امانه ! لايجي عقبي حبيب(ن) يقلب افكارك ..!!
ياليت اعرف وش مخبي ! وشنهي اخر اسرارك !!
.. .. .. رغم ايامنا الحلوه ! احس بقلبك العتمه ,

امانه ! لايجي عقبي حبيب(ن) يقلب افكارك !!
.. .. .. اذا بتخون لمحلي عشان تهون هالصدمه ,,

حسبت الحب يغمرني ويسري بموجه انهارك !!
.. .. .. حسبت الشوق في غيابي يسبب في حشاك ازمه ,,

حسبت احساسي احساسك حسبت اخباري اخبارك !!
.. .. .. حسبتك آه .. ياطول الكلام ان جبته بعلمه ..

واذا بتسأل عن اخباري ! تعال وشوف مقدارك !!
.. .. .. تعال وناظر ابياتي بنزفي كلمه ! بكلمه !

تعال و لقن دروس الجروح المغرمه بنارك !!
.. .. .. تراك انت الوحيد اللي تجيب ألام مبتسمه !!

تعال وجيب كذباتك وغلفها مع اعذارك !!
.. .. .. تعال بكل متاهاتك تعال قلوب منقسمه !!

تعال بمسرح جروحي ومثل لعبه ادوارك !!
.. .. .. تصفق لك جماهيري من الطعنات متألمه !!

احس بجيتك ! كذبه ؟ ما عادت ريحه ازهارك !!
.. .. .. تعال وقول يافلان ترى ! مالك علي لزمه !!

بعدها شوفني راحل ! و لاهمتني اقدارك !!
.. .. .. انا اصلا قبل عشقك بقايا آمال متحطمه !!

واخير القول تسمعني اذا باقي على اذكارك ..
.. .. .. مدامك ناوي الفرقا قرار ولازم احترمه : -

امانه ! لايجي عقبي حبيب(ن) يقلب افكارك ,,
.. .. .. اذا بتخون لمح لي عشان تهون هالصدمه ,,
*********متلثمه بشماغ خاينها