بســـم الله الرحمـــن الرحيــم
الســـلام عليكم ورحـــمة الله تعالــى وبركاته
كيفك جميلتي ان شاء الله بخير وصحة وعافية
الهيدرات تنيناتهون بيجننو كتير حلوين والموضوع كتيير حلو وفكرته بتجنن
وخلفية الهيدر الاول لا ما ظهرت عندي ما بعرف اذا طهرت عند حدا غيري
ما رح طول كتيير بالحكي رح اجاوب عن الاسئلة
ـــــــــــــــــــــــــــــــــ
الأسئلهةة :
- كيف كانت طفولتك ؟
كانت حلوة وقضيت نص طفولتي بلبنان ونص بسوريا
- ماهي نسبة سعادتك في طفولتك ؟
ما بتذكر بس بظن كنت كتير سعيدة
- ما اكثر حادث مضحك تتذكرينه من طقولتكك ؟
ما كتير اتذكر العمر لكن قبل منسكن بسوريا كنا جايين بالصيف ع سوريا زيارة
ف رحت انا وابن خالي هو بنفس عمري طلعنا من البيت ع اساس عم نلعب قريب من البيت
ورحنا مشينا وضلينا نمشي ونطلع وننزل واماكن ما نعرفها وضعنا السبب يلي خلانا نضيع هو انو شفنا كلب وهربنا منه
وصارو اهلنا يدورو علينا وصار عتمة ونحنا ما عارفين نحنا وين ولما لقونا اهلنا ورجعونا ع البيت طلعنا
نحنا بالاصل قريبين من البيت وبنفس الشارع حتى لكن انوهمنا اننا ضعنا وما بقا نعرف نرجع
- ما اكثر حادث مؤلم تتذكرينه من طفولتك ؟
ما بتذكر
- هل درستي الحضانة ؟
اي اكيد بلبنان منفوت ع المدرسة بعمر4سنوات ومندرس سنتين حضانة
وبعدها منبدا دوام الدراسة بس انا دخلت بعمر3 سنوات
- إن كان نعم إحكي لنا بعض مغامراتك فيها
ما بتذكر اكتر من انو اول ما دخلت للصف وشفت الاولاد ينطو ع المقاعد بالصف حسيت انهوم وحوش 
وخصوصا انو كلهوم اكبر مني حسيت انهوم رح ياكلوني 
- هل درستي في المدرسة ؟ - طبعا نعم 
اكييد
- إحكي لنا بعض مغامراتك فيها ؟
الابتدائي كنت اضرب الاولاد بالمدرسة ويخافون مني
الاعدادي كنا نتفق كل بنات الصف يغيبو بيوم واحد ويكون صفنا فاضي لما يجو المعلمات ما بيلاقو احد
بالاعدادي والسانوي مدارسنا بسوريا بس للبنات ومدارس للاولاد لحالون
السانوي كانت اول ايام اهرب فيها من الحصص هي اول ثانوي وبالثاني ثانوي بتعرفي يعني تطورنا وصرت اهرب من المدرسة
وهلا انا ثالث ثانوي صرت اخر مرحلة دراسية قبل الجامعة
- هل حدث لك حادث في طفولتك جعلك تتعقدين أو تكرهين امرا معينا لحد الساعة ؟
انا بخاف من البحر من الدراجة الهوائية او النارية بخاف اقطع الشارح لحالي
بس ما بسبب حادث بس بسبب خوف اهلي الكثير علينا نحنا وصغار خلاني ضل خايفة لهلأ
- هل كنت مشاغبة ام هادئة ؟
بيقولو عني كنت هادئة بس بثرثر كتير
- هل كنت تفسدين الأمور في طفولتك ؟ لا مش دايماً
- ماذا كنت تريدين أن تكوني في طفولتك عندما تكبرين ؟
مدرّسة(معلمة) لكن هلأ لا بدي كون ممثلة
- هل تتذكرين اكثر رسمة كنت ترسمينها في طفولتك < كوخ وشجرة وشمس صصحح ؟ 
اي متل ما قلتي صح ـــــــــــــــــــ
وهيك بكون خلصت الاجابة عن اسئلة الطفولة
كتيير مكترة اسئلة 
اما بالنسبة للمرحلة يلي بين المرحلتين عنجد هي كتير صعبة
بتحسي حياتك عم تتغير بطريقة غريبة
انا صار عندي تغيير كبير كنت انصدم انو لا انا ما كبرت ما بدي اكبر
انو مثلا ملابسي يلي كنت البسها انو فساتين قصيرة وهيك وصلت لعمر ماما قالتلي ما بصير تلبسي قصير
لكن انا عاندت ما بدي وهيك بعدا بابا قلها انو ضل البس قصير
لكن لما صار عمري14او15 وقفت لبس قصير لانو صرت كبيرة بشكل كافي
اي وهيك بكتير شغلات صارت عليي فجئة بهالعمر
المهم ما كتير رح احكي بما انو الاسئلة كتييرة
رح ابدا بالاجوبة
الأسئلهةة :
- هل تعتبرين نفسك في هذه المرحلةة ام انتقلت للمراهقةة والشباب ؟
لا انتقلت للمراهقة والشباب رح يصير عمري17
- كيف تشعرين في هذه المرحلةة ؟
قلت فوق كيف بكون انو ضايعة ومصدومة بكل شي
- ما هي اكثر العبارات التي سمعتها في هذه المرحلةة ؟
صرتي كبيرة ما بصير تلبسي هيك
بعدك صغيرة ما بصير تاكلي او تشربي من هالشي
صرتي كبيرة ما بصير تضلي عم تلعبي
بعدك صغيرة ما بصير تحضري هالفيلم (افلام رعب وهيك)
- كيف كنت نفسيا أثناء ذلك ؟
ضايعة
- من اكثر الناس الذين أثروا في حياتك في تلك المرحلة ؟
ما بعرف كل المجتمع حولي كان بيئثر وانو كنت بعمر ما واعية ع كل شي
- كم كان عمرك عندما تجاوزت الحالة تلك ؟
بس خلصت الثالث متوسط يعني بال14
- هل انت راضية عن نفسك الآن ؟؟
لحدٍ ما اي بس بحب اتطور اكتر بحياتي واعمل شغلات وانجازات حلوة
هلأ وصلت للمرحلة الاهم 
مرحلة الشباب حلوة المقدمة عنها كتيير
رح ابدا فورا بالاسئلة
الاسئلهةة :
- هل انت مراهقة الآن ؟
اي
- هل تعتبرين نفسك ناجحة لحد ما ؟
اي اكييد ولازم كون اكثر نجاحا
- هل تعرفين كيفف تتخذين القرارات ام تعتمدين على اشخاص آخرين ؟
بعرف اتخذ قراراتي لانو بس اخذ رأي غيري ممكن اتشوش
- هل يهمك رأي الناس ؟
ما بهمني رأيهون فيني اذا كان كل شي عم اعملو رضيانة فيه
- هل تتعلقين بشيء ما
لا ما بتعلق بشي
- هل تشعرين بالفشل في الحياة ؟ وأنك ضائعةة ؟
لا ابدا
- ما اكثر ما يهمك الآن ؟
انو انجح هالسنة بالمدرسة لانها سنة مصيرية ومن هلأ عم ادرس
- هل إختلفت هواياتك عما كانت عليه في صغرك ام لازلت نفسها ؟
اي اختلفت شوي
- هل تحنين للماضي والطفولة ؟
اي احياناً
- هل اختلفت شخصيتيك عن الطفولة ؟
اي كتيير
واخيييرا خلصو الاسئلة
مشكووورة جميلتي ع الموضوع البيجنن
ابدعتي بالطرح يا مبدعة
واصلي ولا تحرمينا من ابداعاتك
في امان الله تعالى روعايته
>نورهان<
Hitskin.com
-
ايه الأَمَر دهه؟ 
كلشي في الموضوع يجنن وخصوصاً كاتبتهه!
