يبة شلونك ملل الدنيا بدونك

يبه شلونكـ ... ملل الدنيا بدونكـ





وكأن البنت تكلم أبوها وتقول


يبـه شلـونكـ
يبه شلونكـ...ملل هالــكــون من دونكـ ..
يبه شلونكـ ؟؟وتمضي رحلة الدنيا..
بليا طلة عيونكـ..؟؟!!


يبه شلونكـ؟؟وشلون المرض وياكـ ؟؟
بعد ماهدكـ بدنياكـ..عساها تغمض جفونكـ ؟؟
تبي تدري عن أحبابكـ ؟؟عن عيون تغنا بكـ ؟؟عن قلوب دفنها الشوق..واذا جاها الغفا جابكـ ؟؟




.. يبه امي تخيلكـ دوم...تغني لكـ مع القمرا..
يبه واللي خذاكـ بيوم....خذا بنيتك بكرا..
.. وياماخذا.. وياما..خذا ناس يحبونكـ
يبه حنا صرنا كبار..توفقنا وتخرجنا..
يبه ماعاد فيه صغار..يموج بهالزمن كل شي..
وحنا ماتموجنا..على ذاكـ العهد نسري..
نبيع العمر والدنيا..ولا تخلف بنا ظنونكـ




يبه شلونك ـ؟؟تبي تدري عن اخباري ؟؟
عن افكاري وتذكاري ؟؟




اشيلكـ داخلي جمره ..وبعيون الحزن عبره..تغرقني .. وتحرقني..
اشوفكـ نجمة تجبر..مراعيها .. يراعيها..




واشوفكـ للرجوله اسم..اذا شد الزمن تقسى..
واحلم من معاني الحلم..احسكـ مقبل بكرى..
وعيا لايجي بكرى !!
يبه تذكر زمان مر؟؟
يبه تذكر مجالسنا ؟
مقلطنا ومجلسنا ؟وحارتنا ومسجدنا ؟يبه تذكر هدايا العيد ؟
صلاة العيد؟ وبشت العيد ؟يبه تذكر سوالفنا ؟
لاجل هذا ..
وكل هذا ..اقول اليوم يايبــه ..
ملــــــــــــــل هالكون من دونكـ




يبه وينك ؟؟ .... ولهت لنظره من عينكـ ....
يبه وينكـ ؟؟
اشوفه طوّل غيابكـ !! ... و من ودّاكـ .... ما جابكـ !!
قالوا ما يدوم الزين !! ... و انا عندي امل للحين ..
و لكني اعرفكـ وين !!
يبه وينكـ ؟؟

عسى الداعي يبه بس خير ؟!!
عساكـ بخير .... مداين تكرم لعينكـ ...
بس ارجوكـ علمني ...
علمني .. يبه وينكـ ؟؟



سألت امي عن رجوعكـ ... ولا كني اعرفكـ وين !!
و قالت .. ما يدوم الزين !! ...
و انا .. عندي امل للحين ..
في رجوعكـ !! .... يبه بس تكفى علمني ....
متى رجوعكـ ؟؟ .... يبه بس تكفى علمني .
وش احلى من طلوع اثنين ؟؟
طلوع الشمس .... و طلوعكـ
يبه وينكـ ؟؟ سألت امي ...... غيابكـ طال ؟؟ ولا كنّي اعرفك وين !! و قالت مثل ما قالت .. حسافه ... ما يدوم الزين ...
مع كل هذا صدقني .. انا عندي امل للحين !!
سؤالي عنكـ يالوالد .. صار كما الموال
و اشوفه طال ... والله طال ..
حزين .. بلحنه و حروفه ... يخاف .. يموت من خوفه ... و قلب كان اقوى قلب ... ضعف .. من قسوة ظروفه ..

يبه .. ارجوكـ علمني ...
تشوف اللي انا اشوفه ؟؟
انا اشوفكـ نهار و ليل ...
في وسط المجلس تصلي ..
و تدعي الرب ييسر لي ..


يبه ..
ما عاد بي من حيل .. وين الحيل ؟؟
و انا اشوفكـ نهار و ليل .. مع اني ادري ما ترجع !!
غريبه .. بعدها تدمع .. عيوني من هموم البين !! .... و ادريبه مكانكـ وين !! ...
مع َ هذا .. ارد و اسأل !! يبه .... وينكـ ؟؟
و لا كني اعرفكـ وين !! شبكت العشر في غيابكـ ... على راس ٍ كساه الشيب .. و من وداكـ ... ما جابكـ .. و لا ادري وش يخبي الغيب !! ... و جرح ٍ عذب احبابكـ .... يبه ..عيّا يخف و يطيب !! يبه.. كل جرح في الدنيا .. مصيره بالدوا يلتم ... و لكن البلا من جرح ..

نزف فرقاكـ ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!!
ينزف ... بس بليّا دم .. و زاد الهم فوق الهم ... و دام انكـ يبه غايب ... جروح الغيبه ما
تـلتم .. بس عندي امل للحين !! ... و لا كنّي اعرفك وين !!

يبه .. ذكراكـ تفرحني .... في نفس الوقت تجرحني !! ... لا من جبت في طاريكـ ... دموعي غصب تفضحني ....

يبه .. تذكر ليالي الصيف ؟؟ عرس الحي .. و رقص السيف ؟؟
و كرم قلبكـ معَ هـالناس .. كل كان في بيتك ضيف ..
الا يا حيف .... الا يا حيف ..
زمن قاسي .. زمن قاسي ...
اخذ مني بلا رحمه ... اخذ مني اعز ناسي !!
و خلاّ لي سهر هالليل .. في عيني ضيف .. الا يا حيف !!
يبه وينكـ ؟؟ تعال و شوف ... كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلكـ في كل ظروف ..
يبه وينكـ ؟؟ تعال و شوف .. صحيح الدنيا ما ترحم .. تجرعنا التعب انواع ... و لكن الأمل ما ضاع ..
و انا عندي امل للحين !! ... و لا كني اعرفكـ وين !!
يبه تذكر شطانـتـنا ؟؟
انا و اخواني و اخواتي ... معانا عيال حارتنا ..
نلعب في زوايا البيت .. يبه ... والله انا حنيت ..
لذاكـ الوقت في وجودكـ ... الآ يا ريت ... الآ يا ريت ...

ترجع .. يا يبه حنيت .. حسافه الدنيا ما ترحم ...
خذت منا سعادتنا ... خذتكـ بعيد .. و خلتنا !!!
يبه امي تذّكرنا ... بأيامكـ قبل ما تروح ... تناديها.. يا روح الروح .. تغازلها و تنظر لك .. مثل طفله ... ملامحها عشق مفضوح ...
في ذاك الوقت .. كنا صغار ... معَ هذا ... كنا نغار .. عليها .. او بعد منها ... كنا نغار
نحبكـ يا يبه ... ارجع .. مثل شمس الفجر .. اطلع
حزينه الشمس في غيابكـ .. و نفس الحزن في احبابكـ .. واخاف الشمس من حزني .. تغيب و ما بعد تطلع !! .. يبه ارجع !! ... اذا لي خاطر فـ قلبكـ ..
تعال و زورنا بس يوم ... مع انه ما يكفينا .. نشوفكـ يوم .. نبي حضنكـ يدفينا .. و نشوفكـ دوم ..



لكن قلّت الحيله ... و يمكن مـ البطا ضاعت ..
و قلنا يوم !!
يبه سامحني بترخّص ... قبل ينشف حبر الأقلام .. كلامي بعده ما خلّص .. و لكن موعد الأحلام .. حان .. ولازم اوفي له.. بعد ما ضاعت الحيله .. اشوفكـ والوعد باكر !!
اذا فكّر يجي باكر ..!! .. و برجع اسألكـ وينكـ !!
بس لازم تجاوبني .. ترى عندي امل للحين !! ..
و لا كني اعرفكـ وين ..!!



يبه شلونكـ ؟

ملل هالكون من دونكـ
يبه شلونك ؟
وتمضي رحلة الدنيا ... بليا طلة عيونك
لاجل هذا ... وكل هذا ... اقول اليوم يابـيـي
ملل هالكون من دونك






النص من أجمل قصائدالشاعر مسفر الدوسري
هي قصيدة كتبها رثاء بوالده رحمة الله عليه


:مع السلامة3:

تم تعديل الرد من قبل العسل لانه سطحي

الله يخليج

حبي



لاتحرمينا من جديدك