كفايه صار لك شهريـن غايـب عنـي يالغالـي
كفايه يـا اعـز النـاس تـرا والله مـا اقـدر
دخيلـك لا تخيـب فيـك هقـواتـي وامـالـي
واذا انها عالصبر والله وغلاتك عندي راح اصبر
ابتحمـل عنـا فرقـاك وحالـي يرثـي لحالـي
معني والله لين اليوم مدري ليـش بـس تهجـر
ابعرف شالسبب ارجوك وش اللي بس يجرالـي
انا شسويت يا ربـي عشـان تثـور وتتفجـر
انا والله ما استاهـل ابـد كـل اللـي يجرالـي
اقل ما فيها بـس قللـي سبـب خـلاك تتغيـر
ابعرف بس شالموضوع علامك صرت ما تبالـي
بذمة كل اهلك فيوم شفتني بشـي انـا مقصـر
عطيتك قلبي وروحـي وهبتـك حالـي ومالـي
حملت احساس هالدنيا وعطيته لك وانـا افخـر
عشقتك عشق لا قبله ولا بعـده انعشـق تالـي
هويتك موت واتخيـل اليـن المـوت واتصـور
واذا جاني مسج منـك مخـزن رقمـك الغالـي
ولا امسـح رسالاتـك اتـم اقـراهـا وافـكـر
واحلـل كـل كلمـه بالمسـج الله يـا غربالـي
واقول بخاطري معقوله حاسـس فينـي ويشعـر
وارد اقـول لأ يمكـن تذكرنـي وهـو سـالـي
لاني توني مطرش مسج طـرش مسـج يشكـر
وارد اقـول لأ ادري يبينـي وحاسـس بحالـي
وارد اقول لا ما اظـن عـلا بالـه انـا اخطـر
الين انـي انـا اتاكـدت قلبـه بالفعـل خالـي
ولا غيري انـا بقلبـه يحبنـي مـوت ويقـدر
لاني مره ملمـرات طـرت فكـره علـى بالـي
نويت ازعل بدون اسباب واشوفـه لـو بيتاثـر
ابعرف قدري بقلبـه بيهمـه وضعـي الحالـي
او انـه راح يطنشنـي ولا ياسـال ويستفسـر
وفعـلا دق مـا جاوبـت حرقلـي والله جوالـي
ثلاث الاف مـره دق وانـا مطنـش ولا معبـر
كتبلي بالمسج اطلـع انـا عنـد بابـك الحالـي
قسـم بالله مـا تطلـع لاخربهـا انـا واحقـر
ومشكلتـي اعرفـه زيـن يسويهـا ولا يبالـي
نزلت وخاطره مكسـور يقـول شفيـك متغيـر
وقلتلـه بـس ابتاكـد اذا قـدري معـك عالـي
ظحكلي وقالـي اتاكـدت ودمعـه بلـل المحجـر
وطارت فينـي الدنيـا لمكانـي صاحبـي جالـي
تعذر لي وانا الغلطـان وانـا اللـي لازم اتعـذر
بعدها عشت احلـى ايـام فـي قربـه ياهنيالـي
وصلنا لمرحله ما نفترق عـن بعضنـا واكثـر
بعدها فجـاه خلانـي ولا يسـال عـن احوالـي
وانا فـي خاطـري ادري محـال فيـوم يتغيـر
ادق له ما يجاوبنـي بديـت اشـك فـي حالـي
آخاف انه حصل له شـي اخافـه بـس متكـدر
لعب في قلبـي الوسـواس خيالـه مـا تهيالـي
حوالي الف مسج طرشت حبيبي يا عسى ما شر
ولا جاوب وانا قاعد على اعصابـي وغربالـي
حبيبي صار له اسبوع فينـي حتـى مـا فكـر
الين اني عرفـت شلـون اخلـي خلـي الغالـي
يكلمني وجت فكره بعـد مـا مـت وانـا افكـر
وفعلا اتصل فينـي وبـدت احزانـي واهوالـي
وكانت صدمتـي كبيـره علـي الغالـي اتغيـر
سالته قلتله وش فيـك مـا مـن شـر يالغالـي
وش اللي صار بالدنيـا علامـك ليـش متبعثـر
او انك يعني ما تدري بدونك صرت انـا لحالـي
ولا لي خلق اي انسان كثر ما فيـك انـا افكـر
وجاوبني وقال ارجوك ابـي هالدنيـا تصفالـي
انا مليت مـن وظعـي واشـوف الكـل متغيـر
انا ظاقت بي الدنيـا وابـي ابقـى انـا لحالـي
خلاص اتركني لا تسال وانا برجع عقب اشهـر
وقلتله مو علي تكذب اعرفـك تضعـف قبالـي
تكلم قول شالموضـوع بـدا قلبـي يـدق اكثـر
سكت لحظه وقال ارجووووك ابعد عني يالغالـي
وخلني اذكـرك بالخيـر وانتـه مثلـي اتذكـر
ولا اتطرش مسج واحد ولا اتدق لي ابـد تالـي
واذا لي خاطـرن عنـدك لا تتكلـم ابـد سكـر
وقلتله والله ما اسكـر اليـن تقـول وتصفالـي
وقالي والله ما اتكلـم ولـو تبكـي دمـع احمـر
ولكن شوف ربعك وانته تعرف بس وش جالـي
خلاص افهمها عالطاير ولتحرجنـي بعـد اكثـر
وسكر والدمـع فينـي علـى الخديـن همالـي
قسـم بالله مـا ادري علامـه قلبـه اتحـجـر
فوادي انهار وانا حملـي يهـد جبـال وجبالـي
في لحظه صارت الدنيا في عيني هالكبر واصغـر
حسافـه مـا توقعتـه يصـدق فينـي عذالـي
حسافه ما هقيتـه يـوم يصـد عنـي ويتغيـر
بعدها صارلي مـا صـار وربـي يعلـم بحالـي
فوادي باقي بس شوي واحسه مالجسـم يظهـر
بديت اعرق ومدري ليش وخابـت كـل امالـي
نا اتوقعت كل النـاس ولا توقعـت هـو ينكـر
وقلت بخاطـري خلـه مصيـره يرجـع الغالـي
كيد انه سمـع اي شـي وجـوه صـار متعكـر
ولكـن طـول اغيابـه وزادت فينـي اعلالـي
مرض قلبي تعب فكري واحسه جسمـي متخـدر
وقلت خلني اطرشله مسـج واشكيلـه احوالـي
وطرشت المسج وشوي دق لي ودون مـا افكـر
هلا والله يا اغلـى النـاس هـلا والله بالغالـي
لــو مــا قلتـلـك لا تذكـرنـي او اذكــر
ابي بس اذكرك بالخير ياخي خلنـي فـي حالـي
وقلت وخاطري مكسور انا اسـف ومـا اكـرر
قسم بالله ليـن اليـوم وحالـي يرثـي لحالـي
قسم بالله الين اليوم ولا ادري ليش اهـو اتغيـر
قسم بالله ما غطـت عيونـي ولا هـدى بالـي
قسم بالله مـا مـر يـوم الا وفيـه انـا افكـر
قسم بالله قلـت بنسـاه بـس طيفـه يتهيالـي
قسـم بالله لـو حاولـت انـا انسـاه اتـذكـر
الين اليوم انا عنـدي امـل يرجـع ويصفالـي
قول الشوق بيـرده علـى فرقـاي مـا يقـدر
الين اليـوم وضحكاتـه وبسماتـه علـى بالـي
الين اليوم ما ارقـد كثـر مـا فيـه انـا افكـر
ابعرف شالسبب ارجوك وش اللي بس يجرالـي
انا شسويـت ياربـي عشـان تثـور وتتفجـر
انا والله ما استاهـل ابـد كـل اللـي يجرالـي
قل ما فيهـا بـس قلـي سبـب خـلاك تتغيـر
ابعرف بس شالموضوع علامك صرت ما تبالـي
بذمة كل اهلك فيوم شفتني بشـي انـا مقصـر
انا راح انتظر ردك ولـو حتـى بمسـج خالـي
واذا ما جاني منك الرد وغلاتك عندي راح اصبر
سنه سنتين اللـي يهـم اشوفـك ثانـي قبالـي
لاث سنين او اربع ابصبـر يعنـي راح اصبـر
ولكن حكم احساسك وجاوب يا اغلى كـل غالـي
ذمـة والديـك يهـون تنسـانـي ولا تـذكـر
يهـون انـك تخلينـي ولا تسـال ولا تبـالـي
هون انـك تنـام الليـل وتتركنـي انـا اسهـر
كفايه صـار لـك كـم غايـب عنـي يالغالـي
كفايه يـا اعـز النـاس تـرا والله مـا اقـدر
دخيلـك لا تخيـب فيـك هقـواتـي وامـالـي
واذا انها عالصبر والله وغلاتك عندي راح اصبر
شرفوني بردودكم (=
Hitskin.com
