السلام عليكم
كيفكم؟ ان شاء الله طيبين
اول شي شفت مواضيع البنات اللي مسجلين من زمان ورجعوا دخلوا
قلت اسوي زيهم 
احم طيب اولاً، سجلت في المنتدى قبل 8 سنوات تقريباً، وعمري 14 تقريباً
كنت ديك الايام احب اشارك كل يوم عشان احصل على رتب وكدا
تقريباً كل يوم كنت اشارك 100 مشاركة، عشان كدا شايفين دحين مشاركاتي فوق 21 الف
وماعتقد احد من المنتدى وصل لرقمي دا فرح::::::::
المهم، اشتركت ديك الايام في منتديات كتيرة، بس اعتقد دا المنتدى الوحيد اللي ترك فيا اثر وسويت فيلو اشياء كتيرة
وصلت لأعلى رتبة وهي الادارة ~
واتعلمت الفوتوشوب وترجمت عدة انميات ومسلسلات، وانا مبسوطة اني ساهمت في دا المنتدى وتركت اثر
حتى انهم وضعوني الآن كـ(بصمة خالدة) اعتقد هدا شرف ليا
اسمي ما غيرتوا ابداً وهو Great Girl، مادري كيف دا الاسم جا في بالي لأول مرة وسميت نفسي
الاداريات اللي كانوا معايا منهم سارة وحشوني كتير ونفسي اتواصل معاهم من جديد
انا حالياً ادرس في الجامعة في قسم ادارة الاعمال
اتغيرت حياتي وانا تغيرت طبعاً
كنت اطمح اني اسير كاتبة 
، بس لقيت انو دا شي من هواياتي بس ودحين اطمح اني انشأ شركتي الخاصة 
وبس حبيت اني اترك هد الموضوع، لأني مرة اشتقت لدى المنتدى
وحبيت اني اشاركم دا الشي
شكراً :*ه*: :ننن:
Hitskin.com
