رجعت وكل ما ترجيه، دموعـ/ن تنزف بكثرة
وقمْت تْرتِّب بْحكْيِك لجل أذرف دمع همَّال
وقلت اللي مهو بْذاتك ، وقلبك جاي من هجره
ولا همِّك حنين القلب في هجر/ن حِسَبْته زال
تغيب ويحترق هالقلب من شوقـ/ن طفح صبره
وترجع كنِّيِ البارح ؛ مزعِّلْتك بزود اهْمَال
واقول بقلبي بكرة يْحنْ ، ولكِنْ ما تِجِي بكرة
واذا قال القدر تيجي ، تدور للزعل مدخال
واقوم ابكي وفي ذاتي ؛ احارب فيني الحسرة
واقول:اصبر،وقلبي شايفـ/ن من هالعذاب اشكال
حسافاتي .. طلع عشقك تشوف بعيني العبرة
وانا اللي كنت احَسِّبْها تجيب الهمِّ لك بالحال
وكنْت احْيا أنا وقلبـ/ن يشوف الموت من قهره
ولكن للأسف والله ، طلع حبِّك لعب أطفال
عرفت تعدي و تهاجم ، بملعب بالقلب كبره
عرفت تمرر و تلعب ، ولكن دون أيّ اقوال
وخلَّص وقتك الضايع بدون ايْ فايدة وعبرة
وبعدك جاي وتحاولْ تخلي دمعتي تنهال ؟؟!
يبان ان توك بجهلك ؛ وبفصحلك انا سرَّه
عشان تْعَرف وتقدِّر من اللي هي تبيها خبال
واسمعني بصوتي اوبليا صوت بس اقره
لجل تعرف قدر دمعي وهذا اللي خفوقي قال
: أنا بنية لها عاطف رهيف الحيل من صغره
ولكن دمعة عيوني تساوي دمعة الرجال
صعب تنهل في خدي على ميت وسط قبـره
وعاد شلون على حبـ/ن أساسه مسخرة وهبال
انا ان هلت الدمعة ، احس امشي على الجمرة
وحد يمشي على جمرة لجل شيِّـ/ن برخص ريال!
ترى الدمعة بهذي العين عزيزة،شامخة وحرة
تبي تنهل،تبي تركد،مهو بشغلك،بكيف البال
وقلـبك عاشق الدمعة،و لا يحلمها في عمره
وانا الكلمة على لساني يوازي في قدرها افعال
كلامي أوضح من النور في عزه وفي ظهره
فلا تستهبل وتلعب، وكافي مسخرة واذلال
ورقعة وجهك الكاذب أبي ما الْمحها بالمرة
رحيلك عن سمايا يجعل الخيرات قربي فال
صحيح ... بغيتَ اقول قبل انسى،على فكرة
انا انسانة كتومة هادية بالحيل في كل حال
ولكن شيِ في قلبي على شخصـ/ن لِزَم جهره
ولو كان الحكي يجرح مدامه هو حقيق دال
لأنِّي ما أحب أحكي على انْسانـ/ن ورا ظهره
وعاجبني الطبع فيني عشانه يقهر العذال
دموعي وانت مو قدْها ، وقلبي جوفها بحره
وذاتك ما هيِ بكفْو/ن عشان بخدي هي تنسال

..
وسلامتكم //





[