في يــوم من الأيــام

قرر "محب" إنه يعزم "حبيبته" على الغدا وياريته ما عمل كده

لإن البنت دى مش عاجبها العجب ولا الصيام فى رجب زى مابيقولو
شوفوا الحوار وأحكموا بنفسكوا>>>>>

"هو": تطلبي إيه؟

"هي": مش عارفة إنت هاتطلب إيه؟

"هو" : أنا هاطلب بيتزا

"هي": ماشي ، وأنا كمان

"هو": طيب

"هي": ولا أقولك ، بلاش

"هو": ليه عاوزه حاجة تانية

"هي": لأ ، مش عارفه

"هو": انتي جعانة

"هي": إممم ، مش عارفه

"هو": يعني إيه مش عارفة ، أكيد الواحد بيعرف هو جعان ولا لأ

"هي": نص نص

"هو": يعني أطلبلك معايا

"هي": لأ

"هو": خلاص

"هي": ولا أقولك ، يمكن أجوع كمان شوية

"هو": خلاص هاطلبلك وعقبال ما يجي الأكل تكوني جوعتي

"هي": طيب أفرض لما يجي الأكل أكون لسه ما جوعتش!

"هو": خلاص ، خلي الأكل قدامك ولما تجوعي إبقي كلي

"هي": ما كده الأكل هايبرد

"هو": خلاص نطلب أكل تاني

"هي": بس كده يبقى تبذير

"هو": نبقى نأخد الاكل البارد معانا تيك أواي ونبقى نأكله بعدين

"هي": طيب إفرض ما كانش ليا نفس للبيتزا بعدين

"هو": خلاص أكلها أنا

"هي": وأنا ما أكلش

"هو": جننتيني ، يعني اطلبلك ولا بلاش

"هي": بلاش احسن

"هو": خلاص أنا هاطلب لنفسي علشان انا جعت جدا

"هي": ماشي

"هي": بس أطلب بيتزا بالتونة
"هو": بس أنا مابحبش البيتزا بالتونة

"هي": بس أنا بحبها

"هو": بس أنا إللى هاكلها

"هي": ما يمكن على ما ييجي الأكل أكون جعت وأكل معاك

"هو": هو أنتي عاوزة تأكلي ولا لأ

"هي": إحتمال

"هو": يعني أنا لازم أطلب بيتزا بالتونة علشان إنتي (إحتمال) تأكلي معايا

"هي": أيوه بالظبط

"هو": طيب لو أنتي جوعتي وأكلتي البيتزا بتاعتي أنا هاكل إيه؟

"هي": ما انا ممكن ما أكلش أصلا معاك

"هو": رحمتك يا رب

"هي": مالك فيه إيه ؟؟

"هو": يعني دلوقتي لو أنتي ما أكلتيش ، أنا هاكل بيتزا مش بحبها

"هي": يعني أنت تاكل و أنا ما أكلش؟


هههههههههههههههههههه

انا بجد لما قريتها تعبت من كتر رخامتها
انتوا رأيك ايه ؟؟؟؟؟؟؟؟؟؟؟ظ

إيش العبط داه خخخخخخخخخخخخخخخخخخخخخخخخخخخخخخخخ<<<هع

يسلمو ابهرينا في جديدك

عنك حق واللهى بس يلا خلينا نضحك شويه ومشكووووره حبيبتى على مرورك

ههههههههه شكرا حبيبتي ع الموضوع ويعيطيكي ربي الف عافية


وننتظر ابداك القادم بفارق الصبر

كنت أبحث عن شيء مميز أرد عليه ..

أنتقل من موضوع لآخر ،من فكرة إلى أخرى ...

تاهت بي السبل ، وضيعت معالم الطريق ...

وها أنذا ، قد وصلت أخيرا ...

ووجدت ما كنت أبحث عنه ..

شكرا لك ، تعلمت الكثير ...

وفي انتظار الاكثر لأستزيد ..


مع التحية ..


ملاك الارض

يا نهارى يا نهارى الردود الحلوه دى كانت فين من زمان يا احلى بنوتات

لا انا مقدرش على كده تسلمولى يا اجمل الجميلات على المرور والردود الجميله

ملاك الارض مش لازم رد مميز ده انتى مروك لوحده شرف ليا

وما تحرمونا ممن طلتكم الحلوة

سلموووووووووووووووووووو قلبو ع الموضوع المميز
واكملي ع هذا النحو

الله يسلمك يا رنو الحلوه

وما تحرمينا من طلتك يا حلوة

هههههههههههههههههههههههههه ده انا راسى وجعتنى مشكوووورة

:شكر::