وحمام وهذا البيت ماشالله تطرد فيه الخيل ما يصير اصير حصان عندهم خخخخخخخخخخخ الله على هلفكره..

وبعدهاا مرت من قدامها سياره سبورت حمره ووقفت بالمواقف 
ووبعدهاا تسكر الغطاء اللي فوق للسياره يعني سياره كشف
ونزل منها واحد اسمراني طويل وسيم حيل جسمه رياضي شكله يلعب حديد لابس جنز ديرتي وبدي اسود وعليه رسمة جمجمه كبيره بالزري وحزام جمجمه كرستال وجوتي رياضي عليه شارات رياضيه وكاب (كبوس) اسود 

ريميه: اووووف اووووووف شسياره العجيبه سقفها يتصفط 
اشلع حتى هنديهم كشخه وانا ورى ما اقول له يوصلني البيت قبل مايروح احد ياخذه..

وقف الشاب يطالع ريميه وعقبها ابتسم وراح كمل طريقه

ريميه: ياحليله يعرف يضحك ... بصوت عالي.. تعال صديق هووه صديق

ألتفت عليها ويأشر بصبعه : أنا
ريميه: أي انت صديق تعال ابيك تعال

طلال : بقلبه .. انا صديق نشوف اخرتها معاك ..

راح طلال يطقطق براسه : سنو يبي ماما
ريميه: انت في شغل محمد
طلال.. بقلبه : وبعد محمد .. لا ماكو سغل ماما يبي شي انتي منو
ريميه: انا بنت ماما ام يوسف يبي يودي انا بيت مال انا 
طلال: ماكو مسكل ماما .. وهو ميت ضحك

جاء البواب وقام ينادي ريميه من بعيد : ماما تعال داخل
ريميه: صديق انا بروح اجيب غراض وانت انطر هنا اوكي ولا اقول لك شغل سياره انا مافي يأخر اوكي 
طلال: اوكي مدام

وراحت ريميه تركض عند امهاا

دخلت من الباب الخلفي للمطبخ ...؟...

ريميه: مرحبا امي كيف احوالك
ام يوسف: بخير انتوا شلونكم ناقصكم شي واخذي هالجدر معاك
ريميه.. وتمسك الصحن : لا كلنا بخير بس تدرين ان الوالد بيسافر وترى عمر ماداوم
ام يوسف : ليه ماوصيتك اليوم
ريميه: وهي تاخذ تفاحه من السله وتاكلهاا : ألا بس يقول هالاسبوع كله مراجعه 
ويقول خلوني وراه شوي سرحان عند الاشارات
ام يوسف: أي والله خلاص ديري بالك على اخوانك يمكن اليوم اتأخر
ريميه: ليه
ام يوسف: بكرى عند المعزبه حفله ومن أللحين نجهز لهاا
ريميه:الله يعينك انا بروح لا اتأخر على السايق
ام يوسف : ليه جايه مع سايق
ريميه: لا بروح مع سايق المعزبه
ام يوسف : ووافق يوديك
ريميه: أي حليل واجودي وبس يتضاحك
ام يوسف:ماصدق باشا يضحك 
ريميه: أي والله تراه حليل انا بروح لا اتوخر عليه ويروح ويخليني واطق لي مشوار درب ساعه وتصقعني الشمس
ام يوسف: يالله بأمان الله حطي بالك على اخوانك لين اجي وشوفي يوسف حاولي انه ياكل
ريميه: انشالله .. هاتي بوسه مامي
ام يوسف: هههههههه طسي عني وراي شغل

وراحت ريميه تركض ومعاها الكيس وشكلها تحفه ..؟..

ريميه : لا لا لا لايكون راح وخلاني اللحين شسوي .. وقامت تتلفت يمين يسار وبعدها تحبطت وراحت تمشي رجليه

وهي بتطلع من البوابه ولا تسمع اصوات هرنات من خلفها ألتفتت ولا تشوف طلال على السياره ألتيماا..

طلال: ماما مايبي توصيله
ريميه: جيت وجابك الله احسبك رحت الله يرزقك من واسع ابوابه روح يامحمد ونحن من خلفك
طلال: قلبه : هههههههه اه يابطني والله انها داجه
ريميه : وتركب السياره .. وهي مبسوطه لاول مره تركب سياره كشخه بالعاده تركب ددسن ابوها القرنبع ..؟..

ريميه: ترفع ايدها باشا انا يقول دعاء وانت قول امين
طلال: وبعد باشا ياحبيبي .. انسالله ماما
ريميه: اللهم يارب انك تعز حكومتنا الرشيده على السيارات الكشخه
طلال:ههههههههههههههههههه امين
ريميه: اللهم يارب تعطي ابو يوسف سيارتن مثلها
طلال.. امييييييييين
ريميه: اللهم يارب انك تزوج ريميه وجميله رياجيل عندهم سيارات مثلها
طلال:ههههههههههههههههههه امين انت مافي زوج 
ريميه: لو انا متزوجه كان شايفني عندك انت وهالخشه رجاء لا تغلط
اللي مثلنا مايعرسن يختك العين بصيره واليد قصيره
طلال: ليه انت مثل هند حورمه يعتي مهر رجال
ريميه: والله لو ان نعطي المهر للرجال كان منذو مبطي وانا معرسه
طلال.. بقلبه : ههههههه حدها فاطسه هالبنت .. مايبي زوج حق انا
ريميه: انقلع قلعك الله وقف وقف هنا لا عاد توديني بيتي الله يلعنك شايفني بايره يوم
اني اخذك والله اخذ ولد راعي الدكان ولا اخذك ملعون الجدف .. تنزل وتسكر الباب وراهاا

وقامت تمشي وتتحلطم : علام الناس علينا حتى الهنود يتحرشون فيناا ربي انصرنا على القوم الظالمين

طلال .. يلحقها بالسياره : ماما انا سوي يضحك خلاص اركب سياره 
ريميه: انقلع بس البيت قريب روح انت عند ماما
طلال: وين انت بيت
ريميه: وش عليك لايكون صج بتخطبني الله ياخذك
طلال: ههههههههههههههههههههههههه ماما خلاص انا روح مع سلامه
ريميه: علها روحتن بلا رجعه 

وراحت ريميه لبيتهم واول مادخلت ولا تشوف اخوانها متجمعين حول السماط بالحوش وحاطين صحن كبير ينطرون الاكل

واول ماشافوا ريميه قااااااااااموا يركضون كلن بيخطف الجدر منهاا

ريميه :وجع اتركوا الجدر انا بحطه
جميله: يلا ميتين جوع
ريميه: شتبين انتي يام الكرامه
جميله: يابنت خلاص مصاريني تتقطع 
ريميه: والله ان ماوخرتوا عني بحذف الجدر اول اجلسوا على الصماط

وجلسوا كلهم عند بعض..؟..

ريميه : حبت تذلهم : الوالد فينه 
دانه: ابوي سافر بس خلصي علينا
ريميه : احس ناقصين واحد اهاا يوسف فين
شيخه: مايبي خلصي علينا ترى ماكليت شي من امس
ريميه: ليه ماكليتي خبزك
شيخه: كلاه المفجوع عمير
عمير: ويصفر يسوي نفسه مو سامع شي
ريميه: عقاب لكم تروحون كلكم تجبون يوسف 

وقاموا ركضون العايله كلها شيخه وجميله ودانه وعمر
يقومون يوسف...

كان يوسف نايم بفراشه .. وفجأه حس احد يسحب منه الفراش ولما
قام شاف اربع كائنات فوقه يبون يقومونه

قام متخرع ماهو فاهم شي بس اخوانه يسحبونه وهو مستغرب لين قعدوه
على الصحن وشاف ريميه معاها جدر وميته ضحك 
قام يضحك معاهم وفهم ان ريميه قايله لهم جيبوا يوسف..؟..

لما جاء وجلسوا كلهم حطت ريميه الاكل وقاموا ياكلون بشراهه

ريميه: يهــــبي مجاعه مجاعه جعلي ماني بدجااجه عندكم ياربي لا تغضب علينا
جميله: والله ماونستي الجوع اللي جانا يالله لك الحمد على نعمة الاسلام
عمير: أي والله الحمد لله على النعمة بس وش دخل الاسلام بموضوع الجوع يا فهيمه
جيميله: مدري والله ابك الجوع يضيع الاوادم
ريميه: طقت يوسف على كتفه وأشرت له : ليه ماتاكل
يوسف.. يأشر لهاا مابي شبعان
ريميه: تأشر . من امس ما اكلت شي
يوسف: يأشر انا تعبان وابي انام مابي اكل شي
ريميه: تبي شي اسوي لك شي
يوسف: ياشر لا مشكوره
وراح يوسف ينام 

جميله: اللحين حبيباتي دانه وشيوخه يشلون باقي الاكل ويحطونه بالثلاجه
ويخمون الحوش لا يجي علينا دواب
شيوخه: والله انا تعبانه وراسي يعورني ماني شايله شي
دانه: والله انا اللي تعبانه رايحه المدرسه من الصبح وانتي بس نايمه
ريميه: خلاص طسوا انا بشيل الاغراض بس شوي العصر تكنسون السطح وتوكلون الدجاج فاهمين
دانه وشيخه: فااااهمين

قامت ريميه تكنس الحوش وترتب البيت وعقب ما خلصت شغلها
راحت رتبت غرفة ابوها وامهاا 

جميله .. تدخل عليهاا : هااه خلصتي
ريميه: أي خلصت بس برتب الفراش واجي
جميله: انا بروح غرفتنا لا خلصتي تعالي لي هناك
ريميه: اكيد بجي هناك اجل وين اطس غرفة العيال ولا المطبخ 
جميله: احسبك بتروحين للمجلس
ريميه: تتريقين انتي وخشتك من وين لنا مجلس مالنا غير حوش وسماط
جميله: اووووووه عن الازعاج بس تعالي بسولف معاك
ريميه: يالله جايه معاك

راحوا البنات غرفتهم وجلسوا بزاويه ..

ريميه : دانه قومي حلي واجباتس
دانه: يوووه خليني ألعب بكره عطله خليهاا يوم الجمعه
ريميه: لالالا يمكن تصير ظروف شي حليها اللحين وافتكي واستانسي حتى يوم الجمعه
دانه: بس عندي واجبين 
ريميه: وشهي
دانه: عربي وحساب 
ريميه: يالله قومي حليهاا ورتبي كتب ليوم السبت وعطيني مريولك اكويه وانا جالسه
دانه: زيين

وقامت دانه تحل واجبتها وتعطي اختهاا تكوي مريولهاا

شيخه: روحي جيبي لي كوب ماء
دانه: اصغر بزرانك روحي انتي
جميله: روحي جعلك لكسر الرجيلات بنتن توك قومي لا اقومك
شيخه: مابي راسي يعورني بنام
ريميه: نعنبو دارتس انتي ترجعين نوم من كثره قومي ألعبي شي ولا طالعي تلفزيون
دانه: ماعندنا قنوات رسوم
جميله: وقنوات السعوديه الاربعه مب عاجبتك
شيخه: لا مو كثير نبي لنا دش
ريميه: والله من البطر أي والله تشوفين ماشالله خيوش الفلوس تارسه بيتنا
جميله: اووف ريومه شيلي هالالف من قدام عيوني اتعبتني
ريميه: ههههههه خليهاا يمكن تجي شحاده نعطيها اياه
شيخه: تتريقون عليناا 
ريميه: نتتريق على خبالكم قومي اللعبي وخلي اختك تكمل واجباتهاا
دانه: اصلن خلصت
ريميه: وريني اشوفهاا
دانه: الحساب تذكرت اني حيلت الواجب بحصتها وحطت لي نجمه
والعربي بس نسخ مرتين وخلصته
ريميه: اهب ياسرعك والله اذكر انا قبل لما كنت بثاني ابتدائي كنت اجي من المدرسه
افرش كتبي واجلس احل فيها لين يذن العشاء
جميله: يهب كل هذا وقت تحلين واجب
ريميه: أي احل واجب واكنس واغسل واطبخ ومرات افكر وارسم تطري علي طواري لما افتح الكتاب
دانه: اهبي تذكرين يوم انك ببتدائي
ريميه: تهبين انتي 
جميله: ههههههههههههههههههههههه انزين خلاص علقي مريولك بالكبت وانتي شيخوه حطي الكوايه بالدرج
شيخه: زين
ريميه: خلاص روحوا ألعبوا لاني بنام ولا اذن العصر قوموني
دانه: انا بنام
شيخه: وانا بنام
جميله: اجل تكفين دانه افرشي فراشي معك
ريميه: أي والله وانا بعد
دانه: وكم تعطيني
ريميه: اللحين انا اوديك الصبح للمدرسه والشمس تطقني واجيب لكم غداء وانا امشي رجليه
دانه: خلاص بفرش فرشكم
جميله: الا على طاري الغداء ماقلتي شلون بيتهم وشغلهم
ريميه: يما يما لو شفتي اللي شفته يابنت
جميله: وش شفتي
ريميه:بيتهم ماشالله كبر بيتنا حول 15 مره وتخيلي شفت شي ما تتخيلينه بأحلامك
جميله: وشهي
ريميه: تخلي سياره يتصفط سقفهاا
جميله: يالكذابه
ريميه: والله فوقي اني ما اكذب
جميله: قولي قسم
ريميه: قسمن بالله 
جميله.. وتحمست : وبعد وش شفتي
ريميه: وشفت باشا ياااااااااااااااااااااااااااااااااااااااو
جميله: منهو باشا ولدهم
ريميه: لو تشوفينه تحلفين انه ولدهم ياهو مزيوووووووون ابن الكلب يفضخ
القلب دمييررررررررره بحياتي ماشفت نفس جماله يا امي
جميله: من هو
ريميه: الحماااااار سايقهم <<< وتمسك قلبها
جميله: تغفص وجه ريميه بالمخده : مالت عليك مالقيتي الا سايقهم
ريميه: هو اللي طلع بوجهي ياهو كشخه ترى هو سيارته اللي يتصفط سقفها
جميله: اذا سايقهم سيارته كذا اجل المعازيب كيف
ريميه: مدري والله المهم برقد رقودن يقعد الراس
جميله: ارقدي وانا بخمد

وناموا البناات من التعب وماحسوا بنفسهم ..؟..

في غرفة العيال ..؟..

عمر واقف قدام مرايه المعلقه بغرفتهم ويغني بصوت عالي ونشاز

(( بناات المدارس ليتني عندكم سواق . امتع عيوني بالنظر دايمن فيكم ))

يوسف .. مو حاس باللي حوله لانه مايسمع اخوه شيخربط ومندمج بالدفتر اللي بيده يكتب فيه ..

عمر: يهز يوسف على ظهره .ويأشر. ترووح معاي ..
يوسف .. يكتب له بالورقه : انقلع عن وجهي ماني برايح
عمر: يهب يانفسك 
يوسف: يكتب.. لاتهبي بوجهي لاني عارف شتقول
عمر: بديت تسمع
يوسف: يكتب .. لا بس فهمت من حركة شفايف شتقول
عمر: يماا ساااحر انزين شقلت
يوسف: يماا سااحر شقلت
عمر.. هههههههههههههههههههه اخيرا بديت تفهم علي اخيرا راح اللقى من اهرج عليه
يوسف:يكتب.. الحمد لله اني اصم عشان ما اسمع ازعاجك
عمر: المهم انا طاس تبي شي
يوسف.. يهز راسه .. بالنفي

راح عمر كل العاده شغله

 
الرجوع الى أعلى الصفحة اذهب الى الأسفل
ɱíśś ßŏĥřặ
كبار الشخصيات VIP
كبار الشخصيات VIP
ɱíśś ßŏĥřặ


مسآهمـآتــيً $ : : 1420
عُمّرـيً * : : 20
تقييمــيً % : : 43863
سُمّعتــيً بالمّنتـدىً : : 90
أنضمآمـيً للمنتـدىً : : 20/01/2014

رواية الرزق على الله...~ Empty
مُساهمةموضوع: رد: رواية الرزق على الله...~   رواية الرزق على الله...~ Empty20/9/2017, 2:44 am

[size=41]×[/size]الجزء الثالث[size=41]×[/size]

[size=41]بعيد عن الحاره وبالتحديد في قصر من اجمل قصور الرياض..؟[/size]

[size=41]ام طلال : جالسه بالصاله .. تتصفح مجله عن الازياء[/size]

[size=41]تدخل عليها . بنتها . لولوه ومعاها شنطة سبورت : اووه هاي مامي[/size]
[size=41]ام طلال: اشوفك تعبانه يا لولو[/size]
[size=41]لولوه: اووه ماما هلكت من الرياضه حسيت اني نزلت كثير [/size]
[size=41]ام طلال: وش لون النادي الجديد انشالله عجبك[/size]
[size=41]لولوه: اووووه ماما حيييل عاجبني حتى قلت لصحباتي ينقلو فيه[/size]
[size=41]ام طلال: اهم شي يكون لايق بمستواك[/size]
[size=41]لولوه: لالا مستواه عالي حييل وحتى هم مايستقبلون بنات عاديات لازم يكونون هاي هاي[/size]
[size=41]ام طلال: احسن شي سووه عشان الزحمه اجل بشترك معاك[/size]
[size=41]لولوه: أي تكفين مامي ودي تشتركين معاي حتى المدربه مره كيوت وعارفه لشغلها[/size]
[size=41]ام طلال : ماودك تاكلين شي[/size]
[size=41]لولوه: بقول لام يوسف تعمل لي أكل بس بابي وين[/size]
[size=41]ام طلال: تعرفين ابوك مايجي الا الساعه 3 العصر[/size]
[size=41]لولوه: والساعه كم أللحين[/size]
[size=41]ام طلال: ثنتين ونص[/size]
[size=41]لولوه: يبي له نص ساعه اوكي ناكل سواا بروح اخذ لي شور بدك شي[/size]
[size=41]ام طلال: لا بس استعدي بكره الحفله وابيك تطلعين احلى وحده[/size]
[size=41]لولوه: اكيد ماماتي ما يحتاج بس ماما متى بتجي اليوم الكوافيره[/size]
[size=41]ام طلال: يمكن على المغرب[/size]
[size=41]لولوه:لاني بقص شعري[/size]
[size=41]ام طلال: بس قصتك حلوه[/size]
[size=41]لولوه: لا بس شافوها علي بزواج ولد عمي ومو حلوه يشوفونها بعد بحفلة جدتي [/size]
[size=41]ام طلال: كيفك وتبين تغيرين صبغتك[/size]
[size=41]لولوه: اممممم نفسي اصبغ اشقر بلاتيني[/size]
[size=41]ام طلال: حلو وانا نفسي ببرغندي[/size]
[size=41]لولوه: وااااااااااو بيطلع كيوت عليك[/size]
[size=41]ام طلال: ههههههه اكيد لاني حلوه[/size]

[size=41]قاطعتهم ام يوسف .. عمتي ام طلال احط الغداء[/size]
[size=41]ام طلال: لا انطري لين يجون العيال [/size]
[size=41]لولوه.. بفرح: هااه ام يوسف شطابخه لنا[/size]
[size=41]ام طلال: اكيد كل زين ام يوسف كل اكلها له طعم[/size]
[size=41]لولوه: خلاص بطلنا نشغلك عندنا[/size]
[size=41]ام يوسف.. بخوف : ليش[/size]
[size=41]لولوه: صرت سمينه من ورى اكلك اللي مايقاوم[/size]
[size=41]ام يوسف .. ارتاحت .. أه وقعتي قلبي ياعله عافيه تبي شي مني[/size]
[size=41]ام طلال ..سلامتك[/size]

[size=41]راحت ام يوسف تجهز الاكل ..؟..[/size]

[size=41]لولوه: بتكسر خاطري ام يوسف حيل[/size]
[size=41]ام طلال: أي والله مسكينه شقيانه على عيالها وزوجها حييييل[/size]
[size=41]لولوه: الله يعين بروح انا اخذ شور واجي قبل ما الوالد يوصل[/size]

[size=41]واول ماطلعت راحت تاخذ لها شاور بحمامها الخاص دخل اخوها طلال على امه[/size]

[size=41]طلال . ويجلس جنب امه ويحب ايدها : مساء الخير والاحساس والطيبه[/size]
[size=41]ام طلال: وتحظن ولدهاا : مساء الحب والشوق وينك فيه ليه تأخرت[/size]
[size=41]طلال: كان عندي شغل[/size]
[size=41]ام طلال: بس انا شفتك بالحديقه بعدها اختفيت وسيارتك موجوده[/size]
[size=41]طلال.. يبتسم : كان عندي مشوار وقضيته وجيت[/size]
[size=41]ام طلال: هاه تروح تبدل لين يجي ابوك واخوانك [/size]
[size=41]طلال: اوكي بروح [/size]

[size=41]ويطلع طلال يبدل ملابسه [/size]
[size=41]وبعد دقايق دخل ابوطلال ومعاه فواز[/size]

[size=41]وكلها دقايق واتجمعوا الاسرة حول المائده ..؟..[/size]


[size=41]**تعريف بسيط عن العايله **[/size]

[size=41]ابو طلال : رجل اعمال كبير ومن اهم رجال اعمال السعوديه[/size]

[size=41]ام طلال : زوجة ابو طلال امرأه محبة ومخلصه وغيوره على زوجها حيل[/size]

[size=41]طلال: اكبر العيال عمره 24 يشتغل مع ابوه بالشركه[/size]

[size=41]لولوه: اكبر البنات عمرها 22 كسوله وشهادتها جايه عندها وهي نايمه[/size]

[size=41]فواز: 20 يدرس هندسه ونفس اخته مقضيها نوم والشاهده تجي له[/size]

[size=41]سومه (اسماء) دلوعه البيت عمرها 13 سنه جت بعد عناء طويل من امها[/size]
[size=41]وفقدانها الامل انها تنجب [/size]


[size=41]نرجع للقصه..؟..[/size]

[size=41]بعد تجمع العايله حول مائدة الطعام ..؟..[/size]

[size=41]جت ام يوسف بدولكت اللبن وقامت تصب بالكاسات وتعطي الموجودين[/size]

[size=41]ابوطلال: تسلم ايدك ام يوسف علىهالطبخه لا مانبي نفرط فيك[/size]
[size=41]ام يوسف: ياعله عافيه[/size]
[size=41]ام طلال: شكلي باخذ دوره عندك في الطبيخ[/size]
[size=41]ام يوسف: ليش تاخذين انتي امري ويجيك الاكل طاير ويزحلط عندك زحلطه[/size]
[size=41]طلال.. ابتسم بداخله .. سبحان الله البنت طالعه لامهاا رقله[/size]
[size=41]لولوه: انا لا تزوجت راح اخذك معاي ما استغنى عن اكلك[/size]
[size=41]فواز: وحنا نجلس من غير اكل[/size]
[size=41]ام يوسف: ههههههههههههههههههههههههه[/size]
[size=41]طلال: إلا يام يوسف عندك بنات انتي[/size]
[size=41]الكل .. استغرب سؤاله .. واللفتو يطالعه[/size]
[size=41]ام يوسف .. بخوف: أي عندي اربع[/size]
[size=41]لولوه: ماشالله توني ادري عندك بنات [/size]
[size=41]ام طلال: يتربون بعزك[/size]
[size=41]ام يوسف :الله يخليك[/size]
[size=41]طلال: كبار ولا صغار[/size]
[size=41]فواز: ليه الاخ ناوي يخطب[/size]
[size=41]طلال: عن اللقافه وكل شحم[/size]
[size=41]ام يوسف: ههههه وين يخطب انتو وين وحنا وين ليه تسأل يا طلال[/size]
[size=41]طلال.. وحط راسه بالصحن اللي قدامه .. لا ولاشي بس كذا حب تطفل[/size]
[size=41]ام يوسف: واستأذنتهم وطلعت[/size]

[size=41]فواز: طيب ليه ماسألت عن عيالهاا[/size]
[size=41]طلال: لاني شفت اليوم وحده من بناتهاا[/size]
[size=41]الكل.. مستغرب : وين شفتهاا[/size]
[size=41]طلال: بالحديقه جالسه[/size]
[size=41]ام طلال: لايكون صاير بأبوهم شي[/size]
[size=41]طلال.. يبتسم وفيه الضحكه .. لالا ما اتوقع بس بنتها خطيره[/size]
[size=41]ابو طلال: كيف يعني[/size]
[size=41]طلال: ههههههههههههههههههههههه[/size]
[size=41]سومه: ضحكنا معاك[/size]
[size=41]طلال: مالك شغل ماني بقايل[/size]
[size=41]لولوه: قول بلا مصاخه شوقتنا[/size]
[size=41]طلال.. بقول لكم بس مو اللحين لازم شوي نسوي اكشن[/size]
[size=41]فواز: اللعن ابو السالفه اللي بتطلع من طلال[/size]
[size=41]طلال: ليه تلعن ابو سالفتي عقاب أأجلهااا يومين[/size]
[size=41]لولوه: لا عاد قول بموت واعرف[/size]
[size=41]طلال: امممم افكر[/size]
[size=41]ابو طلال .. وفقد صبره : خلووه مصيره يقول السالفه[/size]
[size=41]طلال: والله ماراح ااقول[/size]
[size=41]سومه .. وتضرب الملعقه بالصحن بقوه .. مابي مابي ابي اعرف السالفه[/size]
[size=41]ام طلال: انتو مسويين ضجه خلوه طلال مايقعد بطنه شي[/size]
[size=41]طلال: هههههههههههههههههههههههههههه كل هذا بتعرفون السالفه شنو هالفضول اللي عليكم[/size]

[size=41]وبعد الغداء تجمعت الاسره على التلفزيون يسولفون ..؟..[/size]

[size=41]ابو طلال يقرى جريدته .. وطلال وفواز .. يتناقشون ..وام طلال تصب شاي للعايله[/size]
[size=41]وسومه تلعب قيم بوي ... واما لولوه جالسه تقلب بالقنوات ..[/size]

[size=41]ونظام العايله مايحبون ينامون عقب الغداء نومتهم وحده يا اما ينامون نومه طويله[/size]
[size=41]او ماينامون هذا نظام ابوهم وخلاه يمشي على الكل ..؟..[/size]

[size=41]سومه: مامي اليوم الاربعاء وابي اروح بيت خالتي[/size]
[size=41]ام طلال: بكره بيجون لنا[/size]
[size=41]فواز: ولازم كل اربعاء ترزين فيسك عندهم[/size]
[size=41]سومه.. كيفي مامي اند دادي ****ن نوت يور بزنز[/size]
[size=41]فواز: يعني حافظه لك كم كلمة أنقليزي بديتي ترطنين فوق راسي اقول لا يكثر[/size]
[size=41]سومه: بدلع : بااااباااا [/size]
[size=41]ابوطلال: لحد يزعل سومه [/size]
[size=41]سومه.. وتجلس جنب ابوهاا: لا بابا ابيك تضربه قدامي[/size]
[size=41]ابو طلال.. ويصفط الجريده .. ويضرب فواز على ظهره : لا تعودها مره ثانيه[/size]
[size=41]سومه.. ههههههههههههههههههههههههههههههههههه[/size]
[size=41]فواز: وحاقد على اخته .. هين هين اعلمك الشغل[/size]
[size=41]سومه: بااباا[/size]
[size=41]ابوطلال: فواز خل سومه بحالها لا تزعجهاا[/size]
[size=41]فواز: عاشنك بس يبه ولا كنت بقوم ادبغهاا الدلوعه[/size]
[size=41]سومه.. تمد لسانهاا على اخوهاا .. غيرااان اني خذيت الدلع منك واني الابنه المفضله[/size]
[size=41]فواز: هههههههههههههههههههههههههههه ياحليك لما تقارين نفسك فيني وانتي ماتوصلين ربع كتفي[/size]
[size=41]سومه.. بعصبيه ودلع .. بابا شوفه[/size]
[size=41]ابوطلال: فوااااااااااااااااااااااااز بس[/size]
[size=41]فواز: سكت .[/size]
[size=41]طلال: يبا انت مدلع سومه حيييييييييييل يعني تسكت اخوها الكبير عشان قالت لك بابا[/size]
[size=41]فواز: هات راسك ابوسه : تسلم يا اخوي يا عضيدي اللهم انصرنا على القوم الظالمين[/size]
[size=41]لولوه: حبيبتي سومه اذا ماتدلعت من بيدلعها هذي سومه تسوي اللي تبي[/size]

[size=41]راحت سومه تركض عند اختها لولوه وطاحت بحظنهاا :: الله يخليك لي ولا لو انا[/size]
[size=41]عند المتوحشين ذولا كان من زمان راميني بالشارع[/size]

[size=41]فواز: طلال افتح ايدك وابي اجيك طاير[/size]
[size=41]طلال: مستغرب.. وراك[/size]
[size=41]فواز:بطيح بحضنك بقول لك يا اخوي الله يخليلي لك ولا انت لو رايح كان المتوحشين كلوني[/size]
[size=41]الكل: مات ضحك .. هههههههههههههههههههههههههههههههههههههههه[/size]
[size=41]لولوه: اول قلد عدل نفس الاوادم بعدين طبق[/size]
[size=41]طلال: ولا يهمك تعال..[/size]
[size=41]فواز: ويجلس جنب اخوه ويحطون ايدنهم ورى بعض ..[/size]
[size=41]طلال: يالله قول[/size]
[size=41]فواز: مليني نسيت[/size]
[size=41]طلال: ويرفسه .. نعنبو دارك كنت مجهز المنديل ببكي وبالاخير مليني خربت[/size]
[size=41]علينا الدرامه كلهاا[/size]
[size=41]فواز: خلاص خلاص بص يا مرسي انا بحبك[/size]
[size=41]طلال: أي فلم هذا[/size]
[size=41]فواز:على طاري الفلم مادريتاا[/size]
[size=41]طلال: لا [/size]
[size=41]فواز: فلم مطب صناعي نزل السينماا وجبت لك الدي في دي[/size]
[size=41]طلال: ماشالله وهو توه نازل[/size]
[size=41]فواز: اصلن من قبل ما ينزل السينما انا جبته[/size]
[size=41]ابو طلال: ليه الاخ مخرج[/size]
[size=41]فواز: تقدر تقول [/size]
[size=41]الكل:هههههههههههههههههههههههههههههههههههههه[/size]
[size=41]لولوه: زين جيبه نشوفه [/size]
[size=41]فواز: انشالله السهره على الفلم[/size]
[size=41]ام طلال : الساعه كم بتشغلونه[/size]
[size=41]فواز: كيف الوالد[/size]
[size=41]ابو طلال: انا اقول الساعه 10 [/size]
[size=41]الكل: صااااااااااااااااااااااااااااااااار[/size]

[size=41]**وبعد صلاة العصر تفرقت العايله **[/size]

[size=41]راحت ام طلال وسومه للسوق يتغرضون للحفله..[/size]
[size=41]اما لولوه راحت غرفتها تكلم صديقاتهاا..[/size]
[size=41]ابو طلال راح للشركه..[/size]
[size=41]طلال وفواز .. جناحهم يشوفون فلم لهم ..[/size]

[size=41]العيال لهم جناح مشترك [/size]

[size=41]طلال.. ينسدح .. على الكنبه : شغل فلم اجنبي[/size]
[size=41]فواز: من عيوني لو تطلب عيوني[/size]
[size=41]طلال: خلنا من اغانيك وشغل[/size]
[size=41]فواز: تعال قول شصار على بنت ام يوسف[/size]
[size=41]طلال: ههههههههههههههههه لالحين بقلبك[/size]
[size=41]فواز: لا بس بعرف ليش تضحك كل ما جاء طاريهاا ..؟..[/size]
[size=41]طلال: يبتسم وسرح فيها .. ههههههههههههههههههههههههههههههههههه لانها نكته[/size]
[size=41]فواز: يا هوووه انت وين رحت قول[/size]
[size=41]طلال: انتبه .. معااك السالفه ومافيهاا اليوم وانا راجع من الشغل وجيت بدخل البيت[/size]
[size=41]ولاألاقي بنت جالسه بالحديقه من لبسها وطريقة عباتها حسيت انهاا مو من البيت[/size]
[size=41]كنت احسب انها شحاده طالعتها وابتسمت لها وعقب [/size]
[size=41]فواز: ليش ابتسمت لها ماتدري ان ابتسامتك تذوب البنات ولا انت قاصدها تبي تذوبها فيك اعترف كشفتك[/size]
[size=41]طلال: تبي اكمل ولا بالهنعل [/size]
[size=41]فواز: وجهه نظر اكمل لا بارك الله فيك[/size]
[size=41]طلال: المهم ماطولهاا ابتسمت يافهيم لاني كنت ناسي بوكي فوق وكنت بعطيها كم[/size]
[size=41]ريال فاتذكرت هالشي وطرى على بالي الحديث اللي يقول الابتسامه بوجه اخيك صدقه فأبتسمت[/size]
[size=41]فواز: اهاا راح فكري لبعيد بس هالشي عادي شلي عرفك انها بنت ام يوسف[/size]
[size=41]طلال: انطر تجيك السالفه[/size]
[size=41]فواز: اجل السالفه طويله الدعوه عصير[/size]
[size=41]طلال: ياكثر ماتبلع[/size]
[size=41]فواز: كيفي تبي شي[/size]
[size=41]طلال:عصير نفسك[/size]

[size=41]وقام فواز: جاب له من المطبخ التحضيري عصير له ولاخوه[/size]

[size=41]فواز: اكمل سلمت يمناك[/size]
[size=41]طلال: ألعن ابو الفصحه عليك يرحم امك انطم ترى مابكمل[/size]
[size=41]فواز: خلاص بنطم[/size]
[size=41]طلال: المهم فلما كنت بدخل البيت مادريت الا وصوت بنت تقول .. هيه صديق تعال ابيك[/size]
[size=41]فواز: صديق واااااااككك هههههههههههههههههههههههاي صديق طلعت هندي[/size]
[size=41]طلال: انطر بصدمك بشغله سويتها[/size]
[size=41]فواز: والله وحلوت السالفه[/size]
[size=41]طلال: المهم كان اروح لها على اني هندي وقامت تطلب مني اوصلها للبيت تخيل بنت وتطلب منك توصلهاا شنو بتسوي[/size]
[size=41]فواز: باخذها واطق لها فره بالشارع واخذ اثنين كوفي[/size]
[size=41]طلال: المهم شلون اعزمها بكفي وانا هندي[/size]
[size=41]فواز: صح كمل[/size]
[size=41]طلال: بس وصلتها البيت بس كانت تسولف طول الطريق [/size]
[size=41]فواز: وش تقول[/size]
[size=41]طلال.. وبدا يتذكر: هههههههههههههههههههههه ماراح اقول لك[/size]
[size=41]فواز: ياشينك شينااه[/size]
[size=41]طلال: حط فلم[/size]
[size=41]فواز: مااريد[/size]
[size=41]طلال: اعلمك الشغل[/size]
[size=41]فواز: خرعتني[/size]
[size=41]طلال: ويكب بوجهه العصير[/size]
[size=41]فواز:يشهق .. يا كلب [/size]

[size=41]طلال قام يركض بينحاش من اخوه ولكن فواز صاده وسكب عليه عصير بارد[/size]


[size=41]...................................[/size]

[size=41]في بيت ابو يوسف..[/size]

[size=41]ريميه: اوووووووووووووه هذا وقت تلفزيون يخرب اللحين شلون بشوف[/size]
[size=41]المسلسل [/size]
[size=41]جميله: يرحم امك شايفته سبعين مره[/size]
[size=41]ريميه: عاد وش اسوي ماكو غيره نتسلى فيه[/size]
[size=41]جميله: حطي الرادوا ابرك[/size]
[size=41]ريميه: الرادو خربااان سكبت عليه شيخه مااء[/size]
[size=41]جميله: لالالا وبرنامجي الاذاعي اللحين راح[/size]
[size=41]ريميه: أي والله من زمان ماسمعت محاظرات العريفي ولا القرني[/size]
[size=41]جميله: ورى ما اجمع افلوسي على افلوسك ونشتري لنا مسجل ونروح[/size]
[size=41]للمسجد وناخذ شرطان ونسمعهاا[/size]
[size=41]ريميه: أي والله بس انا معي 20 ريال وانتي كم معك[/size]
[size=41]جميله: معي 15 ريال[/size]
[size=41]ريميه: ماتكفي [/size]
[size=41]جميله: وش نسوي ماكو شي نتسلي فيه غير المسجل وتعرفين التلفزيون مافيه غير 3 قنوات الاولى ما تطلع شين سنع غير فتاوي على الهواء والثانيه مانفهم وش يقولون والثالثه رياضه ومانحبها وتعرفين التلفزيون بغرفة العيال وكل مابغينا نشوف[/size]
[size=41]لنا حاجه مرات يرضون ومرات يعيون واخوك عمير مايخلي القناة الرياضيه طول وقته عليهاا[/size]
[size=41]ريميه: أي والله مالنا غير مسجل نسمع لنا شرطان دينه ومحاظرات انتثقف بالدين[/size]
[size=41]جميله: كم يبي لناا[/size]
[size=41]ريميه: على الاقل 100 ريال[/size]
[size=41]جميله: اووووووووف من وين نجيبهاا[/size]
[size=41]ريميه: اللحين معانا 35 ريال نقول لعمر يعطينا فلوس [/size]
[size=41]جميله: لا انا بقول لامي وهي تتصرف وش رايك[/size]
[size=41]ريميه: احسن.[/size]
الرجوع الى أعلى الصفحة اذهب الى الأسفل
ɱíśś ßŏĥřặ
كبار الشخصيات VIP
كبار الشخصيات VIP
ɱíśś ßŏĥřặ


مسآهمـآتــيً $ : : 1420
عُمّرـيً * : : 20
تقييمــيً % : : 43863
سُمّعتــيً بالمّنتـدىً : : 90
أنضمآمـيً للمنتـدىً : : 20/01/2014

رواية الرزق على الله...~ Empty
مُساهمةموضوع: رد: رواية الرزق على الله...~   رواية الرزق على الله...~ Empty20/9/2017, 2:45 am

الجزء الرابع



ام طلال: كيف اللحين الحفله بكره والعاملات مايكفون
لولوه: وليه ماحجزتي من شركه
ام طلال: بتعرفي الوالده ماتحب الفليبنيات ولا الشغلات وتبي خدمة عربيات
لولوه: انزين واللي اتصلنا عليهم قبل اسبوع وينهم فيه
ام طلال: اتصلوا يعتذرون اللحين كيف تتدبر
لولوه: والله جدتي غريبه أيش فيها لو اللي اشرفوا على الحفله شغلات ماهم تارسين بيتنا لا والاغرب من كذا ماتبي بوفيه تبي طبخ بيت الله يعين ام يوسف من
يومين وهي تحظر للعزومه 
ام طلال: أي والله لوعلى الاقل ألاقي بس ثنتين يقهون الحريم والباقي بحاول اخليهم يبتعدون عن نظر الوالده

ينزل طلال من الدرج بسرعه ويجلس على الكنبه ويمسك الريموت ويحط على قناة
سبورت 

ام طلال: علامك 
طلال: ناطر لي مباراة والرسيفر اللي فوق خرب على بداية الشوط
لولوه: بس انا ناطره لي مسلسل
طلال: اقول امرحي بس
ام طلال: بس لا تزعجنا بنسولف
طلال: انتم لا تزعجوني روحي لولوه جيبي لي عصير وحب
لولوه: مابي روح انت
طلال: بعصبيه .. لولووه روحي لا ادبغك
ام طلال: وتمسك التلفون .. ألو ام يوسف حضري لي كوفي ولطلال عصير وحب مشكل

فواز .. يركض على الدرج .. هاااااه شغال تحت طلال
طلال: لالالالا
ام طلال: كذااب شغال

وينزل. فواز متنرفز .. جالس هنا تطالع المباراة وانا محترق فوق اصلح التلفزيون
طلال: اسكت هجمه هجمه
يجلس فواز بسرعه ... يارب يفووز ميلان ياااااارب
طلال: يخسي إلا هو الدوري ليوفونتس

تدخل ام يوسف معاها صينيه كيك وعصير وزعت على الجالسين

لولوه: امممممممم كيكه لذيذه
ام يوسف: من ذوقك هذا
ام طلال: هااه ام يوسف انشالله مسويه حاجات حلوه زي كذا للعزومه
ام يوسف: كل طيب
لولوه: إلا صحيح مامي ليه ما تسألي ام يوسف يمكن تعرف احد يجي يقهوي حريم
بكره
طلال: وهويطالع تلفزيون: ليه والشغلات وينهم
ام طلال: جدتك ماتحب الشغلات تبي لها عربيات مو اجنبيات
فواز: تعجبني جدتي حييييل محافظه على تراثنا ولا لو كل بناتنا مثل لولوه
كان راح تراثنا وطي
ام طلال: الا صحيح ماتعرفي حريم يجون يقهون بكره واعطي كل وحده فيهم ألف ريال
ام يوسف.. تفكر : لا والله ما اعرف 
لولوه.. وتتذكر.. انتي مو تقولين عندك اربع بنات
ام يوسف. . ألا عندي بس صغار
ام طلال: يعني كم اعمارهم
انتبه طلال لهم ونسى المباراة وقام يطالعهم
ام يوسف: بين 18 و خمس سنين
ام طلال: عز الطلب انا ابي بناتك الكبار لاني اتورطت بس يجون بكره من بدري
يقهوون الحريم ولكل وحده فيهم ألفين ريال
ام يوسف: وليش الخساير يجون لك بلاش ما انسى وقفتك معاي ياعمتي
ام طلال: لا يجون ولهم اكراميه هذي بنات ام يوسف
ام يوسف.. من عيوني بناتي لك
ام طلال.. وتفتح شنطتهاا وتعطيهاا فلوس..
ام يوسف: ليه كل هذا
ام طلال: لاني ابيك تلبسيهم دراريع حلوه تعرفي بكره بيجون حريم أكابر وما ابي
يكنون بملابس عاديه خليهم ملابس طقم وكشخه
ام يوسف .. بنكسار.. من عيوني

طلعت ام يوسف واخذت معاها الفلوس وراحت بيتهاا

طلال: ليه يمه كذا
ام طلال: ليه شنو سويت
طلال: تحرجيهاا قدامنا
لولوه: لا حرجتها ولا شي انت حساس
فواز: بس مو حلوه تذليها قدامنا
ام طلال: اجل تبيهم يفضحونا بكره بملابسهم
طلال: وانتي شدراك عن ملابسهم
لولوه: ماتشوف ملابس أمهم
فواز: يابني حريم اسكت عنهم خلنا نكمل المباراة

تنزل سومه من الدرج ولابسه ثوبهاا ..؟..

سومه.. هاه مامي كوول علي
لولوه: وااااااااو جنان دوري خليني اشوفك
وتدور سومه وتمشي تقلد العارضات

ويصفر.. طلال : امش يابو رمش شنوهالحلات والزين كله
سومه. وتمسك شعرها بيدها وترجعه على وره : اممم وش الجديد
فواز: ألعن ام الغرور تكفا بالطفايه على عينهاا
طلال.. يمسك الطفايه.. ماطلبت شي 
سومه .. وتركض على الدرج: مااااامي
الكل: هههههههههههههههههههههههههههه

سومه: معصبه وعيونها كلها دموع : هين يجي بابي واعلمه عليك 
فواز: روحي لا اكسر سنونك واخليك تقولين يبه بدال بابي
سومه: اوووووووووووووف وتطلع لغرفتهاا

وتحذف ملابسهاا وتنسدح على السرير وتفتح لاب توب مالهاا
اللي كانت مزينته بصور لها ولبنات خالتهاا ووردات بارزه

**وكانت غرفتهاا غايه بالجمال فيها حس مراهقات كانت الصبغه 
موف وعليها وردات مختلفة الاحجام بلون سلفر واثاث غرفتهاا ممزوجه
بدرجات البنفسجي وبأخر الغرفه غنفة على شكل بوسه كبيره وجنبها ابجوره ومعلقه
بالغرفه لوحات مشكله وصور لأهلهاا **

فتحت الاب توب وراحت على طول على الماسنجر ..؟..

ولقت بنت خالتهاا شابكه دخلت عليها على طوله ..؟..

وبدت معاها محادثه.؟

** سومــ الاموره ــــه**
هاي ندو
**ندووشه**
هايات
** سومــ الاموره ــــه**
وينك فيه ليه مارحتي معانا المول
** ندووشه**
لاني جالسه على المسن انطر صاحبتي
** سومــ الاموره ــــه**
منو صاحبتك لك صاحبات من وراي
**ندوشه**
لي كثيييييييييييييييييييير
** سومــ الاموره ــــه**
وليه ماتعلميني 
**ندوشه**
كيفي
** سومــ الاموره ــــه**
ومنو صاحبتك ذي
**ندوشه**
اممممممممممممممممممم ماراح أعلم
** سومــ الاموره ــــه**
منو صاحبتك بلا مصاخه
**ندوشه**
بس ماتعلمين احد
** سومــ الاموره ــــه**
منو بعلم انا مالي غيرك
**ندوشه**
هي مو وحده
** سومــ الاموره ــــه**
اجل منو
**ندوشه**
هو واحد
** سومــ الاموره ــــه**
امبيه وين عرفتيه
**ندوشه**
راح اصدمك اذا قلت لك منو
** سومــ الاموره ــــه**
منو شوقتيني
**ندوشه**
هو معانا بالمنتدى
** سومــ الاموره ــــه**
يؤؤؤ قولي منو
**ندوشه**
قلبي خضر
** سومــ الاموره ــــه**
ماصدق كيف عرفتي اميله
**ندوشه**
هو عطاني اياه
** سومــ الاموره ــــه**
والله انك داهيه بس مو خايفه اخوك يعرف
**ندوشه**
لا وين بيعرف عادي
** سومــ الاموره ــــه**
والله انك جريئه
**ندوشه**
النت يبي له جراءه
** سومــ الاموره ــــه**
وش قلتي له
**ندوشه**
قلت ان اسمي أشواق وعمري 19
** سومــ الاموره ــــه**
ههههههههههههههه يالكذابه عمرك 13
**ندوشه**
اجل اقول له عمري 13 ويضحك علي يقول بزر
** سومــ الاموره ــــه**
هههههههههههههههههههههههههههه اوكي انابطلع اللحين بدك شي
**ندوشه**
لا انا بعد بروح اناام لان وراي بكره قومه للمول
** سومــ الاموره ــــه**
سي يا
**ندوشه**
بايو

وطلعت سومه وراحت لهلها تحت بعد مالبستلها برموه وردي وتي شيرت ابيض
عليه رسمات صغيره مع شحاطه بيضه ورفعت شعرها نصه ببكله ورديه كان شعرها قصة فراوله لين كتفهاا

طلال: هيااااااااااااااا قووووووووووول قوووووووول
فواز: لالالالالالالالالالالالالالالالالالالالا.. ويرفس الطاوله برجله
طلال: ويرقص يهز خصره : عاشو عاشو روح روح الفوز لنا الفوز لنا
فواز: انطر باقي على نهاية الشوط ربع ساعه يمدينا نجيب هدف
طلال: روح روح يالله المهم اليوم تعيشيني على حسابك

وقطع عليهم صوت تلفون فواز ..

فواز.. ويكشر.. اووووووووف بدوا اللحين بالشماته
طلال: ههههههههههههههههههههه رد منو اللي داق
فواز: في غير ولد عمك فايز
لولوه: ويرف قلبها .. وغصب عنها ابتسمت

فواز.. من غير نفس نعم
فايز: واااااااااااااااااااااااااك واااك فزنا عليك 2 صفر وااااااك
فواز: اقلب وجهك عادي خسرنا بشرف
طلال: أي ماشالله مصخرناكم 2 صفر وااااااااااااك
فايز:ههههههههههههههههههههه طلول عندك
فواز: أي عندي واقلبوا وجهكم ماكو عشاء اليوم
فايز: لا بمسك الربع بالاستراحه ينطرونك جوااعه مع التفاعل والصراخ والتشجيع
طلال.. وياخذ التلفون: من عندك
فايز: في غير عمك مشاري ومعرسنا فيصل واخوي طارق
طلال: اوووه رابطة مشجعي يوفونتس كلهم عندك
فايز: لو تشوف الدوانيه تمووت ضحك حالف طارق ليقلبهاا اعلام برشلونه
ماجاء الفيديو اللي صورناه 
طلال: لا تلفوني ناسيه فوق
فايز: يوم دخل القول الاول وقفنا كلنا نرقص عرضاا وارسلناها لك
طلال:هههههههههههههههههههههههههههههههههه
فايز: والقول الثاني قلبناها فرنكي
طلال:ههههههههههههههههههههه ليتني جيتكم
فايز: قايل لك
طلال: احسبه بيصير مثل ماصار هاك اليوم يوم الكرت وقف علينا بنص المباراة
صرت ما اثق فيك
فايز: لا هلحين معبيه اجل تعال لنا مباراة يوم الثلاثاء
طلال: صاااااااااااااااااار المهم تجهزوا بمركم نروح مطعم
فايز: على حساب فواز
طلال: بوكه معاي جايكم

فواز: منقهر.. جعلكم ماتحدرونه جعله مايتزحلط من بطنكم
طلال: يهب ياوجهك يالله مشينا
فواز: بملل .. اووه مشيناا

وراح طلال وفواز لعند عمانه وعيال عمانه اخذهم وطلعوا للمطعم يتعشوا
بمناسبة فوز فريقهم..؟..

............................................

بعيد عن الشباب وبالتحديد عن البنات بالحوش..

كانو جالسات بالحوش وقدامكم مطارة شاهي يهرجون ..؟..

ريميه: دانه خمي القفص عدل ولا يطرون الدجاج
شيخه: انزين
دانه: قالت دانه مو شيخه
جميله: بنات بلا ازعاج خلصوا شغلكم
ريميه: اسمعي خليني اكمل لك وصف الحديقه
جميله: كملي كملي
ريميه: ايه اسمعي يوم اني ادخل ياشفت نخل عندهم يااااو نخلهم
غير تصدقين ان معلمة الجغرافيا خبله
جميله: شكو معلمة الجغرافيا بالسالفه
ريميه: تقول مافي انهر بالسعوديه ابك ونهر النيل في بيتهم
جميله .. بستغراب : تكذبين
ريميه: جعلي ما اعرس ولا ادخل على رجالي ابد ان كنت كاذبه
جميله: اجل مدرستنا ماتدري وانتي متأكده انه نهر النيل
ريميه: إلا متأكده
جميله: وشلون
ريميه: شفت وزات عليه
جميله: يماا حيات
ريميه: مدري شفتها معلقه طول الوقت بالماء
جميله: اللـــــــــــــــــــــــــــــــــــــــــــه ياحظهم
دانه: أأأأأأأأأأأأأأأأأ ريميه لحقي
ريميه: تقوم شفيك
شيخه: الدجاج طلع من قفصه

وراحوا البنات يركضون يشوفون الدجاج ولا يلاقون كل الدجاج
الطالع برى 

وقاموا البنات يصدون الدجاج ..؟..

جميله: ريميه يماااا يلحقني
ريميه: هههههههههههههههههههههههه
دانه: صدت واحد
شيخه: أأأأأأ قاعده تنقرني بمنقارهاا
ريميه: حطوهم بالقفص
دانه: احكروهم وانا بحدهم
ريميه: وتقضب طرف ثوبهاا : اطرحوهم يالربع عليهم عليهم
البنات: أأأأأأأأأأأأأأأأأأأأأأأأأأأأ ... بصوت واحد لما طلع عليهم الديك الكبير

وبعد ساعه اخيرا تم صيد جميع الدجاج وادخالهم القفص

دانه.. تطيح على فراشهاا: أأأه يمه تعب
شيخه: توبا هااه شف يارب توبا ان نظفت قفص الدجاج
ريميه: انا اللي توبا يارب اخلي هالبزرتين يسوون شي

وبعد مارتاحوا جلسوا يسولفون بالحوش لان غرفتهم صغيره ويالله تشيلهم
فقرروا انهم يتوسعون ويطلعون برى

تك تك تك تك .. صوت طق على الباب

جميله: روحي شوفي من
شيخه: كل انا قولي ليوسف
ريميه: يوسف طلع من زمان
دانه: خلاص انا افتح

وراحت دانه تفتح ..؟..

دانه.. هلااا حوريه هلا بدريه تفضلو
حوريه: هلا فيك البنات فيه
دانه: اكيد فيه وين بيطسون وين خالتي الحبيبه
بدريه: راحت لبسطتهاا بالسوق

دخلواالبنات

ريميه: هلااااااااا والله

وقاموا البنات يسلمون على بعض وعقبها جلسوا يسولفون..؟..

حوريه: يابقره ليش ماتمرين بيتنا
ريميه: وين امرك وتعرفين امي من اصبح لين الليل برى البيت ومافي غيري
امي تعتمد عليها
حوريه: أي والله الله يعينك
جميله: شلونك بدريه
بدريه: والله بخير ناقصني شوفكم بس
ريميه: يالله حي البنات 
ريميه: روحي بدريه ألعبي مع البنات 
بدريه: انزين

وراحت بدريه تلعب مع دانه وشيخه

ريميه: شلونك وش مسويه
حوريه: ابد على حطت ايدك مغير كرف بالبيت وبس و اخوي مشعل
مطلع ل قروون ياربي سكني تعرفين هو وعمر نفس الطبايع وربع فوق هذا
جميله: اسكتي قبل امس جاء لنا قلبوا البيت هو وعمر فوق روسناا بغينا نموت
ريميه: حتى انا صفطت شنطتي وكنت بطلع من البيت
حوريه .. هههههههههههههههههههههههههه ماتخلين سوالفك ياريميه
ريميه: لولا امي وتداركها للوضع كنت مقرره اشغل في بيت ثاني
الكل:ههههههههههههههههههههههههههههههههههههه
جميله: ريميه قومي صلحي لنا شاهي
ريميه: مصلحه شاهي اوله محد شربه قومي هاتيه
حوريه: غريبه شاهي مصلحته ريميه ومحدن شربه ليه
ريميه: هو اللي صا لنا شويه
جميله: يؤؤؤؤؤ يالله
حوريه: والله قلقتوني علامكم 
ريميه: مو دجاجنا هج وقمنا نلحق وراه واللله ساعه لين دخلناهم داخل
حوريه: ههههههههههههههههههههههههههه حرام طافني
ريميه: يؤؤؤ طافك نص عمرك
جميله: ولا تشوفين اشكالنا تحفه 

وتموا البنات يسلفون لين وصل عمر ومشعل ويوسف ودخلوا داخل غرفتهم
يقلبونها صرقاعه ..؟..

حوريه: يما يالأزعاج
ريميه: ناخذ فرشتا للسطح براد ونبتعد عن المقاريد
جميله: أي هذا الراي السنع
ريميه: من يومي وانا رايي صويب

وراحوا البنات يجلسون فوق السطح .
الرجوع الى أعلى الصفحة اذهب الى الأسفل
 
رواية الرزق على الله...~
الرجوع الى أعلى الصفحة 
صفحة 1 من اصل 1
 مواضيع مماثلة
-
» صيغ الدعاء المستجاب كما حددها النبي ( صلى الله عليه وسلم ) ...وأدعية لجلب الرزق بأمر الله
» قصة / الرزق بيد الله
» رواية الله لايحرمني منك رومانسية كتير
» دعاء يجلب لك الرزق باذن الله
» ادعية لجلب الرزق انشاء الله

صلاحيات هذا المنتدى:لاتستطيع الرد على المواضيع في هذا المنتدى
*ღ منتديات احلى بنات للبنات فقط ღ*  :: ~►♥ اقـسـام الـعـبـر ♥◄~ :: أقلام أحلـى بنات ☁. :: أجمل القصص & الروايات ☕ !.-
انتقل الى: